Логан Лерман

Логан Лерман
Logan Lerman
Імя пры нараджэнні	Логан Уэйд Лерман
Дата нараджэння	19 студзеня 1992(1992-01-19) (34 гады)
Месца нараджэння	Беверлі-Хілз, Каліфорнія, ЗША
Грамадзянства	ЗША
Адукацыя	Школа Беверлі Хілз[d] () Нью-Ёркскі ўніверсітэт ()
Прафесія	кінаакцёр, дзіця-акцёр, тэлеакцёр, акцёр
Кар’ера	з 2000 па цяпер. час
Узнагароды	Trophée Chopard[d]
IMDb	ID 0503567
www.loganlerman.com
Медыяфайлы на Вікісховішчы

Логан Лерман (англ.: Logan Lerman; нар. 19 студзеня 1992(1992-01-19), Беверлі-Хілз, Каліфорнія, ЗША) — амерыканскі акцёр, вядомы па сваіх ролях у фільмах «Эфект матыля», «Геймер», «Персі Джэксан і выкрадальнік маланак».

Біяграфія

Логан Лерман нарадзіўся 19 студзеня 1992 года ў Беверлі-Хілз, штат Каліфорнія, ЗША, у яўрэйскай сям’і. Маці Лермана, Ліса (народжаная Голдман), працуе яго менеджарам, а бацька, Лары Лерман — бізнесмен. Скончыў школу (англ.: Beverly Hills High School).

Логан гаворыць, што пачаў адчуваць цікавасць да акцёрскага мастацтва гадоў з пяці, і што ён вырас на фільмах. Большасць яго сваякоў працуюць у сферы медыцыны, таму ў інтэрв’ю жартам заве сябе «паршывай авечкай». Яму цікава ўсё, што звязана з кінаіндустрыяй. У далейшым Лерман жадае паспрабаваць сябе ва ўсіх іпастасях, звязаных з кінаіндустрыяй.

З самага дзяцінства здымаўся ў рэкламе, а ў кіно дэбютаваў у 2000 годзе, зняўшыся ў ролі сына героя Мэла Гібсана ў фільме «Патрыёт». У тым жа годзе разам з Гібсанам зняўся ў фільме «Чаго хочуць жанчыны».

У 2001 годзе сыграў персанажа Адама Гарсіі ў дзяцінстве ў «Моцнай жанчыне», а ў фільме 2004 года «Эфект матыля» іграе персанажа Эштана Кутчэра ў дзяцінстве. У 2003 годзе Логан зняўся ў дзвюх тэлестужкаах, і адна з роляў прыносіць яму перамогу на кінапрэміі «Малады акцёр» у намінацыі Найлепшы малады акцёр тэлестужкі. Акцёрская праца ў тэлесерыяле «Джэк і Бобі» таксама прыносіць у 2005 годзе перамогу на кінапрэміі «Малады акцёр». У 2006 годзе галоўная роля ў фільме «Крык савы» прыносіць яшчэ адну перамогу на кінапрэміі «Малады акцёр», але ўжо ў намінацыі Найлепшы малады акцёр кінастужкі.

У 2007 годзе здымаецца разам з Джымам Кэры ў фільме Джоэла Шумахера «Фатальны лік 23», а таксама ў «Цягніку на Юму» з такімі акцёрамі, як Расел Кроу, Крысціян Бэйл і Бен Фостэр. У 2009 годзе іграе Джорджа Хэмілтана ў «Мой адзіны», у якім Рэнэ Зелвегер іграла яго маці. У 2010 сыграў Персі Джэксана, сына Пасейдона ў фільме Крыса Каламбуса «Персі Джэксан і выкрадальнік маланак», заснаваным на кнізе Рыка Рыярдана. За гэту ролю быў намінаваны разам з Джэйкам Абелем, які сыграў сына Гермеса, на «MTV Movie Awards» у катэгорыі Найлепшая бойка.

Фільмаграфія

Год		Беларуская назва	Арыгінальная назва	Роля
2000	ф	Патрыёт	The Patriot	Уільям Марцін
2000	ф	Чаго хочуць жанчыны	What Women Want	юны Нік Маршал
2001	ф	Моцная жанчына	Riding in Cars with Boys	Джэйсан у 8 гадоў
2003	ф	Пафарбаваны дом	A Painted House	Люк Чэндлер
2004	ф	Эфект матыля	The Butterfly Effect	Эван у 7 гадоў
2004—2005	с	Джэк і Бобі	Jack & Bobby	Бобі МакКалістэр
2006	ф	Крык савы	Hoot	Рой Эберхарт
2007	ф	Фатальны лік 23	The Number 23	Робін Спароу
2007	ф	Цягнік на Юму	3:10 to Yuma	Уільям Эванс
2007	ф	Прывітанне, Біл!	Meet Bill	«хлопец»
2009	ф	Мой адзіны	My One and Only	Джордж Дэверо
2009	ф	Геймер	Gamer	Сайман
2010	ф	Персі Джэксан і выкрадальнік маланак	Percy Jackson & the Olympians: The Lightning Thief	Персі Джэксан
2011	ф	Мушкецёры	The Three Musketeers	Д'Артаньян
2012	ф	Цяжкасці жыцця ізгоя	The Perks of Being a Wallflower	Чарлі
2013	ф	Персі Джэксан і Мора пачвар	Percy Jackson & the Olympians: The Sea of Monsters	Персі Джэксан

Цікавыя факты

• Спрабаваўся на ролю галоўнага героя ў фільме «Чалавек-павук 3D».

Спасылкі

• Афіцыйны сайт (англ.)
• Логан Лерман на сайце «Internet Movie Database» (англ.)
• Рускамоўны фан-сайт
• Англамоўны фан-сайт Архівавана 4 студзеня 2014.