% Text title            : Pratibimbalahari Sanskrit verse translation of tiruvAymoShi Tiruvaimozhi
% File name             : pratibimbalaharI.itx
% Category              : vishhnu, major\_works, viShNu
% Location              : doc\_vishhnu
% Proofread by          : Aruna Narayanan
% Latest update         : November 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pratibimba Lahari ..}## 
\itxtitle{.. pratibimbalaharI ..}##\endtitles ##
##
\section{Introduction}
Pratibimbalahari -- Tiruvaymoli / Tiruvaimozhi (Tamil: dhiruvAymoLi)

The Naalayira Divya Prabandham -
(Tamil: nAlAyiradh dhivviyabhbhirabhandham, romanized: Nālāyira Divya Prabandham, lit. 'Four Thousand Divine Hymns') is a collection of 4,000 Tamil verses composed by the 12 Alvars. It was compiled in its present form by Nāthamuni during the 9th–10th centuries. 

Description :
The Divya Prabandham sings the praises of Narayana (Vishnu) and his many forms. The Alvars sang these songs at various sacred shrines known as the Divya Desams. 
Prominent among its 4,000 verses are the 1,102 verses known as the Tiruvaymoli ("verses of the sacred mouth"), composed by Nammalvar and which forms the third portion of the overall Divya Prabandham.  The poem is divided into 10 sections (pattu) of about 100 verses each. Each hundred is divided into 10 decads (dashakas).

Pratibimba Lahari : 
This magnum opus by Sri U.Ve. Villur Nadadoor Sribhashya Simhasanadhipati "Sahitya Vyakarna Vachaspati" Venkataseshacharya Swami (1855-1934 CE) is translation of Tiruvaimozhi into Sanskrit Shlokas.

U. Ve. Dr. Karunakarachariar Swamy, the grandson of the author, took the tremendous task of publishing the entire work in 10 volumes in a span of 35 years. He mentions perhaps due to funds constraints it was not published during his grandfather and Father's times. 

The original text in Grantha, had to be transcribed in Devanagari. With great efforts and help from family members, he finally succeeded to complete the task of publishing the entire text of Pratibimbalahari in Devanagari, in his lifetime thankfully.

Dr. V.S. Karunakarachariar Swamy is a renowned scholar and speaker in the Bhagavatha Ramanuja Sampradayam, known for his lectures and writings in Tamil, Sanskrit, and English.

For the benefit of Sanskrit admirers all over the world, Swamiji has conveyed his permission to post this work on Sanskritdocuments website. 

Any queries may please be sent to sanskrit at cheerful.com. 
##
\chapter{mUlam}
shrIH
|| sarvadivyaprabandhasAdhAraNamukhapadyAni ||
rAmAnujadayApAtraM j~nAnavairAgyabhUShaNam |
shrImadve~NkaTanAthAryaM vande vedAntadeshikam || 1||
lakShmInAthasamArambhAM nAthayAmunamadhyamAM
asmadAchAryaparyantAM vande guruparamparAm || 2||
yo nityamachyutapadAmbujayugmarukma\-
vyAmohatasditarANi tR^iNAya mene |
asmadguroH bhagavato.asya dayaikasindhoH
rAmAnujasya charaNau sharaNaM prapadye || 3||
mAtA pitA yuvatayastanayA vibhUtiH
sarvaM yadeva niyamena madanvayAnAm |
Adyasya naH kulapateH vakulAbhirAmaM
shrImattada~NghriyugalaM praNamAmi mUrdhnA || 4||
bhUtaM sarashcha mahadAhvaya\-bhaTTanAtha\-
shrIbhaktisArakulashekharayogivAhAn |
bhaktA~NghrireNu\-parakAlayatIndramishrAn
shrImatparA~NkushamuniM praNato.asmi nityam || 5||
ma~NgalAshAsanAdisUktapraNetuH shrIbhaTTanAthasya
\section{|| stutipadyagAthAH ||}
gurumukhamanadhItya prAhavedAnasheShAn
narapatipariklR^iptaM shulkamAdAtukAmaH |
shvashuramamaravandyaM ra~NganAthasya sAkShAt
dvijakulatilakaM taM viShNuchittaM namAmi || 1||
jvalatA\* pR^ithunA chApi prAkAreNAbhiveShTitam |
dhanvinavyapuraM brUte sakR^idyo manujottamaH ||
tasyA~NghrikamalaM shIrShNA vahAmo; rAjasaMsadi |
pUrvaM dAritashulkaM taM prashaMsAmo mano! vayam ||
ityadhogatidaM mArgaM dArayAmassamAgatAH || 2|| 
(\*asmAbhiH imAni padyAni uparisthitamukhadramiDagAthA\-
vivartanatayA kR^itAni | \- parishodhakaH)

prashaMsechcha yathA pANDyo sha~NkhadhmAnaM janA yathA |
kuryuH prApta ihAdyAyaM bhaTTanAtho mahAniti ||
tathA kA~NkShitavedAnAM paThan vAkyAni saMsadi |
AdadArAshu shulkaM yaH tasyA~NghrI sharaNaM hi naH || 3||
shrI viShNuchittadivyasUrishrIsUkte prathamaM dashakaM
\section{|| ma~NgalAshAsanam ||}
(saMskR^itavivartanam)
(bAlakavi\-villUr\-naDAdUr\-shrI\-sundararAja\-praNItam)
vijayatAM chiraM shAshvatIssamAH bahusahasriNIH koTikoTishaH |
mallajinmahAskandha ! ratna ! te raktapadprabhA svastishalinI || 1||
dAsaissamairarahito vijayasya nityaM tvaddakShiNorasi chiraM jayatu sthitA shrIH |
bhAsvachchiraM jayatu dakShiNavarti chakraM ghuShyan sa dIvyatu chiraM yudhi pA~nchajanyaH || 2||
sheShAH prabhoryadi mR^idaM mudamApnutAsmadyUthaM praveShTumudarambharayo na yogyAH |
AsaptapUrvapuruShAdanaghA hi rakShola~NkAM vinAshitavate jayamIrayAmaH || 3||
asmadgaNaM dharaNikheTaniveshanAtprAksImAvadhIrya samupeta sametukAmAH |
nArAyaNAya nama ityakhileDyarItyA bhaktAH ! prabhorjayamudIrayayatAbhyupetya || 4||
daiteyarAkShasakulAnyakhilANDanAthaM unmUlya mUlaharamIshvaramindriyANAm |
dAsAH ! praNamya shubhanAmasahasramuktvA tyaktvA purAtanakulaM vijayaM bravIdhvam || 5||
mattAtatAtapitR^ikAlata etya dAsyaM vaMshakrameNa tanumaH shravaNotsave.asau |
bhUtvA pradoShasamaye.arimahan hariryaH taM dR^iShTidoShavigamAya jayeti vachmaH || 6||
atyagnibhAsvarasudarshanachakrachihnAH dAsyaM prabhoriha kulakramasho dadhAnAH |
mAyAvibANabhujataH kShatajaM purAjau chakreNa vAhitavate jayamIrayAmaH || 7||
annaM ghR^itAdi subhagaM paramaM cha dAsyaM tAmbUlahAravarachandanakuNDalAni |
datvA shubhAni mama shuddhikarAya vachmi nityaM jayeti vachanaM garuDadhvajAya || 8||
dhR^itvA.ambaraM tava niShevya cha bhuktasheShaM dAsAstvadIyatulasIsrajamAbharantaH |
kR^itvA nidiShTamabhijinmaha IrayAmaH nAge phaNAvati shayAna chiraM jayeti || 9||
dAsaH prabhorabhavamatra yadA tadaiva mokShaM mamAlabhata nIchataraH kuTIraH |
puNyAhajAta mathurApuri bhagnachApa pa~nchAsyabhogimakuTastha jayeti vachmaH || 10||
niShpApagoShThipurajanyabhimAnatu~NgaH shrImAn yathAhamahapi nAtha! tavAsmi dAsaH |
nArAyaNAya nama ityabhidhAya puNyAt tubhyaM pavitra! bahudhA jayamIrayAmi || 11||
nityaM jayeti parameShThinamUDhashAr~NgaM puNyaM yathA.astuta girA kila viShNuchittaH |
taM yuktakAla iti ye.anudinaM paThanti te mUlamantramukharAH paramaM parIyuH || 12||
|| shrImadhurakavidivyasUrivirachitaH granthimallaghuguNaprabandhaH ||
(bAlakavi villUr naDAdUr sundararAjakR^ita saMskR^itavivartanayutaH)
\section{|| mukhapadyagAthe ||}
aviditaviShayAntarashshaThAreH upaniShadAmupagAnamAtrabhogaH |
api cha guNavashAttadekasheShI madhurakavihR^idaye mamAvirastu || 1||
\*jAnAmi nAnyat kila ki~nchanAhaM vedaM ghaTodbhUtagiri pradAtA |
mArashshaThAriH kurukAvR^iSho naH jIvAturityAdi nutIrvidhAya |
Aste kaviryo madhuraH prashAstA mAnyaH surakShA cha sa eva no.asti || 2|| 
(\*idaM parishodhakaiH asmAbhiH kR^itaM vivartanam |)

\ldq{}laghIyasA granthimatA guNena\rdq{}
laghiShThasagranthiguNena mAyinaH prabhormama prApitabandhanAdapi |
japena nAmnA kurukAguroritaH madIyajihvA madhumattarA bhavet || 1||
avApamAnandamudIrya jihvayA shubhaM tadIyaM cha padaM yadArthataH |
ta vedmi daivaM kurukeshataH paraM charAmi gAyan madhurA hi tatkR^itIH || 2||
tathA charan rUpamavekShituM kShame sitetaraM devapateH shriyA yutam |
udAravR^itteH kurukAprabhorahaM samAsadaM shreya idaM susevayA || 3||
samunnatAH shreyasi vedavittamAH vininditaM vidyurimaM janaM yataH |
piteva mAteva cha rakShakastataH sa nAyakaH shrIshaThakopa eva me || 4||
parassvavishvAsaparaH purAbhavaM vilAsinIH vyashvasamevameva cha |
sahemasaudhAM kurukAmadhiShThitaM prabhuM samAshritya jayAmi sAmpratam || 5||
itaH paraM saptasu janmasu svakaM yashassa gAtuM kR^itavAnanugraham |
bR^ihadgR^ihashrIkurukApurIprabhuH upekShitA mAM na kadApi pashyata || 6||
sa kArijo mAmavalokya pArshvataH mamArja sarvaM mama pApasa~nchayam |
prabodhayannaShTadisho.api kIrtaye shaThadviSho drAviDagAyino dayAm || 7||
dayAM shriyaH patyuravApya nandatAM dadau mude yo nigamArthasaMvidam |
sahasragAthAH dramiDIyabhAShayA praNeturindhe karuNA shaThadviShaH || 8||
dvijAtigItashrutisArasampadaM nyadhatta sa~NgIya sa mAnase mama |
yashasvino dAsyaruchishshaThadviShaH paraM phalaM ki~NkarajIvitasya naH || 9||
apakvabuddherapi niShphalasya cha kriyAssamIkR^itya mudAnugR^ihNataH |
pikADhyagulme kurukApure sthita! prabho ! paraM tvatpadayoH priyaM yate || 10||
priyaM shriyaH kAntamupeyuShAM satAM priyasya dAsaH kurukAshaThadviShaH |
kaviryadUche madhuraH priyo.atra tat paraM padaM vishvasatAM padaM dhruvam || 11||
|| shrIshaThakopasUreH sahasragItiprabandhasya mukhapadyAni\* || 
(\* eteShAM dramiDamukhapadyAnAM saMskR^itIkaraNaM asmAbhiH kR^itaM \-\- shodhakaH)

