Wikipedian sakontzeko

Sakontzeko orriak...

Taulak Irudiak Txantiloiak Erreferentziak Formulak Koloreak Hizkuntzarteko loturak Denbora lerroak Koordenatuak

Ikus, gainera...

Tutoriala Proba orria

Oharra: Euskarazko Wikipedian ez dugu oraindik erreferentziei buruzko politika ofizialik; beraz, hemen jasotakoak azalpen lagungarriak dira, ez dira arauak.

Erreferentziak edo aipamenak Wikipediako artikuluetako informazioa zein iturritatik lortu den jakinarazteko erabiltzen dira. Iturri fidagarriak izan behar dute, hala nola testuliburuak, gaiari loturiko monografiak edota bestelako argitalpenak. Beste lankideek iturrion zuzentasuna erraz egiaztatu ahal dezaten eta, oro har, azkar kontsultatzeko aukera izan dezaten, iturriak interneten eskuragarri izatea hobetsiko da, aipu gisa eduki horietarako lotura ipinita.

Erreferentzien bidez, hortaz, artikuluan jasotako informazioa egiaztatu ahal izango da. Horretarako, erabilitako iturriak ahalik eta sendoena izan beharko du.

Erreferentziak nola txertatu erakusten duen bideoa.

Erreferentzien zerrenda (Bibliografia, orriaren amaieran edo idazlanaren azken orrietan egon ohi dena)

Erredakzio estiloa

Aipuak edo aipamenak edo erreferentzia bibliografikoak testu batean idazterakoan, erredakzio estiloari dagokionez, nazio arteko haibat arau daude, eta editoreak edo egileak berak aukeratu ohi du gehien gustaten zaiona, normalean, bere jakintza arloan erabili ohi dena. Dena den, estilo batzuk eta besteak ez dira elkarrekin oso ezberdinak. Wikipediak ez du estilo ofizial bat. Oro har, idazteko estilo orokorra eta askotan erabiltzen diren laburdurak Wikipediako artikulu honetan ikus ditzekezu: Aipu edo aipamen eta erreferentzia bibliografikoak.

Erreferentzia automatikoak

Ikusizko Editorea erabiltzen baduzu (hau da, "Aldatu" botoiari ematen badiozu artikulu batean) edo zure beta hobespenetan Wikitestu modu berria sakatuta baldin baduzu, aukera duzu erreferentziak automatikoki sartzeko Aipatu botoiari emanda. Citoid teknologia erabilita, ISBN, DOI edo URL bat har dezake eta erreferentzia automatikoki egin. Baliteke zerbitzu batzuekin hauek eskuz egokitu behar izatea, batez ere formatu okerra duten webguneetan.

	Irudian ikusten den bezala, behin Aipatu botoiari emanda, aukera izango dugu "Automatikoa" jartzen duen leihotxoan kode bat sartzeko. Kode hori izan daiteke URL, DOI, ISBN edo PMC/PMID kode bat. Behin sartuta Sortu botoiaren gainean klik egin eta emaitza emango digu.
	Citoid sistemak jatorrian bilaketa egingo du eta erreferentzia landu bat emango digu. "Txertatu" botoiari eman beharko diogu onartzeko eta artikuluan sartzeko, bestela desagertuko da. Behin artikuluan sartuta, aldatzeko aukera egongo da, baina horretarako errazena "Aldatu iturburu kodea" botoiari ematea izango da.

Erreferentziak berrerabiltzeko aukera egongo da, "Berrerabili" botoiari emanda, baina Ikusizko Editorea erabiltzen badugu baino ez.

Erreferentziak eskuz

Sinpleak

Artikulu batean aipamen bat jasotzeko, ondokoa idatzi beharko da erreferentziatu nahi den esaldiaren bukaeran:

erreferentzia

Adibidez:

Antio Zumarragako parrokia izan zen 1576 arte.[http://www.zumarraga.net/eusk/cultura/ermita-la-antigua.asp Antio baseliza Zumarragako webgunean]

Ondoren, artikuluaren bukaera aldera, baina «Kanpo loturak» eta «Ikus, gainera» atalen gainetik, «Erreferentziak» atala sortu beharko da. Horretarako, idatzi hau:

== Erreferentziak ==

{{Erreferentzia zerrenda}}

Atal horretan, testuaren barnean aurretik sortu ditugun erreferentziak agertuko dira zerrendaturik.

Anizkoitzak

Erreferentzia bera testuan behin baino gehiagotan agertzen bada, badago modu bat, erreferentzia izendatu eta behin eta berriz erabiltzeko. Erreferentzia lehenengo aldiz azaltzen denean, honela idatzi («erreferentzia izena» horren ordez, kasu horri dagokion izen bat jarri):

erreferentzia

Bigarren aldiz azaltzen denean, hau idatzi:

Biak bateraturik agertuko dira «Erreferentziak» atalean.

«Oharrak» eta «Erreferentziak» banandu

Askotan nahi dena izan daiteke, artikulu baten erreferentzia-iturriak eta oinean eginiko azalpen osagarriak banatzea, bi ataletan: bata, oharretarako; bestea, erreferentzietarako.

