انتقل إلى المحتوى

دى ايه بى

يتيمه
من ويكيبيديا، الموسوعه الحره
الصفحه دى يتيمه, حاول تضيفلها مقالات متعلقه لينكات فى صفحات تانيه متعلقه بيها.
اللوجو الرسمى القديم بتاع DAB (ال90-⁠ات - 2018)
راديو DAB ماركة Pure[1]

  دى ايه بى (DAB, الاختصار من الانجليزى: Digital Audio Broadcasting) هو استاندارد لبث الراديو بطريقه ديجيتال فى بلاد كتير فى العالم, اتحدد و اتدعم و اتسوق و اتروج ليه عن طريق المنظمه وورلد دى ايه بى (WorldDAB). الاستاندارد ده منتشر فى اوروپا, و بيستخدم بردو فى اوستراليا, و فى بعض المناطق فى افريقيا. لحد سنة 2025, كان فيه 55 بلد بتبث بنظام الDAB كنظام بديل عن البث الإف إم الأنالوج.[2][3]

نظام الDAB كان نتيجة مشروع ريسيرش اوروپى انطلق بشكل رسمى لأول مره سنة 1995, مع ظهور اجهزة استقبال DAB للمستهلكين فى اواخر ال90-⁠ات. فى البدايه كان من المتوقع فى بلاد كتير تعمل سويتش-⁠اوڤر من الإف إم الأنالوج للDAB, بس انتشار نظام الDAB كان أبطأ بكتير من المتوقع.[4][5][6][7] سنة 2017 النرويج كانت اول بلد تقرر قفل الإف إم الأنالوج[8][9] و سويسرا كانت بعدها سنة 2026 (قبل ما تتراجع عن القرار).[10][11] فى الوقت اللى مناطق تانيه[12] بتخطط توقف الإف إم الأنالوج.[13][14][15][16] استقبال الDAB بقى شرط فى كل العربيات الجديده اللى بتتباع فى الاتحاد الاوروپى من سنة 2021, الاوتوبيسات و اللورى استثنا للقرار ده.[17]

النسخه الاصليه بتاعة نظام الDAB كانت بتستعمل الـ كوديك MP2; بعدين جت نسخه متحسنه منها بإسم DAB+ (دى ايه بى پلاس) اللى بتستعمل الكوديك HE-⁠AAC v2 (AAC+) اللى اقوى و اكفأ. الراديوهات القديمه اللى بنظام الDAB الاصلى مش بتقدر تستقبل نظام الDAB+ الاجدد. حاليا اغلب محطات الDAB حوالين العالم بتستعمل النظام الاجدد DAB+. المملكه المتحده هى الوحيده اللى لسه بتبث عدد كبير من المحطات بنظام الDAB القديم.

نظام الDAB بيعتبر اكفأ فى استخدام الـ اسپكتروم من الإف إم الأنالوج,[18] و بكده يقدر يقدم خدمات راديو اكتر على نفس الـ باندويدث المتاح. المحطه تقدر تختار اى كواليتى مطلوبه, من الـ هاى-⁠فاى: للمزيكه, لل لو-⁠فاى: للبرامج اللى فيها كلام من غير مزيكه, الحاله اللى ممكن تكون كواليتى الصوت فيها اقل بشكل ملحوظ من الإف إم الأنالوج. الكواليتى العاليه بتحتاج بيت-ريت و مصاريف بث اعلى. نظام الDAB بيتميز بإنه مقاوم للتشويش و الـ فيدينج اللى بيحصل بسبب الـ مالتى پاث لما الواحت يكون بيسمع على راديو محمول,[19] ولو ان قوة الاستقبال بتاعة الDAB بتضعف فجأه لما قوة السيجنال بتقل عن الـ ثريشولد (حاجه معتاده فى البث الديجيتال), بمقارنة استقبال الإف إم الأنالوج اللى بيضعف بالتدريج مع ضعف السيجنال. نظام الDAB+ بيعتبر تكنولوجيا "صديقه للبيئه" و بتسمح بتقليل استهلاك الطاقه لحد 85%[20] بالمقارنه مع الإف إم, لكن اجهزة الاستقبال الأنالوج اكتر كفاءه من الديجيتال.[21] نظام الDRM+ اتنصح بيه فى حالة البث على نطاق صغير.[22]

فيه انظمة بث ديجيتال للراديو الارضى زى HD Radio و ISDB-⁠Tb و DRM و DMB المرتبط بالDAB.[23] تكنولوجيا الجيل الخامس (5G) لبث الراديو و التلڤيزيون بتتطوير حوالين العالم: السيستيم ده محتمل يقدر بردو يسمح بإستقبال الراديو الديجيتال الارضى على الموبايلات.[24]

  بلاد فيها محطات بشكل نظامى
  بلاد فيها تجارب او قرارات للنظام
  بلاد مهتمه
  النظام مابقاش مستخدم/غيرو لنظام تانى

التسميات فى شمال افريقيا و غرب اسيا

[تعديل]

النظام اتسما فى الإعلام و الإنترنت بأسامى اضافيه.