bhaktAmR^itaM vishvajanAnumodanaM sarvArthadaM shrIshaThakopavA~Nmayam |
sahasrashAkhopaniShatsamAgamaM namAmyahaM drAviDavedasAgaram || 1||
deshaM shrIvaludeH tathA cha kurukAM tAM dakShiNAM shrIpurIM
gambhIrAM lalitAM cha tAmrasaritaM sa~NkIrtya chitta ! sphuTam |
gambhIrAn atidurlabhAn nijagirA tvantAdirUpe.akarot
yo vedAn satataM tadIyacharaNAveva prachintyau tvayA || 2||
vAchA hR^idA vA kurukApurIM tAM samAshritAnAM gaNato bahirye |
na tAn bhajeyaM dhanato na hInaH shaThAripAdau mama sarvabhUtau || 3||
yuktAtikIrteH yatishekharasya rAmAnujAryasya padAravinde |
divye bhaje.ahaM niravadyadIvyattAdR^ikShakIrteH shaThakopasUreH |
labdhuM hi chittaM dramiDashrutInAM sandhAraNe pATavadArDhyayuktam || 4||
vyomaspR^igudyAnasuvaprayuktara~NgeshakalyANaguNaprashaMsAH |
AtanvatInAM dramiDashrutInAM mAtA savitrI shaThakopasUriH ||
sa~NkhyA sahasraM bhavatIha yAsAM tAsAM samArohaNato.atimAnyAt |
saMvardhane nityaratopamAtA rAmAnujAryo yatirAja indhe || 5||
patyuH prabandhaH kurukAjanAnAM vINAsanAbhiH madhuraM pravakti |
prApyaM paraM jIvamathAsya mArgaM vighnIbhavatkarma cha muktisaukhyam || 6||
\section{shrImadvedAntadeshikairanugR^ihItA || tAtparyaratnAvaliH ||}
|| shrIH ||
rAmAnujadayApAtraM j~nAnavairAgyabhUShaNam |
shrImadve~NkaTanAthAryaM vande vedAntadeshikam ||
\section{(avatArikA)}
sArassArasvatAnAM shaTharipubhaNitiH shAntishuddhAntasImA
mAyAmAyAminIbhiH svaguNavitatibhiH bandhayantIM dhayantI |
pArampAramparIto bhavajaladhibhavanmajjanAnAM janAnAM
pratyak pratyakShayennaH pratiniyataramAsannidhAnaM nidhAnam || 1||
praj~nAkhye manthashaile prathitaguNaruchiM netrayan sampradAyaM
tattallabdhiprasaktaiH anupadhi vibudhaiH arthito ve~NkaTeshaH |
talpaM kalpAntayUnaH shaThajidupaniShaddugdhasindhuM vimathnan
granthAti svAdugAthAlaharidashashatInirgataM ratnajAtam || 2||
pA~nchAlIgAtnashobhAhR^itahR^idayavadhUvargapumbhAvanItyA
patyau padmAsahAye praNayini bhajataH preyasIpAratantryam |
bhaktiH shR^i~NgAravR^ittyA pariNamati muneH bhAvabandhaprathimnA
yogAt prAguttarAvasthitiriha viraho deshikAstatra dUtAH || 3||
bhAShAgItiH prashastA bhagavati vachanAt rAjavachchopachArAt
sA chAgastyaprasUtA tviti parijagR^ihe bhUmikAbhedayogyA |
yattatkR^ityaM shrutInAM munigaNavihitaiH setihAsaiH purANaiH
tatrAsau sattvasImnaH shaThamathanamuneH saMhitA sArvabhaumI || 4||
Adau sharIrakArthakramamiha vishadaM viMshatirvakti sAgrA
sa~NkShepo.asau vibhAgaM prathayati cha R^ichAM chArupAThopapannam |
saMyaggItAnubaddhaM sakalamanugataM sAmashAkhAsahasraM
saMlakShyaM sAbhidheyaiH yajurapi dashakaiH bhAtyatharvArasaishcha || 5||
prAchye sevAnuguNyAt prabhumiha shatake.amaMsta mukterupAyaM
muktaprApyaM dvitIye muniranububudhe bhogyatAvistareNa |
prApyatvopAyabhAvau shubhasubhagatanorityavAdIt tR^itIye.a\-
nanyaprApyashchaturthe samabhavaditarairapyananyAdyupAyaH || 6||
devaH shrImAn svasiddheH karaNamiti vadan ekamarthaM sahasre
sevyatvAdIn dashArthAn pR^ithagiha shatakaiH vakti tatsthApanArthAn |
ekaikashyAt paratvAdiShu dashakaguNeShvAyatante tathA te
tattadgAthAguNAnAmanuvidadhati tatpa~NktayaH pa~Nktisa~NkhyAH || 7||
sevyatvAt bhogyabhAvAt shubhatanuvibhavAt sarvabhogyAdhikattvAt
shreyastaddhetudAnAt shritavivashatayA svAshritaniShTahR^itvAt |
bhaktachChandAnuvR^itteH nirupadhikasuhR^idbhAvataH satpadavyAM
sAhAyyAchcha svasiddheH svayamiha karaNaM shrIdharaH pratyapAdi || 8||
brUte gAthAsahasraM muramathanaguNastomagarbhaM munIndraH
pratyeka~nchAtra gAthAH prathitavibhuguNAH spaShTamadhyakShayAmaH |
tatrAsa~NkIrNatattaddashakaguNashatasthApanauchityayuktAn
aidamparyAvaruddhAn agaNitaguNitAn tadguNAnudgR^iNImaH || 9||
ichChAsArathyasatyApitaguNakamalAkAntagItAntasidhyat\-
shuddhAntAchArasiddhaiH iyamanaghaguNagranthibandhAnubaddhA |
tattAdR^iktAmraparNItaTagatashaThajiddR^iShTasarvIyashAkhA\-
gAthAtAtparyaratnAvalirakhilabhayottAriNI dhAraNIyA || 10||
|| iti avatArikA ||
\section{prastAvanA}
|| shrIH ||
|| shrImate lakShmIhayavadanaparabrahmaNe namaH || shrImate vakulabhUShaNamahAgurave namaH ||
|| shrImate rAmAnujAya namaH || shrImate vAtsyavaradadeshikAya namaH ||
|| shrImate nigamAntamahAdeshikAya namaH || shrImate sundarAryamahAdeshikAya namaH ||
tiruvAymoShi (##Tiruvaimozhi##)
tasyAH shrIve~NkaTasheShAryamahAdeshikaiH saMskR^itashlokaiH kR^itA
|| pratibimbalaharI ||
(shrImadve~NkaTasheShAryamahAdeshikavirachitA)
(tatra prastAvanA)
kalyANaM ko.api kalpadruH karotu karuNAkR^itiH |
vaTAkShaiH punaruktashrIH rukmiNIsatyabhAmayoH || 1||
vande vandArubR^indAyAnandasandohadaM girA |
mandetaradayAkandaM taM devaM hayakandharam || 2||
shrIshaM shriyaM shaThArAtiM tadIyAM dramiDashrutim |
tadvyAkhyAH tatkR^itashchAhaM praNamAmyakhilAn gurUn || 3||
tAtapAdAnahaM vande vAtsyAn varadadeshikAn |
yAnanvagR^ihNan vedAntarAmAvarajayoginaH || 4||
shrIsundarAryaguruvaryatayAvatIrya mAdR^iksamastajanatAjanitApahartuH |
chitte sthitasya mama ra~NgapateH prasattyai kurve.anubimbalaharIM dramiDashrutInAm || 5||
dayantAM deshikAH pUrve te te divyAshcha sUrayaH |
dramiDopaniShadgAthAsaMskR^itIkaraNAya me || 6||
kvAhaM mandamatiH kvachAtigahanasvAntAH shaThArergiraH
kAlakShepadhiyA yate.atra na tu tatsarvasvalekheChayA |
yadyapyasvarasaiva matkR^itiriyaM pUrNetaratvAttathA.api\-
atyantAdaraNakShamArbhakavachassArasyasAraspR^ishAm || 7||
(iti prastAvanA)
\chapter{|| pratibimbalaharI \- prathamashatakam ||}
              || shrIH ||
shrImadve~NkaTasheShAryamahAdeshikavirachitA
\section{|| atha prathamashatake prathamaM dashakam ||}
pratibimbalaharIvR^ittaM \- shArdUlavikrIDitam |
etaddashakapratipAdyaguNavisheShaH \- paratvam ||
          || sa~NgatimaNimAlA ||
shrImachChThAreshcharamaprabandhagAthAsahastre dashakaM pratIShTA |
susa~NgatatvAvahachitrapadya shatAbhiramyA maNimAlikeyam ||
shriyaHpatiM shrIshaThajit svayogAt yathAtathatvAt anubhUya chAsya |
bAhyAdyadhR^iShyAM paratAM cha jAnan premNA.asya dAsye svamano.anushAsti ||
yaH sarvochChritanissamAdhikanijAnandAdidIvyadguNaH
yashchAj~nAnanivR^ittimanmatimahAnandaprado.abhUnmama |
yashchAvismR^itidIptasUrinivahAdhIshassadaivojjvalaM
tasyAnamya padaM bhavajvaraharaM machchitta ! vardhasva bhoH || 1\.1\.1||
yo bAhyendriyajanyabuddhiviShayAchittattvato bhidyate
yogAbhyAsavishuddhachittaviShayAchChuddhAtmatattvAdapi |
yaH kAlatritaye samAbhyadhikatAshUnyo.antarAtmA mama
j~nAnAnandaghano ya IdR^igamumujjIvAnamanme manaH ! || 1\.1\.2||
tadvAnetadabhAvavAniti cha yo j~nAtuM na shakyo.antarA
rodasyoH dhR^itarUparUparahitAchichchetanAkAravAn |
yuktopyaindriyakairna chendriyapadaM digdeshakAlAnava\-
chChinnastAdR^ishasarvasadguNanidheH kasyApyabhUmAntikAH || 1\.1\.3||
yo bhUtvAsti vayaM sudUranilayo dUrasthito madhyagaH
dUrasthAtkagatAntarasthitiyutApraShTavyakoTisthitAH |
pUjyatvopahitAsta IdR^ishaguNAchidvastu yannashvarAH
te te tadguNadurguNau sa hi gataM bhAvyaM bhavachcha sthitaH || 1\.1\.4||
te te hi triguNAtmakAH svasharaNaM svasvopalabdhikramAt
tAMstAn svAmina ityayanti padayosteShAM tadIshA api |
anyUnAshcha phalapradAnashakane tattatphalAptyai vidheH
mArgAt sarvasurAtmanA sthitiyuto jAgarti sarveshvaraH || 1\.1\.5||
ye tiShThanti ya Asate chidachito ye sherate yAnti ye
tiShThantyAdinivR^ittibhAja ubhaye te te yadIyAtmakAH |
no shakyaH satataikashIla iti yassmartuM cha sarvAtmako
yo.astitvena sadaikarUpavibhavaH shrImAn sa naH saMshrutaH || 1\.1\.6||
AkAshAdimarutjvalAvanimayaM yat pa~nchabhUtaM dR^iDhaM
yachchAtratyasamastabhautikamayaM tattachcha bhUtvA svayam |
tatraikaikamanupravishya yamayannaikaikadehAtmavAn
nirbAdhaH shrutigocharo vijayate devo jagadbhakShakaH || 1\.1\.7||
devAnAmapi durgrahasthitiyuto vyomAtigAnAM vashe
hetuH sannakhilaM nijodanakaro yo yaH parasmAt paraH |
dagdhvaikaM cha puratrayaM diviShadAM j~nAnaM cha datvA haro
brahmeti prathito vinAshya sakalaM sR^iShTvA tadantaHsthitaH || 1\.1\.8||
Isho.astIti yadi sthito.asya chidachidrUpANi rUpaM na che\-
dastIsho.ayamarUpavanti chidachijjAlAni sUkShmaM vapuH |
sattvAsattvaguNitvachintanavidhau sasthUlasUkShmAkhilA\-
kAreNa dvividho.akhilasya satataM vyApyAsti sarveshvaraH || 1\.1\.9||
vistIrNodadhishItalAmbukaNikAkhaNDeShvanalpeShviva
vyAptaH pUrNatayA sadAsti bhuvi divyatyalpadesheShu cha |
tatratyAtmasu chAntarastyavidito vyApto bahishchaitada\-
styante.adan sudR^iDho.asya chitta ! bhavahAryedhasva natvA padam || 1\.1\.10||
(tAtparyaratnAvalIshlokaH)
nissImodyatguNatvAt amitarasatayA.anantalolAspadatvAt
svAyattAsheShasattAsthitiyatanabhidAvaibhavAt vaishvarUpyAt |
tyakShabrahmAtmabhAvAt sadasadavagateH sarvatattveShU pUrteH
pashyan yogI paraM tatpadakamalanatAvanvashAdAtmachittam || 1\.1\.11||
(pratibimbalaharI)
saukShamyopetaviyaddhutAshanamaruttoyakShitivyAptimat\-
shreShThatvAvahashabdadAhabalitAshaityakShamArUpiNaH |
IshasyAdhipadAmbujanma kurukAdhIshA shaThArAtinA
prokte pUrNapadArthalakShma dashakaM mokShaH sahasre tvidam ||
|| iti prathamashatake prathamaM dashakam ||
|| shrI ve~NkaTasheShAryamahAdeshikAya namaH ||
\section{|| atha prathamashatake dvitIyaM dashakam ||}
pratibimbalaharIvR^ittaM \-anuShTup 
etaddashakapratipAdyaguNavisheShaH \- \ldq{}akhilasamatA\rdq{}
       || sa~NgatimaNimAlAshlokaH || 
tadekabhogairbahubhissahAnububhUShayA tadbhajanaM janAnAm |
mahAphalaM tatra cha bhaktiyogaM hetuM kramaM chopadidesha tasya ||
sarvaM tyajata santyajya svaM cha svAmini mokShade |
samarpayata mokSheshe svAdhAre.apIchChatArpaNam || 1\.2\.1||
shampAsthityApi shUnyAni sharIrANi sthirAtmanAm |
ityatra viShaye ki~nchit bhavantaH chintayantu vai || 1\.2\.2||
tva~NkAratavakArAviti etAvAmUlato ripU |
vinAshya AshrayateshaM tatsamA nahyAtmapUrNatA || 1\.2\.3||
sadasachChabdavAchyAbhyAM chidachidbhyAM vilakShaNam |
tadrUpaM tAdR^ishAnandaM tyaktvA saM~NgaM pariShvaja || 1\.2\.4||
yadi sa~NgaH parityaktaH tadAtmA muktavatsvayam |
tathopekShya sthirechChA chet tyaja sa~NgaM shriteshvaraH || 1\.2\.5||
niShpakShapAta Isho.api sarvasnehyeva tiShThati |
bhUtvA tvamapi tatsnehI bhava tat\-sarvardhUrvahaH || 1\.2\.6||
dR^iShTvA kR^itsnojvale kR^itsne tallIlAbhogasampadau |
tatkR^itsnaM mAmakeshAtishaya ityatra bhUyatAm || 1\.2\.7||
manovAkkAyarUpeNa purANopAyanatrayam |
sthitaM vichArya niHsa~NgastaddhIshe pravaNaM kuru || 1\.2\.8||
tasmin pravaNatAM nIte sarvasa~Nkochamochanam |
bhavet pashchAtpratIkShasva vapuSho muktyanehasam || 1\.2\.9||
asa~NkhyatachChubhaguNasvaprakAshasthirAtmanaH |
suguNAnAM nidhernArAyaNasyaihi dR^iDhaM padam || 1\.2\.10||
(tAtparyaratnAvalIshlokaH)
svAmitvAt susthiratvAt nikhilanirupadhisvAtmavitgrAhyabhAvAt
tAdR^iksarvAnukUlyAt chyavanavaditaraprApyavaiShamyavattvAt |
sarvatrApakShapAtAt shubhavibhavatayA mAnasAdyarchyabhAvAt
sa~NkochonmochakatvAt jagadayanatayopAdishat sarvayogyam || 1\.2\.11||
(pratibimbalaharIshlokaH)
samIpasthataTAkashrIkurukAshaThajitkR^itau |
idaM sundarasandarbhe sahasre dashakaM paTha ||
|| iti prathamashatake dvitIyaM dashakam ||
\section{|| atha prathamashatake tR^itIyaM dashakam ||}
pratibimbalaharIvR^ittaM sragdharA 
etaddashakapratipAdyaguNavisheShaH \- bhaktasaulabhyabhUmA
       || sa~NgatimaNimAlAshlokaH ||
AptAkhileShTaH kathamasmadAdinihInalabhyaH sa iheti sha~NkAm |
nirasya so.anAshritadurlabhaH svaM samAshritAnAM sulabho.abhyadhAyi ||
dAsAnAM bhaktibhAjAM atishayasulabho.anAshritAnAM durApaH
svAshcharyaH padmajAtAtyabhimataviShayo.alabhyalAbho.asmadIshaH |
manthAnenAtimAtronmathanajanavanItasya chaurye gR^ihIto
baddho.atholUkhalenorasi bhR^ishachakito hanta ! saulabhyamasya || 1\.3\.1||
saulabhyaikasvabhAvaH janananiyatatAkAryabhedavyavasthA\-
shUnyo mInAdinAnAkR^itirakhilalasatsadguNo janmashUnyaH |
nirnAsho.atyantamokShAtmakashubhamatidAnandadivyasvabhAvaH
svAmI shItAnukampAnidhiH upanamatAmantara~Ngo.anyabAhyaH || 1\.3\.2||
dharmyairmArgairanantaiH paramatishayitAnapyatItyAtishAyi\-
prodyatsR^iShTyantamadhyapralayavihR^itayaH saukhyalIlA hi yeShAm |
tAdR^iksarvAtishayidruhiNaharamukhAH chetanAchetane yaH
ko vA jAnAti mAyAM paramatishayituH tasya nArAyaNasya ? || 1\.3\.3||
yaiH kaishchidbhirevaMvidha iti gadituM dushshako.asmAkamIshaH
bhaktairnIchairapItthaMvidha iti sushako j~nAtumasmAkamIshaH |
advaitIyIkanAmnAmayutayuganaghAnekarUpo.asmadIshaH
nAmaikaM rUpamekaM tvapi nahi bhavatItyasti chetyasti vAdaH || 1\.3\.4||
ShoDhA prakhyAtatattatsamayakalahasaMshAntaye vedamArgaM
j~nAtvA vakturvimR^ishyAnavadhikasuguNAbdheranantasya tasya |
AdessthitvA namo.arthaM vahati bhagavato bhaktimArge.anyamArgAn
jitvA tadgItayA taM karaNamiti vidan shoShayAmUlasa~Ngam || 1\.3\.5||
hrasvasthUlochchadehAdyativishadabhide svasvarUpe shrutena
j~nAtvA j~nAtvA viditvA bahumananamukhairIkShite.apIha jIvAH ! |
aishaM rUpaM sudurj~naM harividhiharasa.nj~nAn viditvA bahUktvA
chitte niShpannamekaM shrayata bahuvidhaj~nAnasa~NkIrtanaishcha || 1\.3\.6||
ekAtmAdhiShThitA vA kimu bahunilayA ityavij~neyamUrti\-
ShvatyantaujjvalyanArAyaNavidhiharasa.nj~neShu saMyagvichArya |
ekaM saMsthApya yuShmanmanasi taditaradvandvatastattvasha~NkAM
ChitvA vastatra kAryA nirupadhitaraghA bhaktirAsmAkakAle || 1\.3\.7||
sthitvAjasraM mahogrApyaghatatirakhilA bAdhamAnA purANI
sadyo nashyenna hAniH kvachidapi manaso dveSharAgAdidoSham |
tyaktvAjasraM cha naH shrIkamituratishubhe svAminaH pAdayugme
klR^ipte bhaktyA praNAme mR^itirapi maraNe sA~njalishchedbalaM tat || 1\.3\.8||
Aste dagdhA purANAM vapuShi sahagaNairdakShiNe nAbhipadme
vR^id.hdhyADhyo di~NmukhastajjanitavividhavaichitryayuktAshcha lokAH |
yasyAbAdhaM vasanti svayamatha cha nijaprekShaNIyasvaloke
vaktuM kAmetvanantAstadudaranilayA eSha sarvo.asya mAyA || 1\.3\.9||
nissandehaM svachittasphuritashubhadhiyAM brahmarudrAdimAnAM
mohe shaktAsu mAyAsvapi khasumahatIShvAptashaktyA yutasya |
meghashyAmAtmakAnterbR^ihadavanimimAM krAntavat satpadAbjaM
sthairyAduchchaiH stavAnyasmaraNayugadhikaM shleShayANyAnamAni || 1\.3\.10||
(tAtparyaratnAvalIshlokaH)
bandhArhatvAtsvabhaktaiH adhikataraguNAnantadivyAvatArAt
sarveShvAsaktimattvAt natasugamatayA svaprabodhapradatvAt |
khyAtAbhikhyAdichihnAt svaruchivitaraNAt sarvakAlAshrayatvAt
sharvAdeH svA~NgadAnAt prahitapadatayA.anantasaulabhyamAha || 1\.3\.11||
(pratibimbalaharI)
deveShvAnamya hR^iShTeShvatha kR^itamathanaM vAridhau vIchipUrNe
proddishyopAntalIlAvanashubhakurukAdhIshItuH shrIshaThAreH |
kai~Nkarye.asmin sahasre rasavati dashakaM chaitadAdhItavantaH
ChetsyantyAruhya nityaiH paramadivi nijAM krUrasaMsArakArAm ||
|| iti prathamashatake tR^itIyaM dashakam ||
\section{|| atha prathamashatake chaturthaM dashakam ||}
pratibimbalaharIvR^ittaM \- mandAkrAntA 
etaddashakapratipAdyaguNavisheShaH \- nishsheShAgassahatvaM
       || sa~NgatimaNimAlAshlokaH ||
saulabhyachintAkabalIkR^itAtmA viyogayogAt nijamantushAntyai |
anyApadeshAt ghaTakIchakAra patyuH priyAbhAvagato gurUn svAn ||
bhavye ! divyachChadayugayute ! nAradi ! tvaM kR^ipAlo !
dIvyatpakShastava cha dayito heti me sAnukampau |
shatrudhvaMsichChadakhagarathasyAsmadAj~naptadUtau
yAtau chedvAM sa hi nigalayettatsthitirvAM vahetkiM ? || 1\.4\.1||
sarveshAya svaruNajalajAkShAya me madvisR^iShTAH
kiMsyAduktau parabhR^itagaNAH! kokilAH ! kiM na yUyaM ? |
pratnAnantasvaduritavashAt shrImada~NghryabjadAsyaM
pUrvaM kartuM tvakR^itasukR^ite.atopyayogo vidhiH kiM ? || 1\.4\.2||
bhAgyAchChilaShyan\-muditavaraTA ! mandayAnA ! marAlAH !
bud.hdhyA kharvapratitanubhR^itaH kShmArthino va~nchakasya |
tadvishvAsAnmama laghudhiyaH krUrapApaM cha nAshyaM
hantetyekA kaluShitamatiH muhyatIti bruvantu || 1\.4\.3||
shyAmAH ! krau~nchyo ! manasi vimR^ishan matsvabhAvaM dayArdraH
bhUtvAnarhetyakathitavato mannavAmbhodakAnteH |
vakShyAmyuktvA kimahamatha hA ! tAsu sattA satI syAt
netyekoktiM vadata kuruta prema vA nAdriyadhve || 1\.4\.4||
kachChAkrIDe shishubhR^itihitAnveShako dArabAla!
snihyan sR^iShTvA samajagadavan sArasAlokitashchet |
shrImAnnArAyaNa iyamaye! bAShpayuglochanAyAH
pApiShThAyAH paramadayitetyAharaikAM taduktim || 1\.4\.5||
niShkAruNyastvamuditadayaH tanmR^iteH pUrvamasyAH
vIthyAM ekaM dinamapi dayAvArdhivAhaM nayethAH |
ityuktvAbdhIkR^itanijakR^ipaM svAminaM dR^iShTvAMshchet\-
rekhAchakrabhramara ! kimaghAH smo vayaM vA dayethAH || 1\.4\.6||
asthyayudvedhopamahimamarudbAdhate.aghaM mamaivA\-
lochyAkartR^irmayi nijakR^ipAM shrIpateH shrIkR^ipAyAH |
kiM pApaM sA.acharaditi vada svAmine vAchamekAM
asthichChedin ! shishushuka ! mayA vardhito nAsi kiM tvaM ? || 1\.4\.7||
kiM tvaM sIdasyayi vada shisho ! shArike ! dUragAya
shrIshe dUtI mama rujamiti preritA joShamAsIH |
ChAyAshrIbhyAmapi virahitAhaM tatastAvakAsye
bhogyAnnasya pradadamaparaM shIghramanviShya gachCheH || 1\.4\.8||
dussampAdaM kusumanichayaM prApya nArAyaNasyA\-
jasraM kSheptuM samuchitamado.amlAnapuShpopamA~Nghrau |
kiM vishleShAnubhavapR^ithusAmrAjyadurbhAgyataH syA\-
dityaM dehaM vyathaya himavadvAta ! madhye charoktvA || 1\.4\.9||
dehashchakraM bhava iti bhavanmuktirAtmAdiranyat
sarvaM chAbdheH mahadudakamAhR^itya tasmin shayAnam |
hiMstraM chakraM dadhatamidamuktveshvaraM dR^iShTavachchet
bhavyAgAdha! tyaja na hR^idayAshleShamugrAMhasAM naH || 1\.4\.10||
(tAtparyaratnAvalIshlokau)
trANe baddhadhvajatvAt shubhanayanatayA svArthalAbhe.arthibhAvAt
timyanmeghasvabhAvAt \-jagadupajananasthApanAtipriyatvAt |
kAruNyAptatvayogAdanugatamahiShIsannidheH sa~NgadairghyAt
nAnAbandhaiH svarakShAvahitatamatayA kShAmyatItyAha kR^iShNam ||
saddhrIbhavyAn suchAchassucharitasubhagAn kR^iShNasArUpyasaumyAn
svAhArodArashIlAn tanudhR^itabhagavallakShmaNo bAlyaguptAn |
ChAtrasvachChandavR^ittInabhigatashishirAnantara~NgoktiyogyAn
AchAryAn kR^iShNalabdhAvavR^iNuta shaThajitpreyasIdUtanItyA || 1\.4\.11||
(pratibimbalaharI)
nissImashrIsakalabhuvanasthAyisarveshakR^iShNaM
satkedArAvR^itasukurukAdhITshaThAryAptatokte |
nissImAntAdikadashashate tvIdR^ishInAM dashAnAM
gAthAnAM satpaThanasulabhA mokShasAmrAjyalakShmIH ||
|| iti prathamashatake chaturthaM dashakam ||
\section{|| atha prathamashatake pa~nchamaM dashakam ||}
pratibimbalaharIvR^ittaM shArdUlavikrIDitaM 
etaddashakapratipAdyaguNavisheShaH \- kR^ipaNasughaTanaM
       || sa~NgatimaNimAlAshlokaH ||
sarveshvare svArttyasahe pradarshya sarveshvaratvAdikamAgate.api |
svIyastavAshleShaNato.atyavadyaM matvA svanaichyAt dadR^ishe sushIlam ||
smR^itvA sardhikasaptalokakaraNaM surIshvaraM durnirA\-
sAgho.ahaM sphuTamoShamuShTanavanItAdeti sIdan shaTha ! |
svAminnityavadaM tato.atibalagopeshollasadyUthikA\-
hAsAyai kR^itasaptagovR^iShayuvAshleSheti nIlAshriyai || 1\.5\.1||
smR^itvA sannamanastanudrutiyujo.aneke.amarAstApasAH
baddhasragjalagandhachandanalasaddhUpArpaNaishchennatAH |
chintodyannikhilArthamUla ! vikR^itiM mAyesha! mUle vinA
kiM te chintitasR^iShTasarvajagato no vaibhavaM sa~Nkuchet ? || 1\.5\.2||
utkR^iShTAtmajanIn bahUn suramunIn sR^iShTyAdyabhij~nAn bhavAn
prAjApatyayutAn sR^ijatvitiguNaiH pUrNaM vidhiM sR^iShTavAn |
sarvaj~nAnasudUrago.akhiladishaH pAdena cha krAntavAn
nAnAtmasvapi mAtR^ivat svayamasAvekassvabhAvaH sadA || 1\.5\.3||
ekassan svayamanyaheturahito hetustrimUrtyAdikAH
svenAsa~NkhyasureshatApasanarAH sarve cha tirya~NmukhAH |
bhUtvaiva svayamekavAridhimupetyAsmin shayAno.adhipaH
sUrINAM mama chitracheShTitaguNaH svAmI sa vaikuNTharAT || 1\.5\.4||
vakShassthApitamugdhara~NkunayanashrIka! svayaM mAdhava !
traivakrAdbhutavakratAM tu gulikAkodaNDanItyAharaH |
govindordhvagabhAtinIla! madhusaMhArin ! dayethA madhu\-
syandi tvachcharaNAravindabhajanopAyaM tu pApasya me || 1\.5\.5||
pApiShThasya mamAdya hauShadha ! viyatsUrIshitaH ! keshava !
prAptokovrajavaMshamUla ! charitairAshcharya ! he mAdhava ! |
sAlAn sapta sushAkhinaH sumadalADhyAn viddhavan ! shrIdharA\-
nekaivaMvidhanAmacheShTitaguNetyuktvAvasanno.asmyaham || 1\.5\.6||
alpaj~nAnayuto.ahamujjvaladhiyAM j~nAtuM tathA dushshakaM
kR^iShNaM divyasugandhishItatulasImAlAsarAla~NkR^itam |
kAntAropamadehabandhaharamAnamrAtmanAM shrIpatiM
kroshAmIha didR^ikSharasti kimito.apyaj~nAnamanyat param || 1\.5\.7||
pUrvaM bhakShitavAn hi sapta bhuvanAnyudgIrya mAyAbalAt
heyakShudranR^idehasaMsthitimadan haiya~NgavInaM vishan |
mAyin ! bhuktidashAvasheShitamR^idA puMsAM bhaviShyattanu\-
rvaivarNyaM bhaviteti sarpirashanaM kiM mR^itkShaterauShadhaM ? || 1\.5\.8||
kUrasvAntabahUditAtikapaTAM hantuM hi tAM pUtanAM
bhUtvA shuddhashishurviShastanapayo mAyI sudhAvatpibam |
eka sUripatiM shriyaH priyatamaM sarvAtmanAM mAtaraM
svAtmeshaM mama nAthametya sumahAmUrtiM na nAshyA vayam || 1\.5\.9||
pUrNaj~nAnasudIdhitirdasha disho vyApto.atisUkShmAyitA\-
tmAtmIyasuvatsalassvaviShayaM chittaM pariShkR^itya me |
svIyasthadvividhAtighoraduritAnyunmochya saprAkR^itA\-
sa~NgaM so.ayamala~Nkaroti paramaM sthAnaM cha samyak prabhuH || 1\.5\.10||
(tAtparyaratnAvalIshlokaH)
kShudrAhvAnAbhimukhyAt nijamahimatiraskArakArchApriyatvAt
sarvatrAvya~NghridAnAt savidhashayanataH svA~NghrisaktaikarasyAt |
gopAdyApterasheShekShaNaviShayatayA bhaktavastuprasatteH
shliShyannAshavyapohAt tadahitashamanAtprAha nAthaM sushIlam || 1\.5\.11||
(pratibimbalaharI)
atyAshcharyaguNAtichitracharita svAmin! mahannityatI\-
vAshAM prApya kR^ipAvashAt bhagavataH tadbhAkshaThadveShiNaH |
etadbhaktivishiShTagItirasikakShIropamadrAviDI\-
sAraj~neDyasahasravartidashakAdhyeturna duHkhaM bhavet ||
|| iti prathamashatake pa~nchamaM dashakam ||
\section{|| atha prathamashatake ShaShThaM dashakam ||}
pratibimbalaharIvR^ittaM \- upajAtiH 
etaddashakapratipAdyaguNavisheShaH \- shakyasaMrAdhanatvaM
       || sa~NgatimaNimAlAshlokaH ||
saushIlyadR^iShTyAsya samAhitastaM kathaM jano.ayaM tyajatIti chitte |
kR^itAnukampaH sulabhena dhUpadIpAdinA tatsugamatvamUche ||
nirdoShamIshAnamupetya gItvA j~nAnAdivR^iddhishriyamAptukAmAH ! |
tattyAgavarjaM supayassamarpya dhUpaM cha puShpaiH punararhaNIyaH || 1\.6\.1||
shItAmR^itachyuttulasIsudAmnaH purANavedAdR^itavaibhavasya |
kiM kiM nu me dAsyamiti tvanIkShA yadeSha kai~NkaryavidhAvivekaH || 1\.6\.2||
tyAgagrahatyaktahR^idIshvarasyAtyajatsamIpaM hR^idayaM mamAsti |
jihvA cha me gAyati tasya gAthA ma~NgaM mamAveshi cha nR^ityatIdam || 1\.6\.3||
nR^ityatsurAviShTavadasmada~NkhaM karoti kai~NkaryamatIva namram |
vivAdavatsUryanubhAvyadivyaguNardhivArdherjagadIshvarasya || 1\.6\.4||
parigrahatyAgabhidAvihInaH viraktiraktyorviShayeNa hInaH |
svatyAgamatyAgamavekShyamAtraM svAnanyabhAjAmamR^itaM tadekam || 1\.6\.5||
dadat surebhyomR^itamujjvalashrIchakrAyudhassvAshritavatsalassaH |
divyAmR^itAdapyatibhogyarUpaH tara~Ngitottu~NgamahAbdhishAyI || 1\.6\.6||
mahAsamudrAvR^itadurgala~NkAnAthAMsashIrShAshramakhaNDakasya |
pAdAravindaM shirasA praNamya tarantu saMsAradinArNavaugham || 1\.6\.7||
tyajantu bhaktAH ! viShayaM vihAya bhajantu taM tachChrayaNaM yadi syAt |
vinAshya tatprAptivirodhipApAnyanashvarIM sampadameSha dadyAt || 1\.6\.8||
dadyAt pumarthAn sulabhetarAn shrIpriyo.advitIyaH pR^ithuvaibhavADhyaH |
samAshritAnugrahaNopakArI vinAshayannasmadaghaM dvirUpam || 1\.6\.9||
nijArisaMsUdanasAkShiketU ramAdhavo ma~NgalavigrahashrIH |
vinAshayechChoTanapUrtikAle samAshrayatpApatarti samagrAm || 1\.6\.10||
(tAtparyaratnAvalIshlokaH)
akrItaishvaryabhAvAt aniyatavividhAbhyarchanAdalpatuShTeH
prahvAvarjyeshabhAvAt svaviShayaniyateShvAdarAt svAdubhUmnA |
pAdAsaktaprasakteH sakR^idapasadane mokShaNAt dharmasausthyAt
kShiprakShiptAhitatvAt sukarabhajanatAM mAdhavasyAbhyadhatta || 1\.6\.11||
(pratibimbalaharI)
shaThAriNA.avadyayugovihInaM ramAdhavaM pratyudite sahasre |
adIShametat dashakaM samarthAH adhyetumatrodbhavanaM na yAnti ||
|| iti prathamashatake ShaShThaM dashakam ||
\section{|| atha prathamashatake saptamaM dashakam ||}
pratibimbalaharIvR^ittaM \- vasantatilakA | 
etaddashakapratipAdyaguNavisheShaH \- svAdusvopAsanatvaM
       || sa~NgatimaNimAlAshlokaH ||
aho parA dhArmikatA tvananyaprayojanaiH tulyamito.anyakAmaiH |
sahAsya saMshliShyata ityathApi svArAdhatatsevanasaukhyamUche ||
saMsAraduHkhahataye svasamIkShaNasthAH muktojjvalAtmashubharUpasusiddhikAmAH |
dharmiShThapAvanatamaM dhR^itachakrahetiM taM sthApayanti gatavismR^itayaH svachitte || 1\.7\.1||
nikShepati svabhavabheShajati svayaM no dadyAnmahAghakaraNendriyapIDane svAn |
sarvatra sarvapuruShonnatasadguNo.asmatgopottamo nikhilavA~Nmanase atItaH || 1\.7\.2||
prAptaM vrajAnyatamatAM prahR^itaM cha gopaiH AshcharyacheShTamupakArakamasmadIyam |
shuddhAmR^itaM harimaNidyutimadya pItvA pItvAharaM prakR^itijanmajamaj~nabhAvam || 1\.7\.3||
aj~nAnanAshahR^itaye mama chittasaMsthaM, satkarmakArakamudujjvaladhAmapu~njam |
tyakShyAmi kiM prathamamasmR^itishUnyasUrinirvAhakaM cha mayi dattanijepsamuktvA ? || 1\.7\.4||
tvakShyAmi kiM hR^idayajIvamadAtmabhUtaM nirhetukAmamaparigrahadattajIvam |
pashyantamasmadupakartR^ipatiM cha chaurye vistArya dhUrtacharitaM yuvagopikAkShNi || 1\.7\.5||
kurvana mahAvanisamuddharaNaM sugandhiphullaprabuddhatulasIvR^itidIptamauliH |
svAmI vichitracharito mayi viddhasaptasAlo na tiShThati yadi prasahe kuto.aham || 1\.7\.6||
nAchintayaM hR^idi sasammati dhartumetya svenechChayaikahR^idayaM mama va~nchayitvA |
sambaddhamAMsamayadehamadAtmanaiko mattyAgameSha sahate kimu kautukI san || 1\.7\.7||
mAM mochaye yadi tathApyatha me suchittaM svasmAt svayaM shlathayituM na samartha eShaH |
pratnAmarA.akhilagatiH jitadIrdhavaMsha nIlAbhujAyugalatAptijavaibhavashrIH || 1\.7\.8||
sUrisvarUpamukhasarvanidAnamAdiM dattAmR^itaM diviShadAM vrajasatpradhAnam |
AtmAvagahya mama saMyagadoShasiddhayai saMyak shritaH shithilayettamitaH paraM kiM ? || 1\.7\.9||
yassantyajettyajati taM bhajate bhajantaM daurlabhyavAMshcha sulabhashcha bhavenmadIshaH |
gItvA guNAn shramayujo na vayaM hi tasya naktandivaM samabhigamya shubhAn vigAhya || 1\.7\.10||
(tAtparyaratnAvalIshlokaH)
sachchittAkarShahetoraghashamananidhernityabhogyAmR^itasya
tyAge hetUjjhitasya pravahadupakR^iterdustyajasvAnubhUteH |
tyAgAkA~NkShAniroddhuH shritahR^idayapR^ithakkAranityAkShamasya
svAtmashliShTasya gAyaChramaharayashasaH sevanaM svAdvavochat || 1\.7\.11||
(pratibimbalaharIshlokaH)
antarvishadbhramarapItalasattulasyApIDA~NghrisaMshritakanatkurukAshaThAreH |
sushliShTasUktilalite dashakaM sahasre vidrAvayejjananaduHkhamidaM vimathya ||
|| iti prathamashatake saptamaM dashakam ||
\section{|| atha prathamashatake aShTamaM dashakam ||}
pratibimbalaharIvR^ittaM \- anuShTup 
etaddashakapratipAdyaguNavisheShaH \- prakR^itiR^ijutA
          || sa~NgatimaNimAlA ||
aishvaryamasyaiva hi vistatAra paraM purA prastutamAshritAnAm |
janmAdyanAlochya samaM cha sarvaiH saMshleShaNAdArjavamapyavAdIt ||
yAtyAruhya khagaM shItatulasIM shirasA.a~nchati |
svAmI suchirasusthAyipadArthAnavagAhate || 1\.8\.1||
sarveshvaro.atha saundaryopetanAnAvatAravAn |
vishAlAruNaphullAkShaH krUrakeshyAsyadArakaH || 1\.8\.2||
devAnAmapi martyAnAM chakShurbhUtassadA samam |
shaityasampUrNanityAdhivAsashrIve~NkaTeshvaraH || 1\.8\.3||
AdrimuddhR^itya sa~NkochaM vinA govardhanAbhidham |
svAminastiShThamAnasya sadAbhyasyAmi sadguNAn || 1\.8\.4||
savyadakShiNahastAbhyAmapi bhakShitavAn sadA |
navanItaM sharIre meM sthitaH satyamidaM dvayam || 1\.8\.5||
samamAtmani sambad.hdhya nAthaH prItiM samudvahan |
indriyAkarShakabrahmacharI san krAntavAn kShitim || 1\.8\.6||
mahokShAn sapta jitavAn saptalokI~ncha bhuktavAn |
shItaM dhAma manaH kR^itvA babhUvAsmanmanorathaH || 1\.8\.7||
gavAM gopo babhUvApi mInaH kolAdayaH svayam |
babhUva mayi sa~Ngo.ayaM hetustatra svayaM kR^itaH || 1\.8\.8||
saundaryayuktayorbibhrat sha~NkhaM chakraM cha hastayoH |
svayaM sarvatra sarvo.api bhUtvAstyasmAkamIshvaraH || 1\.8\.9||
lokavikrAnta pAdo.asmatsvAmI sheShI samudravat |
vardhamAnashrutiproktamahArjavaguNAshrayaH || 1\.8\.10||
(tAtparyaratnAvalishlokaH)
sUrINAM svairasevye svayamavatarati kShudradivyaikanetre
gopAdyarthaM dhR^itAdrau shritatanurasike vAmanIbhAvadR^ishye |
sachchittAnanyavR^ittau vibhavasamatanau svAyudhArUDhahaste
nIchojvagrAhyapAde nirupadhimR^ijutAM nIravarNe jagAda || 1\.8\.11||
(pratibimbalaharIshlokaH)
jalopamasvabhAvasya guNAsaktyA shaThAriNA |
prokte sahastre dashakaM kR^itametadvichAritam ||
|| iti prathamashatake aShTamaM dashakam ||
\section{|| atha prathamashatake navamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- sAtmyabhogapradatvaM
       || sa~NgatimaNimAlAshlokaH ||
pratya~NgasaMshleShaNametya tasya sAtmyapradAnandathutAM krameNa |
a~NgeShu saMshleShaNamapyavAdIt shaThArirIshasya nijeShu hR^iShTaH ||
atkasthaM dUragaM chAnubhayagamachitAM jAtamAtmasthametA\-
dR^ikShaM jAtaM chitAmapyakhilamapi vahan tachcha sR^iShTvA cha rakShan |
astyantastatpraviShTopyapagatasahakAryantaraM kAraNaM sat\-
svAmI kR^iShNo.atibhogyo rasika upakR^itI shrIpatirme samantAt || 1\.9\.1||
nAnAkApaTyashaktaH shritasujanavashIkArahetoH purA tat\-
kAle bhUtvAdvitIyaH kiTiravanimimAmuddharan keshavo me |
svAmI bha~njan karIsho radanamajamukhAmarttyadurj~neyarUpo.a\-
gAdhe dIrdhe samudre sa hi sukhashayito matsamIpe sadAsti || 1\.9\.2||
akShayyAheyaguNyassakalasumanasAmAdireShAM cha mukhyaH
shyAmashlAghyendranIlojjvalatanuraruNotphulladivyAbjanetraH |
yud.hdhyatpakShADhyatArkShyaM sakutukamadhirUDho.advitIyaH priyaH shrI
padmAyAH ekamArgAgatasukharasadaH so.avirAmo mayAsti || 1\.9\.3||
shrIbhUmI mugdhanIlA iti sahavasatau yasya devyassamutkAH
tisro rakShyAshcha lokAstraya idamakhilaM chaikayatnAnnigIrya |
sadbhUmno dhAma kR^iShNo yugapardiha sa me DimbhavatpArshvaM lInaH
svAmI nyagrodhapatre shayita udadhivadvistR^itAshcharyacheShTaH || 1\.9\.4||
pArshve saMsthApya dugdhaM stanajamihapibeyarpitaM stanyamIshaH
svIkR^itya krodhashAntyA asubhirapi tadA pItavAn yaH pishAchyAH |
nagnasvIyopakArIshvaravidhisurarADAdikaM yaugapadyAt
vishvaM yassR^iShTavAn me sa vasati hR^idaye chitracharyo.akhileshaH || 1\.9\.5||
atyAshcharyasvacharyo mama hR^idi vasatItyetadanyasyakasyApya\-
yAste kiM? kAyajIvau svayamanilashucho eSha evAti shuddhaH |
dUrasthassvAntikasthopyanatavinatayossarvachintAdidUro
yasvassyAnAshritAnAM bhramavishayakaro vartateme.asa yugme || 1\.9\.6||
aMsadvandve suvakShasyApi maNivilasatkAntidIpte kirITe
pAdadvandve cha shItAdhikasubhagatulasyA~nchitassarvanetA |
saundarye sAmyabhAjAvirahita uditotkR^iShTatejaH prabhAva\-
nmUrtissaMshliShya nityaM tvajahadapi kadA madrasaj~nAgravartI || 1\.9\.7||
jihvAmAsthAya samyagvikasadakhila vij~nAnavistArividyA\-
shabdArthAkAradehAsuvadudayavinAshAdhikArI svayaM saH |
puShpashrIyuk chatussatpR^ithulabhujashirAyuddhahetyabjachakrI
madhye nIlotpalAdapyadhikatanuruchisso.asmadakShNobjanetraH || 1\.9\.8||
abjAkSho.asmaddR^isho.adhvanyahamapikalaye chakShuShAdoShashAntyai
chakShurbhyAM so.api pashyatyatha tadanuvidhAyIni pa~nchendriyANi |
nAbhIpadmottapUrNAbjajamalikadR^ishA sAkamudbhAvya devaiH
sAkaM shuddhaishcha lokaM nikhilamapi sR^ijan vartate mallalATe || 1\.9\.9||
dhR^itvA mAM mallalATe sthitamavadadhikaH apirtaiH puShpajAlaiH
yuktaM maste padAbjaM mitavidhukalayAla~NkR^ito di~Nmukhendrau |
anye devAshcha sarve nibhiDita tulasI shekharaM sopakAraM
kR^iShNAkhyaM yaM bhajante sa hi shirasi samAgatya chAsti svayaM me || 1\.9\.10||
(tAtparyaratnAvalIshlokaH)
paryante.atke cha dR^iShTaM svavirahavidhuraM DimbhavatpArshvalInaM,
chitte klR^iptapraveshaM bhujashikharagataM tAlusiMhAsanastham |
chakShurmadhye niviShTaM sthitamalikataTe mastake tasthivAMsaM
pratyAhAroktarItyA vibhumanububhuje sAtmyabhogapradAnAt || 1\.9\.11||
(pratibimbalaharIshlokaH)
mUrdhanyevAsmadIsye sthitisukhamayato devadevasya kR^iShNa\-
syAptaprAptopakarturhR^idayaparisaratprItivij~nApayitrA |
prokte gAthAsahasre tviha shubhakurukAdhIT shaThArAtinAsmin
vij~napte svopakatre nirupamadashake shekharaM tanmahA~NghrI ||
|| iti prathamashatake navamaM dashakam ||
\section{|| atha prathamashatake dashamaM dashakam ||}
pratibimbalaharIvR^ittaM \- vasantatilakA 
etaddashakapratipAdyaguNavisheShaH \- avyAjodArabhAvaH
       || sa~NgatimaNimAlAshlokaH ||
itthaM tadIyAnubhavaikahetuM nishchitya chittaM tadapi prashasya |
tenaiva sAkaM kathayan shaThAriH mumoda chAdau shatakentyapa~Nktau ||
aishvarya sUchiraNadhurya mahAyudhAbja chakrAdi lakShaNamahAcharaNaM namatsu |
lokeShu saptasu sukharvavaTurvivR^iddhaM tannIlaratnamayate mama dR^iShTimArgam || 1\.10\.1||
pR^ithvI jalAnalavarAnilapuShkarAkhya bhUtAkR^itissavikasan mama nAtha eShaH |
bhaktyArchane virachite.asti samakShamakShNoretyunmanoratha ito.api kimarthanIyam || 1\.10\.2||
mattAtatatpitR^itadIyapitR^ipramukhyamukhyopakArakamitopyupakArakaM me |
shItAbjanetramahiva~njulavallikalpamadhyorasaM mama mano! bhaja bhavyanAtham || 1\.10\.3||
he sAdhu sAdhu mamachitta labhe yadi tvAM kenAtra pUrtirahitAH karavAma no kim |
padmAsanApriyatamaM satataM yuvAnamaddhAvasAnasamayepyanuyAhyamu~nchat || 1\.10\.4||
tva~nchAvalokitavadasyadhichittabhAgyeShUdyatphaleShu tadachintitaleshameva |
svenaitya tatphalanarItimavaiShi lokAM strodhAkramantamapi sapta cha bhuktavantam || 1\.10\.5||
tva~nchAhamapyatha yadIdamavasthayaiva tiShThAva chet kamapi no ghaTayet sa rogam |
chitrAvadaM sa jananI janitA cha sheShIshliShyannihendramaNinIlaruchirmadIshaH || 1\.10\.6||
tAteti nAyaka mametiniveshayAmi chitre vadAmicha tathA.ahamanantapApaH |
hesheShibhUtajanaketi cha sUribR^indaishchitte niveshyanutamadbhutasampadaM tam || 1\.10\.7||
nArAyaNeti vachanetu nishamyamAne shrIpUrvakevahati netrajalaM; chinomi |
vishvasya rAtriShu satIShu divApyajasraM saMsnnihya na tyajati mAmbata pUrNa eShaH || 1\.10\.8||
pUrNaM vasantamatiramyakura~NgapuryAM ramyAtipItakanakojjvaladivyamUrtim |
UrdhvasthasUripatimujjvala dhAma ramyamuktvA kimasmadupakArakamasmR^itissyAm || 1\.10\.9||
nAhaM tu vismR^itimavismR^itimapyavaimi mAM vismarediti shubhAruNalochanAbhyAm |
chitte pratiShThitamavismR^itaye mamainaM kiM vismarAmyatha tu nIlamaNiM mamAham || 1\.10\.10||
(tAtparyaratnAvalIshlokaH)
viShvagvikrAntidR^ishyaM vigaNanasulabhaM vyaktapUrvopakAraM
svAntasyaikAgryahetuM svayamudayajuShaM bandhamAtropayAtam |
chintAstutyAdilakShyaM natajanasatatashleShiNaM darshitArchaM,
smR^ityai chitte miShantaM svavitaraNamahaudAryatuShTo.abhyachaShTa ||
AdAvitthaM paratvAt akhilasamatayA bhaktasaulabhyabhUmnA
nishsheShAgassahatvAt kR^ipaNasughaTanAchChakyasaMrAdhanatvAt |
svAdusvopAsanatvAt prakR^itiR^ijutayA sAtmyabhogapradatvAt
avyAjodArabhAvAdamanuta shatake mAdhavaM sevanIyam || 1\.10\.11||
(pratibimbalaharI)
tannIlaratnamamarekShaNamAtmanInaM ki~nchidvibhUShaNamadaH kurukAdhinetuH |
kai~NkaryavAchikasahasra imAH subhaktyA vidyAphaleddasha satR^iShNamadhIyate chet ||
|| iti prathamashatake dashamaM dashakam ||
|| pratibimbalaharyAM prathamashatakaM sampUrNam ||
|| shrImate vAtsyave~NkaTasheShAryamahAdeshikAya namaH ||
|| shrImate vAtsyasundarAryamahAdeshikAya namaH ||
|| shrImate sAkShAtsvAmine namaH ||
|| shrImate nigamAntamahAdeshikAya namaH ||
|| shrImate vAtsyavaradadeshikAya namaH ||
|| shrImate kurukeshvarAya namaH ||
|| shrImate bhagavate bhAShyakArAya namaH ||
|| shrImate vakulabhUShaNamahAgurave namaH ||
\chapter{|| pratibimbalaharI \- dvitIyashatakam ||}
|| shrIH ||
shrImadve~NkaTasheShAryamahAdeshikavirachitA
pratibimbalaharIvR^ittaM \- mandAkrAntA
\section{|| atha dvitIyashatake prathamaM dashakam ||}
etaddashakapratipAdyaguNavisheShaH \- kShaNavirahadashAdussahatvam | (asahyakShaNavirahatA)
          || sa~NgatimaNimAlA ||
            (mAlinI)
iti hR^idanubhavasyAdhikyato bAhyayoga\-
spR^iha iha tadalAbhAt vihvalo vastu tattat |
svasamavirahajAn tattadguNAn prekShya pR^ichChan
vilapati shaThavairI preyasI gopikeva ||
vIchIprAptAvudadhinilaye ! ki~nchiduDDIyamAnA
mAtrA supte.apyahaha bhavatI devaloke.apyanidrA |
vaivarNyodbhavati virahe nAradi ! tvaM yathA.ahaM
shrIkAntenApahR^itahR^idayA khidyase kiM nu bhavye! || 2\.1\.1||
\*krUradhvAne! bata hatamanAH krau~nchi ! kiM dIrdhayAmAn
tyaktvA shayyAmasi shithilahR^iddAsabhUtA yathA.aham |
kiM vA vA~nChasyatulatulasImAlikAM shItalAM tvaM
pAdAmbhojopari vinihitAM sheShatalpeshayasya || 2\.1\.2|| 
(\*dInadhvAne \- iti pAThaH)

iShTAnAptyA mukhara jaladhe ! sarvanaktandivaM tvaM
nidrAM naiShi drutahR^idayayuk hanta! he ! kiM bibheShi ? |
sarvAM la~NkAM yamadigayanAM vahnisAtkurvataH shrI\-
pAdAbjotkairbhajasi nu dashAM bhadramasmAbhirAptAm || 2\.1\.3||
abdhiM chAdriM gaganamapi chAnveShayaMstvaM yathA.ahaM
nidrAM tejojvalitamapi no yAsi naktandivaM cha |
hantAkalpaM vapuShi tu rujaM shItavAyo ! didR^ikShuH
prApto nAthaM dadhatamarihR^iddhiMsakaM hetichakram || 2\.1\.4||
kalpe kalpe sakalajagatastvaM vahan megha! toyaM
sakhyo yadvadvayamiva cha hA! toyarUpo druto.asi |
bhadraM bhUyAdbalaparavashasnehapAshena tasmin
shaithilyaM kiM vapuShi vahasi shrImadhudveShiNastvam || 2\.1\.5||
shaithilyaM tvaM vayamiva gatastannavendo.a~njanAbhaM
khasthaM vidhvaMsayasi na tamastvadya mAlinyayuktaH |
kShINaH pa~nchAnanabhujagarATtalpachakrIshvarasya
shrutvA satyAM giramuta ruchA tvaM tanostyAjito.asi || 2\.1\.6||
bhavyaM cheto.atyajamatha cha mannAthanArAyaNasya
prodIryAsmAn kimapi rudatIrAtmashokaM vihiMsan |
madhye tiShThasyarivadapR^ikR^iddviDvidhAbhyo.atighoro
yAvatkalpaM tvamiha susukhI chAssva gADhAndhakAra ! || 2\.1\.7||
prApyAj~nAnaM nibiDitatamassAravarNAtivistA\-
raughAtyantaM jalanidhiparIvAha ! rAtrIdineShu |
nidrAsi tvaM na samuparateShvapyaho ! kShINarUpaH
khidyasya~NghriprahatashakaTeshAnukampAdurAshaH || 2\.1\.8||
antashshoShaM nayati mR^idulaM svaM svabhuktyApyanAshye
rAge roge tvamapi sadaye! dIpike! ChedahIne! |
shoNAbjAlpetaranijadR^ishashshoNabimbAdharasya
srakshItashrIsubhagatulasIvA~nChayA dahyase kiM ? || 2\.1\.9||
antashshoShaM nayati mR^idulaM svaM pradagdhvApyanAshye
rAge roge satatamanishaM pAtayitvA tvayImAm |
prApto.asyashvAnanadalana ! bhUkrAntikR^ichChArjunAnta\-
ryAyin ! aikyaM prathamajayuvan ! mAmito mA jahIhi || 2\.1\.10||
(tAtparyaratnAvalIshlokaH)
nidrAvichChedakatvAt aratijananato.ajasrasa~NkShobhakatvAt
anveShTuM prerakatvAt vilayavitaraNAt kArshyadainyAdikR^ittvAt |
chittAkShepAt visa.nj~nIkaraNata upasaMshoShaNAvarjanAbhyAM
dR^iShTAsvAdasya shaureH kShaNavirahadashAdussahatvaM jagAda || 2\.1\.11||
(pratibimbalaharI)
nityAnashyatsakalachidachitkAraNajyotiShastat\-
premAtR^iptijvalitakurukAdhIT\-shaThArAtinokte |
\*etadgAthAdashakamavanAvadvitIye sahastre
shrIvaikuNThaM sudR^iDhamati nAvismarantastyajanti || 
(\*tR^itIyapAde \ldq{}pashyantveddashakamavanAvadvitIye sahasre\rdq{} iti sthite gAthAstha \ldq{}ghaNDhIr\rdq{} api vivR^itaM bhavati |
|| iti dvitIyashatake prathamaM dashakam ||
\section{|| atha dvitIyashatake dvitIyaM dashakam ||}
pratibimbalaharIvR^ittaM \- bhuja~NgaprayAtaM 
etaddashakapratipAdyaguNavisheShaH \- vibhavAvatAreShvapi paratvam |
       || sa~NgatimaNimAlAshlokaH ||
            (mAlinI)
atha hariradadat saMshleShamasmai tatastat\-
shubhaguNagaNabhogastatparatvaM janebhyaH |
api vibhavadashAyAmanvayenAnyathA.api
prathitamiha purANaiH setihAsaiH pravakti ||
sadAvartimokShAdisarvapradAtA
sa chintApathAt dUravartI prabhurnaH |
pR^ithivyantarikShAdi sarvaprabhoktA
sa kR^iShNaH prabhurnaH prabhurnAparo.asmAt || 2\.2\.1||
apApAn vidhAyaiSha saptApi lokAn
avan san dayAvAn mahApApamuktyai |
hare dattabhikSho vR^iSho gopasiMhaH
paro vAsti chAsmAt ? mamAyaM bharo hA! || 2\.2\.2||
kakudmatsametaM payojaprajAtaM
payoje vasantIM samaM sve vidhAya |
stutAt devasa~NghairabhivyApya bhUmiM
prapannAt parAdasti daivaM paraM kiM ? || 2\.2\.3||
sadaivaM cha sarvaM jagat saMvidhAtuM
vidhAtussvanAbhIpayoje digAsyam |
parasmAt kilAsmat\-prabhoH pUruShoddhAt
na puShpArpaNaM pUjanaM vApi yuktam || 2\.2\.4||
svakR^ityArhashakteH svasa~NkalpamAtrAt
svakR^ityAptadhAtR^iprabhR^ityAptadevAn |
samaM sraShTumarhAbhirAmAbjanetrAt
prabhorasti me vit paraM ko hi tejaH ? || 2\.2\.5||
chitAM chAchitAM cha svakukShau vibAdhaM
nivAsAvakAshaM pradAya sthito yaH |
vikAsADhyadhImUrtirabdhau shayAnaH
sadA me.anubhUtau vibhAti svayaM saH || 2\.2\.6||
shayAnaH palAshe vaTasyodare sve
vishAle vitanvan dR^iDhe saptalokAn |
sthitastasya ke vA vichitrAntara~NgaM
paraM j~nAtumIshA mama svAminassyuH ? || 2\.2\.7||
svasa~NkalpamAtreNa devAn tadanyat
tadanyachcha nirmAya vR^iddhiM nayantam |
mahAshcharyagopaM vinA ko.anu loka\-
trayaM svAntarAdhAya pAtuM samarthaH ? || 2\.2\.8||
ayaM rakShaNaikavratI kR^iShNamUrtiH
laye sarvametadvidhAyodare sve |
digAsyaM sudakShaM tathendraM cha devAn
tadarhAMshcha lokAn samastAn vitene || 2\.2\.9||
kakudmatprayAyI chaturvaktrashakrau
surAshchAnamantassuparNena yAtuH |
stuvantyevama~NghrI \ldq{}bhavAn saptalokIM
nijAntassasarja prabho! chora ! chAsmAn\rdq{} || 2\.2\.10||
(tAtparyaratnAvalIshlokaH)
pUrNaishvaryAvatAraM bhavaduritaharaM vAmanatve mahAntaM
nAbhIpajhotthavishvaM tadanuguNadR^ishaM kalpatalpIkR^itAbdhiy |
suptaM nyagrodhapatre jagadavanadhiyaM rakShaNAyAvatIrNaM
rudrAdistutyalIlaM vyavR^iNata lalitottu~NgabhAvena nAthay || 2\.2\.11||
(pratibimbalaharI)
stutaM saptalokIM samAkrAntavantaM
mahAchitranR^ittaM samuddishya klR^iptAm |
shaThArAtinemAM sahasre.atibhogye
paThantassamAdAya pa~NktiM hyanUnAH ||
|| iti dvitIyashatake dvitIyaM dashakam ||
\section{|| atha dvitIyashatake tR^itIyaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- \ldq{}sarvAsvAdabhUmatvaM\rdq{}
       || sa~NgatimaNimAlAshlokaH ||
            (mAlinI)
alabhata hariyogAnandamanyAdR^ishaM tad\-
guNagaNaratirUche tatparatvaM prasa~NgAt |
atha nijamanubhoktuM modamichChan sayugbhiH
jagati tu tadalAbhAt muktayogechChurAste ||
he! manmAnasa! mAMsale vapuShi sanmAnyaM paraM hanta bhoH
tvadyogena hi nityasUryadhipatirjetA madhormatprabhuH |
yat so.ahaM \*madhu\-dugdha\-gauDaka\-sudhA\-svAjyAnuSha~NgAnvayau
jAtau nAma parasparaM priyatamau sarveddhayogAnvitau || 2\.3\.1|| 
(\*madhagorasaikShavasudhAsvAjyAnuSha~NgAnvAyau \-iti pAThAntaram |)

