Atlas (kartennaoueg)
Un atlas zo, peurvuiañ, un dastumad kartennoù douaroniezh, pe tresadennoù ha skeudennoù diwar-benn an douaroniezh
En atlasoù douaroniezh e pleder peurvuiañ gant an Douar pe gant ul lodenn anezhañ, met gallout a reer kaout ivez atlasoù a bled gant un arvez hepken eus an douaroniezh (armerzh, douarouriezh...), atlasoù istorel pe yezhoniel, pe c'hoazh atlasoù eus ar planedennoù all pe o loarennoù. Alies e vez bodet ar c'hartennoù-se e stumm ul levr, met stummoù all a c'haller kaout ivez (stummoù niverel da sellet outo gant urzhiataerioù).
Bez e voe teskadoù kartennoù er Grennammzer hag e teuont da vezañ moullet, pa voe ijinet ar moullañ. An den kentañ en deus implijet atlas eo Gerardus Mercator, rak anv roue mojennel Mauretania eo bet Atlas ha lavaret e veze en doa graet labourioù war an douaroniezh en Henamzer. Mercator a savas atlasoù moullet priziet-tre e 1569, 1578, 1585, 1589, 1595 hag e 1606.