  • فى تونس, "ديه آه بيه پلوس"[25] من النطق الفرنساوى /⁠de a be plys⁠/
  • فى الخليج, اتسما "داب پلاس"[26] بنطق الاختصار الانجليزى DAB Plus كإنه كلمه واحده
  • فى السعوديه, "داب سيستم"[27] من الانجليزى DAB system ولو انها مش تسميه مألوفه فى المناطق اللى بتستعمل النظام. كمان "موجة داب", "موجة الداب" و "راديو داب"[28]
  • فى مصر, "دى ايه بى" اتوصفت انها موجه, و النظام الاجدد "دى ايه بى پلاس"[29]

التاريخ و التطوير

[تعديل]
نموذج ريسيڤر DAB ‏(1993)

استاندارد الDAB بدأ كمشروع ريسيرش اوروپى.[30][31] بدأ فى ال1980-⁠ات بالتعاون مع معهد تكنولوجيا الراديو فى غرب ألمانيا (Institut für Rundfunktechnik) مع مركز دراسات التليكوم و التليڤزيون المشترك (Centre commun d⁠'études de télévision et télécommunications). الاتحاد ده اتشكل سنة 1986, بعدين مؤسسات بث اوروپيه تانيه انضمت, زى البى بى سى.[32] المشروع بعدين بقى تابع لشركة يوريكا (Eureka) و اتسما Eureka-147 DAB Project سنة 1987.[30] الهدف المعلن كان تطوير نظام "يحسن الاستقبال بالمقارنه بالإف إم و بإمكانية تقديم خدمات زياده زى التكست, الداتا, الconditional access, خدمات المرور المتحسنه, و الصور".[33] بعض الاهداف التانيه كانت البث بكفاءه على الباندويدث, طاقة ارسال قليله, جودة استقبال كويسه فى العربيات, جودة صوت تقدر تتقارن مع السى دى.[33]

اول عروض للDAB كانت سنة 1988 فى چينيڤ فى مؤتمر WARC-⁠88 اللى حصل بعده تجارب كتير فى بلاد تانيه فى اوروپا. سنة 1991 كان فيه عرض فى الNAB Show فى امريكا.[34] الكوديك MP2 ‏(MPEG-⁠1 Audio Layer II) اتطورت كجزء من المشروع. الDAB كان اول استاندارد متأسس على المودوليشن OFDM ‏(orthogonal frequency-division multiplexing), اللى بقا من وقتها واحد من اكتر انظمة الارسال الوايدباند المنتشره فى انظمة الاتصالات الديجيتال الحديثه.

سنة 1990 حصل اختيار انظمة الكوديك, المودوليشن, و تصحيح الخطأ بعدين اتعمل اول بث تجريبى. من القرارات المعتبره كان تخصيص الترددات على اسپكتروم الراديو زى ما كان اتقرر يتبث على باندات مختلفة (Band 1, Band 3, L Band) بالمقارنه مع اللى كان مستخدم فى الFM و الAM.[33] مواصفات الپروتوكول كانت جاهزه سنة 1992[35] او 1993. تم اعتمادها سنة 1994 من الITU-⁠R اللى بتحدد التوحيد القياسى, بعدين سنة 1995 من المجتمع الاوروپى, و بعدهم سنة 1997 من المعهد الاوروپى لمعايير الاتصالات (ETSI). بعد كده مشروع Eureka-⁠147 انتها سنة 1999 و اندمج مع الWorldDAB.[33][36]

الانطلاق و بداية الاستخدام

[تعديل]

البث التجريبى بدأ سنة 1995: هيئة الاذاعه النرويجيه (NRK) بدأت أول محطه DAB فى العالم, 1 يونيه 1995 (NRK Klassisk),[37] بعدين البى بى سى و راديو السويد (SR) بدأو اول بث ليهم فى شهر سپتمبر.[38] فى ألمانيا, بدأ بث تجريبى فى باڤاريا فى شهر اكتوبر.[39]

المحطات التجاريه فى بريطانيا بدأت البث فى نوڤمبر 1999 بإسم Digital One.[40]

ريسيڤر DAB للعربيات, ماركة Pioneer من سنة 1998. الريسيڤر ده بيتوصل بالجزء الرئيسى اللى موجود على الداش-⁠بورد بالاضافه للإريال الخارجى.

