Üthürzehetako lepoa

Üthürzehetako lepoa
Geografia
Altuera	1.578 m eta 1.577 m
Mendikatea	Pirinioak
Lurraldea	Larraine eta Otsagabia

Üthürzehetako lepoa^[1] (Iturzaetako lepoa^[1] edo Larraineko lepoa^[2] ere deitua; frantsesez: port de Larrau edo Uthurzéhétako lépoua;^[1] gaztelaniaz: portillo de Iturzaeta^[1]) Larraine (Zuberoa) eta Otsagabia (Nafarroa Garaia) udalerriak lotzen dituen mendatea da. Itsas mailatik 1.573 metroko altitudean dago.

Geografia

Ohiko abiapuntua da Orhi (2.018 m.) mendira igotzeko, bai eta ekialdean duen Otsogorrigañera ere. Ekialdean ere Holtzarteko arroilak ditu. Olhadoko erreka bertan du iturria.

Toponimia

Gaur egungo frantsesezko Larrau toponimoak^[3] Larraun forma ere izan du, historian: Sanctus Johannes de Larraun eta l'ospitau de Larraun (1174an eta 1385ean, Duchesne bilduma CXIV).^[4]

Igoera

Zuberoako aldetik Larraineko Laugibar aterpetik igo daiteke RD-26 errepidetik, mendatearen ipar-ekialdean kokaturikoa. Igoerak 15,3 kilometroko luzera du. Bertatik 1.205 metro igotzen dira (batez besteko %7,9a). Tarte batzuetan %10 gradiente du, gehiengoa %13a izanda. Larrainetik gainera ailegatzeko 1.362 metroko altueran dagoen Erroimendiko mendatea igaro behar da.

Otsagabitik hasita, mendateak 19,3 kilometroko luzera eta 100 metroko tunela ditu gainetik gertu. Alde horretatik, NA-2011 errepidetik, 815 metro igotzen dira (batez besteko %4,2a), gehiengoa %8a izanda.

Frantziako Tourra

Üthürzehetako lepora bitan igo dira txirrindulariak Frantziako Tourrean: 1996an eta 2007an.^[5] Lehendabizikoz igo zutenean, Miguel Indurainek denbora asko galdu zuen, Iruñera zihoan etapa batean. 2007an, lasterketa osoko mendaterik gogorrenetariko bat izan zen, Orthezetik Aubisquera zihoan etapan egindakoa.

Datuak

Urtea	Etapa	Kategoria	Hasiera	Bukaera	Lehendabizikoa tontorrean
2007	16	Hors Categorie	Ortheze	Gourette-Aubisque	Txente García Acosta
1996	17	Hors Categorie	Argelèrs de Gasòst	Iruñea	Richard Virenque

Erreferentziak

1 2 3 4 «Üthürzehetako lepoa (-a) (Mendatea)», Euskal Onomastikaren Datutegia (Euskaltzaindia).
↑ Ubiria, Maite. (2021-11-15). «Muga ireki dezatela eskatu dute herritarrek Larraineko lepoan» naiz: (kontsulta data: 2026-02-16).
↑ Paul Raymond: Dictionnaire topographique Béarn-Pays Basque
↑ Duchesne Bilduma, 99-114. Liburukiak, Oihenarten paperak - Frantziako Liburutegi Nazionala-
↑ Larraineko mendatea Frantziako Tourrean

Kanpo estekak

Pirinioetako zeharkaldia: Hendaiatik Hiru Erregeen Mahaiara (III),Orbaizeta-Larraine 2.000 metrotik goiti" (Argia. com, 2007-07-08 -- 2096. zk.)

Datuak: Q1851165
Multimedia: Larrau (mountain pass) / Q1851165

[EODA,_Üthürzehetako_lepoa_(-a)_(Mendatea)-1] 1 2 3 4 «Üthürzehetako lepoa (-a) (Mendatea)», Euskal Onomastikaren Datutegia (Euskaltzaindia).

[Ubiria,_2021-11-15-2] Ubiria, Maite. (2021-11-15). «Muga ireki dezatela eskatu dute herritarrek Larraineko lepoan» naiz: (kontsulta data: 2026-02-16).

[Raymond-3] Paul Raymond: Dictionnaire topographique Béarn-Pays Basque

[Duchesne-4] Duchesne Bilduma, 99-114. Liburukiak, Oihenarten paperak - Frantziako Liburutegi Nazionala-

[5] Larraineko mendatea Frantziako Tourrean

[1]

[2]

[3]

[4]

[5]