atyantAdbhutasadguNaugha! bhagavan! nistulya! nAdhikya! bhoH
sarveNaiva samo.avatIrNa! sakaleShvantargato dhAraka ! |
tAdR^ikShAmba! pitarmayA.ahyaviditAnarthAn guro ! bodhayan
svAmin! he ! bhavatA kR^itAn mayi bahUn dAso na jAnAmyaham || 2\.3\.2||
aj~nAnaprakR^itau nimagna iha te dAse svadAsye ratiM
prAk j~nAnaprasarAt pradAya vishadaM saMsthApayAmAsitha |
mAyAkharvavapurbale! tricharaNA bhUrityabhivyAharan
aj~nAtArthapadena va~nchanaparo me.antaH pravishyAtmanaH || 2\.3\.3||
AtmAshleShamahopakAraviShaye tubhyaM chikIrShuH prati
prAdAM me bhavate tameva tadidaM bhUyAt punarnAnyathA |
AtmAtmApi mamA.asi sapta jagatAM tvaM bhuktavan! matprabho!
AtmA ko.ahamutA.api ko.anu bhavatA prattaM svayaM svIkR^itam || 2\.3\.4||
j~nAnasyAtivilakShaNasya nidhibhiH bhoktuM na shakya! prabho !
j~nAnenAtisupakvamAnasanR^iNAM muktyAkhyamodAkR^ite! |
ashliShTAbdhyamR^itAsya mUla sukR^ita ! shrIkola ! daMShTrAgrataH
saptArAmaniveshanaM cha kR^itavan! sakto.asmi te pAdayoH || 2\.3\.5||
bhaktAnAmatighorapApaviShaye tIvraM viShaM sanmatiM
svAnanyAntaratIva lagnamapi tatprANaM va taddhArakam |
teShAM svetaravasturAgagalanaprItyAtimAtrojjvalaM
\*rakShAsyAH kila nAsikAharamaha prApaM puraivAditaH || 2\.3\.6|| 
(\*rAkShasyAH kila nAsikAharamahaM dAsaH puraivAptavAn || iti pAThaH |)

vINAtantravidhAsumutthitakanattantrIsvanAsvAdya! bhoH
bhUyassAdhusadAnubhUta! parama! svAmin! paraM pAvana! |
ikShusvAdutamAmR^itAsitataTitkAntAyi! matkR^iShNa ! bhoH
jIveyaM bhavatA vinA prakR^itirityeShAvadheyA mama || 2\.3\.7||
sAdhyo yashchirakAlato yamamukhaiH taM bhaktiyogaM gataH
janmanyalpadinairihAsmi karuNAyantrasya sAhAyyataH |
shikyasthaM navanItagorasamukhaM gUDhaM prabhorashnataH
pashchAdetya sR^itau hR^idA bhavabhavAM nirdhUya sarvAM shucham || 2\.3\.8||
gandhApUritashItalA~NgatulasIramyasya kR^iShNasya sat\-
sUrINAmavitustulAvirahiNaH shuddhasya divye pade |
puMso bhavyaguNeShu pApamathaneShvantaH pravishyAtmanaH
vAchA samparikIrtya so.ahamabhavaM dAsaH paraM nirvR^itaH || 2\.3\.9||
alpasyAptijamodato virahitaH shokAttathA.aprAptitaH
janmavyAdhijarAmR^itIrapanayan jyotirmayasvAtmanA |
tejassUjjvalachakrasha~NkhavidhR^iteH ArdrAM divaM kShmAmimAM
rakShatvichitraguNaprabhoH parijanairyukto bhaveyaM kadA? || 2\.3\.10||
(tAtparyaratnAvalIshlokaH)
chitrAsvAdAnubhUtiM priyamupakR^itibhiH dAsyasArasyahetuM
svAtmanyAsArhakR^ityaM bhajadamR^itarasaM bhaktachittaikabhogyam |
sarvAj~naprINanArhaM sapadi bahuphalasnehamAsvAdyashIlaM
sabhyaissAdhyaissametaM niravishadanaghAshleShanirveshamIsham || 2\.3\.11||
(pratibimbalaharI)
senAsa~NghayutAsharendrakulahR^itkopAshrayAyAM kR^itau
shrImadvaiShNavasa~NgharamyakurukAshAstuH shaThadveShiNaH |
bhogye bhaktakulasya bhaktanivahAH ! gAthAsahasre.amuke
spardhApetahR^idaH prakIrtya dashakaM snigdhA mitho nR^ityata ||
|| iti dvitIyashatake tR^itIyaM dashakam ||
\section{|| atha dvitIyashatake chaturthaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- vyasanaharatA
       || sa~NgatimaNimAlAshlokaH ||
            (mAlinI)
\ldq{}paramapadajanAnAM sa~NgatR^iShNo.ayametat
bhavati kR^itisahasre pUrite kAla\rdq{} itthaM !
bhagavati savilambe soDhumetanna shaktaH
vilapati shaThavairi preyasImAtR^ivAchA ||
nR^ityantI bahusho drutAtmahR^idayA gAnaM kalaM tanvatI
gItvA bAShpajalena pUrNanayanA sAkA~NkShamIkShAM tathA |
sarvatrApi punaH punarvidadhatI hA! he nR^isiMhetyaho !
seyaM khaDgasamAnabhAsuramukhI mlAniM gatA mlAyati || 2\.4\.1||
seyaM khaDgasamAnabhAsuramukhI strINAM varA darshane
sAshA te shithilA~Ngasantatiraho mlAyatyatIvAkulA |
vidvan! bAhusahasradAraNavidhau bANasya shUrAtmanaH
svaM sadarshayituM matiM na kuruShe kAruNyahIno dhruvam || 2\.4\.2||
atyantaM drutamAnasena sahitA vahnyantike yajjatuH
uchChiShTaM madhunastayoriyamaho! sAmyaM vidhatte sthitau |
asyAM nAsti dayA palAshanagarIM la~NkAM pradagdhustava
svAmin! kiM karavANyahaM sthitimimAM hartuM kShamA nAsmyaho! || 2\.4\.3||
la~NkAmardana! heti vakti cha punaH sattvADhyapakShidhvaje\-
tyevaM vakti cha mAnase.atishithilA soShNaM shvasantI muhaH |
akShNorashrujharapravAhamadhikaM bhUyo vidhatte tathA
tiShThatyeva kR^itA~njaliH punaraso chintAkulA santatam || 2\.4\.4||
seyaM naktamathAhni jalpatitarAM; nIlotpalashyAmala\-
svAkShNoH bAShpachayaM bibhartiM nitarAM; ShaTpAdgaNaura~njitAm |
shItAM shrItulasIM na yachChasi paraM shuddhasvabhAvo bhavan
tattAdR^ikkaruNAnivAsa! karuNA kIdR^ishyaho bhAti te || 2\.4\.5||
kAruNyAnvita heti vakti nitarAM dhatte spR^ihAM tAdR^ishIM
brUte he paramopakAraka! tathA shrIdivyapIyUSha ! me |
svAntasyeti samAhvayatyatitarAM AvedayatyAshayaM
antassvAntaraho dravattu hR^idayaM bhUyo dravIbhUyate || 2\.4\.6||
asyA madduhitussma shuShyatitamAM AtmA mahodAra he\-
tyAchaShTe.atha cha kR^iShNa ! dugdhajaladherantashshayAneti cha |
vaktIyaM; mayi gUhanaM cha charituM prArabdhamAsIdaho !
tachchorI svayameva va~nchanapadaM prAptA.adhunA tAdR^isham || 2\.4\.7||
brUte va~nchitavanniti prabad.hdhya karayoH kurvantyasAva~njaliM
uShNoShNaM shvasitaM dadhAti hR^idaye dIrghaM pratapte svake |
kaMse sAdhitava~nchanAkhilajagatprakhyAtavIryAnvite
tvAmekaM khalu rakShakaM vR^itavatI bAdhA imAH saMshritAH || 2\.4\.8||
sUryasyAstamayaM na vettyudayamapyeShA madhusyandinIM
gandhADhyAM tulasIsrajaM hi shishirAM prastauti bhUyogirA |
jyotiryukta\-shitAgra\-hetyadhipavat\-pANe! kimasyAH kR^ite
chApalyaikanirUpaNIyasudR^ishaH kartuM bhavAn vA~nChati ? || 2\.4\.9||
chApalyena yutA mudhA mama sutA seyaM paraM bAlishA
naktaM chApi divA svakIyamatulaM netradvayaM ma~njulam |
\*bAShpaiH saMsthagita bibharti bhagavannuddAmasampanmatIM
la~NkAM nAshitavan ! prarakSha madhurAmamlAnamasyA dR^isham || 2\.4\.10|| 
(\*bAShpaissambharitaM iti pAThAntaraM)

(tAtparyaratnAvalIshlokaH)
prahlAdArthe nR^isiMhaM kShapitavipaduShAvallabhaM kShiptala~NkaM
kShvelapratyarthiketuM shramaharatulasImAlinaM dhairyahetum |
trANe dattAvadhAnaM svaripuhatikR^itAshvAsanaM dIptahetiM
satprekShArakShitAraM vyasananirasanaM vyaktakIrtiM jagAda || 2\.4\.11||
(pratibimbalaharI)
amlAnAtmayashobharaM prati kR^itaM shrIvAmanaM shobhanaM
gItyA yuktamidaM vadAnyamaNinA shrImachChaThArAtinA |
asmin nAma sahasragItisubhage shrImatpadAmbhojayoH
sanmAlArpaNameva hR^idyadashakAdasmAt phaledbhaktitaH ||
|| iti dvitIyashatake chaturthaM dashakam ||
\section{|| atha dvitIyashatake pa~nchamaM dashakam ||}
pratibimbalaharIvR^ittaM\-shArdUlavikrIDitam | 
etaddashakapratipAdyaguNavisheShaH \- svAptisamprItimattvam |
       || sa~NgatimaNimAlAshlokaH ||
            (mAlinI)
iti vilapanamasyAkarNya tUrNaM sa nAthaH
karivaraparirakShAkAndishIkaH purastAt |
nijavapuShi subhUShAhetirUpaiH babhAse
saha parijanabR^indaiH tatra tuShTaH pravakti ||
divye dhAmni va machCharIrasuShire prItyA sthitasya prabhoH
dAmnAtyujjvaladhAmaramyamakuTaH sha~Nkhashcha chakraM tathA |
hArassUtramathAravindasadR^ishe netre phalAbho.adharaH
padmo bhAti; pade cha padmasadR^ishe rUpaM cha hemojjvalam || 2\.5\.1||
a~NgaM sUryanibhaM hi raktakamalaM netre karaH pa~NkajaM
vakShaH shrInilayo vira~nchinilayo nAbhishshivasyAlayaH |
tasyAdho; mama daivatasya nikhilaM rUpaM svarUpaM guNAn
AviShkR^itya mama pravishya hR^idayaM sarvA~NgamAshliShyataH || 2\.5\.2||
machchetaH parirambhaNaM kR^itavato divyAdharo nIrajaH
dIptashrIgirisannibhasya nayane pAdau karau nIrajau |
lokAssapta yadantara~NgavashagAH nityAH pravAhAdamI
dhatte svena vinA sthitaM kimapi no vastvAtmanA sa prabhuH || 2\.5\.3||
sarvo.ayaM \*hariratnashailasadR^ishaH pANyakShinAmnA dadhat
sadyaH prAptavikAsapa~NkajasumaM sarvaiH kShaNAnAM gaNaiH |
ahnAM mAsagaNaishcha varShanivahaiH kalpaishcha bhukto mayA
paryAptyA rahitA sudhA bhavati me hai! tatkShaNe tatkShaNe || 2\.5\.4|| 
(\*garuDAshmashailasadR^ishaH \- iti pAThAntaram ||)

paryAptyA rahitAmR^itaM cha bhavato vastutvariktasya me
chittaM saMvishato.asitAbdasadR^ishaH kR^iShNasya matkaprabhoH |
raktaM vidrumamoShThatassamamidaM nAbjaM cha dR^ik\-pat\-karaiH
hArottu~NgakirITasUtramukhatatbhUShA asa~NkhyA api || 2\.5\.5||
sarpAdhIshashayasya matprabhumaNeH bhUShA asa~NkhyAstathA
divyA apyabhidhA vapUMShi cha guNAH tejomayAnyAsate |
chintAyAmatha darshanashravaNayoH AghrANatastatsukhaM
sUchchaM j~nAnamayo vibhAti bahusho naipuNyatashchintane || 2\.5\.6||
dugdhAbdhau bhujageshvare shayitavAn tAdR^ikShadorvallikA\-
nIlArthaM hR^itasaptagopatimadaH bhettA vanatvashriyaH |
sAlAnAmapi saptatAM gatavatAM; yuddhe vR^iShA sundaraH
divyashrItulasIsudAmasubhagashrImatkirITojjvalaH || 2\.5\.7||
shrImaddhemakirITamAhavadharAshrIpu~NgavaM matprabhuM
yuktaM bAhuchatuShTayena mahitashrImattulasyAH srajA |
mannIchatvamapAvadhIrya mayi saMsaktaM vadeyaM kathaM
vaktavyaM cha kimasti vAgmimaNayo! yUyaM vadetAsti chet || 2\.5\.8||
nIlashrImaNikAntikAntamamitaiH ADhyaM guNaishshobhanaiH
ambhojaprasavAtisaurabhayutaM mAnyAmR^itaM svAminam |
matkaM mAmakajIvajIvamanaraM nArIM cha nemaM paraM
tAdR^igdurlabhamokShabhUtamayi bhoH! sa~NkIrtayadhvaM same || 2\.5\.9||
na strI naiSha pumAn na chAtha bhavitA ShaNDo na dR^ishyo na san
nAsan bhaktajanepsitAnuguNataH samprAptasadvigrahaH |
naivaM chaiSha bhavatyatho bhagavatastasyAsya shaMsAvidhau
AyAso.atimahAn bhavatyatitarAmasmAkamIsheshituH || 2\.5\.10||
(tAtparyaratnAvalIshlokaH)
svaprAptyA siddhakAntiM sughaTitadayitaM visphurattu~NgamUrtiM
prItyunmeShAtibhogyaM navaghanasarasaM naikabhUShAdidR^ishyam |
prakhyAtaprItilIlaM durabhilaparasaM sadguNAmodahR^idyaM
vishvavyAvR^ittachitra vrajayuvatigaNakhyAtarItyA.anvabhu~Nkta || 2\.5\.11||
(pratibimbalaharI)
vAchAM gocharatAmatItya vasataH shrIkumbhanR^ittaprabhoH
vAchA stotumihodyatasya kurukApuryAH shaThadveShiNaH |
vAchAntAdijuShA sahasramuditaM pa~NktiM cha tasminnimAM
vAchA vaktumiha pravR^ittisahitAH bhAntyeva vaikuNThagAH ||
|| iti dvitIyashatake pa~nchamaM dashakam ||
\section{|| atha dvitIyashatake ShaShThaM dashakam ||}
pratibimbalaharIvR^ittaM \-sragdharA 
etaddashakapratipAdyaguNavisheShaH \- vaimukhyatrAsayogaH
          || sa~NgatimaNimAlA ||
            (mAlinI)
shaTharipuparirambhAt ujjvalaM prekShya varShma
svakamathamudite.asmin naichyavAk so.apyabhUt |
chakitahR^idi cha deve viprayogaprabhItau
abhayavachanamasmai sa pradatte tadAtve ||
he ! vaikuNThendranIlAbhidhamaNisama! me kR^itrimashrIsha kharva !
prAvishyAntarmano me sthita ! suravR^iSha! tattatkShaNe chAmR^itAyan! |
tattate dAsabR^inde patadadhamakhilaM saMharan daityabR^inde.a\-
niShTAdhAyin ! pavitra ! sthita iha sudR^iDhaM tvAM pragR^ihyAsmyavehi || 2\.6\.1||
alpAlpaM vastu kR^itvA samamudaragataM naiva ki~nchidvihAya
kShipraM machchittamAgAt atha cha matimayassampravAho.ativelam |
bhUtvA bhAsrapradIpo.abhavadapi cha sudhA heyahInA samantAt
kutrApIkShAM na dhatte mama pR^ithuvikasat\-padmapatrAyatekShaH || 2\.6\.2||
padmAkShaM sUrisevyaM prabhumatha tulasIsaurabheNA~nchitaiH taiH
puShpaiH baddhAH srajashcha pradadhatamapi mat svAminaM hemashailam |
vAchA stotuM cha saMyak manasi cha namasA modapUrvaM sanR^ittaM
dhyAtuM jihvApradeshe sthiravikachamadAt padyavargaM vadAnyaH || 2\.6\.3||
atyantodAra ! he.asmanmaratakasugire ! madhvare! chintayantaM
tvAM mAM tvayyeva lInaM kalayata iha te sadguNAbdhau nimagnaH |
nR^itvAntaH kIrtayaMstvAM vigaladakhilahR^ittApa ujjIvito.ahaM
jahyAM svAmin kathaM vA ? nirupamamahitAnandamUrdhni sthito.aham || 2\.6\.4||
samprApyojjIvanaM me niravadhikamahAghorapApAnyapohya
prApto.ahaM nityadAsyaM tava mama bhagavan ! tvAM kathaM vA vijahyAm |
dugdhAbdhau pa~nchamaulau naTanakR^iti mahAbhogirAje shayAnaH
kurvan he ! yoganidrAM jagadavanamate ! tvAM prachintya prachintya || 2\.6\.5||
kR^itvA kR^itvA vichintAM tava vipulayashogAyako.ahaM pranR^ityA\-
nAdeH matpAparAsheH lavanamakaravaM mUlato.ahaM tataste |
dhIpUrvaM dveShabhAjaH vipulataramuro he! hiraNyasya bhettaH !
matsvAmin! nityasiddhaprathitanarahare ! kinnu me syAdashakyam || 2\.6\.6||
kiM vA.ashakyaM mama syAt samudamupagate saptalokAn prapUrNAn
bhuktvA dAsasya chedaM mama hR^idayamito viprayogaprabhIrau |
nirdhUtAmUlarogAH madavarapuruShAH sapta pUrve cha saptA\-
vyuchChatsantApadAtuH narakabhuvanataH sa~NgatessannivR^ittAH || 2\.6\.7||
paunaH punyena nAnAjaniShu kR^itajaniH prApya te pAdapadmaM
prApaM chetaH prasannaM niravadhikamudAmoghamagno babhUva |
sa~NkhyAtItAsurANAM bahutaranivahAn bhasma kartuM patantaM
prAruhyAtasthivan ! he ! khagamatulamimaM mAsma jahyAH prabho! me || 2\.6\.8||
shItashrIve~NgaTAdrau sthita ! mama suvibho ! dhvaMsamAklR^iptavan ! he !
la~NkAyAssaptasAlAn atulanijadhanuryuktabANaprayogAt |
niShpatrAn klR^iptavan! he ! shishirasutulasIM guchChatassaMvahan ! he !
tAruNye tasthivan! he ! suraR^iShabha ! sudhe ! kutra gachCheritastvam || 2\.6\.9||
bhUte kAle bhaviShyatsamaya uta tathA vartamAne pitA naH
prANo mAtA bhavan he! abhisamupagatavAn kiM tyajeyaM bhavantam |
sarvatrApi prasR^itya sthitamanavayashaH sandadhAna! trilokeT !
shItashrIve~NkaTAdrau sthita ! parama ! vahan ! shItavR^indAsrajaM he ! || 2\.6\.10||
(tAtparyaratnAvalIshlokaH)
svAsvAdakhyApakatvAt shritaniyatadR^isheH naikabhogapradAnAt
tyAgAnarhaprakAshAt sthiraparicharaNasnApanAt pApabha~NgAt |
dussAdhArthasya siddheH virahabhayakR^iteH durvibhedAtmayogAt
nityAnekopakArAt svavirahachakitaM praikShatAmbhoruhAkSham || 2\.6\.11||
(pratibimbalaharI)
shItAM ramyAM tulayAssrajamadhimakuTaM saMvibhartuH vishAlA\-
dabhrAmbhojAbhanetre yashasi shaTharipuH prApya gADhapravesham |
mAraH shrIdakShiNasyAM adhikurukamidaM rasyagAthAsahasraM
prAhAntAdyA sarAgaM kalamiha dashakaM gAyakAH keshavIyAH ||
(iti dvitIyashatake ShaShThaM dashakam ||
\section{|| atha dvitIyashatake saptamaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH \- nijasuhR^idavanatvaM
          || sa~NgatimaNimAlA ||
            (mAlinI)
abhayavachanakAle prItirasyAbhavadyA
shaTharipuviShayA sA tajjaneShvapyathA.abhUt |
idamabhinirIkShya prItipUrNo munIndraH
svikajanaratimenaM dvAdashAkhyAbhirUche ||
pUrve keshavapUruShA madavare saptApi sapteti che\-
tyevaM sa~NgaNitA mahAchaturatA majjIvite.abhUdiyam |
sarveshena madIyanIlamaNinA madraktaramyAkShato
deveshena mamokAravibhunA nArAyaNasvAminA || 2\.7\.1||
saptAnAM jagatAmakhaNDamadhipo nAthashcha nArAyaNaH
svAmI vedamayo hi mUlamapi me hetuH kriyAH karma cha |
saddehairamarairathetarajanaiH sarvaiH praNamya stutaH
dadbha~Ngena kR^itopakAra iha me hai ! dantino mAdhavaH || 2\.7\.2||
uktaM mAdhava ! heti kevalamidaM svAlambya me.antasthitiM
prApto.avadyasamAgamaM punaritassaMvArayan sarvadA |
duShTAvadyavinAshakR^it sat , amR^itaM raktAbjadR^ikparvataH
ikShossAraghano.anavadya iva me govinda A meM prabhuH || 2\.7\.3||
govindo ghaTanR^ittakovidavaro gopAla ityAlapan
nR^ityannAshritapAratantryamapi tat pAramyamAsaM tathA |
gAyan; me duritaM vyapohya mama ye saptA.api saptA.api tAn
madvyAjAdanayat svasa~Ngamiti madviShNussamarthaH prabhuH || 2\.7\.4||
pANI dR^ikcharaNau cha dIptasumahAraktAmbujAtaM tathA
shrImanma~Ngalavigraho dharaNibhR^id dIptositajyotiShA |
viShvagvyAptyatidIptivanmakuTavanmauleH mama svAminaH
shrIsha~Nkho madhusUdanasya rajanIT pUrNo; rathA~NgaM raviH || 2\.7\.5||
nAnyanme.asti madhudviShaH paramato nApekShya ki~nchittataH
gAthAsstotravR^itAH pragIya naTanaM kurvan yathA syAmaham |
kalpe kalpa imaM janiShvapi samAsvAsAdya tiShThan puraH
kartuM me karuNAM trivikramavibhuM chAkramya sA.ate dayA || 2\.7\.6||
raktAmbhojavilochanaM mama; mama shrIraktabimbAdharo\-
da~nchatpANDaradarpaNAbharadanaM me.antassthitaM trikramam |
AdhyAyetthamahaM manasyabhinaman syAM kalpakalpaM yathA
pAdAbje layavan\-naman\-mana idaM me vAmanAdAH paTo !|| 2\.7\.7||
he! me vAmana! tejasA marataka ! pradyumnamutpAdayan !
AlApannaravindachakShuriti te pAdau pragAyannaman
shuddhaM prApya mano vidhUya sakalaM janmAdishokaM yathA
syAM durmAnasahAriNaH kimu tathA kuryAM mama shrIdhara ! || 2\.8\.8||
he ! he ! shrIdhara ! raktapadmanayanetyAlapya naktandivaM
santapyoShNatamAtinishvasitavat\-bAShpekShaNaM vihvalam |
nirdhUtAkhilaghorapApanivahaM vardhiShNumodaM cha mAM
kurvannityamito mamA.asi hR^idayaM he maddhR^iShIkesha! bhoH || 2\.8\.9||
khAnAM nAtha! mamopakAra! hatavan! la~NkAstharakShaHkule
dhUrtaM tena kR^itopakAraka! surasvAmin iti tvaM yadi |
chittAthAyi ! viveki chet praNama taM vishvAsavat syA dR^iDhaM
kAluShyaM gamito.api pUrNamatha taM mA padmanAbhaM tyaja || 2\.8\.10||
nistulyauditadivyashaktimahito me padmanAbhassadA
mayyeva praNavassR^ijannijakR^ite mAM svaM dadau me tataH |
Aste kalpaka eva nIlaghanavat pIyUShabhUto mama
prApto ve~NkaTasadgiriM surapatirdAmodaro me pitA || 2\.8\.11||
taM dAmodaramekakAraNamidaM sambhuktavantaM jagat
kasyAtrAsti samarthateti vidituM taM sannutAnAmapi |
kiM dAmodaradehatAM gatavatAM shakyaM shivAnAM cha dig\-
vaktrANAmapi vedituM mama vibhuM vArdhisvabhAvaM mama || 2\.8\.12||
(tAtparyaratnAvalIshlokaH)
sarvAdissarvanAthaH tribhuvanajananIvallabhaH svAshritArthI
viShvagvyAptyAtidIptaH vimatanirasanaH svA~NghrisadbhaktidAyI |
vishvAptyai vAmanA~NgaH svavibhavarasadaH svAntanirvAhayogyaH
svArtheho bandhamoktA svajanahitatayA dvAdashAkhyAbhirUche || 13||
(pratibimbalaharI)
varNashrImaNibhAsuraM surapatiM dIrghaM vimuktaM nate
kR^iShNaM pratyudite.atiramyakurukArAjachChaThArAtinA |
dAmnyanyasmin dramiDe sahasrakalite gAnena cha dvAdashA\-
khyaitA dvAdasha sannayanti bhagavatpAdau dR^iDhaM tA imAH ||
(iti dvitIyashatake saptamaM dashakam ||
\section{|| atha dvitIyashatake aShTamaM dashakam ||}
pratibimbalaharIvR^ittaM \- mAlinI 
etaddashakapratipAdyaguNavisheShaH \- muktisaukhyapradatvaM
          || sa~NgatimaNimAlA ||
            (mAlinI)
nijajanakulaje.api prema tIvraM dadhAnaM
samakathayadathainaM dvAdashAkhyAbhirevam |
amR^itavitaraNenAsya mokShapradatvaM
nirupadhi cha paratvaM tena tuShTaH pravakti ||
shayanamuragatalpe shleShaNaM padmajAyAH
vapuShi charati yo.asau tat\-dvayasyAdibhUtaH |
akhilajanasajAtiH mokShahetussa itthaM
bhavajaladhimapAraM santitIrShatplavashva || 2\.8\.1||
akajaniriti sarvaM tArayet dustaraM tat\-
tvakavirahitamokShaM prApayet yoga eva |
shishirajalasarasyAM dantirAjArtihantuH
kusumashishiravR^indAyuk\-prabhorme.atulasya || 2\.8\.2||
virachayati vidhissan hanti shambhustathA san
udarajakamalotthaH sve sharIre sthitashcha |
hR^idi militaramassan svArhakR^ityo.asya kR^ityaM
sakalamapi mahattat sarvalokaprasiddham || 2\.8\.3||
viShayadharaNipa~nchavyApR^itasvAkShapa~ncha\-
vyapagatimadhi shubhAnAmantahInaM vishantaH ! |
viShayaM, asuravargaM bhinnagAtraM vihantuH
phalajayiruchikIrtyAM lIyamAnAssadA sta || 2\.8\.4||
aviratajaniduHkhAdanyatdanyatsamasyA\-
pyaviratajanimUlaM nissahAyastrilokyAH |
turagakamaTharUpo rakShitA matsyamatyauM
surapatisuranAthaH tIrthabhUto bhavanme || 2\.8\.5||
kimiti bhuvanamAne pAvanasyArjavA~Nghrau
vinihitasumadAma prekShya maulau shivasya |
abhinavatulasIyugvaibhavaM pArthadR^iShTaM
suvishadamatha vAchA varNanIyaM paraishcha ? || 2\.8\.6||
shayanamapi cha veshaM vikramAMshchApi tanvan
kiTivapurapi chAntaH saMvishanyudghR^itAM tAm |
bhuvamudaraniviShTAmudgiret svasya vR^ittA\-
yatabhujaparirabdhuH vetti mohaM nu ko.asyAm || 2\.8\.7||
prabhumapi mama kR^iShNaM vIkShakaH ko.asya kekShA\-
sR^itiH ? ihakavalaM no sarvaloko.api bhuktau |
padamapi paramaM tat dhAma jIvAstadanyat
sakalamapi vinANuM vyApya sarvAntarAste || 2\.8\.8||
sakalapadanivAsI kR^iShNa ityuktavantaM
sutamadhi kR^itakope stambhaghAte hiraNye |
udayamupagato.ayaM tatkShaNe tatra taM ghnan
naraharirupakAro me.asya ko veda kIrtiM ?|| 2\.8\.9||
mahitaparamadhAma svargabhUrarchyadevAH
naraka iti sameShAM madhyatashchAntyatashcha |
karaNamatulamAdiM bIjavat vyApya sarvaM
sthitamapi ghanavarNaM kR^iShNamadrAkShamAH ! me || 2\.8\.10||
(tAtparyaratnAvalIshlokaH)
prApyAkAropapattyA janipariharaNAt vishvasR^iShTyAdishakteH
nissImAnantadeshAnvayata upajagau rakShaNArthAvatArAt |
suprakhyAtAnubhAvAt vividhaviharaNAt vyAptivaichitryavattvAt
bhaktaiH drAgdR^ishyabhAvAt akhilaphalakR^iteH muktisaukhyaM mukunde || 2\.8\.11||
(pratibimbalaharI)
aruNatalanijAkShaM kR^iShNadehaM pratIshaM
chaladalivanasachChrIpADyabhUmeH sahasre |
dramiDagiri surAge pa~NktimetAM paThanto.a\-
dhikhamanavadhimokShaM shAsate.asmAkameva ||
(iti dvitIyashatake aShTamaM dashakaM )
\section{|| atha dvitIyashatake navamaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH \- kai~Nkaryoddeshyatvam ||
          || sa~NgatimaNimAlA ||
            (mAlinI)
atha cha sakulamenaM mokShasaukhyaM praNetuM
kR^itamatimapi devaM \ldq{}me mude neyamarthyA |
charaNakamalasevA mokShavAso mude te
bhavatu ma\rdq{} iti gopyaM prAha mokShasvarUpam ||
vaikuNThasya vidhA kilAtimahatI vaktuM na sajjo.asmitAM
pAdau te mama tAmranIlajalajau maulau vidheyau javAt |
asmAkaM paramopakAraka! karishreShThArtisaMhAraka !
svAmin! kevalametadeva mama te dAsasya saMvA~nChitam || 2\.9\.1||
he matkA~nchanasAndradhAmamaNibha ! svAminnidaM kevalaM
yAvatkAlamihArthaye tava padaM bhaktiM vinA durlabham |
prAptuM bhaktikaraM prayachCha tamimaM kAlasya mA yApanaM
kuryA nAnyaditaH kadA.api kimapi tvatto mayA prArthyate || 2\.9\.2||
krUraM mA kuru karma heti karuNAM kurvan kare klR^iptasad\-
dhetIT ! kR^iShNatayopakAraka ! gale ruddhe.api me shleShmaNA |
ashrAnto nutikR^it tavA~Nghriyugale syAmeSha so.ahaM yathA
tadvanme karuNAM vidhehi karuNA mayyeva sArthA tava || 2\.9\.3||
kuryA nAma mamaiva sevanamaye! nityaM tvamityAlapan
chittaM me pravishan vinA kimapi tatpratyUhamAptasthitiH |
svasyaivainamurIkuruShva bhagavan ! mAM tvatkR^ite kR^iShNa he\-
tyevaivaM hi mama prayojanamito nAnyanmayA prArthyate || 2\.9\.4||
mR^itvA shlAghyamatIva mokShamathavA svargaM tathA nArakaM
yAyAM naivamahaM punarvijananaM jAtaM tathAnekadhA |
vismR^ityA rahitassadA kila mudA taM svAminaM chintayan
bhUyAsaM tadidaM tu me.astu tadahaM hyatraiva nirbandhavAn || 2\.9\.5||
AnandAnvitadevatAtmanivaho lokashcha loketaraH
svAnandapradachandrasUryamukhasattejashcha jAtA yathA |
svasmin syurhi tathA vibho ! vikasataH premAnvitaM chintanaM
kR^itvA kIrtanapUjane tava mudA vande yatheyAH tathA || 2\.9\.6||
tvatshrIpAdasaroruhasya tu sadA.adhastAt sthitiM shAshvatIM
prApya syAM tu yathA sametya hi tathA me.anugrahaM no dadat ! |
tvAmantarmama sarvadA.api dadhataH paryAptidUrasthita !
svAminnehi mamAgratastu satataM bhUyAshcha kAlAn samAn || 2\.9\.7||
sarvAnehasi matprabhutvamahitaH manmAnasAntardR^iDhaM
tvaM tiShTheryadi ki~nchidanyadapi vA kAlAntare.ahaM punaH |
nApekSheya bhavatprasAda iti vai; sa~NgIryamANa ! shruteH
utkR^iShTaiH vimalaissadA.api mama he ! gauDaprapakvatphala ! || 2\.9\.8||
no jAnannahameva mAmakaravaM vR^ittiM kR^itAha~NkR^itiH
svaM chedaM mama heti nAma mamatA sampUrNachittassadA |
so.ahaM tvaM kila mAmakaM cha sakalaM svaM cha tvameva prabho !
nAkeneDita! divyasUripariShannAthetyajAnAmitaH || 2\.9\.9||
saundaryeNa pareNa yuktavibhavAM bhasmaiva la~NkAM purIM
kurvan ! sapta kakudmatashcha vijayin ! he ! dIrghabhAsojjvala! |
tvatsvarNaspR^ihaNIyapAdayugale lInaM vidhAya drutaM
mAmanyatra na jAtu santyaja bhaveH visrambhavAn mA mayi || 2\.9\.10||
(tAtparyaratnAvalIshlokaH)
shraddheyasvA~NghriyogaM shubhamatikaradaM stotrasAmarthyahetuM
svArthIkAropakAraM smR^itirasashamitAnyAdaraM prItivashyam |
prAptau kAlAkShamatvapradamamR^itarasadhyAnamAtmArpaNArhaM
vaimukhyAdvArayantaM vR^itaparicharaNaM chakrapANiM jagAda || 2\.9\.11||
(pratibimbalaharI)
chakratyAgakathAvihInamahato vishleShavaideshikau\-
dAryashrIkurukAshaThArivachasA klR^ipte sahasrAtmake |
etadye dashakaM vinAsharahitaM vaktuM samudyoginaH
teShAM tat paramaM padaM vitanute yannAshasaMvarjitam ||
(iti dvitIyashatake navamaM dashakaM )
\section{|| atha dvitIyashatake dashamaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH\- shubhasavidhasthAnavattvam ||
          || sa~NgatimaNimAlA ||
            (mAlinI)
vivR^itamiti tu mokShaM sampradAtuM vanAdrau
shubhasavidhapade taM prekShya tiShThantamIsham |
tamapi girimathaitatpArshvamArgAdi sarvaM
paThati vakulamAlaH prApyakoTipraviShTam ||
atyantojjvalayauvanasya vilayAt prAgeva mAyAvinA
prodyaddhAmavatA nijAspadatayA prItyA paraM svIkR^itam |
prodyadbAlamahIruhAvalivR^itaM shrImugdhabhUmIdharaM
sevadhvaM chaturatvametadakhilakleshapraNAshAya yat || 2\.10\.1||
chAturyAkaravibhramADhyayuvatInaichyeShu hitvA ratiM
gambhIradhvanishAlisha~NkhamahitashrIsundarasyAspadam |
chandrasvIkR^itajAnucha~NkramaNavanmauliM vanakShmAdharaM
taM deshaM navanaiH pragIya sutarAmuttiShThataitat phalam || 2\.10\.2||
he ! chittAphalakarmajAtakaraNAt naivAsti ki~nchit phalaM
dhArAvarShukameghasannibhatanoH prItyarhanityAspadam |
vyAmohapradasadvanAvR^itamapi tyaktvA vanakShmAdharaM
pArshvepyasya tu yasya kasya cha gireH saMsevanaM karma sat || 2\.10\.3||
karmAkhyaM dR^iDhabandhakaM vigalayan pAshaM, samujjIvayan
saMvoDhurmahato.achalasya mahitaM shrInityavAsasthalam |
AgachChajjaladasya ri~NkhaNapadaM vistIrNatu~Ngadruma\-
shrIshailaM bhajatainavameva tadidaM nUnaM baliShThaM hitam || 2\.10\.4||
shArIreNa balena pATavavatA hitvAMhasAM vardhanaM
dharmaikodyatahetipu~Ngavavato vAsasthalaM tAdR^isham |
pa~NkAspR^iShTasubhogyatIrthasarasIjuShTaM vanAdrIshvaraM
dIvyantaM samayA giriM kalayituM vApi prayANaM varam || 2\.10\.5||
prApyaM syAt paramaM tadetaditi bhoH ! matvA.atha hitvAdhamaM
shikyasyopari sanniviShTamadato haiya~NgavInaM padam |
potairyogamupeyuShAmatitarAM juShTaM mR^igANAM gaNaiH
ArAmAchalanAyakasya tu pathaH sa~nchintanaM syAt shubham || 2\.10\.6||
manyadhvaM tadidaM hitaM narakato hitvA tu sammajjanaM
pUrvAnehasi bhUmimR^iddhR^itavato dIrghAdhivAsasthalam |
mAlinyAnyapahAya shuddhamatidaM svArAmabhUmIdharaM
tatpakShakramataH prasR^ipya vasatiM kurvIta chet tat balam || 2\.10\.7||
samprApyatitarAM taraH pratidinaM hitvA vR^ithA tadvyayaM
sandAtustarasAM nivAsadharaNiM gopasya mAyAvinaH |
prAdakShiNyaratena sUrinivaheneddhaM vanAdrIshvaraM
prAdakShiNyakR^ito bhajadhvamapi tat nyAyyaM vasantassadA || 2\.10\.8||
pApe majjaya mA dR^iDhe mama vacho nyAyyaM manudhvaM samA\-
hantuH tasya pishAchikAvaratanoH sthAnaM mahat susthiram |
mugdhairvAraNayUthapaiH parivR^itaM svArAmabhUmIdharaM
nantuM gantumatho vichintanavidhAvudyoga eveShTadaH || 2\.10\.9||
so.ayaM naH paramaH pumartha iti mA chauryaM tathA va~nchanAM
sevadhvaM shrutivistR^ito rachayituH pUrvaM, padaM vA~nChitam |
kAntAyuktakalApibhirvanagirimphullaprasUnoditaiH
puShpaira~nchitamAvishantu bhavatAmAdyaH pumartho.atra saH || 2\.10\.10||
(tAtparyaratnAvalIshlokau)
dIptAshcharyasvabhAvaM mukharitajalajaM varShukAmbhodavarNaM
shailachChatrAbhiguptAshritamativilasaddhetimApItagavyam |
saMrambhotkShiptabhUmiM praNamadanuguNaM pUtanAchetanAntaM
pUrvAchAryaM shrutInAM shubhasavidhagiristhAnato nirvivesha ||
ityabrUtAsahyakShaNavirahatayA mAnuShatve paratvAt
sarvAsvAdatvabhUmnA vyasanaharatayA svAptisamprItimattvAt |
vaimukhyatrAsayogAt nijasuhR^idavanAt muktisArasyadAnAt
kai~NkaryoddeshyabhAvAt shubhanilayatayA chAtibhogyaM dvitIye || 2\.10\.11||
(pratibimbalaharI)
etadvishvamayaM pumartha iti saMsraShTurguNAj~nAnato
dUrasthAtibalADhya\-dAtR^i\-kurukA\-dIvyat\-shaThArAtinA |
j~nAnAptyai vishadaM nirastasadR^ishe sUkte sahasre tviyaM
pa~Nktissarvamapi pradAya sadayasyAsyA~NghriyugmaM nayet ||
(iti dvitIyashatake dashamaM dashakam ||
|| iti dvitIyashatakaM sampUrNam ||
|| shrImate vAtsyave~NkaTasheShAryamahAdeshikAya namaH ||
|| shrImate vAtsya sundarAryamahAdeshikAya namaH ||
|| shrImate j~nAnavairAgyAnuShThAnashevadhi\-sAkShAtsvAmine namaH ||
|| shrImate nigamAntamahAdeshikAya namaH ||
|| shrImate vAtsyavaradadeshikAya namaH ||
|| shrImate kurukeshvarAya namaH ||
|| shrImate rAmAnujAya namaH ||
|| shrImate vakulabhUShaNAya namaH ||
|| shrImate suvarNalakShmIdharanavanItanaTasvAmine namaH ||
\chapter{|| pratibimbalaharI \- tR^itIyashatakam ||}
|| shrIH ||
pratibimbalaharIvR^ittaM \- shArdUlavikrIDitam |
\section{|| atha tR^itIyashatake prathamaM dashakam ||}
etaddashakapratipAdyaguNavisheShaH \- saundaryabhUmavattvam ||
          || sa~NgatimaNimAlA ||
            (prabhadrakam)
vanagirimUrdhani sthitamabhIkShya puShpita\-
drumamiva sundaraM vikachadhIdavIyasIm |
tanusuShamAmathAsya karuNAprabhAvato
bahutR^iNagocharAM vadati vismito muniH ||
lakShmImugdha ! mukhasya dhAma kimu te phullaM kirITAtmanA ?
dhAmAtho nu padasya pIThakamalaM jAtaM vikAsojjvalaM ? |
kiM vA te.atha nisargabhAmbarayutAnekA~NgabhUShAtmanA
jyotirhemamayaM kaTervisR^imaraM brUyA nirUpya svayam || 3\.1\.1||
ukte te hi nirUpya padmamayate sAmyaM na dR^ik\-pad\-karaiH
taptaM dhR^iShTamathAnaghaM cha kanakaM shrIvarShma dhAmnastathA |
loko.ayaM taba sAmyakIrtanarataH prAyo nihInopamAH
vaktyatrottamadhAma ! phalgu nikhilaM te chApyavadyAvaham || 3\.1\.2||
jyotistvaM paramaM tvadatra paramaM jyotirna yadvidyate
jyotirnissama ! tu~Nga ! he.ati vipulaM lokaM svasa~NkalpataH |
sraShTarnaH paramAtidhAma ! na khalu te govinda ! vaktuM guNAn
hantAhaM prabhavAmi tu~NgalalitAn pAramyasaushIlyataH || 3\.1\.3||
padmAjjAtamidaM bR^ihat jagadaho kartuM mano na kShamaM
padmashrIsubhage tavAyi ! vapuShi prArabhya kAlAdbahoH |
tachchintAvimukhAnyadAH punaralaM nAnA matAnyapyadhAH
tvaM phullattulasIparaM nijamanaH klishyanna kiM syAt jagat ? || 3\.1\.4||
niryatnaM kila kR^ichChraklR^iptasutapolabhyaM vikAsojjvalaM
bhArUpaM vapurAptavan ! svayamatij~nAnAkR^ite ! sarvataH |
nirvelaM sthita ! bhAvi\-bhUta\-vibhavatkAlo.avasi tvaM jagat
sarvaM te guNajAtamasmi kimahaM kAtsnaryena vaktuM kShamaH ? || 3\.1\.5||
tattallokagatattadAdR^itavidhAdhyetR^iprapa~nchodito
vedaste suguNaikadeshavirataH sAdhurna chaivAnyathA |
puShpairyuktanijakShamAgatulasImaule! payojAsanA\-
vAsasthAnabhujAntara~Nga ! tava kinnUktvA vadeyaM guNAn ? || 3\.1\.6||
stotAro bahavo bhavantu kimataH ? sa~NkalpatassR^iShTavan !
nIraughe \ldq{}sR^ija sarvaloka\rdq{}miti taM kAShThAnanaM pUrvataH |
udyatsadguNashAlibhargamukhasaddaivIkashaktyujjvalAH
devA vyApya yadi stuvanti sahajA kIrtistu duShyettava || 3\.1\.7||
nirmAlinyamahashsharIra ! vikachannaivApyaho sa~Nkuchan !
nirmAlinyamate ! samasta ! nikhilaM sannirvahan ! vedhasi |
nirmAlinyavishAlabhUShaNayute kIrtyAM sureshe rate
nirmAlinyapadAmbujasya tava kiM mlAniM maho nApnuyAt || 3\.1\.8||
akShINAtmashitAgrachakrasubhagashrIdakShiNaprAnta ! he !
vrAtuM sevanakAmukaM gajamito.abhAsIruda~nchan khagam |
nirmodhAtmadhiyA.a.ayudhena kamalAjjAte jagatyudyate
trAtuM dAsyamayAn jvalat kimu bhavattejo vilIyeta hA ! || 3\.1\.9||
nAstikyachChalakR^it\-chatushshrutihR^idi dyotat\-jvaladdhAma bhoH !
svAmitvena samastalokamimamutpAdyArachayyoddhR^itim |
bhuktvodgIrya cha mAnamapyakuruthAH ardhendumaulervidheH
shakrasyeshvarabuddhinA stutipade chAsIti ko vismayaH || 3\.1\.10||
(tAtparyaratnAvalIshlokaH)
sushliShTAkalpama~NgairanupamasuShamaM vakti nissImadIptaM
svAntasvAdusvadehaM sukhabhajanapadaM maNDitA~NgaM mahiShyA |
stotrAtikrAntakIrtiM malinimarahitaujjvalyamiShTaupavAhyaM
vItAshcharyatriNetraprabhR^itisuranutiM chitrasaundaryaviddham || 3\.1\.11||
(pratibimbalaharI)
AshcharyA api yadgatA na hi tathA sadj~nAnavedodite
kai~NkaryAnvitanaikavAsavipulAM shAstrA shaThArAtinA |
natvokte kurukAmasaMshayadhiyA pa~Nktissahasre.amukA
nAdADhyatrijale jagatyudayadA ChinnAM vidhatte janim ||
(iti tR^itIyashatake prathamaM dashakam)
\section{|| atha tR^itIyashatake dvitIyaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH \- tanuvihitajagatkR^ityasaubhAgyayogaH ||
          || sa~NgatimaNimAlA ||
            (prabhadrakam)
vanagirisundarA~NgasuShamAM yathepsitaM
pihitamukhassudhAbdhitaTagaH pipAsitaH |
iva nijabhogakuNThanakarendriyairhR^ito
na bhajati yat chyuto.ahamiti khidyate tataH || 
tIrthairnastrividhairvR^itasya jagataH sraShTaH ! payodopama\-
svAntAdau tvadupAgatA~NgasaraNau bhrAntassthito.ahaM gadam |
atyuShNaM samayaM vihatya duritaM ChittvA samUlaM kadA
tvAmAsAdya bhaveyameSha bhavatA yogaM prapannaH punaH || 3\.2\.1||
kAThinyetamahAmahItalamite ! madvAmana ! tvanmahA\-
nAnAkrIDanajanmajAtaluThano.anAdIrahaM shR^i~NkhalAH |
ghorANAM mahatAM samUladalitAH kR^itvAMhasAmApya te.a\-
dabhraM pAdamitaH kadA nu bhavitA saMyak pratiShThAmaho ! || 3\.2\.2||
nissaMhAratura~NgayaShTinihatAM shrIbhAratAjau samAM
senAM kShetravarAntarA nihatavan ! svAmin ! suduShTAtmanaH |
dehasya grathanaM na shakyata idaM ChettuM kathaM tvAmahaM
prAptassyAmiti tatra nissamamayi ! brUyA upAyaM mama || 3\.2\.3||
sarvAvarjanadakShadhIdyutimaya ! svAmin ! sadA sarvataH
buddhikShatyayutAbhipUrNa ! bhavataH prAvaNyamanyatra me |
tyaktvA te samayA pade sukhamahaM vartai yathA tvaM tathA
kR^itvA nUtanamAtmano.avataraNaM bhUyo dayethA mayi || 3\.2\.4||
svAgatyeva gajAdikaM mama manashshaithilyasaMvarjitaM
nApi tvaM kuruShe sametya yadiyaM bhUyAdupekShA dR^iDhA |
guchChasphItatamAtasIsumasamashlAghyAtmakAntiM dadhat
matsvAmin ! abhigamya hA ! parisaraM padyai kva vA.ahaM tava ? || 3\.2\.5||
pUrvaM saMvihitaM chareyamitarannaiveti sa~Nkalpya tat
kartuM shaktiyuto na chAbhavamaho svalpaM tvasAraM bahu |
AsvAdya tvadapAgato bahusahasrAtmaughakArin ! prabho !
shrIsatsvarNasubhA~Nghrisa~NgatiyutassyAM hA ! kadA.ahaM tava || 3\.2\.6||
bho ! bho ! mAnasa! me yathArthadhiShaNAhInasya karmodite
janmanyatra nirantaraM cha satataM magnasya saMsIdataH |
pUrNasyAvirataM yathArthadhiShaNAjyotirmayasyAtmanaH
sarvatrA.api sadA sthitasya bhavitA lAbho nu kR^iShNasya saH || 3\.2\.7||
AvishyAmitaduHkhadAghanivahaM tyaktuM samartho na vA
naivAthAvirataM tvada~NghrivinatiM kartuM samartho.asmyaham |
nityavyAptanisargasadguNa ! para ! jyotirmaya ! tvAmahaM
draShTA kR^iShNa ! samAhvayAmi cha kuto tvAhUtimAptyai dadhe ? || 3\.2\.8||
krandaM krandamatIva ghoraduritaiH garte sthitaH kalpite
pApiShThashchirataH pathaskhalanatassIdAmi mohaM gataH |
pUrvaM gokularakShaNaM kR^itavatA sAsakti; lokAn samAn
sa~NkrAntena bhajeya kutra hi punassa~NgaM tvaho svAminA ? || 3\.2\.9||
ante kAla upAgatairyamabhaTairmukte.atha pAshe shuchAM
vaiyAkulyakR^itAM yathA cha galanaM tAsAM samAsAM bhavet |
vidyAnaikadhiyaM samIkShya mama hA ! kR^iShNaM gR^ihItvA tathA
nityatvaM mama jIva eSha subhagaM prApya sthirashchetasA || 3\.2\.10||
(tAtparyaratnAvalIshlokaH)
sraShTA krAntA cha lokAn hR^itadharaNibharo.ananyabhogyA~NghriyugmaH
chintodyannIlarUpaH niravadhirasadasvA~NghriradhyakShamUrtiH |
nityopAsyasvapAdo nikhilavasumatIgopanasvA~NghrivR^ittiH
muShNan mUrtipratItyA yamaparavashatAM prekShi lokaikanAthaH || 3\.2\.11||
(pratibimbalaharIshlokaH)
sarvAtmAkhilalokasheShiviShaye vyAptaiH paraM kokilaiH
ArAmairnibiDAM suramyakurukAM shAstrA shaThArAtinA |
klR^ipte.aduShTapadADhyagAnamahite mAlAsahasre sthitA
hanyAdAtmani mAMsalaM vapuriyaM pa~NktiH prarUDhaM dR^iDham ||
(iti tR^itIyashatake dvitIyaM dashakaM )
\section{|| atha tR^itIyashatake tR^itIyaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- \ldq{}svechChAsevyAkR^itimattvam\rdq{}
          || sa~NgatimaNimAlA ||
(prabhadrakam)
niravadhitA nijAtmaguNagA hi rodhinI
vikachadhiyAmapIpsitasR^itau rateriti |
vR^iShagirimuttaraM bhajati tena sAntvitaH
stanaratabAlako va jananIstanAntaram ||
sarvAnehasi pArshvatassthirataraM sthitvA nimeShaM vinA
nirdhUtachyuti dAsyakarma kila naH kAryaM bhavedIpsitam |
garjannirjaradivyave~NkaTagirau saundaryatejastanoH
asmatsvAmina AstathA.asya cha tathA tasyApyapi svAminaH || 3\.3\.1||
svAmI nashcha tu yo.asti tasya cha tathA tatsvAmitatsvAminAM
pUrvo yaH kila nityasUripatinA nityairyutaissUribhiH |
AkIrNairmuditaissumairabhivR^ite shrIve~NkaTe sundaraH
svAmI vArimuchA samAnasuShamo.anantairyashobhirvR^itaH || 3\.3\.2||
svAmI bhUShaNavAn suraktakamalasvAkShNA.atimAyI tathA
bimbAbhena nijAdhareNa nitarAM raktena kR^iShNo maNiH |
pUrNaiH prasravaNaiH prasannasalilaiH shrIve~NkaTe saMyute
sa~NkhyAtItapurANakIrtinivahaH shrInityasUrIshvaraH || 3\.3\.3||
sUrINAmadhipo.ayamityayamaho vaktA.asmi tat kiM bhavet
shrImadve~NkaTabhUdhare nivasatastejaskaraM ki~nchana ? |
nIcho.ahaM nanu pUrtilesharahito mayyapyatIvAdarAt
snehaM darshayatassamujvalapara~njyotirmayasvAtmanaH || 3\.3\.4||
jyotissannavaraiH paraishcha nikhilaissaMsevyamAno janaiH
AdirvigrahavAnitIraNamadashshraiShThyAya kalpeta kiM ? |
tAdR^ik\-shrotriya\-sarvavedakathitaM doShAtidUrairguNaiH
saushIlyAdibhiredhate yadamR^itaM shrIve~NkaTAdrIshvaraH || 3\.3\.5||
dahyante hi R^iNAni satyamakhilAnyevaM cha teShAM tathA
pApAnyuttarakAlajAnyapi hitaM kai~Nkaryameva prabhoH ! |
svAbhIShTaM dadhate sukhena satataM prAptaM svarUpochitaM
ye taM ve~NkaTavAsine nama iti proktiM vaheyurbharam || 3\.3\.6||
dhR^itvAdabhrasumaM, payashcha sumahat, dIpaM cha dhUpaM tathA
seneshena sahAnyalAbhaviratAH sthitvA hi yaM sUrayaH |
natvojjR^imbhaNamApnuvanti sa hi naH shrIve~NkaTo dAsyate
sAmyApattisamanvitAmiha parAM muktiM vishAlo giriH || 3\.3\.7||
goptA godharavAhanena sa gavAM shItAt purA varShato
mAtA nAma tadA samastajagatAmAptopakAraH paraH |
AgatyAshritavAn mahAgirimimaM shrIve~NkaTaM yaM hi taM
tvekaM sannamatAM samAptimayate kleshassamasto.api naH || 3\.3\.8||
hAnyutpAdakarI jarA janiratho mR^ityushcha rogAssame
sannaShTA hi yathA tathA kalayituM shrIve~NkaTaM saMshritaH |
gopo yasya navInapuShpasadR^ishaM shrIpAdapAthobhavaM
vAgantahR^idayAntarapyavirataM saMyak sthitaM kurvatAm || 3\.3\.9||
sa~NkalpAnuguNasvajIvitadinasyochchAvadherantika\-
prApteH prAk svabalasya hAniphalitAt chetovasAdAdapi |
vistIrNAtmaphaNAhirAjashayanashrIve~NkaTAdrerghana\-
shrImatkAnanaramyapuShpapR^ithulAmAsIdatopatyakAm || 3\.3\.10||
(tAtparyaratnAvalIshlokaH)
sthAnotkarShAt sudIptaM shramaharavapuShaM svA~NgaparyAptabhUShaM
tejiShThaM nIchayogAt praNamitabhuvanaM pAvanaM sannatAnAm |
prAptyarhasthAnamaMhaH prashamanaviShayaM bandhavichChedipAdaM
bheje shIghrAbhiyAnakShamashubhavasatiM lambhitArchAbhimukhyam || 3\.3\.11||
(pratibimbalaharI)
vistIryA~NghriyugaM samastabhuvanaM sa~NkrAntavantaM prabhuM
proddishyAyatavR^ikShaShaNDakurukArAjaChaThArIrite |
nistulyaM dashakaM sahasragaNite saMyak paThanto jagan\-
mAnyAH prApya suramyasampadamatha syuste sukhasyAspadam ||
(iti tR^itIyashatake tR^itIyaM dashakaM )
\section{|| atha tR^itIyashatake chaturthaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- akhilatanutA
          || sa~NgatimaNimAlA ||
            (prabhadrakam)
samavidhasevayA vR^iShagirIshamarchitA
sthitiyutamatra yat pR^ithagayaM hi naikShata |
kimapi; vibhUtivigrahaguNeShu tasya tat
bahumukhavismayashcharati vA~NmayArchanam ||
shlAghyo divyaguNo.advitIya iti vA.atulyA guNaiH kShmeti vA
bhAsvachChItapayodhirityanala ityAho nabhasvAniti |
sarvatrasthitakheti sarvagamahastejodvayaM cheti vA
tyAgAnarhasamastametaditi vA kR^iShNasya hUtau vidhA || 3\.4\.1||
sarve kShmAbhR^ita ityathAdR^itaguNAvR^iShTirvaretyujvalat\-
tArA ityathavA vadAni rasanAsambhUtavidyA iti |
shAstraj~nAnasadAtmabhUta iti vA huternajAne vidyAM
sarvavyAptaguNasya pa~NkajadR^ishaH kR^iShNasya matsvAminaH || 3\.4\.2||
padmAkSheti vadAni vidrumalatAraktAdharetyujjvala\-
tkAntyA sundarapAda ityatha vadAnyaktA~njanashrIriti |
kAntyA raktakirITa ityatha ramAshrIvatsavakShA iti
prodyachCha~NkharathA~Nga ityatha vadAnyutkR^iShTamANikyabham || 3\.4\.3||
brahmeshAdimashUnyakAlavilasanmatsvAminaM chAchyutaM
nirdoShaM nu vadAni jAtivishadaM mANikyamAbhAyutam |
svarNaM mauktikamAkaraprabhavasadvajraM hyanAshojjvalaM
dIpaM kAraNasundaraM maha iti prAk sundarAtmeti vA || 3\.4\.4||
nirdoShAchyuta ityathAshritajanAghadhvaMsakaM rasyatA\-
shAsyaM vAtha mahauShadhaM sadudadheH prAptaM vadeyAmR^itam |
tattAdR^igrasakhaNDa ityatha rasaiH ShaDbhiryutaM vAnnami\-
yutsarpIrasamityatho madhurasaM kShIraM phalaM cheti vA || 3\.4\.5||
kShIraM veti vadAni kiM kimu chaturvedIphalaM sAmaya\-
nyAyaM shAstramiti bruvANi janitashrutyAshagAneti vA |
eteShUttamamuttamaM nviti phalaM satkarmajaM shlAghyami\-
tyAho kR^iShNamathAdbhutaM nvatha natavyAmugdhadevAdimam || 3\.4\.6||
gIrvANAdiriti bruvANi kimu taM kiM devadevaM surA\-
nandAsvAda iti bruvANi diviShatsarvasva bhUteti vA |
pUrNA sampaditi bruvANi sumahAsvargetyasa~Nkochavi\-
chChedo mokSha iti bruvANi maNivat jAjvalyamAnashriyam || 3\.4\.7||
rakShAprItiyutaM samastabhuvanaM sR^iShTvA sthitaM taistutaM
kR^iShNaM syandimadhupraphullatulasIyuktaM patiM me.adbhutam |
dedIvyanmaNivarNa ityakhilasaMstyutyaika eveti saM\-
shItendvAptajaTeti vachmi chaturAsyAbhikhyadeveti vA || 3\.4\.8||
sarvAchetanasarvachetanatayA svenaiva bhUtvA sthitaM
kR^iShNaM tvadbhutamambudhermathanataH prAptAmR^itaM svAminam |
nidrAvantamanantamachyutamitAnantaM, sukhaM taM jagat
bhukatvodgArakR^itaM nvavaimi na vibhuM dhyAtuM prakArAnaham || 3\.4\.9||
sarvAchetanasarvachetanavapurbhUtvA sa tattanmahA\-
maryAdAsamayeShu sa~NgarahitaH pa~nchendriyAgocharaH |
\*j~nAnAtmA; nanu tadgadoSharahitaH prANAshrayashchetanaH
syAdevaM yadi bhAvanA sukhamiyaM tasmin pare sa~NgatA || 3\.4\.10|| 
(\* \ldq{}j~nAnAtmA nanu tadgadoSharahito dehAshrayashchetanaH\rdq{} iti pAThAntaram |)

