Don Young
Donald Edwin "Don" YOUNG (n. la 9-an de junio 1933 en Meridian, Kantono Sutter, Kalifornio - m. la 18-an de marto 2022 en Los-Anĝeleso, Kalifornio) estis usona respublikana politikisto. De 1973 ĝis sia morto, li funkciis kiel la sola reprezentanto de la subŝtato Alasko en la Usona Ĉambro de Reprezentantoj.[1][2]
Kariero
[redakti | redakti fonton]En 1972, li kandidatiĝis por la posteno en la Usona Ĉambro de Reprezentantoj, okupata de la Demokrato Nick Begich. La 16-an de oktobro, 22 tagojn antaŭ la elekto, Begich malaperis en kraŝo, sed li venkis per 53 651 voĉoj (56,24%) kontraŭ la 41 750 de Young (43,76%). Begich estis deklarita mortinta la 29-an de decembro, kaj Young estis elektita al sia posteno en speciala elekto okazinta la 6-an de marto 1973.[3][4]
Young poste estis reelektita dudek kvar fojojn, prezidante la Komitaton pri Naturaj Rimedoj de 1995 ĝis 2001 kaj la Komitaton pri Transportado de 2001 ĝis 2007. Pro sia influo, Young ofte estis nomata " la tria senatano de Alasko ". [5][6]
La 5-an de decembro 2017, post la frua eksiĝo de John Conyers, Young alprenis la simbolan titolon de Domo-Altaĝulo - la kongresano kiu plenumis oficon dum la plej longa kontinua tempodaŭro.[7]
Young voĉdonis laŭ partiaj linioj pri plej multaj temoj, ekzemple, li konstante voĉdonis kontraŭe pri aborto. [8] Tamen, li subtenis polemikan esploradon pri stamĉeloj, kialon, kiun lia kontraŭulo Sean Parnell uzis kontraŭ li en la antaŭbaloto de 2008. [9] Young estis membro de la estraro de la Nacia Fusila Asocio, la plej granda lobia grupo en Usono por pafilfabrikistoj. [10] Li konsideris restriktojn pri mediprotektado kiel malhelpon kaj subtenis la malfermon de la Arkta Nacia Naturrifuĝejo (d:Q638097) al naftoesplorado. [11] Tamen, li ankaŭ plurfoje voĉdonis por klimatprotekta leĝaro.
Oni plurfoje suspektas Young pri akceptado de subaĉetoj, tial, ekde 2007, li kaj lia delonga kongresa kolego, senatano Ted Stevens, estis esploritaj pro kontribuoj el la naftoindustrio. En 2007, Citizens for Responsibility and Ethics en Vaŝingtono listigis lin inter la 22 plej koruptaj membroj de la Kongreso. Laŭ la libro de Bob Woodward, Fear: Trump in the White House (Timo: Trump en la Blanka Domo), la antaŭa FBI-direktoro Robert Mueller nomis Young krimulo. Tamen, neniu miskonduto de Young iam estis trovita, kaj la enketo estis fermita en 2010. [12]
Young estis konata pro sia rekta, impulsema maniero, kiu inkluzivis sakraĵojn kaj kriojn al aliaj membroj de la Kongreso; Young vidis tion kiel avantaĝon por efike reprezenti la interesojn de Alasko. Young ofte prenis polemikajn poziciojn. Ekzemple, li deklaris, ke li volis mordi kolegan kongresanon "kiel vizonon" pro kontraŭstaro al liaj subvenciaj proponoj, kaj nomis la naftoverŝon en la Meksikia Golfo en 2010 "natura fenomeno" prefere ol homfarita ekologia katastrofo. En 2013, li nomis hispanidojn - el kiuj kelkaj laboris kiel gastlaboristoj sur la ranĉo de lia patro - "malsekdorsuloj ". [13] [14] La parolanto de la Ĉambro de Reprezentantoj, John Boehner, reagis kun kolero. [15] En februaro 2018, Young sugestis, ke judoj povus esti malhelpintaj la Holokaŭston se ili estus sufiĉe armitaj. [16]
Dum la KOVIM-19-pandemio en Usono, Young nomis SARS-CoV-2 "bierviruso", kiun la amaskomunikiloj troigis en marto 2020. [17] Li poste ŝanĝis sian sintenon, precipe post hospitaligo pro KOVIM-19 en novembro 2020. Li tiam antaŭenigis spirmaskojn kaj vakcinadojn. [18][19]
Referencoj
[redakti | redakti fonton]- ↑ Congressman Don Young, Congressman For All Alaska: Biography. Arkivita el la originalo je May 13, 2009.
- ↑ Congressman Don Young Reflects on 43 Years of Service in the U.S. House of Representatives (angle) (2016-03-14). Arkivita el la originalo je June 26, 2016. Alirita 2022-04-02 .
- ↑ AK At-Large- Special Election 1973. OurCampaigns. Alirita April 19, 2015 .
- ↑ AK At-Large 1974. OurCampaigns. Alirita April 19, 2015 .
- ↑ Bohrer, Becky, "Rep. Don Young, longtime Alaska congressman, dies at 88", Associated Press, March 19, 2022.
- ↑ McFadden, Robert D., "Don Young, Alaska Congressman and Dean of the House, Dies at 88", The New York Times, March 18, 2022.
- ↑ Gruff, warm, combustible, shrewd: For 49 years, Don Young's ideology was 'Alaska'. Anchorage Daily News. Alirita 23 October 2022 .
- ↑ Don Young on Abortion. On The Issues. Arkivita el la originalo je July 8, 2019. Alirita September 1, 2022 .
- ↑ Rep. Young Comments on Governor Parnell's Exploration Proposal for ANWR 1002 Area Arkivigite je 2022-03-19 per la retarkivo Wayback Machine, donyoung.house.gov
- ↑ Don Young on the Issues. Alirita 2022-09-01 .
- ↑ Sullivan, Associated Press / Leroy Polk / Sidney, "The Latest: Alaskans react to the executive order to expand ocean oil drilling". (angle)
- ↑ Young cleared in Alaska case (August 4, 2010). Alirita February 8, 2020 .
- ↑ "Don Young Uses 'Wetbacks' To Describe Latinos (AUDIO)", HuffPost, March 29, 2013.
- ↑ Jim Abrams. "Alaska Rep. Don Young 'meant no disrespect' by ethnic slur, but doesn't apologize", March 29, 2013.
- ↑ "John Boehner On Don Young Racial Slur: 'There's No Excuse'", HuffPost, March 29, 2013.
- ↑ GOP lawmaker suggests armed Jews could have stopped Nazis (angle) (February 28, 2018). Alirita November 23, 2020 .
- ↑ Rep. Don Young tells Alaska seniors 'beer virus' fears are overblown, skips vote on COVID-19 relief (en-US) (March 19, 2020). Arkivita el la originalo je March 19, 2020. Alirita November 23, 2020 .
- ↑ 'Arrogant' and 'ashamed': The coronavirus mea culpas from people who once thought it was no big deal, The Washington Post, Meagan Flynn, March 27, 2020. Retrieved November 12, 2000.
- ↑ Alaska Congressman Don Young tests positive for COVID-19. Capitol Hill Publishing Corp. (November 12, 2020). Arkivita el la originalo je November 13, 2020. Alirita November 13, 2020 .