Eusko Abendaren Ereserkia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

"Eusko Abendaren Ereserkia"
Información cheneral
En aragonés	Himno d'a Raza Basca
Atros nombres	Gora ta Gora, Euzko Abendaren Ereserkija, Euskadiko Ereserkia
Himno nacional d'o País Basco
País	País Basco
Adopción	14 d'abril de 1983
Letras	Sabino Arana (1902)
Idioma	Basco
Compositor	Melodía popular anonima
Chenero	Himno nacional Sabin Arana Goiri, 1902 Voz: Jose Antonio Urdiain

"Eusko Abendaren Ereserkia" u "Euskadiko Ereserkia" (en idioma aragonés Himno d'a Raza Basca u Himno d'Euskadi, en grafía sabiniana orichinal "Euzko Abendaren Ereserkija") ye l'himno oficial d'o País Basco. Ye popularment conoixito como o "Gora ta Gora" (Entalto y entalto), en estar istas as palabras que se mencionan en o suyo inicio.

Grabación instrumental del himno

Historia

A melodía d'iste himno ye una melodía popular basca anonima que antigamente gosabe interpretar-se en prencipiar os bailes como un saludo enta la bandera.

A zaguerías d'o sieglo XIX, cuan o nacionalismo trunfaba en Europa y en o País Basco, Sabino Arana Goiri prenió ista melodía, n'escribio una letra y a tituló orichinalmente como Euzko Abendaren Ereserkija ("Himno d'a Raza Basca" u "Himno d'a Etnia Basca").

O primer Gubierno Basco de 1936 (formau por representants d'EAJ-PNV, EAE-ANV, PSOE, PCE, Izquierda Republicana y Unión Republicana) adoptó ista melodía (sin a letra d'Arana) como himno d'o País Basco.

Aprobación

Dimpués de l'aprobación d'o estatuto d'autonomía d'o País Basco (1979), o 14 d'abril de 1983 o Parlamento Basco adoptó, con os votos d'Euzko Alderdi Jeltzalea y d'o Centro Democrático y Social y a oposición d'o PSE-PSOE, Euskadiko Ezkerra y Alianza Popular, ista melodía como himno oficial, negando o suyo caracter partidista. Qui s'oponeba a ista mesura sí que la consideraban partidista y apostaban por l'adopción d'a canción de José María Iparraguirre Gernikako arbola ("L'árbol de Guernica", 1853), con o refirme d'Alianza Popular y sectors tradicionalistas y carlistas, u por a canción de José María Garate Eusko Gudariak ("Os soldatos bascos", 1931), ista ultima con o refirme de Herri Batasuna y Euskadiko Ezkerra.

L'arreglo oficial ta orquesta ye obra de Tomás Aragüés.

Parolas

En basco	En aragonés
Gora ta Gora Euzkadi aintza ta aintza bere goiko Jaun Onari. Areitz bat Bizkaian da Zar sendo sindo bera ta bere lagia lakua Areitz gainean dogu gurutza deuna beti geure goi buru Abestu: gora Euzkadi aintza ta aintza bere goiko Jaun Onari	Entalto y entalto o País Basco gloria y gloria a o suyo Buen Sinyor d'alto. Bi ha en Bizcaya un caixico viello, cerenyo, sano él como a suya mesma lei Dencima o caixico tenemos a la santa cruz siempre o nuestro lema Cantaz: entalto o País Basco gloria y gloria a o suyo Buen Sinyor d'as altarias.

Vinclos externos

• (eu) Ascuitar o himno "Euzko Abendaren Ereserkia" en Youtube.com.
• (eu) Ascuitar o himno "Euzko Abendaren Ereserkia" cantato por a Camareta de La Luna d'Archentina.

Referencias

• Datos: Q876581