(tAtparyaratnAvalIshlokaH)
bhUtaistatkAryabhUtaiH shubhanijavapuShA dIptimadbhiH padArthaiH
pathyAsvodopapannaiH shrutimukhasubhagAsheShashabdaprapa~nchaiH |
nAnAkAraiH pumarthaiH jagadadhipatibhishchetanAchetanaughaiH
juShTaM doShairaduShTaM nikhilatanutayA sampratuShTAva tuShTaH || 3\.4\.11||
(pratibimbalaharI)
sa~NghIbhUtaShaDa~NghrighoShavilasachChItasrajaM vArida\-
shrIkaM prAntalasatsvaraNyakurukAbhAsvachChaThArIrite |
gAthAgItisahasrake cha dashakaM tvatrAdvitIye.atulaM
shaktA gAtumupetya bhogamahatiM yUthAnubhAvyAssuraiH ||
(iti tR^itIyashatake chaturthaM dashakaM )
\section{|| atha tR^itIyashatake pa~nchamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- unmAdadAnArhakAntimattvaM
          || sa~NgatimaNimAlA ||
            (prabhadrakam)
iti tu vibhUtivigrahaguNAn harervadan
mudamatulAmavApya cha janAn harau tadA |
akR^itaratIn samIkShya vasudhAbharAn bruvan
vikR^itimupeyuSho harirateH prashaMsati ||
pu~njIbhUtAdhikodyat\-sumavanasarasi grAhabandIkR^itasya
vyAleshasyAnukampAkaramasitataTitkAntavarNaM tu kR^iShNam |
stutvA gItvA.asmadIshaM bhuvi vigatapadasparshamutthAya bhUmeH
ye no nR^ityanti taiH kiM vadata phalamitAshshItachakrAbdhimadhyam || 3\.5\.1||
shItAmbhodhyAvR^itakShmAgatajanamakhilaM bhakShyabhAvena hatvA
bhu~njAnAnAM dR^iDhodyat\-kaTakapadasuradveShiNAM dattanAsham |
shrIshaM gItvA cha rAgairadhikataramathotplutya nR^ityaM cha kR^itvA
jAyante.atrA.abhramanto bahumR^idi duritAdhikyabAdhAya loke || 3\.5\.2||
adriM dhR^itvopahatyApyupalamayamahAvarShaNaM saurabhInAM
goShThyA nAshaM nivAryopyupakaraNaparaM prochya choktvA sadaiva |
yogaM mastena bhUmyA vividhavikR^itibhiH saMvidhAyApatantaH
ye te notplutya sormiM narakamadhi narAH kleshino gADhamagnAH || 3\.5\.3||
AmodAdgArimAlAM prati vihitavatassapta kR^ittAn mahokShAn
pu~njIbhUta pravAlAruNa sadadharayugshrIdharasyAdikIrtim |
gItvA kR^itvA~njaliM chonnaTanamaTanamunmastakaM chAshnuvAnAH
no ye teShAM phalaM ki sujanasadasi sa~njAyate janmanAtra || 3\.5\.4||
kaMsaM sAdhutvayuktaprathitasujanatApIDakaM nirgR^ihItuM
\*ramyaM jyotissvarUpaM prathamamapi pade tatra vikShipya bhUmau |
gItvA klR^iptAvatAraM prativishikhamamuM vedamUlaM naTanto
ye na prAghItavedottamabudhadhuri te kiM japiShyanti martyAH || 3\.5\.5|| 
(\*rambaM jyotyADyarUpaM prathamamapi pade tatra yattena bhUmau\rdq{} iti pAThAntaram |)

martyo devashcha matsyaprabhR^itirapi bhavan prAptachitrAvatAraM
jAtaM chApyadvitIyaM pR^ithujaladhishayaM nirjaniM chopakAram |
rasyaM pakvaM phalaM chaikShavamadhurarasaM khaNDapIyUShamAdhvI\-
bhogyaM stutvAnasUyaM kR^itabahunaTanAH pUrNasarvaj~nabhAvAH || 3\.5\.6||
santiShThat nirguNAnAM shatamapi patitaM kArayat sAnukampaM
pa~nchasvAvR^ittya senAM avanimabhigatAM nAshayat jyotirIsham |
dhyAtvA.a.anR^ityAshrunetrAH drutatarahR^idayA ye na shaithilyavantaH
te tu~NgAMsAtipInA bhuvi kimupakR^itiM kurvate vottamAnAm || 3\.5\.7||
sthAtuH shrIve~NkaTAdrau laghushishirajharairuttare syandadadbhiH
nAnA nAma prakIrtyA.akramavachanamuchaH svAmino me paraistu |
uktA unmattabhUtA iti bahunagarANyAvishanto.avishanto
nartitvAsthAya loke hasati paravashA nartinassUrisevyAH || 3\.5\.8||
nityaissaMsevyamAnaM tvagaNitajagatAM klR^iptanityopakAraM
kR^itvA labdhapratiShThaM manasi tamapi tatsAmyasid.hdhyarthayogam |
abhyasya sthairyalipsuM tamuta naramR^ite sAhaseddhaM hyananyaiH
sarvairdhyAtvA.akrameddhastutinutinaTanojjR^imbhaNaM kAryamanyaiH || 3\.5\.9||
karmaitatkAryabhUtaM phalamakhilajagatkAraNaM shrImaNishrI\-
varNaM raktAbjanetraM shritajanavivashaM nityasUrIshitAram |
chitte chaikyAnniveshya drutatarahR^idayAssotplavaM nR^ityayuktAH
mohAtmotkarShabuddhI hriyamapi jahataH brUta hitvA kramaM cha || 3\.5\.10||
(tAtparyaratnAvalIshlokaH)
grAhagrastebhamokShe suraripumadane gokulatrANakArye
(godA)nIlArthokShAvamarde sadahitamathane sindhuparya~Nkayoge |
kShoNIbhAravyapohe kShitidharavasatau nirjarArAdhyatAyAM
vishvArambhe cha shaureH shubhatanusuShamonmAdakatvaM jagAda || 3\.5\.11||
(pratibimbalaharI)
prApyatvaprApakatve bhagavata iti dR^iDhAn sampariShkR^itya dAsAn
shaktaM netuM svadAsyaM prati suragaNapaM me.achyutaM sadguNADhyam |
nAthaM shItarddhasasyakShitishubhakurukAdhITshaThAripraNIte.a\-
dvaitIyeke sahasre dashakamidamaghaM bhUri bhasmIkaroti ||
(iti tR^itIyashatake pa~nchamaM dashakaM )
\section{|| atha tR^itIyashatake ShaShThaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- labhyArchAvaibhavavattvaM
          || sa~NgatimaNimAlA ||
            (prabhadrakam)
para iti dUragAssulabhatAM na jAnate
krudha iha no.avakAsha iti teShvasau ghR^iNI |
atisulabhArchayA pratigR^ihaM hariM sthitaM
prapadanatulyatAM gatiShu vakti sa~Ngatam ||
raktAmbhojAyatAkShassa hi samamakhilAM bhuktavAn saptalokIM
bhUrAkAsho manuShyA amara uta same bhUtatiryaksthirAshcha |
bhUtvA nityArjavo.apyativishadatamaj~nAnamAvirbhavan san
sR^iShTvedaM sarvamodhIbhavadatimahasA.athaikamUrtitrayAtmA || 3\.6\.1||
tredhAbhUtasvamUrtiM prathamajavapuShAM kAraNaM cha trayANAM
nishsheShaM dhvastashApaM vitatajalanidhau shAyinaM devadevam |
la~NkAyAM dakShiNasyAM upachitadahanaM dhanvinaM klR^iptanAshaM
pApAnAM nAshakaM chAmbujapR^ithunayanaM stotumarhA bhavantaH || 3\.6\.2||
\*sa~NghIbhUyAmaraughaiH sthitamapi paramaM stUyamAnaM paraM tat
jyotI rAsAptagopIgrathitakaratayA bhavyamindrAshmavarNam |
kumbhInR^ittaM sabha~Nge.ambudhipayasi samAruhya sheShaM sunidraM
nAthaM naktaM diva~nchAjahadapi satataM stotrachetaH kurudhvam || 3\.6\.3|| 
(\*\ldq{}nAkaukasstUyamAnaM paramamavirataM saMsthitaM tat paraM cha\rdq{} iti pAThAntaram |)

kurvIdhvaM mAnase vastaditi tu yadahaM vachmi chitrasya shIlaM
asmAdR^ikShA vadeyuH kimuta ? bhavatu tat ; santataM nAkinAM saH |
goptA brahmA cha maulau vidadhadurujaTAmIshvarashchArjavena
dhyAtvA stutvA tadIyaM charaNasarasijaM ChandataH paryaTanti || 3\.6\.4||
vAtA me bhAti vAyuH tatakhamapi dharA karkashAbdhissasImA
sajvAlo.agnishcha tejoyugamamaranarAH tiryagAdya~ncha sarvam |
kR^iShNasya shyAmamUrteH aruNakamaladR^ikshrIyujo devabhartuH
\*vakrAnekAtinIlAlakavR^itivilasanmastakasya prabhorbhA || 3\.6\.5|| 
(\*\ldq{}vakrAnekAtinIlAlakavR^itivilasanmastakAsmatprabhordhIH\rdq{} iti pAThAntaram |)