ريسيڤرات الDAB الاولانيه فى سنة 1995 كانت وحدات للعربيات شبه-⁠پروفيشينال فى بوكسات منفصله جوا البُوت. كانو مصنوعين من شركات Alpine,‏ Bosch,‏ Grundig,‏ Kenwood,‏ Philips,‏ و Sony, اللى صمموهم بغرض التقييم.[41] ده كان سيستم معقد معتمد ياإما على شريحة ديكودر لمحطات الDAB من مشروع JESSI (المبادره الاوروپيه المشتركه للسيليكون تحت المايكرون), او على پروسسرات للسيجنال الديجيتال (DSP) للاغراض العامه.[42] سنة 1997 اتعرض پروتوتايپ لريسيڤرات DAB استهلاكيه بشرايح سيليكون متحسنه لأول مره,[43] بس الشركات المصنعه كانت متردده بشكل جزئى تطرح ريسيڤرات فى اوروپا بسبب تأخر اطلاق البث بالDAB فى ألمانيا.[44] لفترة سنة 1999, اغلب ريسيڤرات الDAB كانت عباره عن وحدات للعربيات لونها اسود و غاليه, و عدد قليل من ريسيڤرات منزليه هاى-⁠فاى.[45]

التطورات الإضافيه بتاعة الintegrated circuits اللى خلت الDAB اسهل للاستخدام خدت وقت اطول: من ابرز الامثله, سنة 2001, شريحة DRE200 من شركة Texas Instruments, اللى نزلت تكلفة و حجم اللوحات بشكل ملحوظ.[46][47][48] الشريحه دى خلت راديوهات الDAB المحموله ممكن تتصنع, و اول پروتوتايپ شغال لراديو الجيب اتقدم من شركة Roke Manor Research, اللى هى جزء من Siemens, بإستخدام مودول اسمه GoldCard II اللى اتصمم بالشراكه مع شركة Panasonic.[49] بعدين, ظهرت ريسيڤرات DAB منزلية بأسعار معقوله, ابرزهم جهاز Pure Evoke سنة 2002 اللى ساعد المستهلكين يتبنو تكنولوجيا الDAB لأول مره.[50] الاجهزه دى استعملت integrated circuit من صنع شركة Frontier Silicon, الشركه اللى شغلت ريسيڤرات DAB كتيره من بعد اللحظه دى.[51]

مع ذلك, تبنى تكنولوجيا الDAB فضل عامة بطىء لأسباب متعدده, زى ان الريسيڤرات سعرها عالى و الاستقبال محدود, بإستثناء بريطانيا و الدنمارك. فى بريطانيا, راديوهات الDAB حققت مبيعات عاليه و 10% من البيوت كان عندها راديو DAB لفترة سنة 2005,[52] ده حصل جزئيا بسبب ان المصنعين المحليين عملو ريسيڤرات بأسعار معقوله. فى بلاد تانيه كتير زى ألمانيا, فينلاندا, و السويد، نظام الDAB ماقدرش ينتشر.[53] لفترة سنة 2006, عدد الناس اللى كانت تقدر تستقبل الDAB حوالين العالم كان 500 مليون شخص. سنة 2006 كان فيه تقريبا 1000 محطة DAB بتتذاع فى العالم.[54]

بداية الDAB+

[تعديل]

فى مصر

[تعديل]

سنة 2022 اتعمل بث تجريبى بتكنولوجيا الDAB+, لكن مافيش بث منتظم حالى فى مصر.[55]

