Occitán gascón

Gascón
Gascon
Variedaz de l'occitán
Extensión d'o gascón
Localización cheografica
Parlau en	Gascunya Biarn Bigorra
Estatus
Charradors	253.814
Oficial en	Catalunya (Aranés)
Regulau por	Conselh de la Lenga Occitana
Clasificación lingüistica
● Indoeuropea    ● Romance      ● Romance occidental        ● Galorromanica          ● Occitanorromanica            ● Occitán              ● Gascón
Codigos
ISO 639-1	oc (occitán)
ISO 639-2	oci (occitán)
ISO 639-3	oci
SIL	oci

L'occitán gascón ye o dialecto mes occidental de l'occitán, prou diferenciato d'a resta, y con diversas influencias posiblement bascas. L'aranés ye una varietat local d'o subdialecto gascón pirenenco.

Ista modalidat occitana tien una fuerte personalidat y ye diferent d'a resta d'os dialectos d'oc y por ixo belas peronas afirmaban que se trataba d'una luenga diferent. Iste pareixer ye muit minoritario hue: os lingüistas y a gran mayoría d'os usuarios d'a variedat gascona fan servir a visión unitaria de l'occitán con a norma cheneral alibertina, a mesma d'a resta de dialectos occitans. A muga d'o gascón con os atros dialectos occitans se produce con parlas de transición en as riberas d'a Garona dende a val d'Arán (on se charra l'aranés), dica Bordeus.

O gascón se divide en diversos subdialectos entre os cuals domina a livel normativo a variedat biarnesa u biarnés (que en muitos aspectos presenta mas peculiaridaz que l'aleixan d'o lengadocián). As parlas pirenencas presentan atras tendencias particulars como l'articlo pirenenco eth (femenín era), y localment, especialment en aranés, a conservación de l'[a] final atona y os plurals femenins en -es (l'aranés ha adoptato la normativa occitana cheneral —l'alibertina— que puede transcribir belas particularidaz locals).

Pèire Bèc, un d'os estudiosos mas importants d'o gascón, proposó:

• una "clasificación dialectal" de l'occitán (tres grupos: gascón, nordoccitán y sudoccitán),
• una clasificación "supradialectal" (tres atros grupos: aquitanopirenenco, occitán central y arvernomediterranio) unindo o gascón a lo lengadocián meridional ta formar o grupo aquitanopirenenco.

Rasgos propios d'o gascón

Bellas d'as caracteristicas particulars d'o gascón son:

• Cambio de f a h (que en bels indreitos no se pronuncia) -> huec (fuego). heuguèra ("felequera" u "felz(e)").
• Cayita d'a n intervocalica -> haria ("farina"), lua ("luna").
• Transformación d'a ll latina en th en as rematanzas y en r en posición intervocalica -> castèth ("castiello"), bèth bèra (bonico bonica).
• Conservación de QUA y GUA latinos (en a resta de l'occitán pasan a [ka] y [ga]).
• Reducción de -MB- e -ND- latinos a [m] y [n] como en catalán.

O sufixo latino -ANUM presenta a forma coincident con o catalán -à dende a costa dica a val d'Aura, y en a zona d'a Garona presenta a forma -án coincident con o belsetán y o chistabín. D'esta manera en gascón se puet decir mardà u mardàn.

Escritura

O gascón fa servir bellas grafías particulars como h-, -th, -sh y n·h, s·h (como in·hèrn, des·har ta evitar una posible confusión con -nh-, -sh-).

Referencias

Luengas romances

Aragonés | Arrumano | Astur-leyonés | Castellano | Catalán | Corso incluindo o gallurés | Chudeocastellano | Dalmata | Emilián-romanyol | Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés, Jèrriais y Anglo-normando), Petavín-Santonchés, Picardo y Valón | Francoprovenzal | Friulán | Gallego | Istriot | Istrorrumano | Italiano | Ladino | Ligur | Lombardo | Meglenorrumano | Napolitán | Occitán incluindo o gascón y l'aranés | Piemontés | Portugués | Rumanche | Rumano | Sardo incluindo o sasarés | Siciliano | Veneciano

• Datos: Q35735
• Multimedia: Gascon language / Q35735