Vikipedio:Stilogvido

Mallongigo VP:SGVP:SG

Tio estas stilogvido por skribi korekte en Vikipedio. Sekvas kelkaj konsiloj.

Universala LingvoElektilo

Pli detalaj informoj troveblas en artikolo Helpo:Universala LingvoElektilo.

La titoloj kaj artikoloj de Vikipedio estas skribataj per oficiala Esperanta alfabeto kun diakritaj signoj. Oni ne devas eviti ĉapelitajn literojn per surogata skribosistemo; oni skribu la literon ĉ, ne ch, c^, aŭ cx. Laŭ la LingvoElektilo, oni povas elekti X‑sistemon, H‑sistemon, kaj aliajn.

X-sistemo

De 2002 ĝis 2016, la vikiteksto aŭtomate konvertiĝis al kaj el la x‑sistemo dum redaktado. Forsendinte la literojn ux, en la paĝa teksto aperis ŭ, kaj la sinsekvo uxx produktis la literparon ux. Kun la posta ŝanĝo^[1] tiu funkcio malaperis, ĉar MediaVikio jam ebligas al ĉiu tajpi rekte ĉiujn Esperantajn literojn.

Sub la vikiteksta redaktofenestro oni ankaŭ povas trovi la Esperantajn ĉapelitajn literojn en la sekcio “Specialaj signoj” en suba kesto.

Artikolo

Komenco

Oni dikigas la literojn de la titolo, kiu estas unue montrita en la artikolo. Tio ofte aperas en la unua frazo aŭ almenaŭ unua paragrafo. Se la titolo estas alilingva vorto, ĝi estu diklitera kaj kursiva. Por decidi la titolon, vidu VP:TA. Laŭ la principo de Nacia Lingvo → Prononco Parenteze, estas rekomendite montri la prononcon ĉe la unua apero de la alilingva vorto. Prononco estas klarigebla simple per Esperanta alfabeto (28 literoj) inter [ ] krampoj. Kiam la fremda prononco estas malfacila, bonvolu ne uzi Esperantan alfabeton nek miksi ĝin kun la alia. Por klarigi precizan prononcon, uzu la Internacian Fonetikan Alfabeton.

Vortelekto

Evitu similajn sonojn

Prefere ne najbarigu samajn aŭ similajn sonojn. Tia kolizio povas ĝeni fluan paroladon aŭ doni tedan impreson. Kio ŝajnas al vi facile prononcebla eble ne estas tia por homoj de alia gepatra lingvo.

Evitu	Preferu
fajrruĝa	fajroruĝa
fajrruĝa	fajre ruĝa
vivformo	vivoformo
akvfalo	akvofalo
ĉeesti	partopreni ĝin

Ŝparu superfluajn vorterojn

Evitu	Preferu
prilumigi	prilumi
prilumigi	lumigi
veturado	veturo
komputilistiko	komputiko

Evitu lingvajn specialaĵojn

Evitu	Preferu
okazunta milito	ebla milito
preparitis ĉio	ĉio estis preparita
preparitis ĉio	ĉio estis jam preta

Difina artikolo

La Esperanto‑Vikipedio ĝenerale sekvas la uzadon de la difina artikolo la laŭ la priskribo en PMEG^[2].

Evitu	Preferu
rusa lingvo	la rusa lingvo
la Esperanto	Esperanto
en urbo Parizo	en Parizo
en urbo Parizo	en la urbo Parizo
suno	la suno
Lupo estas formortanta en Eŭropo	La lupo estas formortanta en Eŭropo
	La lupoj estas formortantaj en Eŭropo
	Lupoj estas formortantaj en Eŭropo

Ŝablonoj

Estas utilaj ŝablonoj:
{{kontrolinda enhavo}}

Ĉi tiu artikolo bezonas atenton kaj kontroladon de fakulo pri la temo, ĉar ĝi povas enhavi sencajn erarojn aŭ malĝustaĵojn, kiuj ne konformas al bona kvalitnivelo.

{{polurinda}}

Ĉi tiu artikolo bezonas poluradon, ĉar ĝi montras stilajn kaj/aŭ gramatikajn kaj/aŭ strukturajn problemojn, kiuj ne konformas al stilogvido.

La priskribo de la problemo troviĝas ĉi tie. Bonvolu ŝanĝi la enhavon por plibonigi la artikolon.

Vidu ankaŭ

Referencoj

↑ MediaVikio, versio 1.28.0-wmf.11.
↑ Difina artikolo: la. PMEG.

Ĉi tiu artikolo ankoraŭ estas ĝermo pri Vikipedio.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

[1] MediaVikio, versio 1.28.0-wmf.11.

[2] Difina artikolo: la. PMEG.

[1]

[2]