مصادر

[تعديل]
  1. ↑ "DAB/DAB+ RADIOS". pure.com. 23 اكتوبر 2022. مؤرشف من الأصل في 2023-04-06. اطلع عليه بتاريخ 2023-07-01.
  2. ↑ "List of Countries with DAB". WorldDAB. 23 اكتوبر 2022. مؤرشف من الأصل في 2022-10-13. اطلع عليه بتاريخ 2019-10-16.
  3. ↑ "WorldDAB DAB Global Summary" (PDF). WorldDAB. 29 أغسطس 2018. مؤرشف (PDF) من الأصل في 2018-10-31. اطلع عليه بتاريخ 2018-10-31.
  4. ↑ Orlowski، Andrew (6 مارس 2008). "DAB: A very British failure". The Register. مؤرشف من الأصل في 2022-09-03. اطلع عليه بتاريخ 2022-09-03.
  5. ↑ Plunkett، John (2 يوليه 2012). "£21m analogue radio switch-off plan 'a waste of time'". The Guardian. مؤرشف من الأصل في 2022-09-03. اطلع عليه بتاريخ 2022-09-03.
  6. ↑ Barnes، Daniel (20 مارس 2018). "BBC Will Keep Broadcasting in FM for "Foreseeable Future" - liGo Magazine". liGo.co.uk. مؤرشف من الأصل في 2023-07-01. اطلع عليه بتاريخ 2022-09-03.
  7. ↑ "Farewell DAB, the radio technology we didn't need". The Irish Times. 4 مارس 2021. مؤرشف من الأصل في 2022-09-03. اطلع عليه بتاريخ 2022-09-03.
  8. ↑ Agence France-Presse in Oslo (13 ديسمبر 2017). "Norway becomes first country to end national radio broadcasts". The Guardian. مؤرشف من الأصل في 2023-02-05. اطلع عليه بتاريخ 2023-07-01.
  9. ↑ Agence France-Presse (13 ديسمبر 2017). "Norway becomes first country to switch off FM radio". The Local. مؤرشف من الأصل في 2023-06-04. اطلع عليه بتاريخ 2023-07-01.
  10. ↑ swissinfo.ch, S. W. I. (12 ديسمبر 2025). "Swiss public broadcaster to bring back FM radio". SWI swissinfo.ch (بالإنجليزية). Retrieved 2026-02-22.
  11. ↑ Last extension of FM licenses by two years. admin.ch (Report). General Secretariat of the Federal Department of Environment, Transport, Energy and Communications; General Secretariat DETEC. 25 اكتوبر 2023. اطلع عليه بتاريخ 2023-11-03.
  12. ↑ Evens، Tom (1 مارس 2026). "The FM radio switch-off and the need for sustainable and inclusive digital radio policy". Telecommunications Policy. ج. 50 ع. 2 103116. DOI:10.1016/j.telpol.2025.103116. ISSN:0308-5961.
  13. ↑ "Switzerland". WorldDAB. 21 اكتوبر 2022. مؤرشف من الأصل في 2022-10-21. اطلع عليه بتاريخ 2022-10-21.
  14. ↑ "Poland". WorldDAB. 21 اكتوبر 2022. مؤرشف من الأصل في 2022-10-21. اطلع عليه بتاريخ 2022-10-21.
  15. ↑ "Belgium". WorldDAB. 21 اكتوبر 2022. مؤرشف من الأصل في 2022-10-21. اطلع عليه بتاريخ 2022-10-21.
  16. ↑ "DAB digital radio worldwide" (PDF). WorldDAB. مؤرشف من الأصل (PDF) في 2023-06-26. اطلع عليه بتاريخ 2023-07-01.
  17. ↑ Stamm، Wayne (16 فبراير 2022). "DAB+ is confirmed as one standard in new cars across Europe - RadioInfo Australia". RadioInfo Australia. مؤرشف من الأصل في 2023-06-26. اطلع عليه بتاريخ 2023-07-01.
  18. ↑ "EBU Viewpoint - The future of digital radio" (PDF). European Broadcasting Union. اكتوبر 2011. مؤرشف (PDF) من الأصل في 2020-11-28. اطلع عليه بتاريخ 2020-03-06.
  19. ↑ "Digital Audio Broadcasting – radio now and for the future" (PDF). EBU Technical Review. European Broadcasting Union ع. 265: 2–27. الخريف 1995. مؤرشف (PDF) من الأصل في 2017-08-11. اطلع عليه بتاريخ 2022-01-14.{{استشهاد بدورية محكمة}}: صيانة الاستشهاد: date auto-translated (link)
  20. ↑ Mikulandra, Majda (30 نوفمبر 2022). "Renesansa radijske industrije u Hrvatskoj: 'Emitiranje na digitalnom radiju donijelo bi 85 posto uštede energije'" [Renaissance of the radio industry in Croatia: 'Broadcasting on digital radio would bring 85 percent energy savings']. Poslovni dnevnik (بالكرواتية). Archived from the original on 2023-02-06. Retrieved 2023-07-01.