\*AvirbhAvaM vinAshaM na dadhadatha daghat san nR^isiMhaikamUrtiH
kope.apyAptAnukampAshritanijacharaNaH tAdR^ishaM raktanetram |
AmugdhaM gandharUpau rasaravasahitasparsharUpashcha bhUtvA
matsUrIshaM vinAnyaM kamapi na sharaNaM prArthaye.ahaM kadApi || 3\.6\.6|| 
(\*\ldq{}AvibhaviM vinAshaM na daghadapidadhat sannathAdvaitamUrtiH\rdq{} iti pAThAntaram |)

kAle sarvatra bhogyAmR^itamiva manaso me supUrNAtmano me
yuktaM, jyotirmayaM taM kiraNachayayutaM kumbhanR^ittaM maNeshcha |
tulyaM; chotkR^iShTadevaiH munibhirapi phalaM svAdanIyaM sakhaNDaM
bhUtvA saMshuddhachittAH shrayata na kiyadapyAvaseyurhyaghAni || 3\.6\.7||
duHkhaikotpAdakAnyapyasukhasukhakarAnantakarmANi bhUtvA
tachChUnyaM chordhvagaikaM maha uta jagatAM bhakShakodgAriNaM cha |
mUrchChAM datvA pramuShNadyamabhaTamadhi taM tIvravegaM viShaM hA !
nAnyaM hitvA sharaNyaM dasharathatanujaM chAchyutaM kashchidemi || 3\.6\.8||
mAtrA pitrA cha sAkaM svayamapi cha sadA rakShako.anye cha bhUtvA.a\-
sa~Nkochaj~nAnadevapravarakulapurohetumAdiM trayANAm |
bhItvA yUyaM na lokA ! ayamiha sa paro veti sha~NkadhvamevaM
dhyAtashchitte yathA.asau bhavati hi sa tathA dIrghapAthodhivarNaH || 3\.6\.9||
kR^iShNaH pAthodhitulyaH surakulamadhuraM kR^iShNaratnaM madAtmA
preShThastalpe shayAnaH tataphaNini paraM jyotirAdau shatasya |
AgachChantIM vadhArthaM prabalayudhi chamUM hantumIsho.api sUtaH
pa~nchAnAM tatra si~njat \- charaNamatha kadA drakShyatastasya netre || 3\.6\.10||
(tAtparyaratnAvalIshlokaH)
padmAkShIM pApahantrIM maNiruchimamarAdhIshachintyA~NghripadmAM
tattAdR^ikkuntalashrIsughaTitamakuTAM bhAvukaprApyapAdAm |
shuddhAsvAdyasvabhAvAM yamabhaTamathanIM bhaktadhIvR^ittibhavyAM
nIchochchAbhIShTavR^ittiM haritanumavadannirmalArchAnuraktaH || 3\.6\.11||
(pratibimbalaharI)
chakShurdR^iShTerashakyaM sukhamamalamanassugrahaM svargabhAjAM
IshaM mR^itprAyalokasthitanikhilajanAnugrahepsAM dadhAnam |
sadgAnAkrIDapANDyakShitipatikurukAdhITshaThArAtisUkte
sadgAne.asmin sahasre prabhavati dashabhirbhaktirebhiH paThantu ||
(iti tR^itIyashatake ShaShThaM dashakam)
\section{|| atha tR^itIyashatake saptamaM dashakam ||}
pratibimbalaharIvR^ittaM \- kalahaMsI 
etaddashakapratipAdyaguNavisheShaH \- rUpaguNarasikaguNotkarShaNapradatvaM
          || sa~NgatimaNimAlA ||
            (prabhadrakam)
atisulabhArchayA yutaharau rato.atha tat\-
charaNagarekhayA cha samatAM dadhannR^iNAm |
vyavahitamanvayaM cha vahataH paraM vadan
nijapuruShArthaparvasu shaThAriredhate ||
vR^id.hdhyujjvalatejomayamUrtiM kamalAkShaM
bhogyAnubhavaM me.abdhishayaM taM paramaM cha |
ye ke.apyupabhoktuM kila yuktA shriyayA te.a\-
shAntodbhavamadhyeShvavanotkAH paramA naH || 3\.7\.1||
kR^iShNaM paramIshaM mama chakrojjvalanAthaM
dIvyachchaturamsaM shuchiratnashriyamIsham |
pAdau tatahastau cha namantassaha kR^itvA.a\-
jasraM janimadhyeShvapi matki~NkaranAthAH || 3\.7\.2||
nAthaM kShitinAkastutamudgandhitulasyA.a.a\-
kalpaM sumahAriM mama nAthopakR^idIsham |
pAde natidakShAnapi tAn ye vinamantaH
shAstroditajanmasvapi te.asmatkR^itadAsyAH || 3\.7\.3||
kaTyujjvalavAsAH galahAraH kaTisUtrI
so.amse vasusUtro vasumaulishcha nisargAt |
nAnAbharaNashrIyutanArAyaNa etad\-
dAsA niviDodbhUtiShu te.asmAkamadhIshAH || 3\.7\.4||
devAnnijanAthasya tu sUritvayujAM tat\-
kAle sukhamaichChAmR^itamApAyayitushcha |
tAtasya mahatvastutishaktastutishaktAH
tatrAtra cha no rakShakasarvopakR^ito hi || 3\.7\.5||
kR^iShNaH paramaH pAlaka uchchakradharesho
nAtho maNivarNo madhugandhADhyatulasyA |
yukto dyutimajjyotirudUDho hR^idi yaiste
rakSheyurayuktaspR^ihamasmAn pratijanma || 3\.7\.6||
dAsAnanupAlyAkhilajanmasvapi nItvA
datvA nijabhAvaM nijapAdadvayadAsye |
kartuH piturojastutishaktastutishaktAH
shreyo.avanadA nashcha sadA vishvasanIyAH || 3\.7\.7||
shrIvakShasamutsR^iShTabhuvaM vishvasanIyaM
svarlokagasarvairapi vij~nAtumashakyam |
kumbhIpachi magnA api notuM prasR^itA ye
te.asmadbahujanmasvapi mannamyakulAssyuH || 3\.7\.8||
uchchaiH kulamAnodvahasajjAtichaturbhyo.a\-
dhobhUya kiyat\-sad\-guNashUnyAvachanIyAH |
ye dakShiNahastoddhR^itachakre maNivarNe
dAsA iti bhAvAshritadAsA mama nAthAH || 3\.7\.9||
bhuktvA~NghrimitAM kShmAM cha sanidraM vaTapatre
nistulyashishorasmadadhIshopakR^itashcha |
satki~Nkara\-tatki~Nkara\-tatki~Nkara\-dAsai\-
tatki~Nkara\-tatki~Nkara\-dAsA hi vayaM smaH || 3\.7\.10||
(tAtparyaratnAvalIshlokaH)
sphItAlokAdibhUmnA pR^ithubahubhujayA divyamAlyAstrabhAjA
sadvastrAkalpaklR^iptyA tridasharasakR^itA rakShaNaunmukhyavatyA |
muktairuttaMsitA~NghryA sthiradhR^itaramayA shyAmayA nityasatyA
shaureH kAntyA jitAnAM bahumatajanasvAmitAmanvamaMsta || 3\.7\.11||
|| pratibimbalaharI shlokaH ||
hantuM shatamAptoddhati pa~nchasvanukampA\-
kAryuttamamudyatkurukeshashshaThahartuH |
dAsyeM.aghrinibaddhe.atra sahasre dashake tat\-
bhaktopari pUrNe.abhyasane.atrAjanisiddhiH ||
(iti tR^itIyashatake saptamaM dashakaM )
\section{|| atha tR^itIyashatake aShTamaM dashakam ||}
pratibimbalaharIvR^ittaM \- indravadanA 
etaddashakapratipAdyaguNavisheShaH \- nityadR^ishyA~NgavattvaM
          || sa~NgatimaNimAlA ||
haripadasaktasaktaratirapyadarshanAt
hR^idayaharasya tasya nitarAM praroditi |
itara\-kha\-bhogalipsukaraNaiH kShudhAtmajai\-
radhana ivAvilo.atikalahairavagrahe ||
shrImakuTavan ! trijagadAnatanutA~Nghri\-
shrIrmathitanimnajaladhe ! garuDaketo ! |
tArkShyaratha ! meghanibhavarNa ! lasadaNDa\-
sthAmaravareti nanu tiShThati mano me || 3\.8\.1||
dIrghapurameva mana Asthita ! kula~NkA\-
nAthahatikR^it\-garala ! chApadi sakhe ! me |
sarvajagadAtmavashamAkramitumiddha\-
vAmana ! shaTheti mama vAk vadati nityam || 3\.8\.2||
vAk\-karaNa eva kila notumanukampA\-
dAtaramaresha ! navabAlavidhukAntiH |
veNugR^ihamuShTanavanItapiba ! bAhU
\*gopadayiteti mama sAdhu mR^igayete || 3\.8\.3|| 
(\*\ldq{}gopajananIti\rdq{} iti pAThAntaram |)

hastayugasAdhukR^itasannatishataistvAM
santatamapi kShaNamanAratamahIndre |
vistR^itaphaNe vihitanidra ! para ! he ! tvAM
draShTumapi satyamiha vA~nChati mamAkShi || 3\.8\.4||
dR^igviShayametumayamaitu kimitIchChU
krAntadharavAmanasamudvahanatuShTyA |
\*gantR^idhR^itagItakhagapakSharavabud.hdhyA
nishchayakR^idUhamita etya mama karNau || 3\.8\.5|| 
(\* \ldq{}gantR^idhR^itasAmakhagapakSharavabud.hdhyA\rdq{} iti pAThAntaram |)

shrotrayugapUrti tava kIrtiphalavAchyaM
kAlamadhugAnayutapadyamapi pItvA |
tvAM bhuvi manohara mahojjvalitachakraM
sAdaramanAratamabhIpsati mamAtmA || 3\.8\.6||
prANa ! kR^itapUrtyamR^ita ! madvihitadAsya !
sundarasupakShakhagavAha ! shubhachakra |
vyAkulitachittamuruduShkR^itadharo nA\-
krushya chiramemi tava rUpamiha dR^iShTam || 3\.8\.7||
bhUShaNa ! sarojanayanA~njanasadR^i~Nmu~N
nIla ! hR^idupetya mama bAdhakarashIla ! |
bhUtabhavadeShyadurukAlasusharIra !
tvAM nu karavANi dhuri chakShuShi kadA.ahaM ? || 3\.8\.8||
trikramaNado bhava mahAbala ! ihApse.a\-
haM tviti vadan shaThaka ! va~njitakukaMsa ! |
bANahR^idi vIryahataye bhujasahasra\-
\*Chedaka! kadA vihagadakSha ! samayAni || 3\.8\.9|| 
(\*\ldq{}Chedaka ! ravagAtibala ! kutra samiyAM tvAm\rdq{} iti pAThAntaraM)

shliShTakakubhAgavaramadhyagatiman ! me
nAyaka ! mahAvibhava ! te charaNadR^iShTau |
prAptabR^ihadAshamahamApya cha rujaM tvAM
vAksrajamudIrya viruvANi kiyatAhnA || 3\.8\.10||
(tAtparyaratnAvalIshlokaH)
chittAkR^iShTipravINaiH abhilapanasukhaiH sparshavA~nChAM duhAnaiH
AtanvAnairdidR^ikShAM shrutihitasahitairAtmanityAdarArhaiH |
vishleShAkroshakR^idbhiH smaradaratikarairdattasAyujyasa~NgaiH
kurvANairbAlalaulyaM militaguNagaNaiH nityadR^ishyA~NgamAha || 3\.8\.11||
(pratibimbalaharI)
shlAghitaguNaM pramitabhUmiminamudyat\-
ramyaguNasAdhukurukAshaThajiduktAm |
pa~NktimasamAM balini vakti tu sahasre
\*yo.api sa hi ko.api viyadeti lasadetAm || 
(\*\ldq{}yo.api sa hi ko.api padameti parametAm\rdq{} iti pAThAntaram |)

(iti tR^itIyashatake aShTamaM dashakaM )
\section{|| atha tR^itIyashatake navamaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH \- stutiviShayatanumattvaM
          || sa~NgatimaNimAlA ||
            (prabhadrakam)
iti karuNaM rudan shuchi sabhAgino janAn
alabhata no.atha tAn avaravarNane ratAn |
api cha vilokya tIvravipado nijApadaH
smarati cha nopadeshagiri tadrato ghR^iNI ||
ukte.asmiMstu viruddhameva tadapi brUmassamAkarNyatAM
jihvAyAM madhurA vibhAti kavitA dAsye na kasyApyaham |
tannAtanniti bhR^i~NgagAnasahite shrIve~NkaTAdrau mama
prekShye mattagaje mamopakR^itimatsvAminnudAre sati || 3\.9\.1||
matvA santamasantamekamapi cha svaM svAM shriyaM chAdhamAM
utkR^iShTAmabhimanyamAnamadhamaM stutvA naraM kiM phalaM ? |
\*vistArasthalayuk kura~Nganagare kAsArakedArabhU\-
vyApte satyatayAsthitaM mama vibhuM madgotranAthaM vinA || 3\.9\.2|| 
(\*\ldq{}kR^iShNasyAbhimate kura~Nganagare kAsArakedArabhU\rdq{} \- iti pAThAntaram |)

\*ashrAntaM bahukalpakalpamapi tat prAptuM padaM susthiraM
gantavyAdhvagatiprade.asmadamarasvAminyadhIshe sati |
gatvAnyAnakhilAtishAyiguNavatsAdhuprabandhairadho
vidvAMsaH ! patanaM vichintya kamapi stutvA naraM kiM phalaM ? || 3\.9\.3|| 
(\*\ldq{}ashrAnteShu bahuShvanekaviShayA kalpeShu mokShAptaye\rdq{}\- iti pAThAntaram |)

sid.hdhyet kiM kavayaH ! phalaM tu kiyatAM bhUyAddinAnAmalaM !
martyAnasthirasaMsthitIn mahadabhiShTUyApi labhyaM dhanam |
dIptivyAptasuratnamauliramarasvAmI stutashchet sa vaH
\*svAtmatvena cha bhAvayan gatajanIna~NgIkariShyatyapi || 3\.9\.4|| 
(\*\ldq{}svIyatvena cha bhAvayan gatajanIna~NgIkariShyatyapi\rdq{} iti cha pAThAntaram |)

grAhyaM nAsti phalaM purAvakarasaMshud.hdhyA sadR^ik sampadaM
stutvodAratayA vinAshitabhavadvAgmitvavanto budhAH ! |
svIkAre.api gatakShayaM kavayituM svAbhIShTasarvArthadaM
nirdoShaM madudAramuttamamaNishrIkaM samAgachChata || 3\.9\.5||
AyAta kriyayA budhAH ! svavapuShaH kleshena chojjIvatA\-
hyadyAsyAM bhuvi naiva sampadamitAH adrAkShma sarvAn vayam |
bhogyairvaH kavanaiH bhavatpriyatamAH chet saMstutA devatAH
rajyatkAntimahaH kirITamadinashrIvallabhaM prApnuyuH || 3\.9\.6||
nissImAnuguNAtyudAraguNabhUkIrtiM sahasrAtulA\-
bhikhyaM svopakR^itaM vinAhamaparaM shaknomi vaktuM naram |
atyaudAryaguNAbhrasodarakara shrIman mahAparvata\-
prAptaupamyadR^iDhAMsa ityatimR^iShA bhuvyekatR^iNyA samam || 3\.9\.7||
vaMshashrIkaparasparopamabhujadvandvashriyo vallabha
nIlAyAssahajAdhikottamaguNaM gItvA cha nItvA vayaH |
hitvA kAyamahaM tada~NghriyugalImUlapravesho\*tsuko.a\-
satkalpaM naramatra vaktumapi kiM shakto.asmi majjihvayA || 3\.9\.8|| 
(\*\ldq{}tsuko mAyAdhInanarAn cha vaktumapi kiM shaktosmi majjihvayA\rdq{} iti pAThAntaram |)

stotuM madvadanena martyamavanau jAtaH kavirnAsmyahaM
vedAnteDyaguNo.atyudAra upakR^ichchakrI mamaivAsti saH |
datvA dIptamihatyadAsyajasukhaM tva sUrideshaM cha ta
vIkShasveti paraM padaM cha niyataM kAlakramAt dAsyati || 3\.9\.9||
sthAyaMsthAyamanekakAlamuditasvAtantryametadvapuH
tyaktvaityApi bahUnatItya divasAn j~nAtvA.api moktuM janim |
vA~nChitvA jagadekabuddhi sR^ijato.ajastraM tadIyasya me
rochetetarasaMstutiH kimu sadApItaH paraM tatkaveH || 3\.9\.10||
(tAtparyaratnAvalIshlokaH)
ramyasthAnAdiyogAt amitavibhavataH satpathaprApakatvAt
samyaksAyujyadAnAt anaghavitaraNAt sarvasheShitvachihnAt |
prakhyAtAkhyAsahasraiH avataraNarasaiH bhuktimuktyAbhimukhyAt
trailokyotpAdanAchcha stutiviShayatanuM vyAharanninditAnyaH || 3\.9\.11||
(pratibimbalaharI)
shlAghyasvArhamahAguNasya viShaye kR^iShNasya sUrIshituH
shlAghyasvArhamahAguNADhyakurukAdhIshashshaThAreH kR^itau |
shlAghyasvArhamahAguNe.atra dashake chAsmin sahasre.atule
\*shlAghyasvArhamahAguNe.abhyasanato dakShasya na syAjjaniH || 
(\*\ldq{}shlAghyasvArhamahAguNe.abhyasanatashshaktasya na syAjjaniH\rdq{} iti cha pAThAntaram |
ubhayatrA.api abhyasanataH ityatra sArvavibhaktikastasil || abhyasane iti yAvat ||)
(iti tR^itIyashatake navamaM dashakam)
\section{|| atha tR^itIyashatake dashamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- aghashamanatanumattvaM
          || sa~NgatimaNimAlA ||
            (prabhadrakam)
itarakavirvano naranutirmamAtmano
hatiriha no hi janmasuShamArato hareH ! |
kShatirapi keti me kuta iti svalAbhataH
paramamudaM prapadya shaThakopa edhate ||
kR^itvA nAnAvatArAn bahiruditavapuH sha~Nkhachakre cha shAr~NgaM
dIpta khaDgaM cha dIptaM musalamapi gadAmudvahan rUDhatArkShyam |
loke sa~nchAryaM vIrAsuranishicharasannAshasa~NgrAmakartuH
satkIrteH prApya bhAgya shubhaguNavinutAvasmi kenApyanUnaH || 3\.10\.1||
etyAnyUne tate.abdhau baliphaNini nijAtAmraramyAbjadR^igbhyAM
kR^iShNasyAptveva nidrAM kamapi kR^itavato yogamudratnakAnteH |
troTimAlinyabhUShaM khagapatimanusa~nchAryadaityAn prahartuH
neturgItvA sanR^ityastuti guNamakhilaM chAsmi kenApyakuNThaH || 3\.10\.2||
achChinnAnekabhogaM trijagadanuguNaikAdvitIyAdhinAthaM
khaNDaM mAdhvIM sudhAM satphalamapi supayashchekShukhaNDaM praNamya |
maulau puShyanmadhusrak shishirashubhatulasya~nchitaM tasya dAsyaM
samprApyAthAlpato.api svamanasi na kadApyasmi samprAptaduHkhaH || 3\.10\.3||
bANaM rakShANyaduHkhaM tviti samiti purA sAyudhaM chAbhiyuktaM
subrahmaNyAgnimukhyaiH tripuraharaharaM taM parAjetumAjau |
gopaM sa~nchAlya yudhyat\-ChadayutavihagaM mAyinaM svarNachakraM
haryakShaM chAchyutaM saMshrita iha kiyatApyasmi nAyAsayuktaH || 3\.10\.4||
ahnyekasmin muhUrte.apyakhilajagadatikramya duHkhaM vinaiva
pArthe vistIrNakIrtau saha sudR^iDharayaM vaidikenAdhirUDhe |
sa~nchAryojyotirudyannijaparamapade dattavantaM sadehAn
viprasyAnIya putrAn tamahamupagatassarvadA duHkhashUnyaH || 3\.10\.5||
jyotiH pu~nje.anavadye sati sukhini nije shuddhasattvasvarUpe
sambhUyAtyantaduHkhe narajanuShi dR^isho gocharIbhUya chaitya |
kR^itvA mohaM(khedaM) paratvaM sthiramiha dadhataH svaM sukIrtermameshaH
kR^iShNasyAshcharyakartussuguNamanubhavan tyaktasarvApadasmi || 3\.10\.6||
bhUtvA yo duHkhasaukhyAtmakaphalakaraNaM karmalokAstathA cha
dhvastAnandograjAgrannarakasukhadasaddIrghanAkau cha bhUtvA |
nityAnekAtmavarShmA jagati bahuvidhaiH prAkR^itairmohanairma\-
yyAnandotpAdakedR^ikvihR^itimupagate khedalesho.api nAsti || 3\.10\.7||
nirduHkhAnandabhUmnA niravadhirakhilavyAptatejomayaH shrI\-
saundaryeNApi bhUtvA sarasijanilayAbhogamugdhasya netuH |
nissImaj~nAninastAM nijamatimavalambyaiva sarvasya kartuH
kR^iShNasyAshcharyabhUmnashcharaNamupagatassarvaduHkhatyagasmi || 3\.10\.8||
nirduHkhaj~nAnatejodyutitanu\*tulasImAlinaM sarvanAthaM
sotkarShAnandamAyA\*\*virachitavikR^itaM rUpamiShTaM dadhAnam |
nagneshabrahmamukhyAn nikhilachidachito.apyekadAtmodarAntaH
nikSheptuM dakShamIshaM grasitumapi samAshritya nAsmyeva sannaH || 3\.10\.9|| 
(\* \ldq{}tulasIsragdharaM sarvanAthaM\rdq{} \- iti pAThAntaram |
\*\* \ldq{}virachitavihR^itiM\rdq{} \- iti pAThAntaram |)

vyAptaM tyaktAvasAdaM prathamamiha sadA sarvato j~nAnamekaM
shaktyAlpairindriyairdurgrahamapi sumitaiH pa~nchabhissUkShmarUpam |
IshaM dIptyR^iddhamUrtiM vidhu\-ravi\-vapuShaM pa~nchabhUtAtmakaM \*shrI\-
vardhiShNuM kR^iShNametyAdbhutamapi padayossarvathAsmyastahAniH || 3\.10\.10|| 
(\* \ldq{}bhA\rdq{}\- iti pAThAntaram |)

(tAtparyaratnAvalIshlokau)
prAdurbhAvAnubhAvAt parijanavibhavAt pAvanAla~NkriyatvAt
jaitravyApArayogAt aghaTitaghaTanAt devabhAvaprasiddheH |
AshcharyakrIDanatvAt sarasijanilayAnandanAchChandavR^itteH
aishvaryavyaktimattvAt adhashamanatanuM keshavaM vyAjahAra ||
evaM saundaryabhUmnA tanuvihitajagat\-kR^ityasaubhAgyayogAt
svechChAsevyAkR^ititvAt nikhilatanutayonmAdadAnArhakAntyA |
labhyArchAvaibhavattvAt guNarasikaguNotkarShaNAdakShakR^iShTyA
stutyatvAt pApabha~NgAt shubhasubhagatanuM prAha nAthaM tR^itIye || 3\.10\.11||
(pratibimbalaharI)
nirnAshottu~NgakIrtiM prati shaTharipuNA keshavaM prokta eShA\-
tulye gAthAsahastre.adhikurukamatulA pa~NktirasyAH paTUnAm |
pAThe deshyaishcha pauraissabahumati charaNaM prekShitaM shaM cha datvA
mokShaM prApayya lokatrayanijasumahaishvaryamapyeSha dadyAt ||
(iti tR^itIyashatake dashamaM dashakam)
|| iti tR^itIyashatakaM sampUrNam ||
|| shrImate vAtsyave~NkaTasheShAryamahAdeshikAya namaH ||
|| shrImate vAtsyasundarAryamahAdeshikAya namaH ||
|| shrImate j~nAnavairAgyAnuShThAnashevadhi\-sAkShAtsvAmine namaH ||
|| shrImate nigamAntamahAdeshikAya namaH ||
|| shrImate vAtsyavaradadeshikAya namaH ||
|| shrImate kurukeshvarAya samaH ||
|| shrImate rAmAnujAya namaH ||
|| shrImate vakulabhUShaNAya namaH ||
|| shrImate suvarNalakShmIdharanavanItanaTasvAmine namaH ||
\chapter{|| pratibimbalaharI \- chaturthashatakam ||}
pratibimbalaharIvR^ittaM \- mandAkrAntA
\section{|| atha chaturthashatake prathamaM dashakam ||}
etaddashakapratipAdyaguNavisheShaH \- susthiraishvaryasImattvaM
          || sa~NgatimaNimAlA ||
            (upamAlinI)
iti nijaratituShTo janeShvatha nashvare
prakR^itipuruShabhoge rateShu ghR^iNI muniH |
haripadaguNasevAM sthirAtisukhAptaye
vadati; yatipabhAve spR^ishan yadubhUdharam ||
ekaishvaryAdakhilabhuvanaM rakShitArashchireNa
nIlairdaShTAshvabhiradhipadaM bhagnabhikShArthabhANDAH |
gR^ihNantyasmin mahati bhuvane pashyati svena bhikShAM
\*shrImannArAyaNapadayugaM jIvatAdhyAya shIghram || 4\.1\.1|| 
(\*\ldq{}dhyAtvojjR^imbhAM bhajata jhaTiti shrItanArAyaNA~Nghri\rdq{} iti pAThe yatibha~Ngagandho.api na syAt ||
pAtAraH kShmAtalamayi ! balerarpaNAt jIvateti
tyaktvA kR^iShTAH svayamiha paraiH bhogyarasyasvakAntAH |
vidyutkrUrAtapavanagatA bhu~njate pIDanaM drAk
ratnajyotirjvalitamakuTaM shrIshama~Nghrau bhajadhvam || 4\.1\.2||
svA~NghrishliShyanmakuTamakhileShvAnamatsu kShitIshe\-
ShvAnaddhe.abdastanitamukhare prA~NkaNe.adhiShThitA ye |
\*te bhUreNau bhasitavapuSho yAnti tasmAjjavena
dhyAyAsta shrIsurabhitulasImaulikR^iShNA~Nghriyugmam || 4\.1\.3|| 
(\*\ldq{}reNUnmishrA bhasitavapuSho yAnti tasmAjjavena\rdq{} iti pAThAntaram |)

chintechChAyAM jaladhi\*sikatAsharkarAtItasa~NkhyAH
etAM yAtAH pratibahuyugaM medinIM pAlayitvA |
shUnyaprAntasthitagR^ihamR^ite nAshamadrAkShma nAnyat
pAdaM tAlopamapadamadavyAlahanturbhajadhvam || 4\.1\.4|| 
(\* \ldq{}taTabhU\rdq{} iti pAThAntaram)

hR^idye talpe tatahimasume shrIkR^ipAM\* vakShyatheti
proktyA prAla~NkR^itamR^idukachAnandabhogAmR^itA ye |
mugdhastraiNe hasati puratolambakanthAH prayAnti
svAshcharyAsmanmaNinibhatanoH nAma sa~njIvatoktvA || 4\.1\.5|| 
(\* \ldq{}brUta heti\rdq{} iti pAThAntaram ||)

sampatsaukhyaM tadanubhavatAM varShabhUbudbudebhyo
nAshaM nAshaM patanakR^idR^ite tattadAdyetadantam |
sampannA ye bhuvi na hi tathaiveti te; sthairyalipsA
cheta gambhIrAtatajalashayasvAmidAsA bhavantu || 4\.1\.6||
annaM bhuktvA samadhurarasaiH ShaDbhiretyA.api tR^iptiM
bhUyo.adantashshuchimR^iduvachomugdhakAntArthitA ye |
AsannekaM kabalamiha no yachChateti \*skhalanti
brUtottejomayasutulasImaulihR^idyAdikIrtim || 4\.1\.7|| 
(\* \ldq{}skhaleyuH
bR^indAmauliprathamasumahaso granthayadhvaM guNaughAn\rdq{} iti pAThaH mUlasyAtIvAnuguNassyAt ||)
pUrNAH kIrtyA svashubhaguNayodAratAshIlabhUpAH
sthitvA hR^idyAshshritajanavashIkAriNo.atatkR^ipAshchet |
tatraitasmin shubhaguNayute sthAyino rAjabhoge
bhraShTA; bhraShTA na phaNishayanAkhyoktilabdhapratiShThAH || 4\.1\.8||
pAramparya paNamakhilamutsR^ijya nissa~NgamakShAn
jitvA pa~nchAvR^itataruvapustyAgino.atatkR^ipAshchet |
prApyApi svassthirasurasukhotpAdakaM prachyaveran
ketau dIvyat\-khagavibhupadaM prApnutAstvachyutirvaH || 4\.1\.9||
j~nAnAsattyA subhR^ishamakhilaM vIkShya hitvA sthitasya
hrAso mokShastviti kR^itamaterj~nAnina\*statphalaM cha |
no chet pAsho.avishadamatikR^itaH syAnna mokShastatasyAt
\*\*svAnte nAthaM tyajati na hi chet prApya; mokShassa eva || 4\.1\.10|| 
(\* \ldq{}tadratishcha\rdq{} iti pAThAntaram |
\*\* \ldq{}nirdoSheshaM tyajati na hi chet prApya mokShassa eva\rdq{} iti cha pAThaH |)

(tAtparyaratnAvalIshlokaH)
shrImannArAyaNassvAmyanuguNamakuTo vIradAmA~NkamauliH
durdAntArAtihantAdbhutaniyatatanuH kalpapAthodhitalpaH |
vishvAdya jyotirurvIdharaphaNishayano vedarUpasvaketuH
nirdhUtAsheShadoShaH prabhuratha kathitassusthiraishvaryasImA || 4\.1\.11||
(pratibimbalaharI)
kR^iShNasyA~NghryoH supathamidamujjIvanArthaM tadeve\-
tyudyatpuShpopavanakurukAshrIshaThAryuktidAsye |
satsandarbha dashakamidamAkalpapUrNe sahasre
tvabhyasyAstaskhalanamatishuktAraNojjIvanotkAH ||
(iti chaturthashatake prathamaM dashakam)
\section{|| atha chaturthashatake dvitIyaM dashakam ||}
pratibimbalaharIvR^ittaM \- pR^ithvI 
etaddashakapratipAdyaguNavisheShaH \- sampannAnekabhogyavishiShTatvam |
          || sa~NgatimaNimAlA ||
            (upamAlinI)
iti paraparirakShAvachovikachAtmadhIH
sakalakaraNatR^iShNAM punargamito harau |
galitasamayabR^indAspR^ihAturanAyikA\-
shuchamadhi jananIvAk vyanakti nijAM dashAm ||
vihArashishukassukhaM vinigiran jagatsaptakaM
shubhaM shayanameyuSho vaTadale.akhilasvAminaH |
pade.arpitahimollasattulasi ! ma~njulatyeva hA
vimuhyati latopamA mama mahainaso bAlikA || 4\.2\.1||
latAsadR^ishamadhyasaMvalitagopikAbhissamaM
tvakAryakR^itipUrvakaM sarasarAsalIlAkR^itaH |
suchArucharaNArpite ! tulasi ! gandhinItyeva hA !
bravIti jitaputrikA prasR^itapApamatputrikA || 4\.2\.2||
suvedabahumAlikAstu parigR^ihya sachChandasaH
sthitasya diviShanmahAmuniShu saMstuvatsu svayam |
suraktacharaNArpite ! tulasi ! kAntiramyetyaho !
mahAprabalapApamanmR^idulamAlikA kroshati || 4\.2\.3||
R^ijISharahitojjvaladguNagaNaistu saiddhAntikaiH
parasya bahudhA bhidAM abhinutasya choktveshituH |
padopari samarpite ! tulasi ! phullaramye ! vare\-
tyadhIta urupApamatpR^ithulamAMsalAMsA sutA || 4\.2\.4||
mahAvR^iShabhasaptake subhujayogyanIlAkR^ite
balonmathanashAlino ghaTanaTasya gopeshituH |
padadvayapariShkR^ite ! tulasi ! shItale ! ma~njule !
mameti shithilIbhavatyanudinaM sutA sundarI || 4\.2\.5||
vadhUjanaguNottamakShitivadhUkR^ite potriNaH
\*yugAdisamaye tadoddhR^itavato mahAmedinIm |
padopari kR^ite ! shubhe ! tulasi ! puShpiNetyeva vAk\-
vimohamayate sadA mama subAlishA bAlikA || 4\.2\.6|| 
(\*\ldq{}shubhAdisamaye samuddhR^itavato mahAmedinIm\rdq{} iti pAThaH anyUnAtiriktarItyA mUlAnuguNaH syAt ||)

sadA taruNimojjvalatkamalajAtadevIM shriyaM
vishAlavanamAlikorasi vinodura~Nghridvaye |
svasUtrasuShamollasattulasikA sumebhyo.anu saM\-
kuchatyasilalATikAH ! mama hi mugdhavallI sutA || 4\.2\.7||
latAsadR^ishajAnakIkR^ita upetya la~NkApure
sharAgnimupayu~njataH \*padayugIvibhUShAshriyAm |
sugandhihimachArusattulasikAsumAnAmiyaM
kimasya karavANi vishvasiti he guNADhyAH striyaH ! || 4\.2\.8|| 
(\* \ldq{}... padayugIvibhUShAtmane |
sugandhihimachArusattulasikAsumAya hyasau
kimasya karavai dR^iDhaM spR^ihayate guNADhyAH striyaH !|| \rdq{}
iti pAThe \ldq{}karadhANi vishvasiti\rdq{} iti atra yatibha~Ngagandho.api na syAt ||)
avardhayata yUyamapyuruguNAH ! sutAM kAmapi
prasUya kimahaM vadAnyativimugdha matsambhavAm |
dareti cha sudarshanetyapi tulasyayItyanvahaM
sadaiva tadidaM vacho vadati kiM kariShyAmyaham || 4\.2\.9||
ahaM tu karavANi kiM mama hi maugdhyabhAkkomalA
na me.asti vachane vashe suguNapUrNanArIjanAH ! |
kR^ishorasi sadojjvalAbharaNakR^iShNapadyA tula\-
syataH kanakabhUShamanmR^idukuchadvayArhetyasau || 4\.2\.10||
(tAtparyaratnAvalIshlokaH)
shaityAt saugandhyabhUmnA ruchiruchiratayA poShaNAdAbhirUpyAt
sandarbhAt puShpasa~NgAt mahitatulasikAmAlayA sha~Nkhatashcha |
chakrAdhIshasya yogAt vaTadalashayanIyAdyarhaNIyApadAnaiH
sampannAnekabhogyaM niravishadajitaM kR^iShNamUrtiM shaThAriH || 4\.2\.11||
(pratibimbalaharI)
shritArtijanakAmayakShapaNakR^iShNapAdadvaye
sukIrtikurukAlasachChaThavirodhinA kIrtite |
idaM dashakamadbhutodguNasahasrake\*.abhyAsinaH
bhaveyuradhikaujasAM diviShadAM sadasyAH priyAH || 
(\* \ldq{}shikShitAH\rdq{} iti pAThAntaram |)

(iti chaturthashatake dvitIyaM dashakam)
\section{|| atha chaturthashatake tR^itIyaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- anyonyasaktatA
          || sa~NgatimaNimAlA ||
            (upamAlinI)
galitasamayalolAdashA iti vA~nChitAH
samayavahanachakro.anubhAvya muniM sthitaH |
pratidashamuchitaM tat sragAdi munistataH
pravitarati mudAsmai nijAtma\-kha\-kalpitam ||
bimboShThyai hR^itavan! mahokShakakudaM satsAlala~NkeshasaM\-
hR^ityai 1 sajyamadhA dhanuH 2 kulajasaddantIT\-radaM chAchChinaH |
puShpairapyudakaM samarpya 4 vihite kAle na namro.apyahaM
5 machchittaM tava puShpayuktavapuShaH 3 lepyA~NgarAgAyate || 4\.3\.1|| 6
(1\. sajyadhanurdharochchakulasaddantITradachChedaka ! |
2\. kulaja saddantIndradante.achChinaH |
3\. \ldq{}yogyA~NgarAgAyate | \rdq{} \- iti cha pAThAH)
4\. \ldq{}samaye tasminna namro.apyahaM\rdq{} iti pAThaH bahuvyAkhyAnuguNaH syAt |
atra uparinirdiShTaH pAThaH dvAdashasahasrAnusArI |
5\. \ldq{}machchittaM tava puShpahAsavapuShaH\rdq{} \- iti pAThashcha |
6\. samagre turIyapAde \ldq{}machchittaM hi kalAyatulyavapuShaH lepyA~NgarAgastava || \ldq{}iti sthite
sAkShAtsvAbhyAdR^itArthasya muktakaNThoktirbhavet ||)
\*nAthasyodgirato nigIrya jagadIshasyaikamUrtermamA\-
lepArho mana eva satparimalo divyA~NgarAgo.astu me |
dhAryaM srak mama sUktigumbhitavachomAlaiva paTTAmbaraM
tattejiShThamala~NkriyAbharaNamapyAsmAkahastA~njaliH || 4\.3\.2|| 
(\* lepArho mana eva chandanamatha srak dhAryamapyastu me
mAlA sUktimayI bhavettava varaM paTTAmbaraM saiva te |
tejiShThA mama te karA~njalikR^itirbhUShA mameshaH prabhoH
lokAnudgirato nigIryaM dadhato.ajasraikarUpAM tanum ||
iti pAThe prathamapAdayatibha~NgaparihAraH mUlapAThAnuguNavivartanaM ityAdi sid.hdhyet ||)
ekAM mUrtimayan dvimUrtibhR^idatha prApya trimUrtIrbahUH
mUrtIrapyatha pa~nchabhUtatanukastejoyugAtmAtmanAm |
prApyAnantamupetya madhyajaladhau nidrANa ! nArAyaNa !
tvadgAtrochitasarvamAtmani vidannAtmeha duHkhaM jahau || 4\.3\.3||
matvA saMhR^itimAsyadattasaviShastanyAH pishAchyA asUn
shAThyAt saMhR^itavan ! mR^iShAvrajashisho ! he vAmana ! shrIdhava ! |
kAle shItasumasrajA\* tava tadA sevAmakR^itvA sthite.a\-
pyAtmA shItasumasraguchChamakuTe te.arpyA hi mAlA mama || 4\.3\.4|| 
(\* \ldq{}hyapibhavatsevAmakR^itvA sthite.a\rdq{} \- iti pAThAntaram |)

mAlA me hyasavaH; suvarNaruchimat bhaktiH kirITAdikaM
\*nAnAsa~NkhyavibhUShaNAni sadR^ishaM pItaM cha saivAmbaram |
trailokyena sametya kIrtiranishaM stutyA cha saivopakR^it\-
matkR^iShNasya mahAsurAntakamahAchakrasya matsvAminaH || 4\.3\.5|| 
(\*\ldq{}sa~NkhyAshUnyavibhUShaNAni vividhAnanyarhaM cha saivAmbaram |
trailAkyena sametya kIrtiranishaM saMstUyamAnA cha
sAkR^iShNasyopakR^itastathA mama vibhorme kAlachakraprabhoH || \rdq{}\-
iti pAThe mUlasyAnuguNatA mahatI; \ldq{}kAla\rdq{} shabdasya
sakalavyAkhyAdR^itAnAM arthAnAM cha sa~NkalanaM bhavati iti bhAti ||)
chakreNArigaNAntakena dhR^itavan ! sha~NkhaM kare pANDaraM
sarvaM chApi jagannigIrya visR^ijan nArAyaNetItyaham |
\*AkrushyApi samAhvayAmi yadi kiM nAyAsi chettvaM tadA
tvatpadmopamashi~nchada~NghriyugamevAsmachChirobhUShaNam || 4\.3\.6|| 
(\* \ldq{}AkrushyAhvayato mameShadapi vA nAgAstathApyasti hai tvatpadmopamashi~njada~NghriyugamevAsmachChiro
bhUShaNam\rdq{} \- iti pATho mUlasyAnuguNatarassyAt ||)
dIrghau sundara ! te prasArya charaNau AttakShite vAmana !
pratyuchChi~njitapAdama~njalikR^itAM mAyin ! sthita ! prAptaye |
sAmodeH kusumairjalairavirataM stotuM na shakto.apyahaM
tvattejomayadivyama~NgalavapuH \*matprANanighnaM sthitam || 4\.3\.7|| 
(\*me.adhyAtmameva sthitaM iti pAThAntaram |)

