Godfrey Binaisa

Godfrey Binaisa
5. Ugandako presidentea
Ugandako Kanpo Arazoetako ministroa
Ugandako Fiskal Nagusia
Bizitza
Jaiotza	Buganda, 1920ko maiatzaren 30a
Herrialdea	Uganda
Heriotza	Kampala, 2010eko abuztuaren 5a (90 urte)
Heriotza modua	berezko heriotza: miokardio infartu akutua
Hezkuntza
Heziketa	Londresko King's College ; Dickson Poon Zuzenbide Eskola
Hizkuntzak	ingelesa
Jarduerak
Jarduerak	politikaria
Ideologia eta sinesmenak
Alderdi politikoa	Ugandako Askapen Nazionaleko Frontea

Godfrey Lukongwa Binaisa (Kampala, 1920ko maiatzaren 30a - ibidem, 2010eko abuztuaren 5a) Ugandako 5. presidentea izan zen, 1979ko ekaina eta 1980ko maiatza artean.

Binaisa hil zenean, 2010ean, Ugandako presidente ohi bakarra zen, Yoweri Museveni 9. presidentea zela, 1986tik.

Ibilbide politikoa

Ugandan, Makerere unibertsitatean, eta Londresen zuzenbidea ikasi zuen. Abokatu gisa lan egin zuen eta Ugandako Herriaren Kongresua (Uganda People's Congress, UPC) alderdiarekin bat egin zuen, Uganda independenteko lehen gobernua osatu zuena. 1962an Ugandako fiskal nagusia izendatu zuten eta 1968an dimisioa eman zuen, Milton Obote presidentearekin ez ados.

Idi Amin boterera iristean Binaisa erbestera joan zen, Londresera eta AEBra, eta Ugandara itzuli zen hura erori zenean, 1979ko apirilean. Giro arras nahasi batean, bai Ugandan bertan, bai nazioartean ^[1]. 1979ko ekainaren 20an Idi Aminen erbesteko oposizioa biltzen zuen Uganda National Liberation Front (UNLF) koalizioko Batzordeak presidente izendatu zuen, behin-behinekoa zen Yusuf Luleren ordez.

Oyite Ojok armadako buruzagia kargutik kendu ondoren, Paulo Muwanga buru zuen Batzorde Militarrak Binaisa bera kargutik kendu zuen 1980ko maiatzaren 12an.

Urte hartako abenduan egingo ziren hauteskunde orokorrak. Binaisak parte hartu zuen, Museveni buru zen Uganda Patriotic Movement (UPM) alderdiko presidenteorde gisa, baina Oboteren UPC atera zen garaile, berriz. Musevenik emaitzetan iruzurra salatu eta gerra zibila piztu zuen, boterera eramanen zuena ^[2].