  21. ↑ "Why do digital radios use more electricity than analogue ones?". The Guardian. 19 أبريل 2017.
  22. ↑ "Digital Radio FM Insider: DAB+ Not the Future for Small-scale Broadcasters". digitalradioinsider.blogspot.com. 3 يونيه 2014.
  23. ↑ "HTTP Post Binding (Request)" (PDF). tech.ebu.ch. مؤرشف (PDF) من الأصل في 2023-06-22. اطلع عليه بتاريخ 2023-07-01.
  24. ↑ "Smartphones Fuel A Revolution For Terrestrial Linear Radio and TV". digitalradioinsider.blogspot.com. 26 مارس 2025.
  25. ↑ Radio MFM Tunisie (10 مارس 2022). DAB + تعرّف على تكنولوجيا الراديو الجديدة (بالعربية). Retrieved 2026-03-24 – via YouTube.{{استشهاد بوسائط مرئية ومسموعة}}: صيانة الاستشهاد: لغة غير مدعومة (link)
  26. ↑ روتانا خليجية (8 يناير 2023). متحدث المواصفات: تقنية بث الراديو الرقمي "+DAB" ستكون إلزامية في جميع السيارات ابتداء من 2024 (بالعربية). Retrieved 2026-03-24 – via YouTube.{{استشهاد بوسائط مرئية ومسموعة}}: صيانة الاستشهاد: لغة غير مدعومة (link)
  27. ↑ M.Hazazi (22 أغسطس 2021). ماهو نظام DAB والفرق بين AMو Fm في نظام الراديو (بالعربية). Retrieved 2026-03-24 – via YouTube.{{استشهاد بوسائط مرئية ومسموعة}}: صيانة الاستشهاد: لغة غير مدعومة (link)
  28. ↑ عشاق ومحبي الراديو ا.خالد محمد السليفاني (17 يوليه 2023). مقارنة بين موجة دابDAB وبين اف امfm على راديو فليبس (بالعربية). Retrieved 2026-03-24 – via YouTube.{{استشهاد بوسائط مرئية ومسموعة}}: صيانة الاستشهاد: لغة غير مدعومة (link)
  29. ↑ روائع وأبداع دهببوكا (6 اكتوبر 2024). راديو DAB + عالى الجودة لاشوشرة لا تداخل لا صفير يعمل على الواى فاى وبدون للبيت والسيارة أقوى من FM (بالعربية). اطلع عليه بتاريخ 2026-03-24 – عبر YouTube.{{استشهاد بوسائط مرئية ومسموعة}}: صيانة الاستشهاد: لغة غير مدعومة (link)
  30. 1 2 O'Neill، Brian (2009). "DAB Eureka-147: a European vision for digital radio". New Media & Society. ج. 11 ع. 1–2: 261–278. DOI:10.1177/1461444808099578. S2CID:44483024. مؤرشف من الأصل في 2010-05-14. اطلع عليه بتاريخ 2009-12-11.
  31. ↑ "Digital Radio - The Eureka 147 DAB System". BBC R&D. أبريل 1998. مؤرشف من الأصل في 2021-08-02. اطلع عليه بتاريخ 2021-08-02.
  32. ↑ Gandy، C. (يونيه 2003). BBC R&D White Paper WHP 061 - DAB: an introduction to the Eureka DAB System and a guide to how it works (PDF) (Report). BBC.
  33. 1 2 3 4 Halbert، John C. C. (مايو 2015). A Case Study of HD Radio Diffusion in the United States (PhD thesis). University of Miami.
  34. ↑ Gross، Judith (8 مايو 1991). "DAB Hits Big at NAB Debut" (PDF). Radio World. ج. 15 رقم  9. ص. 1 – عبر worldradiohistory.com. Exactly one year after the concept of digital radio broadcasting became known to the U.S. radio industry, DAB made a stunning debut at the 1991 NAB show here.
  35. ↑ Sieber، Andreas؛ Weck، Chris (يوليه 2004). "What's the difference between DVB-H and DAB - in the mobile environment" (PDF). EBU Technical Review. European Broadcasting Union.
  36. ↑ Kozamernik، Franc (يناير 2004). "DAB - from Digital Radio towards Mobile Media" (PDF). EBU Technical Review. European Broadcasting Union.
  37. ↑ St.meld. - Kringkasting i en digital fremtid - Ulike distribusjonsteknologier for digital radio [Report to the Storting - Broadcasting in a digital future - Different distribution technologies for digital radio] (Report) (بالنرويجية). Regjeringen.no. 11 مايو 2007. Archived from the original on 2012-01-16. Retrieved 2011-05-22.