vyAptassundarasaptalokamakhilaM bhUtvA cha tejomaya\-
j~nAnAkAra ! madAtmani sthita ! tadAyattAsmadAdhAraka ! |
AtmA me tava te svarUpamapi me.adhInaM yathaivaM sthita !
tvAmevaM vidhayA sthitastvamiti vA vaktuM na shaknomyaham || 4\.3\.8||
vaktuM nAtha ! na shaknuyAM nirupamatvatkIrtinadyAstaTe
gachCheyaM tu kadA.ahamasmyadhigataH premNAtimohaM punaH |
1bhedatyakta! parAtparAnR^ita2mR^ite saMshliShTa ! tejaH parA.a\-
stauShaM sUriShu saMstuvatsvahamapi prodghuShTasAmoktiShu || 4\.3\.9||
(1\.advaitaM hi iti pAThe bhedatyakta iti sthala iva samAsachintA na syAt |
2\.kathAvyAvR^itta tejaH para ! iti pAThAntaram ||)
yAvachChakti mayi stuvatyapi tathA loke.akhile.api stuva\-
tyAtmAnaM stuvati svayaM punarapi stotre kR^ite kvAvadhiH ? |
mAdhvIkShIraguDAmR^itopamamahAmAdhuryataH premataH
so.ahaM cha stutavAn mamopakR^itinaM hyujjIvanechChAyutaH || 4\.3\.10||
(tAtparyaratnAvalIshlokaH)
chetogandhAnulepaH stutivachanakR^itasrakpaTo.a~njalyupAttA\-
la~NkAraH prANavAsI kalitavarashirobhUShaNashchetanena |
shIrShNA satpAdapIThaH svatanusadanatAmAtmarUpe vitanvan
anyonyAtmatvayogAt prabhuragaNi mithaHshliShTabhAvo.atha tena || 4\.3\.11||
(pratibimbalaharIshlokaH)
anyojjIvanahetvabhAvaniyateH kR^iShNasya ramye pade
raktAbjojjvalashAlibhUsukurukAnetushshaThadveShiNaH |
shaktA vaktumapAnR^ite.atra dashakaM gAthAsahasre tvidaM
sthitvA sthairyayutA \*bhuvIshata idaM bhUmyordhvalokAnapi || 
(\* \ldq{}bhuvA bhuvi paraM vyo.amApi saMshAsate\rdq{} iti pAThe mUlasyAnuguNatAM
bhUyasIM pashyAmaH ||)
(iti chaturthashatake tR^itIyaM dashakaM )
\section{|| atha chaturthashatake chaturthaM dashakam ||}
pratibimbalaharIvR^ittaM sragdharA 
etaddashakapratipAdyaguNavisheShaH \- kloshApAdisvatulyatA
          || sa~NgatimaNimAlA ||
            (upamAlinI)
atha ratimativelaM samIkShya tu sAtmyatAM
dadati virahato.asmin tadanvayitatsamaiH |
smarata iha dashAM taM sakhIjanakarNayoH
vadati shaTharipussvAM priyAjananIgirA ||
sthitvA sammArjya bhUmau kathayati mR^idiyaM vAmanasyeti natvA
nAkaM hastAgrato nirdishati tadadhikAdaryavaikuNThabud.hdhyA |
\*chakShurdvandve cha bAShpe pravahati kathayatyabdhivarNeti kaShTaM
putryA me mohakartuH kathamupakaravANyujjvalatpArihAryAH ! || 4\.4\.1|| 
(\* \ldq{}akShNorantashcha\rdq{} iti pAThe mUlasyAnuguNataratvaM syAt |)

hastau saMyojya maste vadati suvalayau tasya shayyopakartuH
pAthodhishcheti kAlyAruNaravimapi nirdishya tAM shrIdharIyAm |
mUrtiM sthitvAvasannA pravahati nayane hanta ! nArAyaNeti
brUte.ahaM divyatanvA hariNashishudR^ishaH kR^ityamekaM na jAne || 4\.4\.2||
\*jAnAtyevAchyutAtmetyaruNamanalamAli~Ngya vaktyapyadagdhA
vAntaM shItaM cha vAtaM mama vadati samAli~Ngya govinda heti |
svAmodashrItulasyAH parimalamayate pApavanmanprasUtyA
maugdhyAt bAlyAt karAgre nibiDavalayayA kR^ityamekaM kimakShNaH ? || 4\.4\.3|| 
(\*pUrvAchAryAdR^itArthAnuguNatA \ldq{}j~nAtaM tvevAchyutAtmeti | \rdq{} iti pAThe bhavet ||)

pUrNaM chandraM pradarshya dyutiyutavalabhinnIlavarNeti vakti
kShmAdhraM dR^iShTvaiva dIrgheshvara iti purataH sthAyinaM kroshatIyam |
\*dR^iShTe meghe.abhivarShatyabhi naTati sametIti nArAyaNo.asau
etAdR^i~NmohajAlaM kva nu mama kR^itavAn komalAyA na jAne || 4\.4\.4|| 
(\*AgAnnArAyaNo.asAviti naTati mahAvR^iShTimegha.abhidR^iShTe\rdq{} iti yatibha~NgagandharahitaH pAThaH syAt ||)

govindenaiSha sa~nchArita iti vadati sthUlamAli~Ngya vatsaM
mANikkA~NgaM prayAntaM shishumahimanugamyAsya shayyeti vakti |
\*krUrAMhomatprasUtyAH mR^idutanulatikAyAssamutpAdya mohaM
nR^ityaM tanmAyiklR^iptaM kimavadhi cha kiyadveti ki~nchinna jAne || 4\.4\.5|| 
(\* \ldq{}krUrAMhomatprasUtiM mR^idutanulatikAM mohamunnIya chaivaM\rdq{} \- iti pAThayoH yatibha~Ngagandho na syAt |)

dhR^itvA kumbhaM naTatsu svakashirasi naTeShveSha govinda eve\-
tyuddhAvatyAptaveNau shrutasukhaninade kR^iShNa ityeti moham |
1gopInAM dR^iShTamAtre kathayati navanIte tu tadbhuktametat
paishAchyAH stanyapAyinyupamitalatikA 2matsutonmAdarUDhA || 4\.4\.6||
(1\. gopIhaya~NgavIne tadashitamiti vadet dR^iShTamAtre tathaivaM \-iti pAThayoH yatibha~Ngagandho na syAt |
2\. matsutA ruDhamohA iti pAThe samAsasandeho na syAt ||)
ArUDhonmAdayuktA jagadakhilamidaM vakti kR^iShNena sR^iShTaM
bhasmanyapyUrdhvaklR^ipte nayanapathagata viShNubhaktA itIyam |
dhAvatyAlokya puShyatparimalatulasIM vakti nArAyaNIyA
mAleti shrIrivAj~nApyatha samatiriyaM mAyini nyastachittA || 4\.4\.7||
dR^iShTeShvaishvaryabhAsvannR^ipatiShu vadati shrIshamadrAkShamatre\-
tyAnIlashlAghyavarNe naTati nayanage lokavikrAntabud.hdhyA |
sarvAn devAlayAMshcha pratikR^itisahitAn abdhivarNAlAyA i\-
tyuktirbhItau cha mohe.apyaviratamayate kR^iShNapAdAshrayechChAm || 4\.4\.8||
sanyAsiShvIkShiteShvAdarayugakhilabhUbhuktikarteti vakti
shyAme dR^iShTe.abhrabR^inde sumahati gagane kR^iShNa ityutpatiShNuH |
gobR^inde darshanIye mahati tadupakArIti bud.hdhyAnuyAtA
mAyImAM durlabhAM me tanubhuvamadhikAlApamohAM karoti || 4\.4\.9||
muhyatyAlokya pArshve parita uditamuddUramAlokate svaM
chakShurdikShu prasArya pravahati nayane svidyati shvAsamuShNam |
pretya svasthA.atha kR^iShNetyapi vadati mamAyAhi nAtheti vakti
premNA mohAdhikAyAH kimadhikaduritA mugdhaputryAH kariShye || 4\.4\.10||
(tAtparyaratnAvalIshlokaH)
bhUmyAdyaissAgarAdyairjvalanashashimukhairvastubhirvatsapUrvaiH
nR^ityadbhissvaishcha lokAdibhiratha pR^ithivIkShidbhirAtmIyadAsaiH |
saulabhyaishvaryavargairapi cha guNagaNairvAsudevo viyoge
svIyaistulyaishcha bhaktAn vyathayati madhuhetyabravIt kArisUnuH || 4\.4\.11||
(pratibimbalaharIshlokaH)
kR^iShNaM krarAdhavidhvaMsakamurukurukAdhIshituH shrIshaThAreH
\*vAkkai~NkaryapraNIte dashakamidamudAre.atra gAthAsahastre |
abhyasyantaH svakR^ityaM tvidamiti niyatAnandavaikuNThametya
dhvastAnAdyaMhasassantyatishayitatamAH sUrisevAbhivR^iddhAH || 
(\*vAkkai~NkaryapraNIte bhaNitidashashate pa~NktimetAmihethyam | iti rItyA pAThe yatibha~Ngo na syAt |)

(iti chaturthashatake chaturthaM dashakaM )
\section{|| atha chaturthashatake pa~nchamaM dashakam ||}
pratibimbalahIvR^ittaM \- shArdUlavikrIDitaM
etaddashakapratipAdyaguNavisheShaH \- svajanakR^itakR^itArthIkR^ititvaM
          || sa~NgatimaNimAlA ||
            (upamAlinI)
iti mahitapipAseH pradarshya nijAM divi
sthitimatha kR^ipayAj~nAM pradAya cha tAlakam |
dadatamapi cha gItyai pragIya sunirvR^itiM
bhajati charamapa~NktisthalArhagirA muniH ||
utkarShAdupavishya saptabhuvane svAj~nAvashe sadguNaM
pAtAraM kShamayA vidAritahayakrUrAnanaM svAminam |
uktvA ma~Ngalamityuda~njalikaraM saMsevya vAchA srajAM
sadbhAgyasya samarpaNe kimaparaM saptasvito janmasu ?|| 4\.5\.1||
nIlAktA~njanadR^ik\-sarojanilayAvAstavyavakShasthalaM
vistArAruNasundarAmbujadR^ishaM svagaukasAM svAminam |
stutvA pUrNaguNoktibhiH svarayutasragbhi\* vishAlakShitau
ugrAnantamadIyapApahataye dhyAtuM sabhAgyo.asmyaham || 4\.5\.2|| 
(\*vichitrakShitau \- iti pAThaH sAkShAtsvAmivyAkhyAnuguNaH syAt |)

nityAnandamahAvadhau sthitijuShaM matsvAminaM chAchyutaM
nityotdyadguNabhUtikaM kamalajinnetraM cha sUrIshvaram |
nityaM saMshrayituM sagItisukR^itiH sUktistrajAmarpaNaiH
nityAnandaparAvadhau sthiti\*mupetashchAsmi taM saMshrayan || 4\.5\.3|| 
(\*sthitimito varte cha taM saMshrayan \-iti pAThe yatibha~Ngagandho na syAt |)

sthitvAshritya cha sevamAnaduritachChityai prabhuM sAdaraM
nAthaM sundarapakShivAhanamitaprAbalyachakrojjvalam |
vAgdAsyena samarpya gItiyutavA~NmAlAssabhAgyo.a~nchituM
svAtmAtmanamahaM madIyamakarot jAne na kIdR^igvidhaM ? || 4\.5\.4||
svIyAshvAsanadivyacheShTitaguNAn sandarshayantaM vibhuM
sUrINAM vR^iShabhaM \*samastachidachit\-sraShTAramasmatprabhum |
nirmAyoktisumasrajaM kR^itanutiH prAptassadA nandathuM
duHkhairme duritAnyatItya marutaM drAk syuryathA bhasmasAt || 4\.5\.5|| 
(\*\ldq{}samastaviShayAn vaktAramasmatprabhum\rdq{} iti pAThaH ShaDsahasrI \- sAkShAtsvAmyAdR^itArthadAyau syAt | vakteti tR^innantatvAt viShayAn iti atradvitIyA ||)

shvetaM shyAmalavigrahopari manAk karpUralepaM dadhat
saundaryAdhikavistR^itAmbujadR^ishaM nityAmarasvAminam |
dhyAtuM bhAgyavato mamochitagirAM sUktIssamarpya svaraiH
mAlA durlabhatAmito.api satataM chAdyaprabhR^ityeti kim || 4\.5\.6||
ekatvena sadA sthitaM samadhikaishshUnyaM samaishcha svayaM
sarveShAM jagatAmadhIshamuchitaM govardhanenAdriNA |
ekenopakR^itaM cha varShajabhayadhvaMsena sUktIssrajaH
samyak dhArayituM subhAgyamayatAM kA hAniratrAsti naH || 4\.5\.7||
asmAkaM cha saroruhAdhivasateH devyAshcha bhogyaM paraM
bhaumAnAM dyusadAM cha nAyakavaraM choddishya sarveshvaram |
shItAmbhoruhadhAryamANacharaNaM sadrItisUktisrajAM
shaktAnAM rachanAsvitassusadR^ishAH ke vyomri no vistR^ite || 4\.5\.8||
lokeShvUrdhvagateShu tatra nivasaddeveShu bhUmAvadho
medinyA bhuvaneShu chAShTasu dishAsvachChedameva sthitam |
prahvachCha~Nkha mahAkaraM ghaTanaTaM vaikuNThalokeshvaraM
shaktasyAdbhutasadguNaM kavayituM tulyo.asti veto mama || 4\.5\.9||
bhuktavodgIrya cha vikramannapi kR^itoddhAraH shayitvA sthitaH
svenA~NgIkR^itadivyavigrahayutaH prAptepavesho bhuvaH |
prApyAshleShamapIdR^ishairbahuvidhairlokassva ityAsthitaM
bhaktAnandadavAridadraviDasadgranthoktibhAgyo.asmyaham || 4\.5\.10||
(tAtparyaratnAvalIshlokaH)
ApannAnanyabandhau sarasijanilayAvallabhe sAndramode
bhaktAghadhvaMsashIle taduchitasamayAshvAsadAnapravINe |
karpUrAlepashobhe samadhikarahite toShake sarvapUrNe
kR^iShNe stutyAdibhAjAM shaTharipuravadat dhanyatAM ninditAnyaH || 4\.5\.11||
(pratibimbalaharIshlokaH)
varShAmuktasushItasundarataTashrIve~NkaTAdrIshvaraM
toyAmuktatatotsumaishcha 1kurukAyAssaMvR^itAyA vanaiH |
IshaH kArisutasya mArashaThajitsUreH sahasre girAM
2shrIretaddashakena pApamajahadgandhAbjavAsA haret ||
(1\. \ldq{}kurakApuryA vR^itAyA vanaiH\rdq{} \- iti pAThe mUlAnuguNataratA yatibha~NgaparihR^itishcha syAt |
2\. gAdhAbhirdashabhissugandhakamalAvAsAhaMsAM nArshinI iti cha pAThaH ||)
(iti chaturthashatake pa~nchamaM dashakaM )
\section{|| atha chaturthashatake ShaShThaM dashakam ||}
pratibimbalaharIvR^ittaM \- shArdUlavikrIDitam | 
etaddashakapratipAdyaguNavisheShaH \- snehivaidyatA
          || sa~NgatimaNimAlA ||
            (upamAlinI)
atha virahajamUrchChAM gate shabarIgire\-
taravibudhanamasyAgadepsuShu bandhuShu |
idamanuchitamasmat\-bhiShak bhagavAniti
prathayati nijaniShThAM sakhIvachasA muniH ||
asyA rogaharAn kva vA vayamito.anviShyAmahe mAtaraH !
rogo.ayaM sunirUpaNe svalikayA prApto mahAn nishchitaH |
pa~nchAnAM jayadasya nirvahaNato yuddhe tathA sAratheH
mAyAsaMyati rAgataH \*kShubhitametasyA mano muhyati || 4\.6\.1|| 
(\*bhramamadashcheto gataM muhyati \- iti pAThe yatibha~Ngagandho na syAt ||)

rogo.asyAH parimohayatyatimahat taddaivataM daivatA\-
viShTAsa~NgatayuShmadunnaTanasaMsAdhyAlpadaivaM na hi |
sha~Nkhashchakramiti shrutau yadi bhavatyo.asyA vihAya bhramaM
shaktA vaktumiyaM sthitiM khalu bhajet samyak cha pashyantvidam || 4\.6\.2||
\*etat pashyata mAtaro.anupadametachChAkunivayA girA
kR^itvA tatra kimapyasa~NgatasurAmAMsAdi nAsi~nchata |
madhvA pUrNatulasyuda~nchitamahAmAyIshapAde stute
bhUyAdeva mahauShadhaM tadanayA prAptasya rogasya cha || 4\.6\.3|| 
(\* etachChAvunIkIsamIritagirA prekShadhvaM vA ! idaM \- itirItyA pAThataH yatibha~Ngagandho na syAt ||)

syAttatrauShadhamityapekShya kapaTAt jalpAkayoktaM vachaH
nIlAnnaM cha tathAruNAnnamakhilaM datvA khale kiM phalam |
lokAn sapta nigIrya chApi yugapachchodgIrNavatdaivataM
yachChaktirmahato.asya nAma gadituM chedvo labhadhvaM tvimAm || 4\.6\.4||
enAM prAptumidaM na daivavivashaM nATyaM hayupAyo bata
nIlAmbhojavishAlanetrayugale bimbAdhare chAsthitA |
vaivarNyaM kabalaprayuktamadavaddantIndrahanturvibhoH
\*nAmnA dhArayatAchChareNumayatAM yUyaM gR^ihItvA shamam || 4\.6\.5|| 
(\*nAmnA dhArayatAchChareNupurarIkR^ityA.atha shAntaM bhavet \- iti cha pAThaH |)

yUyaM nR^ityatha mAtaraH paravashAH kAlo na shAnteH rujaH
vyAdheH vR^iddhimR^ite na chAsti shamanaM prApteti vArtApyaho |
\*ratnAdapyatisundarAdbhutakR^iteH dAsA~NghridhUlyaiva chet
divyAyAssamala~nchikIrShava ito nAsyAH paraM bheShajam || 4\.6\.6|| 
(\*ratnAdapyatisundarAdbhutaptadAsaktA~NghrireNachchayaiH \- iti cha pAThaH |)

asyA divyatanormahauShadhamiti hyekAjayuktAM surAM
samprArthyodgataromamaMsachalanAdyAptA aho mAtaraH ! |
dhAnye nashyati shoShite sati kharasyoShThA~nchalaM cha~nchalaM
dR^iShTvA kiM nu ?; bhajadhvamAgamavido dAsAn vibhormAyinaH || 4\.6\.7||
kR^itvA vedavidAshrayaM diviShadAM nAthasya natvA pade
shrImatyAmayametadIyamanivartyAnyAH shritA devatAH |
uktvAvadyamakR^ityametya sasuraM madhye vikIryAmiShA\-
dyudyanmaddalagItinR^ityamadhikAveshAnnikarSho hi vaH || 4\.6\.8||
naichyAttatra samedhite tu muraje nIchena kenApyadhaH
\*stutvAnekanavaiH anarthamavashAt nR^ityaM na pashyAni vaH |
kShemaM saptasu janmasu dhruvamidaM rogasya chAsyauShadhaM
stutvaujjvalyavataH stuvIta charaNau kR^iShNasya nassvAminaH || 4\.6\.9|| 
(\*\ldq{}stutvAnekayaiH\rdq{} \- iti cha pAThaH)

smR^itvaiShA hR^idi taM vinA na hi namet kA~nchit parAM devatAM
uktvAbhIShTamihaitya voM.asachalanaiH nR^ityotsukAH ! mAtaraH !|
abhyastashrutiShu pradhAnamatulashrIdvArakAnAyakaM
yUyaM saMstuvata stutikShaNa iyaM nR^ityet praNamyaiva tam || 4\.6\.10||
(tAtparyaratnAvalIshlokaH)
ichChAsArathyayogAt praharaNanavanAt shrItulasyADhyamauleH
stutyA~NghryoH pAdadhUlyA svajanabhajanatatpAdadhUlInamobhiH |
tanmUlasvA~NghrinutyA taditarabhajanatyAgapUrvopasattyA
devaM prAchikhyapat svapraNayiShu bhiShajaM kesarasragvibhUShaH || 4\.6\.11||
(pratibimbalaharIshlokaH)
natvA nartanametya nirmalamaNishrIkasya dAsyakriyAM
kR^itvA dhvastarujAchyutAtmaguNasaddhAmnA shaThadveShiNA |
prokte shrIkurukAdhipena gatavaikalye sahasre sphuTa\-
\*tyAjyeddhaM dashakaM sanR^ityanatikaM gItvAstaduHkhAtbhakAH || 
(\* tyAjyeddhaM dashakaM sanR^ityanati nirduHkhAtmakA gAyinaH \- iti cha pAThaH |
dvitIyapAdasya
\ldq{}kR^itvA dhvastarujAchyutAtma guNasatkIrtyA shaThadveShiNA\rdq{} iti pAThe mUlAnuguNataratA syAt ||
tR^itIyapAdaH yatibha~NganivAraNAya
\ldq{}prokte shrIkurukAdhipena guNato.askanne sahasre sphuTaM\rdq{} iti pAThavAn syAt ||)
(iti chaturthashatake ShaShThaM dashakam)
\section{|| atha chaturthashatake saptamaM dashakam ||}
pratibimbalaharIvR^ittaM \- pR^ithvI 
etaddashakapratipAdyaguNavisheShaH \- sadguNaughaiH saMyuktatvaM
          || sa~NgatimaNimAlA ||
            (upamAlinI)
taditi galitamUrchChaH sakhIritanAmabhiH
bhagavata iha sa~NgasspR^iho bahu kUjati |
iva jalanidhirindoH svavIchinadairmuniH
jigamiShati tadambA vanaM raghupu~Ngave ||
sushIlarahito.alpako.apyati hi duShkR^itaM me yataH
nigIrNanikhilakShite ! sumatirUpaH ! nArAyaNa !|
sthitetyanishamastakAhitakaraM mamAkrandane
na darshayitumeShi susvamapi nAhvayasyeva mAm || 4\.7\.1||
sadApyanubhave.akShayaM cha vimalaM mudaughaM dadA\-
syudAra ! mama 1bhUkR^itakramaNa vAmanetIti cha |
2 sthirAhni cha nishIthake sati mayA kR^ite krandane
3 sametya dhuri chora ! va~nchaka ! dadasva me tvAM dR^ishaH ! || 4\.7\.2||
(1\. bhUvashIkaraNa \- iti pAThAntaram |
2\. sadahni iti pAThaH sAkShAtsvAmivyAkhyAnuguNatarassyAt |
3\. sametya dhuri taskarAdbhuta! dadasva me tvAM dR^ishaH \- iti pAThe yatibha~Ngagandho.api na syAt |)
anAshyamaghasa~nchayaM muhurahaM kiyantaM vyadhAM
\*padatrayavashIkR^itatrividhaloka! dAmodara ! |
iti drutahR^idIkShaNapravahadashruke hUtima\-
yaghI tvamiti no vadasyaghina ekametyAkShNi me || 4\.7\.3|| 
(\*padatrayavashIkR^itakShitika! tAta ! dAmodara iti pATho mUlAnuguNataraH syAt |)

sabhaktisuraduHshakekShaNamahatvavatsvAminaM
madakShNi dhuri vIkShitaH kamalalochane jAgrati |
prataptashubhahemavigraha vibho dayethAssthitaH
stviti hviyamudasya kiM pralapanAdi hAlpasya me || 4\.7\.4||
dviShadbhayadachakra ! he ! pitaragAdhavArmanthana\-
pravINa ! tava kiM chaturbhujavilokanaM me bhavet |
itItyanishamashrumat\-dR^igatishuShkapa~nchAsure\-
hyadaHkShaNa ihetyaha chapaladhIH pratIkShe muhuH || 4\.7\.5||
vilokya cha didR^ikShayA tava muhurmanasyeva me
prasArya rasanAmahaM vimatirasmi me.adyAnvaham |
vapuShyapi tathAtmani sthita ! bahiH padArtheShvapi
ChidA rahita sarvato hR^idi vidan vidaMstvAM muhuH || 4\.7\.6||
sugandhatulasIsarA~nchita ! madIshvara ! tvAmahaM
vilokya cha vidan kvidan sharaNamadhyavasyAtmani |
\*supUrNamatimUrtikaM vimalatAdhiyA nikShipan
svayaM janimR^itisthitiskhalanadAj~natAmatyajam || 4\.7\.7|| 
(\*prapUrNa \- iti pAThAntaram |)

vilokya cha yathA karadvayabalaM tava shrIpade
\*samarpya rachituM stavAn akhiladishyapuShpairvayam |
savAdhimbhuvi harShato naTanagItibhiH ki~NkarAH
samR^iddhatulasIsareshvara ! na shaknuShe.atrAgame || 4\.7\.8|| 
(\* samarchya iti pAThAntaram |)

dade.annamudakaM kimapyahamajayyapa~nchendriyaH
na naiva niyataH sadApya\*pachitau cha shaktassumaiH |
chaladdR^iDhahR^idedhitAshamatipApyamatyA vR^itaH
dharAsu mR^igaye.aribhR^itprabhumahaM kva pashyAnyaho || 4\.7\.9|| 
(\*apachitaiH iti pAThAntaram |)

nipatya dhR^itachakrarADiti dR^igashrupUrodgamaM
vilokya savidhaM sthito na saviShAdamIkShe.apyaghI |
prapUrNamatimUrtimapyakhilavedadIpaM mamo\-
chitAntaramatIkShaNAt samavalokya li~NgAnyaham || 4\.7\.10||
(tAtparyaratnAvalIshlokau)
ApadbandhutvadIptaM niravadhikamahAnandadaM krAntalokaM
durdarshaM devatAnAM pitaramanupadhiM sarvabhUtAntarastham |
pUrNaj~nAnaikamUrtiM dhR^itashubhatulasiM chakranAthaM shrutInAM
vishrAntisthAnamIshaM vishadabahuguNa prAha khinnaH shaThAriH ||
dushshIlo mAMsachakShuH niravadhidurito votalajjo vilolaH
prekShAhIno.anyasa~NgAt kR^itamapi laghayan shIlamantardadhAnaH |
karmaj~nAnAdishUnyo nirupadhi vihitaM j~nAnadR^iShTiM vinindan
prakhyApyaiva svadoShAn patiguNarasikastaddidR^ikShAM cha chakre || 4\.7\.11||
(pratibimbalaharI)
amuktanijabhaktinA kamalakomalAkShe shaTha\-
dviShA nibiDadhAmavat\-sakurukeshamArashriyA |
kR^ite tvanaghasundaradramiDavAksahasre dashA\-
\-pyamUn naTanagAnasAdaramitAstu vaikuNThagAH ||
(iti chaturthashatake saptamaM dashakaM )
\section{|| atha chaturthashatake aShTamaM dashakam ||}
pratibimbalaharIvR^ittaM \- vibudhapriyA 
etaddashakapratipAdyaguNavisheShaH \- svajana parihR^itopekShyattvaM
          || sa~NgatimaNimAlA ||
            (upamAlinI)
api bahravidhahUtAvanAgata Ishvare
svaviShayasamupekShaM bhramAt kalayan cha tam |
vilapati dayiteva svajIvanabhUShaNe
virahamadhi nirAshA videhasutAsR^itau ||
bhadravAhanashambhunA chaturAnanena saha shriyA
1bhAgashastvanubhUyamAnavapuShmatA gaNasho.asurAn |
2bhasmasAt khalu kartumIhitakAriNA.a.adR^itahetinA
vashyavairakR^itAtvanAdR^itakAntibhirviphalA vayam || 4\.8\.1||
(1\. atra \ldq{}bhAgashastvanubhUtaye.atuladehato gaNAsho.asurAn\rdq{} iti pAThe mUlastha \ldq{}dha?i\rdq{} shabdArthaH, tathA
yatibha~NganivAraNaM cha labhyete | atuladehataH itvasya atuladehena ityarthaH | sArvavibhaktikaH tasil ||
2\.\ldq{}bhasmasAt khalu kurvatehitasiddhaye dhR^itahetinA\rdq{} iti pAThe yatibha~Ngo na syAt | kurvatA\-Ihitasiddhaye
iti padachChedaH |)
nityadivyavapushshriyA kamalasthayA shritavakShasA
1bhUShaNAyatapInashailamahAMsahastamahAriNA |
svIkR^itAskhalitochitAsmadudAraki~NkaravR^ittinA
mAyinA maNibhena2nAdR^itabhavyahR^ichyutinachyutAH || 4\.8\.2||
(1\. yatibha~NgagandhanivAraNAya ayaM pAdaH \ldq{}bhUShaNAyatapIvarAdrimahAMsahastamahAriNA\rdq{}
iti paThanIyaH syAt |
2\. atra mudritarItyaiva prAchArya(pitAmaha)pAdaiH svahastalikhitamAtR^ikAyAM akSharavinyAsaH
kR^itaH | \ldq{}nachyutAH\rdq{} iti ekaM padaM iti gR^ihyate | tathA cha \ldq{}amAnInAH pratiShedhe\rdq{} iti
sUtrataH labdhaM idaM samastaM padam | \ldq{}na lopo na~ncha\rdq{} iti sUtrasya aviShayaH ayaM samAsaH |
shrIharSheNa naiShadhe dvitIyasarge chatvAriMshe
sarasIH parishIlituM mayA gamikarmIkR^itanaikanIvR^itA |
atithitvamanAyi sA dR^ishoH sadasatsaMshayagocharodarI ||
iti shloke prayukta \ldq{}naika\rdq{} shabdavat | evameva nAdR^itabhavyahR^ichyutishabdashcha | nAdR^itabhavyahR^ichchyutayaH
cha, na chyutAshcha \- \ldq{}nAdR^itabhavyahR^ichchyuti \- nachyutAH\rdq{} iti samastaM padamekaM siddhamiti avagamyate |
evaM sthitasya gatiH chintitA | evameva samanantaragAthAvivartanapadye.api \ldq{}ujjhitapUrtihAni nahAnayaH\rdq{}
iti padasya siddhiriti bhAti | AstAmidam | asmin padye evaMrUpakleshavimokShAya, maNimAya? ityatra sAkShAtsvamibhiH \ldq{}indranIlaM bhole nIla?A? kR^iShNa? ; mAyam?Ru nIlavarNadhdhughghu bher\rdq{} iti vyAkhyAtasya anusaraNAya cha turIyapAdaH \ldq{}ratnamechakakAntinA.ahR^itabhavyahR^ichchyutito.achyutAH\rdq{}
iti vA paThanIyaH syAt ||)
1 snehihR^ichchyutihInamAtR^isamAgataikapishAchikA\-
mR^ityave garalastanandhayadivyadhIshishukashriyA |
satphaNAhishayochchashailabhujollasatpuruSheNa2 saM\-
yak pareNa sumAyinojjhitapUrtihAninahAnayaH || 4\.8\.3||
(1\. asya pAdasya \ldq{}snehihR^ijjananIvadhUvapuShAgataikapishAchikA\rdq{} iti pAThe,
yatibha~Ngagandho.api na syAt | atra \ldq{}vadhU\rdq{} shabdaH strIsAmAnyavAchI ||
2\.ata yatibha~NganivAraNAya \ldq{}saMyak\rdq{} iti sthAne \ldq{}sattyat\rdq{} iti sa~NkalpitaM padaM
akSharavinyAsakAle prAchAryapAdaiH \ldq{}saMyak\rdq{} iti rItyA likhitaM syAt iti unnIyate |
\ldq{}bharamabhuruDha\rdq{} iti gAtAsthaH shabdaH \ldq{}puruShottamaH\rdq{} iti ShaTsahasrikAyAM vyAkhyAtaH |
puruShottamashabdaH \ldq{}sat\rdq{} iti vAchyAt chitaH, \ldq{}tyat\rdq{} iti cha vAchyAt achitaH utkR^iShTasya
bhagavataH vAchakaH iti pUrve | sat cha tyachchAbhavat iti upaniShadi sachChabdasahapaThitaH
tyadachidvAchIti cha | tathA cha \ldq{}sattyatpareNa\rdq{} iti paripaThatAM yatibha~Ngagandho na syAt | idaM
sarvaM ullekhamAtram | yAvachChakti sthitasya gatiH anveShTavyA iti yatnaH paripAlyate |
tR^itIyaturIyapAdayoH
tu~Ngashailabhujena satphaNasarpashAyipareNa no
pUruSheNa sumAyinojjhitapUrNatAchyutitashchyutAH || iti pATho vA bhavatu ||)
pUrtihAnimR^ite jvalatpR^ithuvaMshajidbhuja bhavyanI1 \-
lAstanagrahaNechChunA balato.astasapta2gunA yudhi |
hR^iShyatA phalaraktavastra\-suveNu\-bhAjanadaNDinA
ki~NkiNI api bibhratojjhitapallavaprabhayA cha kiM ? || 4\.8\.4||
(1\. atra yatibha~NganivAraNAya shlokaH samagro.api evaM paThanIyaH syAt\-
dIrghaveNubhujAvadhUguNapUrNakumbhasutAstanA\-
li~NganaspR^ihayA mudA kShamayAsta sapta2gunA yudhi |
ra~njitaM vasanaM karAdR^itaveNu\-bhAjana yaShTinA
ki~NkiNI api bibhratojjitapallavaprabhayA cha kiM ? ||
2\. gavA iti pAThAntaram ||)
tyaktapallavabhAchyuteH sadupagraheti yashobhR^itaH1|
2 kIrama~njugiraH kR^ite.akShayarakShasaH puradAhinA |
sanmaghUllasaduttulasyatigandhamaulivR^itAbdhiyuk\-
bhuvyudAradayena nAdR^itasaMvidApi cha kiM phalam || 4\.8\.5||
(1\. juShaH   2\. chAru \-iti pAThAntare)
\*j~nAnahAnivinAkR^itena vishAlalokasadAM dhiyA
proktavaidikavatmarnA bahirantarekachidAtmanA |
vAmanavratimUrtinA.adhikava~nchanAdhR^itabhUminA
sAdhushaktimateshvareNa kimujjhitedhitayA bhayA || 
(\*atra shloke yatibha~NganivAraNAya mUlAnuguNataratAyai cha evaM vA syAt pAThaH \-
matyalAbhashuchaM vinA pR^ithulokavAsinR^INAM kR^ite varNitAkhilavartmanA.atulapUrNadhImayamUrtinA |
vAmanavratibhUmikAkaTuyA~nchanAdhR^itabhUminA mArgavitprabhuNA bhayA kimu hAnirujjhitayarddhayA ||
\*tyaktavardhitabhAchyutirnarasiMhamUrtirudetya sa\-
krodha edhitaruk \-hiraNyatatoraso dalanonmudA |
vR^iddhabhAnalachakrasha~NkhabhR^itA harinmaNikAntinA
vR^iddhibhAksvavapushshriyojjhitarekhika~NkaNatashcha kiM ? || 4\.8\.7|| 
(\*R^id.hdhyariktabhayA yutAM haritAmudetya vahan krudhA
R^iddhabhADhyahiraNyasaMvitatoraso dalanAnmudA |
vR^iddhabhAgnyarivArije dadhatA harinmaNikAntivat
vardhamAnavapushshriyA.ahR^itarekhika~NkaNatashcha kim || iti pAThaH mUlAnuguNataraH
yatibha~NgagandhavidhuraH cha syAt |)
1 nyUnatAstamahArevaNa surekhasha~NkhamarIn purA.a.a\-
dhmAya bhItisamujjvalAnalaveshanAya mahAkShiteH |
pUrvaduHkhahR^itAptadurj~nashivAjajiShNunatistutA.a\-
nantasadguNashAlinojjhitamekhalAbharaNena kim2|| 4\.8\.8||
(1\.dhmAyabhItisamujjvalAnalagAn vijitya mahAkShiteH | iti pAThAntaraM prAchAryapAdaireva
pradarshitam |
2\.api cha shloke prathamapAde yatibha~NgagandhanivAraNAya, mUlAnuguNataratAyai cha samagrasya shlokasya
nyUnatAstamahAravADhyasurekhasha~NkhamarIn purA.a.a\-
dhmAya tIvrasamujjvalAnalagAn vidhAya mahAkShiteH |
bhAraduHkhahR^itAptadurj~nashivAjajiShNunatistutA.a\-
nantasadguNashAlinojjhitamekhalAbharaNena kim | iti vA,
nyUnatAstamahAravADhyasurekhasha~NkhamanantR^iNAM puShyatAtisamujjvalAnalaveshanAya pR^ithukShiteH |
pUrvaduHkhahR^itAptadurj~nashivAjajiShNunatistutAnantasadyashasA samujjhitamekhalAbharaNena kim ||
iti vA pAThaH syAt ||)
mekhalAchyutimuktanorjaghanAtanoH svatanUbhuvo
bhogayoShita udguNolbaNatAtabANabhujachChidaH |
sheShabhogashayAluvat sakalaM jagat shivamedhituM
yogamekamupeyuShojjhitavarShmaNA.avikalA vayam || 4\.8\.9||
varShmaNAtimahattarAn asuhInapAtitabhUbhR^itAM
khaNDavat ditijAn bahUn bahukhaNDashoyudhi1 bhindatA |
hR^iShyatA tataga~NgasajjaTamaulinaikavibhaktimat\-
2 dehasaMsthitavigraheNa vivarjitena kimAtmanA || 4\.8\.10||
(1\. ChindatA \- iti pAThAntaram |
2\. \ldq{}dehasaMsthitavarShmaNA parivarjitena kimAtmanA\rdq{} iti yatibha~NganivAraNAya pATho bhavet |)
(tAtparyaratnAvalIshlokaH)
saundaryAdau svakIye hR^idi cha khanikare pUrNatAyAM cha kAntau
saMyagj~nAne prakAshe valayarashanayoH varShmaNi svasvarUpe |
syAdviShNoryadyupekShA tadidamakhilamunmUlanIyaM tadIyaiH
ityUche kArisUnustadupari kathayan taM shivAdyAshritA~Ngam || 4\.8\.11||
(pratibimbalaharI)
1AtmanA paripUrNasaptajagatsupUrNanijodaraM
2bhuktadAdhikasarpiShaM kurukeshituH shaThavairiNaH |
mAlikAnaghagIsvaretasahasragairdashabhidhruvaM
dADharyayugbhavabandhanachChida eva yAnti paraM padam ||
(1\. atra yatibha~NganivAraNAya mUlAbhipretatayA pUrvasUrivyAkhyAsu pradarshitasya arthajAtasya
sarvasyApi grahaNAya cha \ldq{}lokasaptakamAtmanA.avikalaM vidhAya nijAtmani\rdq{} iti pAThAntaraM bhavet |
2\. bhuktadAdhinavoddhR^itaM iti pAThAntaraM prAchAryapAdaireva pradarshitam |)
(iti chaturthashatake aShTamaM dashakaM )
\section{|| atha chaturthashatake navamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \-bhejuShAM atulaphalatvaM
          || sa~NgatimaNimAlA ||
            (upamAlinI)
harivirahakR^itAyAH shuchopyatikhedadaM
shaTharipuratha pashyan avaiShNavasa~Ngamam |
tadaguNagaNataptaH drutaM paramaM padaM
pravitara mama heti shriyaHpatima~nchati ||
1bhrAtR^ivyeShu hasatsu vidrutahR^idA bibhyatsu sadbandhuShu
krUrAsa~Nkhya suduHkhavardhaka idaMlokasvabhAvassadA |
ko.asau kAruNikAmbudhiM mathitavan ! tvatpAdapAdmaptaye
sUpAyaM tvarayA vadAtha maraNaprAptiprakAraM mama || 4\.9\.1||
(1\. \ldq{}ghaNNALA\ldq{}shabdasya samagrArthalAbhAya, ShaTsahasrikApradarshitarItyA turIyapAde
vikalpasya sphuTagrahaNAya cha, maraNashabdasya kaivalyaM vAstu iti arthalAbhAya cha samagrasya
asya shlokasya pAThAntaramitthaM bhavitumarhati \-
bhrAtR^ivyeShu hasatsu vidrutahR^idA bibhyatsu sadbandhuShu
krUrAsa~NkhyaviShAdadAyi kimidaM lokasya vR^ittaM mama |
chakShuShman ! udakAshayaM mathitavan ! tvatpAdapadmAptaye
sUpAyaM tvarayA vadAtha vapuSho vishleShaNaM vA kuru ||)
diShTAntaishcha dhanakShayaishcha vividhaj~nAteyavadbandhutA
pAtotpAtavilApamohashayanaiH ko.asau svAbhAvo bhuvaH |
no jAne kamapi prakAramupari svAmin ! bhuja~NgeshayA\-
\*hvAne sa tvaritaM prakAramavayan dAsasya me chintaya || 4\.9\.2|| 
(\*hvAne te savidhe tvarasva sadR^ishopAyena mAM lakShayan iti pAThAntaraM)

