Celine Byrne

Celine Byrne
Bizitza
Jaiotza	Kildareko konderria, 1980ko maiatzaren 3a (46 urte)
Herrialdea	Irlandako Errepublika
Familia
Ezkontidea(k)	Thomas Dean
Hezkuntza
Heziketa	Royal Irish Academy of Music (en)
Jarduerak
Jarduerak	abeslaria
Ahots mota	sopranoa
Musika instrumentua	ahotsa
celinebyrne.com

 Celine Byrne (Kildare, Irlanda, 1980ko maiatzaren 3a) irlandar sopranoa da.

Haurtzaroa

Kildareko konderriko Naas herrian jaioa, Celine familia kirolari eta ez-musikal batetik dator. Aita mekanikaria zen eta osabak futbol gaelikoa egiten zuen Kildarerentzat. Bere aitari esker musika klasikoa entzun zuen eta sukaldean RTÉ Lyric FM-rekin lan egiten zuen.

Ibilbidea

 Opera zuzenean ikusi zuen lehen aldiz Milango La Scalan, eskola utzi ondoren au pair gisa lan egin zuenean. Ondoren, opera abeslaria izan nahi zuela erabaki zuen, eta etxera itzultzean, 18 urterekin hasi zituen bere lehen kantu eskolak. Byrne-k musikako masterra jaso zuen Royal Irish Academy of Music-en 2007an, non Veronica Dunne-rekin ikasi zuen, Lorpen Nabarmenaren RIAM Saria ere jasoz. Horrez gain, Dublingo Musika eta Drama Kontserbatorioko ohorezko musika gradua du, non unibertsitateko Urrezko Domina eman zioten bikaintasunagatik. Londresko National Opera Studion coaching-a jaso du, eta Christa Ludwig-ekin ikasi du Vienako Estatu Operan. 2007an Byrnek lehen saria eta urrezko domina jaso zituen Maria Callas Sari Nagusian, Atenas-en. Beste sari batzuk hauek dira: Margaret Burke Sheridan Urrezko Domina, 2009an, arteei egindako ekarpenagatik; William Young saria, Veronica Dunne Nazioarteko Kantu Lehiaketan, Dublin 2007an; eta Brabants Dagblad Press saria, 's-Hertogenbosch (Herbehereak) Nazioarteko Ahots Lehiaketan.

Telebistan The Late Late Show saioan aritu da eta The Meaning of Life [Bizitzaren esanahia] telesailaren atal propioa jaso zuen.

Byrne-k bere opera debuta egin zuen Mimì bezala Eskoziako Operaren 2010eko La bohème ekoizpenean. Ondorengo denboraldietan emanaldi ugari eskaini ditu Europan zehar, baita Estatu Batuetan, Txinan, Errusian eta Mexikon ere, Royal Opera House, Deutsche Oper am Rhein eta Novaya Opera Theatre antzokietan.

Celine Byrne soprano irlandarra opera honetako izar handienetako bat da nazio eta nazioarte mailan. Oso ospetsua da Pucciniren lanekin duen lotura sakonagatik. Pucciniren heroi handiak sortu ditu nazioarteko eta etxeko eszenatoki ospetsuetan, eta bere errepertorio dramatiko erromantikoa bere ibilbide operistikoaren funtsezko oinarria bihurtu du. ‘Kalitate liriko fineko antzezlea eta aktore hunkigarria ere’ (Opera Magazine).

Sarritan aritzen da kontzertuetan, eta Celine mundu osoan ezagunak diren José Carreras, Roberto Alagna eta Joseph Calleja tenoreekin aritu da, eta duela gutxi Bryn Terfelekin abestu du, Sasha Goetzelek zuzendutako Borusan Orkestra Filarmonikoak lagunduta. Azkenaldiko kontzertuen artean, Richard Straussen Vier Letzte Lieder Dublinen The Irish National Symphony Orchestrarekin, Verdiren Requiemaren grabazioa Pragako Irratiko Orkestra Sinfonikoarekin André Lenardek gidatuta, The Sun Valley Summer Symphonyrekin kontzertua Amerikan eta Bangkokeko musika eta dantza jaialdian kontzertua Thailandian.

Bizitza pertsonala

Byrne, Thomas Dean-ekin ezkonduta dago, eta nerabezarotik ibili ziren alkarrik. Seme bi eta alaba bat ditu.

Familia eta amatasuna Celinek bere bokaziorik handiena hiru seme-alabentzat ama izatea kontsideratzen du. Oraindik unibertsitatean zegoela izan zuen seme zaharrena, eta hirugarrena oraindik nahiko gaztea zela, musika ikasketa intentsiboak familia bat haztearekin orekatuz. Arrakastaz nabigatzen du bere nazioarteko agenda zorrotzean, bere familia inplikatuz; seme-alabak berarekin bidaiatu dute atzerrian aritzen denean. Eszenatokia ere beraiekin partekatu du, bereziki bere semea, Killian, haurren abesbatzan sartu zenean Dublingo Bord Gáis Energy Theatre-ko Carmen-en ekoizpen baterako.

Interes pertsonalak eta tragedia

Bere abestetik kanpo, Byrne okin amorratua dela ezagutzen da eta Eguberri bezperan Naasen egiten duen gauerdiko meza lokalean maiz abesten du, ondoren Eguberri egunean herriko ostatuan emanaldiak eginez. COVID-19aren konfinamenduan galera pertsonal nabarmena izan zuen, aita eta amaginarreba astebete eskaseko aldearekin galdu baitzituen.

Kanpo estekak

• «The aria of an angel» Irish Independent 16 August 2008. [2008ko abuztuaren 16a] [Aingeru baten aria]
• Ordutegia, Operabase
• Madama Butterfly Meet Celine Byrne[Ezagutu Celine Byrne] Youtubeko bideoa (ingelesez) 2025eko urriaren 15a
• Barcelona performed by QUEEN orchestral and Celine Byrne Facebookeko bideoa (ingelesez) 2025eko abenduaren 23a 

• Datuak: Q21070419