الصفحه دى مخصصه للاداريين للتعامل مع طلبات الصلاحيات على ويكيبيديا مصرى. الاداريين يقدرو يدو صلاحية مسترجعين, مراجعين أوتوماتيكى و مراجعين. المستخدمين اللى عاوزين يطلبو صلاحيه يقدرو يقدمو طلب فى الصفحه دى. و مطلوب من الاداريين زيارة صفحة الطلبات بشكل دورى لانها مش بترسل اشعارات. المستخدمين اللى قدمو طلبات ما يتوقعوش من الاداريين الرد على طلبهم فورا و لازم يستنو بعد تقديم الطلب. لو عاوز تعرف الصلاحيات اللى عندك تقدر تزور صفحة التفضيلات الخاصه بيك, فى قسم البروفايل هتلاقى الصلاحيات فى قسم (عضو فى مجموعات). طلبات الصلاحيات بتتارشف بانتظام.
سحب الصلاحيه
لو كنت عاوز تشيل اى صلاحيه (ما عدا صلاحية الادارى), اتواصل مع حد من الاداريين. لو كنت عاوز تشيل صلاحية الادارى اتواصل مع بيروقراطى. الصفحه دى مش المكان المناسب لطلب سحب صلاحية مستخدم تانى.
تقديم طلب
عشان تقدم طلب لصلاحيه, اتاكد الاول انك مستوفى لشروط الصلاحيه و الا الطلب هيعتبر مرفوض, بعدين دوس على "طلب الصلاحيه" جنب الصلاحيه اللى عاوزها و حط اسم المستخدم الخاص بيك و سبب طلبك. اى مستخدم عندو صلاحيات يقدر يحط تعليق على الطلبات, بس مش ملزم و الراى الاخير للادارى.
الاداريين
الاداريين يقدرو يدو صلاحية مسترجعين, مراجعين أوتوماتيكى و مراجعين لاى مستخدم مستوفى شروط الصلاحيه و موثوق بيه فى انو يستخدمها بشكل صحيح. الاداريين يقدرو يدو الصلاحيات بشكل دايم او مؤقت. الاداريين يقدرو يقررو انهم يدو الصلاحيه او يرفضوها فورا بدون تصويت حسب السياسات المتوافق عليها فى ويكيبديا مصرى.
الاوتوپاترولد هم اليوزرات اللى متراجع تعديلاتهم اوتوماتيكى و اسمهم كمان المراجع التلقائى هى صلاحية مستخدم ممكن يحصل عليها المساهمين الجداد و/أو المحترفين اللى بيعملو مقالات كتيره و/أو تعديلات كتيره و بقى عندهم خبره فى التحرير و التعديل بدون مساهمات تخريبيه عن قصد او بدون قصد, الصلاحيه دى بتعلم بشكل تلقائى مساهتهم بانها مقبوله و مش محتاجه مراجعه, اقرا اكتر عن الصلاحيه.
المراجع هى صلاحية مستخدم بتساهم فى عمليات تنظيم الصفحات الجديده عن طريق تعليم الصفحات الجديده بإنها متراجعه بعد مراجعتها و تدقيقها, الصلاحيه ممكن يسندها محليا أى أدمن لأى يوزر مستوفى الشروط حسب تقديرو الشخصى, اقرا اكتر عن الصلاحيه.
انا تقريبا مستوفي الشروط و عملت اكتر من 25 مقاله منشوره و كمان عملت تصنيفات و مقدم اقتراح بتغير اسم تصنيف علشان يناسب اللهجه المصريه اكتر و كمان انا بفضل الله تعالي حالبا في المركز السابع من حيث التعديلات في شهر مايو الصلاحيه دي هتقلل من حجم الشغل علي الاداريين شويه او يعني علي الاقل من الجزء الخاص بيا وبقدم الطلب دلوقتي لأني واثق إن شغلي مش محتاج مراجعة يدوية
و لو فيه اي تعليق علي شغلي مرحب بيه طبعا للاستفاده من خبراتكم --Ahmedsayedsa (مناقشه) 22:57، 14 مايو 2026 (يو تى سى)ردّ
متابعة: من مايو لحد دلوقتي وصلت لـ 528 تعديل و 50 مقال منشور على ويكيبيديا المصرية، بالإضافة لشغل تنظيف مستمر (إصلاح قوالب، ربط ويكي بيانات). أتمنى النظر في الطلب. شكراً. --Ahmedsayedsa (مناقشه) 00:30، 10 اكتوبر 2026 (يو تى سى)ردّ
فى الانتظار
ahmedsayedsaمنقاشه ● تعديلات ● صفح جديده ● العداد
مع, نشيط فى مكافحة التخريب. كريم أحمد (مناقشه) 13:48، 23 مايو 2026 (يو تى سى)