shlAghAM 1 shlAghyakulAbhimAnamadhikaM j~nAtyAptavargaM dhanaM
bhR^i~NgApUrNasumADhyakeshayuvatIH saddhAma hitvA mR^itim |
dR^iShTvAhaM na sahe prakAramasamaM lokasya dAsaM cha mAM
2abdhishyAma ! pureva naikShya padayorAhUya dAsye kuru || 4\.9\.3||
(1\. \ldq{}satkulajAbhimAnaM\rdq{} iti pAThAntaram |
2\.`vArdhestulya! \ldq{}iti pAThe vaNNa shabdasya arthaH ShaTsahasrikAdR^ito.api labhyet ||)
AdehItyuditAbhivR^iddhisumahAsampat\* sthitA svagnisAt
AdehIti punastamo.abhivR^iNute kA lokayAtrA tviyam |
shlAghyodAra ! maNisvabhAva ! charaNaprApterupAyaM tavA\-
dR^ityaudAryamimaM svadAsamiha te kAruNyatassvIkuru || 4\.9\.4|| 
(\*`sthitA vahnivat\rdq{} iti pAThaH mUlAnuguNassyAt |)

sarvAdAyijalodbhavadbhuvi \*charatsu sthAvareShu sthitA
jIvA janmamR^itiM jarAM rujamitAH prAshnanti bAdhAM parAm |
atreto.api sughoranArakagatiH kA lokayAtrA tviyaM
tvaM tatrAhvaya mAM harinmaNiruche ! dAsaM na mAM mohaya || 4\.9\.5|| 
(\*`charA ye sthAvarA vA sthitAH\rdq{} iti yatibha~NgagandhahInaH pAThaH syAt |)

mohaM jAlanipAtanaM vidadhato bAdhAM vadhaM bhu~njate
dharmyArthaM na vichinvate\*.ashubhavidaH ko.asau svabhAvo bhuvaH |
gandhishrItulasIlasanmakuTa ! matpUrNAmR^itAtyantikaM
dAsaM hya~NgyakaroH sapApamapi mAM hUtyA dayethA itaH || 4\.9\.6|| 
(\* nayasR^iteH iti vA pAThassyAt |)

loke.asmin sthiraja~Nga1 mAtmakatayA bhUtvA2 tvamekaM vinA.a
pyanyaM te sthititaH padArthamiha me vyAdhirjarA vA mR^itiH |
janyAdhI iti nAshayannakhilamapyetat samAhUya mAM
dAsaM svIkuru na pradarshaya mahAghoraM svabhAvaM bhuvaH || 4\.9\.7||
(1\. kR^ititayA iti pAThaH |
2\. shlokassamagro.api sAkShAtsvAmyAdR^itArthaparashchet evaM bhavet \-
loke.asmin sthiraja~NgamAtmakatayA bhUtvA tvameva sthitaH
satyevaM na paraH padArtha iha hA ! vyAdhiM jarAM vA mR^itim |
AdhirjanmavinA na ki~nchidaparaM chAste samAhUya mAM
dAsaM svIkuru na pradarshaya mahAghoraM svabhAvaM bhuvaH ||)
sR^iShTavA svena nigIrNavAntapR^ithivItoyAgnyanantAnilAn
saMyojya tvamiha pratiShThitasurAvAsaikakANDAbhidham |
prAkAraM \*samatItya mAM tava mahAtejoyutochchasthale
duShprApau tu kadA nu divyacharaNau saMyojayiShyasyamum || 4\.9\.8|| 
(\* tvativAhya \-iti pAThaH ||)

he ! nAgeshaya ! yojayasyanaratAn saMshi~njitau te padau
duShprApau dyusadAM vidhAya cha bhave tvaM bhrAmayasyeva tat |
dAso vedvi nivArya chendriyaratiM tvachChrIpade eva mAM
\*dhR^itvA sartumayojayo.ahamayamadrAkShaM tvidaM durlabhe || 4\.9\.9|| 
(\*\ldq{}dhR^itvA sartumayojayastadahamAH! sandR^iShTavAn durlabhe\rdq{} \-\-iti yatibha~NganivAraNAya pAThaH ||)

spR^iShTyAkarNanapAnadarshanasamAghrANaishchalaiH pa~nchabhiH
j~nAtaM yatsukhamindriyaiH 1 yadamitatAvedyaM sukhaM chAtmanaH |
tattva1 yyagrakarojvaladvalayayA devyA shriyochchasthite
2 pashyadbhAgyamavekShya sarvamajahAM prApto.asmi te shrIpade || 4\.9\.10||
(1\. yadamitasvalpaM sukhaM chAtmanaH \- iti pATho mUlAnuguNataraH |
2\. \ldq{}tvachchAturyamavekShya\rdq{} iti pAThaH mUlAnuguNataraH sAkShAtsvAmiparigR^ihItArthAnuguNashcha
syAt |)
(tAtparyaratnAvalIshlokau)
kAruNyAdabdhimAthI taduparishayitastatsamAnA~NgavarNaH
khyAtaudAryassvadAne ruchiramaNiruchiH veShato.atIva bhogyaH |
AtmatvenAnubhAvyo duradhigamapado bandhamokShasvatantraH
svAnyapremoparodhI svadata iha vibhustatpadotkaNThitAya ||
tApaissambandhiduHkhaissvavibhavamaraNaiH tApakR^idbhogyasa~NgaiH
durgatyAj~nAtivR^ittaiH anitaravidhuteraNDakArAnirodhAt |
prahvavIbhAvojjhitatvAt pralaghusukhapariShva~NgatashchAtishochyaM
vishvaM draShTuM na shakto nijapadanayane nAthati sma svanAtham || 4\.9\.11||
(pratibimbalaharI)
shrInArAyaNamIshvaraM chidachitAM jyotiH paraM keshavaM
tatpAdAptikR^itAshayena kurukAnetrA1 shaThadveShiNA |
tatpAdopari bhAShite draviDagI2 rgAdhAsahasre tvidaM
tatpAdau dashakaM nayet parapadaprAptyA samujjIvata3||
(1\. bhAsvatshaThadveShiNA iti pAThAntaram |
2\. vAggAthA iti pAThAntaram |
3\. mAtR^ikAyAM shloko mudritarItyA eva dR^ishyate |
paraM tu sukhAnvayAya shlokaH\-
shrInArAyaNa IshvarashchidachitAM jyotiH paraM keshavaH
tatpAdAptikR^ite.abhimAnyakurukAnetrA shaThArAtinA |
shrIpAdopari bhAShite draviDavAggAthA sahasre tvidaM
shrIpAdau dashakaM nayet parapadau lIyadhvamAptvA tayoH ||
iti vA pAThyaH ||
(iti chaturthashatake navamaM dashakam)
\section{|| atha chaturthashatake dashakaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- (archAyAmapi)sarvAmarochchatvam |
          || sa~NgatimaNimAlA ||
            (upamAlinI)
paramapadamabhIpsannalabhya ghR^iNI drutaM
tadapariharaNIyAn avaiShNavamAnuShAn |
supathamapi nayaMstAn paratvamathochivAn
adhikurukamathArchAsthitAvapi naH prabhoH ||
devasvarbhuvanAdyasheShachidachichChUnyAdikAle tadA
lokAnAM 1sachaturmukhAkhilasurANAM prANinAM sraShTari |
shailottu~NgasuratnasaudhavitatashrIke.akhilAdau sthite
nAthe shrIkurukApure sati paraM daivaM 2kimanviShyata ? || 4\.10\.1||
(1\. \ldq{}sachaturmukhAdidiviShat\-nR^i\-prANinAM sraShTari\rdq{} iti pATho yatibha~NgavaideshikassyAt |
2\. anveShatha, anviShyatha \- iti cha pAThAntare |)
anviShyAshrayaNIyamatra bhavatAM daivaM cha vashchAdinA
pUrvaM sR^iShTavatA.anavadyaguNasatkIrtishriyA sAdaram |
nAthenAdhyuShitAM svadhAma kurukAM harmyairgR^ihairAvR^itAM
stutvA nartanagAnapUrvamakhilAn vyApyaita nAnAjanAH !|| 4\.10\.2||
\*sR^iShTavA vyApakadevatA bahuvidhAn lokAMstadA.adat samaM
teShvantassthiramudgiran kramaNamuddhAraM cha kR^itvA sthitam |
dR^iShTavApItha na nishchayaM tu kurukAyAM vanditAyAM suraiH
he ! lokA ! vasataH parasya vadataishvaryaM vinAnyaM suram || 4\.10\.3||
(1\. shloko.ayaM tR^itIyapAde yatibha~NganivAraNAya sphuTArthatAyai cha evaM vA pAThavAnastuH \-\-
sR^iShTavA vyApakadevatA bahuvidhAn lokAn nigIryAtha tAn
udgIryApi punastathA kramaNamuddhAraM cha kR^itvA sthitam |
dR^iShTvA devashirobhivandyakurukApuryAM na chennishchayo
he ! lokA ! vasataH parasya vadataishvaryaM vinAnyaM suram ||)
pAramyoktimatashshivasya cha vidheH nAthaH pareShAmasau
satyaM brahmakapAlamokShaNakathAM yUyaM svayaM pashyata |
tejiShThaiH varaNaiH manoj~nakurukApuryAM vR^itAyAM sthite
nAthe ki~nchidavadyayuktivachanAt kiM haitukAnAM bhavet || 4\.10\.4||
yUyaM li~NgapurANavAchanaparAH jainAshcha bauddhA vitaN\*\-
DAyugvAdakathAvidashcha bahavo yUyaM cha devAH pare |
bhUtvA shrIkurukApure.asti chamarIvAlairivodvIjite
nIvAraiH stuvatAdhikaH sa sakalaishvaryo.atra naikaM mR^iShA || 4\.10\.5||
(1\. atra yatibha~NganivAraNAya shlokasya evaM vA pAThaH syAt \-
yUyaM li~NgapurANavAchanaparAH ! tAthAgatAH ! ArhatAH !
vaitaNDyoddhatashuShkatarkaniratAH ! sarve cha vo devatAH |
bhUtvA shrIkurukApuresti chamarIvAlairivodvIjite
nIvAraiH stuvatopakR^it sa paramaH pUrNo.atra naikaM mR^iShA ||)
stutvAdartumitonyadaivamiha vo bAhyAn vidhAyAnyadhI\-
yogAt sthApanamasti muktirapi1 vo naiveti lIlAjagat |
2 nIvAraiH kamalaiH samR^iddhakurukAyAM kardamotthaissato
mAyAshaktimatI hyatIva tadidaM j~nAtvAsya yAtAptaye || 4\.10\.6||
(1\. atra vishadatayA sarvavyAkhyAdR^itArthalAbhAya \ldq{}chet naiveti lokasthitiH\rdq{} iti pAThena bhavitavyam |
ulaghillai ityasya lokamaryAdA = lokasthitiH ityarthavarNanaM prAyaH bahuvyAkhyAdR^itam |
2\. asmin pAde yatibha~NganivAraNAya
\ldq{}pa~NkotthaiH kamalaiH samR^iddhakurukApuryAM satashshAlibhiH\rdq{} iti pAThena bhavitavyam |)
\*dhAvaM dhAvamanekajanmasu janitvApyanyadevaM purA
gItvA nR^ityanamobhirasya bahudhA dR^iShTaM bhavadbhiHphalam |
sa~NghIkR^itya suraisstutasya kurukApuryAM sthitasyochchalat
ketushrIgaruDasya dAsyamuchitaM sarvAdimUrtestu vaH || 4\.10\.7|| 
(\*asmin pAde yatibha~NganivAraNArthaM pAThaH
\ldq{}dhAvaM dhAvamanekajanmajananeShvapyandaivaM purA\rdq{} \-iti bhavitumarhati |)
mArkaNDeyamupetya dAsyakaraNAt svaM dR^iShTavantaM tadA.a
rakShannagnamahopakAryapi tu sA nArAyaNIyA kR^ipA |
puShpahrItabakaiH parItakurukApuryAM sthite ketakaiH
utkR^iShTe.akhilakAraNopakR^iti kiM daivaM paraM brUta kim || 4\.10\.8||
shabdADambaramAtravaShaTsamayatattulyetarairdushshaka\-
svasya j~nAtumiyattayAkhilajagaddhetoH priyAM svAminaH |
sampannaishcha sushItalaishcha kurukAM kedArajAlairvR^itAM
ramyAM vAsabhuvaM niveshayata chet ujjIvanechChA matau || 4\.10\.9||
deveShvapyakhileShu sarvabhuvaneShvanyeShu sarveShvapi
sve rUpe niradyadivyavapuShA tulyeShu satsUchitam |
kedAreShu samR^iddhimatsu kurukApuryAM sanIvArasAdh\-
vikShau shrIvadubAmanasya sughaTInR^ityasya dAsyaM varam || 4\.10\.10||
(tAtparyaratnAvalIshlokau)
kalpAnte.api sthitatvAt sakalasuragaNasraShTTabhAvAjjanAnAM
rakShAdyApAdakatvAt shivavidhibharaNAt sarvadevAtmabhAvAt |
tattatkarmAnurUpaM phalavitaraNato vainateyadhvajatvAt
mArkaNDeyAvanAdeH prabhumatha shaThajit prAha sarvAmarochcham ||
nityaishvaryaM tu turye sahajabahulasadbhogyamanyonyasaktaM
kleshApAdisvatulyaM svajanakR^itakR^itArthIkR^itaM snehivaidyam |
saMyuktaM sadguNaughaiH svajanaparihR^itopekShyamiShTArtharUpaM
shreShThaM nishsheShabhogyAt amanuta shatake devatAsArvabhaumam || 4\.10\.11||
(pratibimbalaharI)
vAkkai~NkaryamudIrya chakriNaminaM prAptena vakShojjvalan\-
navyAmodasukesareNa kurukAdhITsachChaThArAtinA |
mAreNAbhiniveshinAtra dashake gAthAsahasre kR^ite
shaktAnAM nagaraM mahat chyutimR^ite vaikuNThamanyat kare ||
(iti chaturthashatake dashamaM dashakam)
|| iti chaturthashatakaM samAptam ||
shrI sundarAryavaradAryagurUttamApta\-
j~nAnodbhavAshukavive~NkaTasheShasUktau |
pUrNaM turIyashatakaM jayatAt shaThAri\-
gAthAnubimbalaharIvilasatsahasre ||
\chapter{|| pratibimbalaharI \- pa~nchamashatakam ||}
\section{|| atha pa~nchamashatake prathamaM dashakam ||}
pratibimbalaharIvR^ittaM \- pR^ithvI
etaddashakapratipAdyaguNavisheShaH \- kAruNyAdhInavR^ittitvaM
\*heShA ghoShAyate yasya bhAShA.asheShA purAtanI | hayaveShAkShayaM tejo manIShAyAM tavastu me || 
(\*ayaM anuShTup \- shlokaH prAchAryapAdaiH atra mAtR^ikAyAM likhitaH vighnanivAraNAyeti bhAti |)

          || sa~NgatimaNimAlA ||
            (mAlinI)
adhikurukamitIshe sarvadevAdhikatvaM
dhanasukhalavalabdhyA nirvR^itebhyo janebhyaH |
paravimukhamatibhyo varNayan tatprasa~Nge
nijaviShayakR^ipAM tAM saMsmaran modate.asya ||
karoddhR^itasudarshanojjvalamadindranIletyahaM
mR^iShoktikR^itava~nchano bata ! bahishcharitvA bahiH |
yathArthama\* labhaM vidhau phalati ko niSheddhA tvaho !
kR^itopakR^itikR^iShNa te.anuchitameva madyAsi chet || 5\.1\.1|| 
(\*labhatiH AtmanepadIti abhajaM iti pATho vA syAt |)

mahAkakubhamadhyato gata! vimohakR^inme maNe !
\*madho! sumadhurAmR^itetyapi mR^iShoditaiH kaishchana |
sa eva madito.amavat madapR^ithaksthitirmadvasho
nabho mayi mahAdharA nikhilamanyadantargatam || 5\.1\.2|| 
(\* \ldq{}madhUchcha madhurAmR^itetyapi mR^iShoditaiH kaishchana | \rdq{})

paratra manasi sthite bahirudIrya 1 kAshchidgiraH
mR^iShA paramudAra! he ! maNinibheti te va~nchakam |
vihAya shaThamAnasaM dhuri samIkShya chojjIvitaH
2 payodhishaya ! santyajan ahamayAni kaM tvAmitaH || 5\.1\.3||
(1\. mAyAvachaH
2\. payodhishaya kaM vR^iNe pariharannitastvAmahaM)
labheya kimahaM tyajanniti vacho vadaMstvAmapi
Chale dR^iDha idaM1  mano mama nirud.hdhya 2muktvAshru cha |
niveshya sudR^iDhaM tvayi pratihR^itau na shakto.asmyahaM
malaM mayi nivArya te sadasi kR^iShNa ! mAmAhvaya || 5\.1\.4||
(1\. \ldq{}tvAmahaM shaTho dR^iDhaM idaM\rdq{} |
2\. \ldq{}hitvAshru cha\rdq{}| iti cha pAThAH)
na kR^iShNamupakArakaM tridashanIlaratnaM sudhAM
gato dR^ishi manogataM kimapi varShma kR^itvAntarA |
1 \ldq{}dR^iDhairvivashayan paraM\rdq{} vividhakarmapAshaistvachA
vidhAya dR^iDhayA vraNaM bahiranarthakR^itye.a2tyajaH || 5\.1\.5||
(1\. \ldq{}dR^iDhainahanato vashaM\rdq{}
2\. \ldq{}jahAH\rdq{}\- iti cha pAThAH)
asheShakR^itabandhanaM dvividhakarmabhirbAdhake
kramAptavapuradhvani vyudasituM gatiM dR^iShTavAn |
mahojjvalachaturbhujaM svaruNanetrabimbAdharaM
\*sunIlavapuShaM karoddhR^itavR^iShotkachakraM prabhum || 5\.1\.6|| 
(\* \ldq{}svadharmaratachakravatkarashitishriyaM svAminam\rdq{} iti cha pAThaH ||)

sa chakryupakR^itiprabhuH kva bhava eSha chAhaM kva nu
prasiddha sumahAMhasAmapi phalet phalotke vidhau |
gajArtivinivAraketyadhishiraHkaraM kroshanAt
abhUvamR^ijubhaktimAn \*mayi babhUva matsvAmyapi || 5\.1\.7|| 
(\* \ldq{}maduparIva matsvAmyapi\rdq{} \- iti pAThaH |)

mahAmahimasUribhiH kShitisuraishcha saMsevitaH
mamaitya hR^idi susthitastrijagatAmidAnIM prabhuH |
striyaH shapharalochanAH sumahitA cha sampat varA
sutAshcha pitarau varau paramitassa evAsti me || 5\.1\.8||
mahormimati ko bhavet sharaNamityagho majjanaM
gateva pR^ithunauH bhave jalanidhau sakampe mayi |
sa divyavapuShA svayaM subhagachakrasha~Nkhau vahan
ha! heti vidadhat kR^ipAM api mayA sameto.abhavat || 5\.1\.9||
mayA bhavati dAsavAn iti vacho.avalambyAdarAt
upetya sukR^ipAM dadhat sakalabandhurAsa svayam |
samInakamaTho bhavannarahariH purA vAmanaH
vanecharakiTiH payodharanibhashva \*kalkItvitaH || 5\.1\.10|| 
(\* kalkyAyatiH \- iti pAThAntaraM)

(tAtparyaratnAvalIshlokaH)
chakrasphAyatkaratvAt svajanavashatayA rakShaNodyuktabhAvAt
bhavyatvAt svAtmadAnAt amalatanutayA shrIgajendrAvanAchcha |
nAnAbandhutvayogAt vipadi sakhitayA vyAjamAtrAbhilAShAt
kAruNyAdhInavR^ittiM kamaladR^ishamavait kArisUnuH kR^itArthaH || 5\.1\.11||
(pratibimbalaharI)
payodaruchikR^iShNamatyupakR^itiM mahAbjekShaNaM
vR^iSharddhiruchishAlibhUsukurukAshaThArIrite |
ihojjvalaguNe.adbhutadramiDavAgsahasre tvimAn
\*sugItidasha gAyakA shriyamitA visheyuH padam || 
(\*sugItidasha gAyakA ityeva prAchAryapAdahastAkSharavinyAsaH mAtR^ikAyAM asti | tathApi ArvaNNadhdhAl iti mUlasthara shabdaH \ldq{}arughai\-pAnaM bhaNNughai, vaNNam \-
prakAram pAnaM bhaNNumAbhbhole  atiprItiyuktamAy\rdq{}  iti sAkShAtsvAmibhiH vyAkhyAtaH | itare.api vyAkhyAtAraH evameva vyAkhyAtavantaH | dvAdashasahasrikAyAM tu \ldq{}kavayo dhayanti\rdq{} itivat ityapi saMvAda pramANapradarshanaM kR^itam | IDuvyAkhyAne dhNDharghghamudhuNNa itIdaM saMvAdapramANatayA
darshitam | tathA \ldq{}supIti\rdq{} iti pAThaH eteShAM vyAkhyAnAnAM anuguNataraH syAt iti bhAti | supItiH
yathA tathA gAyakAH iti yAvat || \ldq{}sugIti\rdq{} iti pAThe dvAdashasahasrikAyAM darshitAyAH dvitIyayojanAyA anuguNatA |)
(iti pa~nchamashatake prathamaM dashakam)
\section{|| atha pa~nchamashatake dvitIyaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- svabhaktaiH jagadaghashamanatvaM
          || sa~NgatimaNimAlA ||
            (mAlinI)
acharavapuShi chAdiH bhAti sarvAdhiko naH
sharaNamiti vachobhiH vaiShNavatvaM svakIyaiH |
shritabhatha janasandhaM prekShya sammodamAnaH
virachayati munistanma~NgalAshAsanAni ||
bhaktashrIrabhivardhatAmanudinaM saMvardhatAM vardhatAM;
naShTaM chetanaghora pApa\*mavasanno nArako bAdhakaH |
nAtraiko.api yamasya; nashyati kaliH; pashyantu vArdhishriyaH
dAsA bhuvyabhivR^iddhimetya naTanodgAneshcharA vIkShitAH || 5\.2\.1|| 
(\*manashadduHkhaprado nArakaH \-iti pATho yatibha~NgagandhanivArakaH syAt |
anashaditi \ldq{}lu~N\rdq{} prathamaikavachanaM nashyateH |)
dR^iShTaM dR^iShTamihAkShibhogyamamitaM dR^iShTaM cha dR^iShTaM punaH
dAsA ! yUyamihAbhiyAta sakalAH sthitvA stavAmAnatAH |
bhR^i~NgApUritashItasattulasikashrImAdhavIyAH kShitau
gItvA rAgamupetya nartanamapi sthitvA charAssarvataH || 5\.2\.2||
naShTe cha pracharatkalau bhuvi suresheShu praviTeShvapi
prApte chApi kR^ite yuge.atra sumahAnandapravAhAptaye |
\*nIlAbhropamadAnakasya madinasyAbdhishriyaH ki~NkarAH
satkolAhalataH pravishya bhuvi sadgAnAH sthitAssarvataH || 5\.2\.3|| 
(\* nIlAbhropamadAnakasya ityayaM shabdaH nIlAbhropamaM dAnaM yasya sa nIlabhropamadAnaH,
ityasya svArthe ka pratvyayavAn iti rItyA prayukta iti bhAti | dAnashabdaH sthitivisheShaparashcha |
tatashcha nIlameghavat sthitimAn ityarthakaH syAt | atha etAdR^ishaprayAsanivAraNaya
\ldq{}nIlAbhropamavarShmaNaH iti pATho grAhyaH ||)
1 lokavyApakasarvabAhyasamayAnAmUlamutpATane
baddhAshA iva 2 vistR^itAbdhishayanAthasyA~NghridAsA ime |
sR^itvotthAya tathopavishya bahudhA gItvA shayitvA natiM
kR^itvotplutya charanti nATakamamI kurvanti cha kShmAtale || 5\.2\.4||
(1\. sarvatraudyatavaidikAnyasamayAnAmUlamutpATane \- iti pAThAntaram |
2\. \ldq{}vistR^itAbdhishayanasvAmya~NghridAsA ime\rdq{} | iti yatibha~NgagandhanivAraNAya pAThaH |)
vyApAro mama netrayoratishayaM dhatte.ayamekastviha
shrIvaikuNTharatAsta eva bhuvanaM vyApyAdbhutaiH karmabhiH |
he! rakShosurabhAvametya chapalAH ! jAtA! yadIdaM dhruvaM
hatvA vashcha vibhedayanti cha kaliM nojjIvanAdhvA cha vaH || 5\.2\.5||
hatvAdantamasUn cha rogamakhilAn dveShakShudhAdIn kaTUn
sthitvAsyAM bhuvi yAnti hantumanasaH chakropakR^itki~NkarAH |
gItvA susvaramutplavena naTanaiste vyAptavantaH kShitiM
gatvAnamya mano nirud.hdhya supathe dAsAssamujjIvata || 5\.2\.6||
dhyAtA vo hR^idi devatAstu bhavatAmujjIvanaM taM punaH
Ashrityaiva vitanvate.atra bhavatAM sAkShI mR^ikaNDossutaH |
kR^iShNAnnaiva paraM tu daivamiha mA mAlinyamantarbhavet
kartavyAnyakhilAni chArpayata tanmUrtyanyadevAn prati || 5\.2\.7||
kartavyaM tu vidhAya karma vividhaM tattatphalaprAptaye
sarveShAM jagatAM svamUrtipuruShAn asthApayaddevatAH |
deveshastu sa eva jIvata bahUn shrIvatsalakShmIrasaH
dAsAn bhuvyaviShAdino.asya vinatA gItAni gItvAdarAt || 5\.2\.8||
natvojjIvata sAdaraM shrutiShu saMshuddhA R^icho jihvayA\-
pyuchchAryAchyutamastabhaktivirahaiH puShpaishcha dhUpairyutam |
dIpaM \*gandhajalaissamR^iddhamakhilaM kR^itvA.adarAt sevakaiH
kai~NkaryaikaratairguNaikarasikaiH lokassamR^iddho.abhavat || 5\.2\.9|| 
(\*chandanavAriNA.atha sakalaM \- iti pAThAntaram)

nagneshena sahAjavAsavamukhAH pu~njIbhavaddevatA\-
sa~NghAH kR^iShNamanoj~navigrahamupAshrityAti sampattiShu |
sarvatrApyabhavan jagatsu nitarAM vyAptAstadIyAssamaM
tairyUyaM yadi sevituM sashakanAH naiko.api doShaH kaleH || 5\.2\.10||
(tAtparyaratnAvalIshlokaH)
pAthodhiprauDhakAntau sarasatulasikAla~NakR^itau dAtR^ibhAve
vaikuNThatve cha chakrapraharaNavashitAdevatAsthApanAdau |
svAnAmachyAvanAdau sakalaniyamane sarvakarmejyabhAve
nityAsaktaiH svabhaktaiH jagadaghashamanaM prAha kR^iShNaM shaThAriH || 5\.2\.11||
(pratibimbalaharI)
dAsanAM kalidoShavarjamanaghAM kurvantamIshaM kR^ipAM
pUrNaM bhAsvaratejasA svavapuShA kR^iShNaM charitrAdbhutam |
\*shrIkedArakadakShiNasthakurukAkAreyamArasya sA\-
hastre dyotiguNe dashAntaramalaM ChindyushshaThArerime || 
(\*uttarArdhaH yatibha~NgagandhadUrIkaraNAya || shrIkedArakadakShiNasyakR^irukAkAreyamArasya
satsAhasre.atiguNe dashAntaramalaM ChindyushshaThArerime || iti paThanIyaH ||)
(iti pa~nchamashatake dvitIyaM dashakam)
\section{|| atha pa~nchamashatake tR^itIyaM dashakam ||}
pratibimbalaharIvR^ittaM \-pR^ithvI 
etaddashakapratipAdyaguNavisheShaH \- svAnAM tIvraM prema duhAnatvaM
          || sa~NgatimaNimAlA ||
            (mAlinI)
shritajanakula etadvatsalatvaM tadA tat\-
shubhavapurapi sUriH chintayan premasImni |
jhaTiti cha sahayogaM tena kA~NkShan alabdhvA
vishadayati nijAshAM tyaktalajjeva kAntA ||
mamAmalamahonidhiM maNigiriM cha raktAdharaM
vichitya nijashIlato.apyanaghamAdimUrti sakhi ! |
\*prabhAkShayamatikShaye bahudinairgatAyAstu me
parApavadanotkahR^itpurajanApavAdena kiM ? || 5\.3\.1|| 
(\*prAchAryapAdahastAkSharamAtR^ikAyAM \- \ldq{}prabhAkShayamatikShaye\rdq{} ityeva dR^ishyate |
paraM tu \ldq{}prabhAkShayamatikShayau\rdq{} iti pAThaH eva tadabhipretaH syAditi)
kariShyati sakhIha kiM purajanApavAdastu naH
mamAruNapayojadR^ik tvapajahAra matpraj~natAm |
manoharavapushshriyA svatanukAshyametya sthitA
gatAhamaruNAdhare.apyasitalochate mlAnatAm || 5\.3\.2||
upetashakaTAsurapraharada~NghrikaH pUtanA\-
stanAdarapibAruNAdharadalastu matpUrNatAm |
jahAra sagatAgatA \*gatavachottarA taM vinA
madekR^itinishvaye ! sakhi ! janApavAdena kim || 5\.3\.3|| 
(\*gatavachottarA \- ityeva mAtR^ikAyAM dR^ishyate | gatavachA ahaM taM vinA iti pAThaH
samIchIna iti bhAti ||)
vikIryajanagarhaNaprachura1 gomayaM mAtR^ivAk\-
jalaM bahu niShichya sa~Ngamana2 kAmabIjaM vapan |
prarUDhahR^idayakShitau dR^iDhamahAnurAgArNava\-
3pravardhakaghanAkR^itiH kaThina eSha kR^iShNassakhi ! || 5\.3\.4||
(1\. dohadaM iti pATho mUlAnuguNassyAt
2\. bIjoptiH \-iti pAThAntaraM
3\. yadyapi kAkurgabhatvena shloko.ayaM mUlabhAvavya~njaka eva, tathA.api komalamatisukhagrahaNAya
\ldq{}pravardhakaghanAsitaH kathamasau cha lubdhaH sakhi!\rdq{} iti pAThaH a~NgIkAryaH iti bhAti ||)
vashIkR^itajagatpadaH kaThinanirghR^iNo dUragaH
paro mativivechanAtigavichitrasadvigrahaH |
tathA.api kaThinaM sthitaM mama manassa evetyaho
kariShyati kimu prasUH \*Damarumadhyamugdhe ! sakhi ! || 5\.3\.5|| 
(\*paTahamadhyamugdhe \-iti pAThAntaram |)

karotu kimapi prasUH kimapi vaktu sakhyaH ! purI
na mAM prati durAshayA kimapi vastvito.ahaM punaH |
vitaMsamavishaM purA tridashakAraNadvArakA\-
patIndramaNivarNabhAk shubhagavAsudevAstR^itam || 5\.3\.6||
vidhAya nijavAgurAnipatitAM cha mAM me mano
vikR^iShya sadapAnnidhau shayitamIshvaraM chakriNam |
suvastrakaTivistare ! sakhi ! samIkShya dR^igbhyAM cha naH
shiraH praNamanaM bhavet api kima~NganAnAM puraH ? || 5\.3\.7||
nipIya pR^ithupUtanAstanamudasya chAno.arjunau
1 pravishya cha nipAtya pATitabakAsyamastadvipam |
2 shuchismitamahaM shrayai sakhi ! kadA nu bimbAdharaM
mahopakR^itamadya mAtR^iShu cha lajjamAnAsu me || 5\.3\.8||
(1\.`pravishya cha nipAtya to dalitapakShivaktradvipam | \rdq{} iti pAThe yatibha~Ngagandho
na syAt |
2\. uttarArdhaH turIyapAde yatibha~NgagandhaparihR^ityai itthaM vA pAThavAn bhavet \-
shuchismitamahaM prasUShvayi ! kadA nu bimbAdharaM
mahopakR^itamAshrayai sakhi ! vilajjamAnAsu me ||)
kR^ipAM mama supUrtimapyapaharan manashcha kShipan
samunnatanabhassthalasthitamapekShya sUrIshvaram |
shape mama sakhi ! tvayA pratijanaM \*cha varNoktikA
madarhakuTilakriyA dhR^itapaTA charANyatrapA || 5\.3\.9|| 
(\*hyavarNoktikA, hyupakroshinI iti pAThAntare |)

vayaM hriyamapAsya tatpratikR^itiM dadhAnAH paTe
suchakrakarasundaropakR^itikarturAdAya ke |
vishuddhadalashItasattulasikAsumaM dadmahe
puropagR^ihagehinIbhR^ishavininditA vIthiShu || 5\.3\.10||
(tAtparyaratnAvalIshlokaH)
jyotIrUpA~NgakatvAt sarasijanayanAniShTavidhvaMsakatvAt
meghaughashyAmalatvAt shritasarasatayotkR^iShTasaulabhyayogAt |
rakShAyAM sAvadhAnAt subhagatanutayA sopakArAstravattvAt
svAnAM premAtimAtraM janayati bhagavAnityavAdIt shaThAriH || 5\.3\.11||
(pratibimbalaharI)
saghoShashitivAridhishriyamudArakR^iShNaM vibhuM
sugandhapavanojjvalatsukurukAshaThadviTkR^ite |
idaM dashakamudguNe samasahasramantAdike
pravaktR^imanasAM nijAvasatayo.api vaikuNThavat ||
(iti pa~nchamashatake tR^itIyaM dashakam)
\section{|| atha pa~nchamashatake chaturthaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- jagadavanamahAdIkShitatvaM
          || sa~NgatimaNimAlA ||
            (mAlinI)
\ldq{}pratikR^itimapi sAhaM dhUrjapatre.asya kR^itvA
prakaTitamiha kuryAM nirghR^iNatvaM cha goptuH\rdq{}|
kR^itamatirapi chetthaM na kShamAnuShThituM tat
virahapR^ithularAtriH tatpriyevA.atha rauti ||
supte paurajane.akhile cha\* bhuvane gADhAndhakArAvR^ite
viShTabdheShvakhilodakeShu rajanI tvatyantadIrghA hyabhUt |
kR^itsnAM kShmAmudare nidhAya shayitashsheShe madIsho batA\-
yAsyastveva na ghorapApamadasoH ko rakShakassyAditaH ? || 5\.4\.1|| 
(\*nikhile loke.andhakArAvR^ite iti pAThAntaram |)

prANAnAmiha rakShakaH paramitaH kassyAt gabhIrAbdhibhU\-
khAnyAvR^itya mahAvikAramatulA.abhUt kAlarAtrI nishA |
hA ! nIlotpalatulyakAntirapi me nAyAti kR^iShNo.antikaM
pApAyA mama he manastvamapi vA kiM nAnukUlaM hyasi || 5\.4\.2||
tvaM chAbhavyatayAsi khalvayi ! manaH ! vishrAntikAlaM vinA
dIrghA rAtriranalpakalpakalayA hantAtidIrghA.abhavat |
kAkutstho.api virodhidAhakamahAkodaNDahasto.antikaM
nAyAtyutkaTaduShkR^itA svamaraNopAyaM na jAne.abalA || 5\.4\.3||
strIjAtyAtvanubhUyamAnasumahAduHkhaM na \*draShTuM tvahaM
shaknomIti raviH prakAshakiraNo nAgatya chAntarhitaH |
enAM kShmAmitavAn vishAlanayano raktAdharaH pu~NgavaH
nIlo me yadi naiti ko mama mahAchittAdhimuchChetsyati ? || 5\.4\.4|| 
(\* atra Chandobha~Ngo nAstItyeva siddhAntaH |
\ldq{}yadA tIvraprayatnena saMyogAderagauravam |
na Chandobha~Nga ityAhuH tadA doShAya sUrayaH\rdq{}|| ityAhuH |
udAharaNaM H  mAghe \- prApya nAbhihR^idamajjanamAshu prasthitaM nivasanagrahaNAya(10 \-61)ityAdi)
ko vA mAM nu parAmR^ishet svajananI yUyaM cha sakhyo dashA
te kodR^iktviti nAnupR^ichChya rajanIM nidrAstha dIrghAM sukham |
kAlAbhropamadivyavigrahakamatkR^iShNo.api nAyAti hA !
nAmAtyutkaTapApinImanusaranno mAM mR^itAM nashyati || 5\.4\.5||
premavyAdhirayaM sthitastvanusaran hR^idyedhito bAdhate
rAtriH kalpasamA dR^ishau pidadhatI sthitvA purashchAvR^iNot |
nityaM sannidadhat\-suchakradharamanmAyashcha nAyAti chet
ko rakShedahahAtra dIrghasuchirAn prANAn madIyAnimAn || 5\.4\.6||
ko rakShet samaye.atra gADhatamasA sUkShmairhimAMshairvR^ite
samprApte tvatidIrghatAyutamahAkalpAbharAtrImukhe |
nAyAtyeva nisargashuddhadhavalaM sha~NkhaM sachakraM vahan
he ! devAssumahAgnikalpaduritA kiM vA kariShyAmyahaM ? || 5\.4\.7||
\* devAH! kiM karavANi rAtririyamekA saptakalpAdhikA
sthitvA satyatayA sametya purataH prANAn vitakShNoti me |
hastaprAptasudarshano mama puraH kR^iShNo.api nAyAti chet
shItastaiShamarut svayaM malayajo ghorAgnito bAdhate || 5\.4\.8|| 
(\* prathamapAdaH \-
\ldq{}devAH kiM karavA iyaM tu rajanI hA ! saptakalpAdhikA\rdq{} (karavai + iyaM = karavA iyaM)
iti paThitashchet yatibha~Ngagandho na syAt ||)
ghorAgneH himasUkShmabindusahitA gADhAndhakArA nishA
mAM hanti svayamugraramyamahaso ma~njurmahAn syandanaH |
naivodetyaruNaprabhAbjanayanaH shrImAMshcha nAyAti chet
ko vetastu nivartayiShyati manoduHkhaM dravAmi sthitA || 5\.4\.9||
sthitvA rAtrimukhe dravantyahamiva kShINe mahAkhe drute
sUkShmAkAratuShAratA\*mupagate pUrvaM kadAchit kShitim |
AkramyopakR^itiM janAya kR^itavAn nAyAti sarveshiteti\-
evaM ko.api kadApi no vadati hA nidrAti lokassukham || 5\.4\.10|| 
(\*pariNate iti pAThAntaram |)