  38. ↑ Kozamernik، F. (الخريف 1995). "Digital Audio Broadcasting– radio now and for the future" (PDF). EBU Technical Review. European Broadcasting Union. مؤرشف (PDF) من الأصل في 2017-08-11. اطلع عليه بتاريخ 2022-01-14.{{استشهاد ويب}}: صيانة الاستشهاد: date auto-translated (link)
  39. ↑ "Archived copy" (PDF). مؤرشف (PDF) من الأصل في 2023-06-26. اطلع عليه بتاريخ 2023-07-01.{{استشهاد ويب}}: صيانة الاستشهاد: الأرشيف كعنوان (link)
  40. ↑ "Digital radio IC makers wrestle with rival standards". EE Times. 5 أبريل 2002. مؤرشف من الأصل في 2023-06-26. اطلع عليه بتاريخ 2023-06-26.
  41. ↑ Kozamernik، F. (الخريف 1995). "Digital Audio Broadcasting– radio now and for the future" (PDF). EBU Technical Review. European Broadcasting Union. مؤرشف (PDF) من الأصل في 2017-08-11. اطلع عليه بتاريخ 2022-01-14.{{استشهاد ويب}}: صيانة الاستشهاد: date auto-translated (link)
  42. ↑ van de Laar، F.؛ Philips، N.؛ Huisken، J. (الصيف 1997). "Towards the next generation of DAB receivers" (PDF). EBU Technical Review. European Broadcasting Union.{{استشهاد ويب}}: صيانة الاستشهاد: date auto-translated (link)
  43. ↑ "Better Radio, Or Tvs Poor Cousin? Images". Business Standard. 10 ديسمبر 1997.
  44. ↑ Bower، Andy J. (10 يونيه 1998). DIGITAL RADIO - A Revolution For In-Car Entertainment (PDF) (Report). Birmingham, England: Proceedings of NavPos Automative '98 Conference. ج. 2. ص. 40–51 – عبر BBC.
  45. ↑ Kozamernik، F. (الربيع 1999). "Digital Audio Broadcasting – coming out of the tunnel" (PDF). EBU Technical Review. European Broadcasting Union.{{استشهاد ويب}}: صيانة الاستشهاد: date auto-translated (link)
  46. ↑ "TI Introduces Industry's First Open Software and DSP-Based Solution for Eureka DAB Digital Radio Receivers". Texas Instruments. 15 يناير 2001. مؤرشف من الأصل في 2025-10-16. اطلع عليه بتاريخ 2025-03-04.
  47. ↑ Yoshida، Junko (5 أبريل 2002). "Digital radio IC makers wrestle with rival standards". EE Times. اطلع عليه بتاريخ 2025-03-04.
  48. ↑ Gardner، J. H. (29 اكتوبر 2011). THE DRE200 – MAKING DIGITAL RADIO AFFORDABLE, PORTABLE AND AVAILABLE NOW (PDF) (Report). Texas Instruments.
  49. ↑ "What's Hot in DAB!" (PDF). The World DAB Forum Newsletter. WorldDAB. ع. 5. اكتوبر 2001.
  50. ↑ Santo، Brian (14 نوفمبر 2019). "The Consumer Electronics Hall of Fame: Pure Evoke-1 DAB Digital Radio - IEEE Spectrum". IEEE Spectrum. مؤرشف من الأصل في 2023-06-26. اطلع عليه بتاريخ 2023-07-01.
  51. ↑ Bush, Steve (8 اكتوبر 2014). "UK company profile: Frontier Silicon and Toumaz". Electronics Weekly (بالإنجليزية). Retrieved 2025-03-04.
  52. ↑ Howard، Quentin (يوليه 2005). "DAB digital radio - a recipe for success" (PDF). EBU Technical Review. European Broadcasting Union. مؤرشف (PDF) من الأصل في 2021-09-16. اطلع عليه بتاريخ 2023-07-01.
  53. ↑ Lax، SE (31 ديسمبر 2014). "The failure of a 'success story': digital radio policy in the UK" (PDF). Australian Journalism Review. Journalism Education Association – عبر White Rose University Consortium.
  54. ↑ "Digital Broadcast - bringing the future to you". WorldDAB. 2006. مؤرشف من الأصل في 2007-10-17.
  55. ↑ "Egypt | Countries | WorldDAB". www.worlddab.org. اطلع عليه بتاريخ 2024-09-24.
اتجابت من "https://arz.wikipedia.org/w/index.php?title=دى_ايه_بى&oldid=13237913"