Horretarako group= aukera erabili dezakegu <ref> etiketa erabiltzen dugunean, name= ere erabiltzen den bezalaxe. Era honetan erreferentziak eta oharrak multzo banatan sar ditzakegu. Talde identifikatzailea <ref> eta bukaerako <references /> etiketetan erabili behar da, bukaerako </ref> etiketa ez da aldatzen.

Esate baterako:

A adierazpenaA adierazpena azaldua

B adierazpenaB eta D adierazpenak azalduak.

C adierazpenaC adierazpenaren erreferentzia

D

E adierazpena'{{#tag:ref|E adierazpena azaldua.Barruan duen erreferentzia E adierazpenaren azalpena erreferentziatzeko.|group="oh"}}

== Oharrak ==
{{erreferentzia_zerrenda|taldea=oh|}}

== Erreferentziak ==

{{erreferentzia_zerrenda}}

Eta honela ikusiko litzateke

A adierazpena^{[oh 1]}

B adierazpena^{[oh 2]}

C adierazpena^[1]

D adierazpena^{[oh 2]}

E adierazpena^{[oh 3]}

Oharrak

---

1. ^{^} A adierazpena azaldua.

2. ^ ^{a b} B eta D adierazpenak azalduak.

3. ^{^} E adierazpena azaldua.^[2]

Erreferentziak

---

1. ^{^} C adierazpenaren erreferentzia.

2. ^{^} E adierazpenaren azalpenaren erreferentzia

Era honetan, banatuta izan ahalko dira alde batetik, artikuluan lekurik ez duten azalpen osagarriak eta erreferentzia bibliografikoak.

Erreferentziak nola eskatu

Artikulu bateko datu batek erreferentzia edo aipua behar baduela uste baduzu, idatz ezazu ondorengo kode hau datuaren ondoren:

{{erref behar}}

Adibidez, hau idatzita:

Antio Zumarragako parrokia izan zen 1576 arte.{{erref behar |data = 2010eko otsaila}}

ondorengo hau agertuko da:

Antio Zumarragako parrokia izan zen 1576 arte.^{[erref. behar]}

Erreferentzia falta orokorra

Hainbat artikuluk ez du batere erreferentziarik. Aipuak behar dituela ikusten baduzu, jar ezazu ondorengo txantiloi hau artikuluaren hasieran, aipamenak sar ditzatela eskatzeko:

{{erreferentzia falta |data = 2010eko otsaila}}

Horrela, txantiloi hau agertuko da:

Erreferentziak artikuluaren atal batek (eta ez artikulu osoak) behar baditu, idatz ezazu txantiloia honela:

{{erreferentzia falta |Atal |data = 2010eko otsaila}}

Hartara, txantiloi hau agertuko da:

Artikuluaren bukaeran erreferentzia zerrenda bat badagoela baina erreferentzia bakoitza dagokion pasartearen atzean txertatu behar dela ohartarazi nahi baduzu, adibidez {{erreferentzia falta | oharra = Artikuluaren bukaeran badago erreferentzia zerrenda bat, baina erreferentzia bakoitza dagokion pasartearen atzean txertatu behar da (ikus [[Laguntza:Erreferentziak|erreferentziei buruzko laguntza orria]]). | data = 2030eko otsaila}} kodea erabil dezakezu. Hau da emaitza:

«Erreferentziak» eta «Bibliografia» atalak banandu, txantiloi bidez

{{Sfn}} txantiloia erabiltzean, aipu motzak (egilea-data-orria motakoak) eta «Bibliografia» atalean dauden aipu osoak banantzen dira. Aipu motzean agertuko dira: egile(ar)en abizena(k), urtea eta orrialde zenbakia(k). Aipuan, abizenaren gainean klik eginez gero, «Bibliografia» ataleko iturri horren aipu osoaren lerrora joango gara. Horretarako, «Bibliografia» atalean, aipua osoa idatzi behar da {{Erreferentzia}} txantiloia erabiliz, ondo zehaztearren zein den egilearen abizena eta zein urtea, horien bidez erlazionatzen baditu Wikipediak aipu motzak eta bibliografiako erreferentzia osoak. Adibidez, Asterix eta Obelixen komiki honekin:

Bibliografia

• René, Goscinny; Uderzo, Albert. (2009). Asterix eta Obelixen urtebetetzea. Urrezko liburua. Bruño ISBN 978-8421683965..

Ikus, gainera

• Wikipedia:Egiaztagarritasuna
• Wikipedia:Estilo gida
• Txantiloi:Erreferentzia
• Txantiloi:Erreferentzia behar
• Txantiloi:Erreferentzia falta
• Txantiloi:Sfn
• Kategoria:Erreferentzia txantiloiak
• Kategoria:Iturri aipamenarekin arazoak dituzten artikuluak
• Kategoria:Estilo bibliografikoak
• Aipu eta erreferentzia bibliografikoak