Esther Rantzen
| Esther Rantzen | |
|---|---|
 | |
| Ganwyd | 22 Mehefin 1940  Berkhamsted |
| Bu farw | 30 Medi 2026 o canser yr ysgyfaint Ardal Fforest Newydd |
| Dinasyddiaeth |  Lloegr |
| Alma mater |
|
| Galwedigaeth | newyddiadurwr, cyflwynydd teledu, awdur, cyflwynydd, cynhyrchydd teledu |
| Cyflogwr | |
| Priod | Desmond Wilcox |
| Plant | Rebecca Wilcox |
| Gwobr/au | Bonesig Cadlywydd Urdd yr Ymerodraeth Brydeinig, OBE, CBE |
Newyddiadurwraig a chyflwynydd teledu o Loegr oedd y Fonesig Esther Louise Rantzen (22 Mehefin 1940 – 30 Medi 2026). Roedd hi'n fwyaf adnabyddus fel cyflwynydd y gyfres deledu BBC That's Life! o 1973 hyd 1994. Sefydlodd yr elusen Childline, llinell gymorth i blant.
Ganwyd Rantzen yn Berkhamsted, yn ferch i Katherine Flora Rantzen (ganwyd Leverson, o deulu cefnog a dylanwadol[1]) a Henry Barnato Rantzen, oedd o dras Iddewig.[2] Cafodd ei haddysg yn Efrog Newydd hyd 1952, a wedyn yn Ysgol Golegol Gogledd Llundain. Astudiodd Lenyddiaeth Saesneg yng Ngholeg Somerville, Rhydychen.
Cafodd ei phenodi’n OBE am ei gwasanaethau i ddarlledu ym 1991 ac yn CBE am ei gwasanaethau i blant yn 2006, ac yn Anrhydeddau’r Flwyddyn Newydd 2015 fe’i gwnaed yn Fonesig am ei gwasanaethau i blant a phobl hŷn drwy Childline a The Silver Line.
Ar ôl hyfforddi mewn sgiliau ysgrifenyddol,[3] dechreuodd Rantzen ei gyrfa deledu yn yr adran cynllunio rhaglenni, yna cafodd ei swydd gynhyrchu gyntaf yn gweithio fel ymchwilydd[3] ar raglen ddychan hwyr y nos BBC1 BBC-3 (1965–1966).[4]
Bywyd personol
[golygu | golygu cod]Ym 1968, dechreuodd Rantzen berthynas â Desmond Wilcox, pennaeth ei hadran yn y BBC a oedd yn ŵr i'w ffrind hi, Patsy.[5] Wedi rhai blynyddooedd, cychwynodd y ddau gyd-fyw, a penderfynodd y BBC symud rhaglen That's Life allan o adran Wilcox. Gwrthododd Patsy ysgaru ei gŵr am rai blynyddoedd ond cytunodd i wneud hynny wedi i Rantzen feichiogi. Ar ôl i Rantzen a Wilcox briodi ym mis Rhagfyr 1977, cafodd hi ei symud yn ôl i'w adran ef.
Cafodd Rantzen a Wilcox dri o blant. Bu farw Wilcox yn 2000.
Cyfeiriadau
[golygu | golygu cod]- ↑ "Esther Rantzen: The moment I discovered the shocking truth about my". The Standard (yn Saesneg). 2012-04-11. Cyrchwyd 2026-10-05.
- ↑ Gloger, Dana (25 Gorffennaf 2008). "Esther Rantzen: Older and wiser". The JC. Archifwyd o'r gwreiddiol ar 1 Medi 2026. Cyrchwyd 18 Chwefror 2021.
- 1 2 "Dame Esther Rantzen Honorary Fellow". Some.ox.ac.uk. 6 Gorffennaf 2021. Archifwyd o'r gwreiddiol ar 1 September 2026. Cyrchwyd 23 Ebrill 2023.
- ↑ "Dame Esther Rantzen dies aged 86 after battle with lung cancer". The Independent (yn Saesneg). 30 Medi 2026. Cyrchwyd 30 Medi 2026.
- ↑ Rantzen, Esther (2001). Esther, The Autobiography (yn Saesneg). Llundain: BBC Worldwide. t. 233. ISBN 0-563-53741-8.