Pokŏż zdrzōdło Polsko

== Gyszichta ==
[[Plik:Jan Matejko - Zaprowadzenie chrześcijaństwa R.P.965, z cyklu "Dzieje Cywilizacji w Polsce" - 01 (MP 3894).jpg|thumb|left|Krzest Polskij na uobroźe [[Jan Matejko|Jana Matejki]]]]
Pjyrsze znoki pojawjeńo śe [[Czowjek|czowjeka]] we Polsce uoddykńynto we uokolicach [[Wjelge Kůńczycy|Wjelgich Kůńczycůw]] na [[Ćeszyński Ślůnsk|Ślůnsku Ćeszyńskim]] (uokoło 800 tyśůncůw lot tymu) a we uokolicach [[Strzygům|Strzygůńa]] na [[Dolny Ślůnsk|Dolnym Ślůnsku]] (bůły tam kamjynne werkcojgi ze uůn. 500 tys. lot tymu<ref>[[Rościsław Żerelik]], ''Dzieje Śląska do 1526 roku'', w: M. Czapliński, E. Kaszuba, G. Wąs, R. Żerelik, Historia Śląska, [[Wrocłow]] [[2002]], z. 19.</ref>).

Jako symboliczny anfang państwowośći polskej uznowo śe jeji [[Krzest Polskij|krzest]], kery kśůnże polski [[Mjyszko I]] dostoł we 966 roku. We grańicach polskego kreju pode włodańym Mjeszka I były: Wjelgopolsko, [[Mazowsze]], tajla [[Půmorze|Půmorza]] ze [[Gdańsk|Gdańskem]], [[Ślōnsk|Ślůnsk]] a [[Małopolsko]].

Pjyrszym władcům Polski, kery został koronowany, był syn Meszka I – [[Bolesław Chrobry]]. Bolesław przikuplowoł ku Polsce [[Łużyca]], [[Morawa]], [[Słowacyjo]] a Czerweńske Grůdy.

We lotach 1010 a 1017 mjymjecki kajzer [[Hajnel II Śwjynty]] napadoł na zachodńo tajla polskeho Ślůnska. We 1038 kśůnże czyski [[Brzetysław I]] napodł a prziłůnczůł tajla Ślůnska po lewyj zajće Uodry do Czechůw. Ńyskorzi po 12 lotach krůl [[Kaźimjyrz I Uodnowićel]] zdobůł zaś cołki Ślůnsk lo Krůlestwa Polskego. Do 1106 roku bůło wjela wojyn Polski ze Czechůma, potym s mjymjeckim cesarzym [[Hajnel V|Hajnlym V]].

We 1138 testamynt [[Bolesław Krziwousty|Bolesława Krziwoustego]] napoczůn uoztajlowańe dźelńicowe Polski. Ślůnsk a lubusko źymje dostoł jigo nojstarszi syn [[Władysław II Wygnańec]], Mazowsze dostoł [[Bolesław IV Kandrzinawy|Bolesław IV Kandrzawy]], a zachodńo Wjelgopolske dostoł [[Mjyszko III Stary]].

4 lipca 1569 we [[Lublin|Lublińe]] Polsko a [[Litwa]] utworziły państwo [[Rzeczpospolita Uobojga Norodůw]].

We latach 1648–1657 na [[Ukrajina|Ukrajińe]] trwało powstańa przećiwko Rzeczypospolityj.

Uod 1795 Polska bůła pod zaborůma, a jeji terytoryjům potajlowano mjyndzy [[Ruske Impyrium|Rusyjo]], [[Austryjŏcke Cysŏrstwo|Austrijo]] a [[Krůlestwo Prusůw|Prusy]]. Uod 29 listopada 1830 do 23 paźdźerńika 1831 trwoło powstańe listopadowe a uod 22 styczńa 1863 do paźdźerńika 1864 trwoło powstańe styczńjůwe przećiwko Rusyji. [[Samostanowjyńy]] uodzyskoła uod Mjymcůw a Austro-Wynger po kůńcu [[I wojna śwjatowo|I wojny śwjatowyj]] 11 listopada 1918.

1 wrześńa 1939 przez angrif [[III Rajch|Mjymcůw]] na Polsko uozpoczyła śe [[II wojna śwjatowo]]. 17 wrześńa na Polsko ruszył [[Sojusz Socjalistycznych Sowjeckich Republik]]. Warszawa kapitulacyjowało 28 wrześńa. Do 1945 Polsko było pod [[Mjymjecko uokupacyjo we Polsce 1939-1945|uokupacyjům mjymjeckům]]. Uod 1 śyrpńa do 3 paźdźerńika 1944 trwało [[powstańe warszawske]].

1945–1989 bůł sam uokres, kej u władzy bůły [[Kůmůńizm|kůmůńisty]], 1952–1989 mjanowoło śe to [[Polsko Ludowo Republika]]. Uod 1989 zaś [[ustrůj]] [[Dymokracyjo|dymokratyczny]]. Uod 1 moja 2004 Polsko je człůnkem Ojropejskij Uńije.