(tAtparyaratnAvalIshlokaH)
ApadbandhutvakIrtyA yadukulajananAt dhIravIratvakIrtyA
lokAnAM vikramAchchAshritaduritahR^iteradbhutaishcheShTitaishcha |
chakrAdyastrAnvitatvAt kamalanayanatAsampadA vAmanatvAt
kShIrAbdhau sheShashAyI jagadavanamahAdIkShito.aj~nAyi tena || 5\.4\.11||
(pratibimbalaharI)
nAthaM suptamivAkhilAvanadhiyA yogaM charantaM prati
shrIpUrNopavanAvR^itIDyakurukAbhAsvatshaThArIrite |
gItyA pUrNa ihaibhiretya dashabhiH sAhasrake.antAdike
vaikuNThaM na samApnuvanti vapuSho vishleShakAle kathaM ? ||
(iti pa~nchamashatake chaturthaM dashakaM )
\section{|| atha pa~nchamashatake pa~nchamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- \ldq{}smR^itiviShayatA\rdq{}
          || sa~NgatimaNimAlA ||
            (mAlinI)
priyatanuguNachintAshcheti kartuM na shaktAM
nishiparamavasannAM prAtarasyAtha bAhyam |
smR^itiviShayajuShashchA.aprApya yogaM viShaNNAM
anucharati munistAM AlilakShyairvachobhiH ||
yUyaM kupyatha mAtaraH ! kimiti mAM asmatprabhau sundara\-
shrIke shrotakura~Ngapuryadhipatau pUrNe mayA.a.alokite |
sha~NkhenApi sudarshanena cha saha svabjekShaNAbhyAM samaM
yAtyekena sahAruNena cha mano bimbAdhareNA.api me || 5\.5\.1||
koya mayyavidhAya pashyata samaM machchetasA dakShiNa\-
shlAghyodyAnakura~Ngaparyadhipatau pUrNe mayA.a.alokite |
bhAsvatsUtramudArakuNDalamurassthA shrIshcha vatso bhujAH
chatvAro.api puraH sthirAbharaNakAnyAgatya tiShThanti me || 5\.5\.2||
stabdhA tiShThati muhyatIti shithiletyambAshcha kupyanti mAM
bhUbhR^itsaudhakura~Ngapuryadhipatau pUrNe mayA.a.alokite |
khaDgaM jaitradhanurgadA cha vilasat chakraM cha sha~NkhaM chiraM
dR^iShTiM nApyativartate tyajati me chittaM cha naiva sthiram || 5\.5\.3||
(nityaM)ruddhA bAShpasarit dR^ishoraviratetyambAshcha kupyanti mAM
madhvA shrIddhakura~Ngapuryadhipatau pUrNe mayA.a.alokite |
shItasrakspR^ihaNIyashItatulasI haimaM kirITaM vapuH
kaTyAmambarayuktasUtramapi me pApAtmanaH pArshvataH || 5\.5\.4||
pArshvaM vIkShya hi tiShThatIti shithiletyambAjanAH kupyatha
svArhatkIrtikura~Ngapuryadhipatau pUrNe mayA.a.alokite |
dIrghabhrUyugamapyatIvanibiDajyotishcha bimbAdharaH
tasyArhAbjadR^ishau cha jAgrati hareH pApAtmanashchetasi || 5\.5\.5||
eShoparyatimatkulA~Nka iti no mAtA dadAtIkShaNaM
pUrNodyAnakura~Ngapuryadhipatau pUrNe mayA.a.alokite |
dIrghA sundaranAsikA sulatikA padmAkShi bimbAdharaH
\*chitte shyAmalavigrahashcha chaturaMsA nityapUrNA mama || 5\.5\.6|| 
(\*\ldq{}chatvArashcha bhujAH sitetaratanushchitte.atipUrNA mama\rdq{}|| iti pAThe yatibha~Ngagandho.api
na syAt )
vaMshe me vachanIyarpUtirayamityaMvekShaNa no dadAti
uchchaiHkIrtikura~Ngapuryadhipatau pUrNe mayA.a.alokite |
tejaHpUrtimahAnadIvR^itamahAramyapratIkena me
svastho.abhUddhR^idi pUrNa eva subhagaM chakraM cha taddhastagam || 5\.5\.7||
ambAH kupyatha hastaklR^iptasumukhA sanneti mAma~njana\-
shrIsadveshmakura~Ngapuryadhipatau pUrNe mayA.a.alokite |
raktAmbhojadR^ishau vishAlajaghanaM sUkShmaM valagnaM vapuH
shliShyaddIrghakachAH vilambisubhujAH pApAkR^iterme puraH || 5\.5\.8||
sakhyashchApi purassthiteti jananIlokAshcha mAM kupyatha
svasthAgArakura~Ngapuryadhipatau pUrNe mayA.a.alokite |
chUDAdIrghakirITamukhyavilasadbhUShAgaNairbhUShitaH
khaNDakShIrasudhAtmanApyupagatashcheto na me mu~nchati || 5\.5\.9||
amboparyuparIyamedhitamahApremeti nekShAM dadAti\-
udyatkIrtikura~Ngapuryadhipatau pUrNe mayA.a.alokite |
hastAbhyAM namadoghasUrinivahe jyotiHpravAhe pade
bhAsvAn kashchana vigrahosti hR^idi me j~nAtuM parairdushshakam || 5\.5\.10||
(tAtparyaratnAvalIshlokaH)
sha~NkhAdyaiH yaj~nasUtrAdibhirapi cha tathA shAr~NgamukhyaistulasyA
bimboShThAdyaissunAsAvratatiniravadhijyotirUrjasvimUrtyA |
netrAbjAdyairasheShAbharaNasuShamayA svaishcha bhaktairmanoj~no
devassvAnAmajasraM smR^itiviShayatayA bhAti chetyabhyadhAyi || 5\.5\.11||
(pratibimbalaharI)
durj~nAnaM shubhachakrasundarakaraM nAthaM samAkrushya sat\-
gandhADhyAn prasavAn vivichya kurukAbhAsvachChaTharIritaH |
ete lakShmalasatsahasragadasha prauDhAH kura~NgAkhyapu\-
ryuddeshAn mataye tvadhItya bhuvane.agAdhAbdhige vaiShNavAH ||
(iti pa~nchamashatake pa~nchamaM dashakam)
\section{|| atha pa~nchamashatake ShaShThaM dashakam ||}
pratibimbalaharIvR^ittaM \- maNimAlA 
etaddashakapratipAdyaguNavisheShaH \- \ldq{}ahaM bhAvanAgocharatA\rdq{} |
          || sa~NgatimaNimAlA ||
            (mAlinI)
harivirahashuchosyAH shAntaye gopakanyAH
iva lalitagiraM tAM prekShya \ldq{}sohaM\rdq{} matIddhAm |
anucharati munistanmAtaraM tarkayantIM
nijatanubhuvi tasyAveshavAcho girastAH ||
brUte.abdhivR^itakShmA sraShTAhamitIyaM
brUte.abdhiyutakShmArUpo.ahamitIyam |
brUte.abdhiyutakShmAdAtAhamitIyaM
brUte.abdhiyutakShmAdhartAhamitIyam |
brUtebdhiyutakShmA bhoktAhamitIyaM
brUtebdhivR^itakShmAnAtho.anvadhirUDhaH |
vachamyabdhivR^itakShmAbhAjAM kimidaM vo
hA ! .abdhivR^itakShmaM putryAbhyasitaM me || 5\.6\.1||
vaktIpsitavidyAsImArahito.ahamitIyaM
vaktyabhyasanArhA vidyAhamitIyam |
vaktIpsitavidyAsraShTAhamitIyaM
vaktIpsitavidyAchAryo.ahamitIyam |
vaktIpsitavidyAsAro.ahamitIyaM
vaktIpsitarvidyAnAthonvadhirUDhaH |
vaktIpsitavidyAbhAjAM kimidaM vo.a
bhyastepsitavidyAsmajjAviditAni || 5\.6\.2||
vaktIkShitabhUssarvA.ahamitIyaM
vaktIkShi nAkassarvo.ahamitIyam |
vaktIkShyavarAgnissarvo.ahamitIyaM
vaktIkShitavAyussarvo.ahamitIyam ||
vaktIkShitavArdhissarvo.ahamitIyaM
vaktIkShya udanvadvarNonvadhirUDhaH |
vachmIkShitapR^ithivIbhAjAM kimidaM vo
bhaktokShitamasmatputrIvihitAni || 5\.6\.3||
vakti kriyamANaM karmAhamitIyaM
vaktIha bhaviShyatkarmAhamitIyam |
vaktIha cha bhUtaM karmAhamitIyaM
kR^itye phalabhoktA brUte.ahamitIyam |
vaktIhitakartuH kartAhamitIyaM
brUte.aruNanetrAmbhojo.anvadhirUDhaH |
vachmyArjavayugbhUbhAjAM kimidaM vo
kR^ityAni mR^igAkShyAH kiM vAruNasoShThyAH || 5\.6\.4||
vaktyAdR^itasImaM bhUpo.ahamitIyaM
vaktyAdarato.adryuddhartAhamitIyam |
brUte.akhila shatrUddhartAhamitIyaM
brUta.ahamarakShaM pa~nchAhitadAkShyaH ||
vaktyAhitasindhUnmAtho.ahamitIyaM
vakti sthiradhIrabdhyAbho.anvadhirUDhaH |
vachmyAdR^itasImnAM lokAH ! kimidaM
vo machChrItanujAptAn bhAvAn skhalitonAn || 5\.6\.5||
vaktyutkaTavaMshaM dhartAsmyahamadriM
vaktyaughavR^iShANAM hantAhamitIyam |
vaktyoghamahAvatsenohamitIyaM
vaktyoghagavAlIpAtAhamitIyam |
vakti svasamAbhIresho.ahamitIyaM
vaktyoghasureshArUDhA kimu vachmi |
svAnyonyasadR^ik khaDgAkShyaH ! kimidaM no
svAnyonyasadR^ik khaDgAkShyAtmasutAptam || 5\.6\.6||
brUtesti na bandhuH ko.apyatra mameti
brUte.atra hi bandhussarvo.api mameti |
brUte.atra hi bandhoH kartAhamitIyaM
brUte.atra hi bandhoH hantAhamitIyam |
brUte.asmi cha bandhurbandhoriti cheyaM
brUte gatabandhurmAyI kinvadhirUDhaH |
yuShmAn prati bandhUn vachmIha kimuktvA
brUte.abhiniveshAt mugdhAtmasutA yat || 5\.6\.7||
brUte tridR^igIshaH khyAto.ahamitIyaM
brUte chaturAsyaH khyAto.ahamitIyam |
brUte surasa~NghaH khyAto.ahamitIyaM
brUte suranAthaH khyAto.ahamitIyam |
brUte munisa~NghaH khyAto.ahamitIyaM
brUte.ambudavarNaH khyAto.anvadhirUDhaH |
\*kiM vachmyanuyu~njAnAnAM bhavinAM vo
matkomalabhAsvadvallyAshshubhavAchaH || 5\.6\.8|| 
(\* \ldq{}pR^ichChAparalokAH ! brUyAM kimahaM vo\rdq{} iti paThe yatibha~Ngagandho na syAt ||)

brUte na mamograM svalpAghamapIti brUte khalu pApAkAro.ahamitIyam |
brUte khalu pApmasraShTA.ahamitIyaM brUta khalu pApmadhvaso.ahamitIyam ||
brUte khalala~NkAhantAhamitIyaM vaktyugragarutmadvAhonvadhirUDhaH |
vachmyugrajanAnAM cheShTAH kimadhijyaM krUrAghayujo me vallyAtmasutAyAH || 5\.6\.9||
brUte.atimanoj~nassvargo.ahamitIyaM brUte nirayashchAramyo.ahamitIyam |
brUte.adbhutarUpo mokSho.ahamitIyaM brUte shubharUpA jIvA ahamasmi ||
brUte.adbhutarUpaM mUlaM jagato.ahaM brUte.adbhutameghashrIko.anvadhirUDhaH |
vachmyujjvalabhAsAM ki lokajuShAM vaH keshojjvalamAlAchArormama putryAH || 5\.6\.10||
(tAtparyaratnAvalIshlokaH)
sraShTR^itvAdyairjagatyAH sakalavidhakalAvartakatvena bhUtA\-
ntaryAmitvena kR^ityuddharaNaparatayA bhUbharApAkR^iteshcha |
shailendroddhAraNAdyaiH svajanahitatayA brahmarudrendrabhAvAt
duShkarmonmUlanAdyaiH prabhuranishamahambuddhibhogyo.anvabhAvi || 5\.6\.11||
(pratibimbalaharI)
satkuntalapadmAdevyAH kShitidevyAH sadvaMshajanIlAdevyAshcha patiM tam |
prAptA prativaldi khyAtiM kurukeshA saddAsyakR^itokte sragdrAviDarUpe ||
shaktAstu sahasre.adhyetuM dashakaM chet etat shirasochchairdhAyottamalakShmyA |
yuktA bhuvi lakShmIbhartuH padabhaktAn ArAdhayituM te nityaM kR^itabhAgyAH ||
(iti pa~nchamashatake ShaShThaM dashakaM )
\section{|| atha pa~nchamashatake saptamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- dInAnAM sharaNyatA |
          || sa~NgatimaNimAlA ||
            (mAlinI)
anukR^itibhirapItthaM nirvR^itiM nApta Aste
\ldq{}kR^iti\-mati\-rati\-rikte\rdq{} na prasIdestathA.api |
na niravadhikabhogyaM tvAM vinAnyanmamAgAH
madavanakaraNAyetyAhvayan khe mahAdrim ||
nAhaM chIrNavrato.asmi svaparaviShayakaj~nAnashUnyastathApi
tyaktvaivaM tvAM na jAne kimapi nijadhR^itau shrIbhuja~Ngeshayesha ! |
pa~Nke nIvAramadhye vikasitakamale shrIvare ma~NgalAkhye
svAminnutkR^iShTa divyAsika ! shubhanagare nAdhikastvatkR^ite.aham || 5\.7\.1||
nAhaM mokShArhakR^ityaH na punariha bhavadbhogasampattyupAyaH
tvadvIkShAshAnimagnosmyubhayavirahito nAtha ! vidhvastala~Nka ! |
shliShTendUdratnaramyaissumahati nagare shrIvare ma~NgalAkhye
svAsIna ! tvaM dayethAH karadhR^itadarayukchakra ! me.aki~nchanasya || 5\.7\.2||
vaikuNThasthAna ! chakrAyudha ! mama garuDavya~Nka ! kAlAbhrakAnte !
1 kR^itvAj~naM mA padArthaM svamasi cha kR^itavan ki~Nkaratvena yuktam |
2 j~nAnotkR^iShTaishchaturvedyakulabahubudhaiH shrIvare ma~NgalAkhye
kR^itvA tatrAnukampAM prati lasasi pure nopakAraM tu jAne || 5\.7\.3||
(1\. ayaM pAdaH \ldq{}kR^itvAsantaM padAryaM tvamarthaM cha kR^itavan ki~NkaraM mAM tvadIyam\rdq{} iti
paThitashchet mUlAnuguNataratvaM syArdita bhAti |
2\. ayaM pAdaH \ldq{}vedeShu j~nAnabhAjAM chatR^iShu cha vasatau shrIvare ma~NgalAkhye\rdq{} iti paThitashchet
yatibha~Ngagandho.api na syAt ||)
\*kR^itvAjiM shAtravodyat\-praharaNashatahatyai tadA nirgatibhyaH
pa~nchabhyo mAyayArIn yudhi dhuri kR^itavan ! bhasmasAdasmadIsha ! |
utkShiptakShmesha ! vedAmalamatiyajanaM shrIvaraM ma~NgalAkhyaM
prAptotkR^iShTAsika ! tvAM kathamiva nagaraM prAptumAkArayAmi || 5\.7\.4|| 
(\*ayaM pAdaH \ldq{}kR^itvAjiM shAtravodyat praharaNashatakadhvaM sanArthaM tadAnIM\rdq{} iti paThitashchet
yatibha~Ngapratyapi na syAt ||)
AkroshaH praptaye te kimu mama bhavitA sarvatashshAtravAnta\-
rbhUtassthitvA.atra kurvan kapaTamatipathaM shyAmalAkAra ! nAtha !
klR^iptAnekAdhvarakShmAsurayuji nagare shrIvare ma~NgalAkhye
sevyatvenAkhilAnAM sthitimapi kuruShe tattavAnanvapashyam || 5\.7\.5||
potrIbhUtvoddhR^itakShmAdhikamupakR^itavan ! kR^iShNa ! me sarvadA mAM
dAsIkurvan ! paravyomnyadhipa ! maNivaraprauDhakAnte ! dayethAH |
madhvA pUrNAnnavaNyA jaDa urunagare shrIvare ma~NgalAkhye
\*vAstavyaissevituM shrIparamapadamahAdre ! sthitaityAhamAptum || 5\.7\.6|| 
(\*ayaM pAdaH \- \ldq{}vAstavyaissevitaiyAH paramapadamahAshaila ! dAsasya nutyai\rdq{} iti paThitashchet
yatibha~Ngapratyapi na syAt ||)
kR^itvAgatyAnukampAM mama manasi kR^itAvAsa ! sUrIshamaule !
lokasyaikAdimAtApitR^isama ! sakalAn bhuktavan ! saptalokAn |
satkarmaNyAgamoktAdhvarayuji nagare shrIvare ma~NgalAkhye
nissImAnandashAlin ! shubhaguNa ! na hi mAM nAtha ! dUrIkurutvam || 5\.7\.7||
tejojAjvalyamAnonnatamaNisadane shrIvare ma~NgalAkhye
\*sthAne nirvAhakAnyaiH bakavadanavibhedin! sadA dR^iShpravesha ! |
dUrIkartuM tvanAptAn bata ! balayutapa~nchendriyANyasmi jAnan
dUrIkR^ityApi mAM tvaM gamayasi viShaye dustare kardamaughe || 5\.7\.8|| 
(\*ita Arabhya pAdatrayamayi yatibha~NgApahataye itthaM vA pAThavat syAt \-\-
sthAne nirvAhakArin ! dalitabakamukhAnyaissadA duShpravesha !
dUrIkartuM dviSho.adA bata ! balayutakhAnyasmi pa~ncheti jAnan
dUrIkR^ityApi mAM tvaM kShipasi cha viShaye dustare kardame hA ! ||)
bAkAsyasya prabhedin ! hatavR^iSha ! gatavan ! arjuna dvandvamadhye
\*matsvAmin! va~nchakAtyadbhutacharita ! mahAnIlamANikyakAnte ! |
sadj~nAnashrIchaturvedyatichaturabhR^ite shItale shrIvare shrI
ma~NgAkhye svAlaye.antaH sthita ! mama hi vidhAM jIvane tvaM dayethAH || 5\.7\.9|| 
(\*asmin pAde yatibha~NganivAraNAya \-
matsvAmin ! agAdhAdbhutacharita ! mahAnIlamANikyakAnte ! ||)
tvatpAdau dattavAn me sharaNamasi mamAtmApi satyaM tvadIyaM
dhvastapratyarpaNosmyujjvalashubhanagare shrIvara ma~NgalAkhye |
pa~NkotpannekShukANDaissamamaruNamahAvrIhibhiH pUrNashIto\-
pAnte sAmodapuShyachChishiritatulasIshekharAmartyanAtha ! || 5\.7\.10||
(tAtparyaratnAvalIshlokaH)
sarpAdhIsheshayatvAt aridarabharaNAt sAnukampatvayogAt
satsAhAyAdyasheShAntaranilayatayA bhUsamuddhR^ityudantaiH |
sarveShAM tAtabhAvAt itarajanadurAdharShatAdeshsharaNyaM
dInAnAM prAha viShNuM shaThajanamathano devatAsArvabhaumam || 5\.7\.11||
(pratibimbalaharI)
uddishya trikramasyA~Nghrikayugamamareshasya nArAyaNasya
prApyashrIpuShpasampadvanavR^itakurukAbhAt\-shaThAripraNIte |
etadgAthAsahasre dashakamadhijaDashrIvaraM ma~NgalAkhyaM
\*sArthaM gAtuM samarthAH sadasi diviShadAM tetvatR^iptAmR^itaM syuH || 
(\*gAthAyAM \ldq{}sadA\rdq{} iti vAchakashshabdaH shloke nAyAtaH | tadarthaM chaturthapAdaH evaM vA
pAThyaH syAt |
\ldq{}sArthaM gAtuM samarthAssatatamapisudhA te surANAM na tR^iptyai\rdq{} (atR^iptA)||)
(iti pa~nchamashatake saptamaM dashakam)
\section{|| atha pa~nchamashatake aShTamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- svarasakR^itanijapreShyadAsyatA
          || sa~NgatimaNimAlA ||
            (mAlinI)
atha cha muniranAptyA svahitasyAtiramyaM
ghaTanasi puri sheShe shAr~NgapANiM shayAnam |
bhajati subhagapa~NktyA yA tu sauhityadUraM
vibhumamR^itamitImaM chAhvayantI svayaM tat ||
bhogyAtR^iptikarAmR^ita ! tvayi vayuH dAsasya me premavat
toyIbhUya chalachchaladyutatarIkurvANa ! sarveshvara ! |
shrIpUrNAruNashAlichAmarayute shrI kumbhaghoNe jalaiH
R^iddhe bhAsvarachArubhUShaNagaNashsheShe hyapashyaM vibho ! || 5\.8\.1||
matsvAmin ! mama shuddhavigraha ! mama shrImadguNairIshitaH
yadyAdR^ik cha mahadvapushshubhavR^iSha ! svechChAprakAraM vahan !
R^iddhAmbhassu vikasvarAruNamahAbje kumbhaghoNe mahA\-
ramyAmbhojasadR^ikdR^ishoranubhavan ! nidrAM kariShyAmi kiM ? || 5\.8\.2||
kiM kurve ? mama rakShakashcha kataraH ? kIdR^igvidhaM mAM karoShi\-
anyasmAt tvadahaM kimapyabhimataM kA~NkShe na kasmAdapi |
satsAlAvR^itakumbhaghoNanagarIshAyin ! madAtmasthiteH
yAvAn kAla upetya te charaNayostaM netumIkShasva mAm || 5\.8\.3||
dUraj~nAnasamarthabuddhivibhavAtItAtmakIrtyu~njjvalA \-
nantaishvaryaguNAdvitIya ! chidachichCheShyujjvaladvigraha !
bhUyassadguNakumbhaghoNanagarIshAyin ! tvadIkShAtvaro
bhUtvA hyAkulahR^idvilokya gaganaM krandAni vande.apyaham || 5\.8\.4||
\*vande rodimi nartanena cha didR^ikShe gAnakR^it krandakR^it
machChliShTaprabalAghataH parisare dR^iShTvA hriyA.adhomukhaH |
raktAbjekShaNa ! kumbhaghoNanagare shAyin ! samR^iddhojjvalat\-
kedAre kR^ipaNasya chintaya mamopAyaM tvada~NghryAptaye || 5\.8\.5|| 
(\*`vande rodimi naumi gAnanaTane kurve didR^ikShustathA\rdq{} iti pAThe yatibha~Ngapratyapi na syAt ||)

sUrIndrojjvalakIrtisampadadhikashrIkumbhaghoNeshaya !
shrIvINAninadAmR^itottama ! phala ! j~nAnasya siMhottama !
mAM kroDIkuru matpurAghanivahaM hitvA tvada~NghryAptaye
j~nAtvopAyamapIndriyarddhinirataH syAM kAnyahAnyashrayan ? || 5\.8\.6||
siMhashreShTha ! madIyama~njuvasubhAraktAkShanIlAbhravat\-
svAmin ! agnibha ! vidrumAdribha ! chaturbAho ! svakAruNyataH |
dAsatvena gR^ihItavan ! chyutimR^ite mAM kumbhaghoNeshvarA\-
shakto dhartumitastu me tava padaM datvA bhavaM vAraya || 5\.8\.7||
madduHkhAni nivartayAtha na tu vA nAnyo.asti me rakShakaH
sarvAshAsyasudarshanAdbhutakR^ite ! shrIkumbhaghoNeshaya ! |
dehe me shithile bahirjigamiShau prANe tadaikAgryataH
dhairyeNApyavalambya tAvakapadau gantuM kR^ipAM tvaM kuru || 5\.8\.8||
kR^itvA sammatadAsyama~Nghriyugale te sthApayan mAM vibho !
sthAnAcha~nchalanityanetradhipate ! sarvAdimUrtyA mahan |
AshAvyApiruguchchama~njumaNibhiH shrIkumbhaghoNe shrite
niryatnAkhilasevanAya shayitAgachChAhamudvIkShitum || 5\.8\.9||
nAgachChannapi chitracheShTita ! mamAgachChannarUpo.adbhutA\-
kArAtR^iptikarAmR^itAsya mama hR^inmadhye.atimAdhuryavan ! |
naShTAnAshyamahAghasantatimavan ! mAM kumbhaghoNasthite !
dAso.ahaM nu paribhramAmi kimito dAsatvametyApi te || 5\.8\.10||
(tAtparyaratnAvalIshlokaH)
nissauhityAmR^itatvAt svavashajanitayA.ananyabhAvapradAnAt
maryAdAtItakIrtyA nalinanayanato nAyakatvAt surANAm |
sarvashraiShThyAdiyogAt anitaragatitAdyAvahAsannabhAvAt
dAsye sve sthApayet svAn haririti shaThajit sthApayAmAsa kR^iShNam || 5\.8\.11||
(pratibimbalaharI)
ghorAsthyargalapUtanAstanapathAt tatprANasampAyinaH
tau pAdau sharaNaM gatena kurukAnetrA shaThArAtinA |
veNUdgItyatishAyinIha dashakaM tvetat sahasre.atule
shaktA apsarasAM smarA mR^igadR^ishAM maugdhyaM vinAbhyAsane ||
|| shrImadaparyAptaparabrahmaNe namaH ||
(iti pa~nchamashatake aShTamaM dashakam)
\section{|| atha pa~nchamashatake navamaM dashakam ||}
pratibimbalaharIvR^ittaM \- mandAkrAntA 
etaddashakapratipAdyaguNavisheShaH \- shritAnAM AsannatvaM
          || sa~NgatimaNimAlA ||
            (mAlinI)
dhaTanasi nagare chAnAptavA~nCho munIndraH
bhajati virahakhinnapreyasItvaM punashcha |
bhavati kimu labho me \ldq{}vallavAL\rdq{} nAma puryAM
iti cha vachanamasyA AlilakShyaM dadhAnaH ||
eNAkShyo ! .ahaM satataduritA sadguNA! me.avasattyai
prAptAkAshakramuka\-madhumu~N\-mallikAmodaramye |
madhvApUrNopavipinavR^ite \ldq{}vallavAL\rdq{} divyadeshe
nAthA~NghryAptiH mama hi bhavitA ki~NkarAyAH kadA nu ? || 5\.9\.1||
sAdhitvA mAM kurutha kimahaM he ! vayasyA ! vasushrI\-
punnAgAn shrIvakulamukulaughAn navAn mAdhavIMshcha |
spR^iShTvodgandhe malayapavanaiH \ldq{}vallavAL\rdq{} divyadeshe
sthAyIshA~NghreH shirasi kalaye ki~NkarI prApya reNUn || 5\.9\.2||
prAptuM bAdhAM dhR^itasumakachAH ! bhUyasA duHkhitAhaM
gItishlAghyashrutiShu mukharAsvabdhivIchIsamAsu |
\*shIte kochchAdhvarasurabhidhUme sato \ldq{}vallavAL\rdq{} shrI
deshe nityaM kimu padayugaM svAmino nityamIkSha || 5\.9\.3|| 
(\*asmin yatibha~NgagandhaparihArAya uttarArdhaM eva evaM pAThyaH \-
pArshve gandhinyanishavasateH vallavAL divyadeshe
homyairdhUmaiH kimu padayugaM svAmino nityamIkShe ||)
mAM bAdhitvA kuruta satataM kinnu yUyaM vayasyAH !
harmyoghAla~NkR^itamaNigR^ihAgreShvabhivyAptiyukte |
dIrghaiH shyAmaiH kramukapanasaiH nAlikeraissarambhaiH
AtmA shayyAviShadhara\-phaNIT vallavALIshiturme || 5\.9\.4||
sAdhvyassakhyaH ! vR^itanabhasi sadbrahmavidyAgadhUmaiH
UrdhvaM shIte.a~njanachayanibhaiH vallavALdivyadeshe |
gauDaM khaNDaM ruchiramamR^itaM bhogyabhUtaM phalaM tat
mR^iShTAnandaprabhR^iti nu kadA jyotirIkSheta chakShuH ? || 5\.9\.5||
mugdhAH ! drakShyAmyamitaduritA.ahaM tu bimbAdharAssaM\-
gItadhvAnabhramarasahitaiH sarvato mandavAtaiH |
\*nUtnaiH vyAptonnataviTapivelAvane vallavAL shrI\-
kShetre kharvapratishubhatanusvAmiphullAbjapAdau || 5\.9\.6|| 
(\*yatibha~NganivAraNAya pAdasya asya evaM pATho bhavati\-
\ldq{}nUtnaiH vyAptonnataviTapiyugvela\-sadvallavAL shrI\rdq{})
abdhyAkAre sarasirvikasadpadmakalhArapuShpaiH
nArIbhAsvanmukhanayanajit\-vallavAL kShetranetuH |
sambhuktaitatsakalajagataH kinnu pA~nchAlikAbhAH !
nAthasyA~NghryoH anudinamala~NkArapuShpairnatissyAt || 5\.9\.7||
kedAra shrIyuji sumasarashshItale vallavALshrI\-
kShetre yatrochitasumadhurairikShubhiH pakvadhAnyaiH |
nityaM neturmama nivasataH krAntabhUdIrghapAde
nityaM nantuM satatamapi me sallalATA ! ghaTeta ? || 5\.9\.8||
veNuM vINAmapi himavane sAdhu pItvA marandaM
mugdhai rekhAbhramaranivahairgItiyuktaiH vijitya |
bhrAmyattejoryadhipamadhipaM vallavAL kShetra IshaM
dR^iShTvAhaM taM galitavalayasphUrti nantuM ghaTeta || 5\.9\.9||
sakhyasstotuM divi bhuvi janaiH svAM kR^ipAM klR^iptavAse
satkAruNyAyutanutaguNe \ldq{}vallavAL\rdq{} divya deshe |
\*satkAruNyajvalitamadinashrIshanArAyaNAkhyAH
tatkAruNyAt sahajasukR^itAt shaknuyAM kinnu vaktum || 5\.9\.10|| 
(\*satkAruNyAsmadakhilavidhasvAminArAyaNAkhyAH iti pAThaH
mUlokteH anuguNataraH syAt |)
(tAtparyaratnAvalIshlokaH)
svAmitvAt saMshritAnAM upakaraNarasAt sveShTasaMshleShakatvAt
sarvAsvAdatvabhUmnA kapaTavaTutayA dAruNApatsakhatvAt |
divyasthAnopasattyA bhramadarimaraNAchchApi nArAyaNatvAt
atyAsannaH shritAnAM bhavati haririti prAha kArestanUjaH || 5\.9\.11||
(pratibimbalaharI)
uddishyAkhyAdashashatayujassvAmino.asmAkama~NghrI
j~nAtvA kShemojjvalasukurukAdhIT\-shaThAripraNIte |
\*etAM pa~NktiM dashashatatadAkhyAkR^itau vallavAL shrI
kShemADhya shrInagaraviShayAM janmanochchaiH paThantaH || 
(\*ayaM pAdaH yatibha~NgagandhanivAraNAya \ldq{}etAM pa~NktiM dashashataguNAkhyAkR^itau vallavALshrI\rdq{}
iti pAThavAn bhavitumarhati |)
(iti pa~nchamashatake navamaM dashakam)
\section{|| atha pa~nchamashatake dashamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- shaktipradatvaM
          || sa~NgatimaNimAlA ||
            (mAlinI)
atha cha muniranAptyA svehitasyAsya tAstAH
vibhavalalitavArtAH chintayan sa~NgamAya |
spR^ihayati bahudhA.asau tatra ShaNmAsamUrchChA \-
shithilamadhuragAthApa~NktiranyAdR^ishIndhe ||
rItirjanmAbhivR^iddhayoH atha cha virachayan tanmahAbhAratAjiM
pa~nchAnAM darshayitvA sahajachaturatAM kalpitAshchAryacheShTAH |
marmaNyantaH pravishya sthirataranilayAH drAvayitvA mamAsUn
jakShatyetAdR^igatyadbhutamahimahare ! tvAM kadA.ahaM bhajiShye || 5\.10\.1||
udvAhasya prasaktau vR^iShabhanirasanaM chApi keshyAsyabhedaH
madhvAsi~nchatsukeshavraja yuvatigaNaiH rAsahastagrahashcha |
tAdR^ik chedR^ikShamanyAdR^igiti shithilayet durvachaM mAM tvadIyaM
kR^ityaM sarvAdibhUta! tribhuvanakaraNa ! tvAM kadA.ahaM bhajiShye || 5\.10\.2||
puShpaughodvarShikeshyAH stanajapibashishoH dhIratA pUtanAyAH
nAshAyaikAnaso.athAruNapadakamale tvatkR^itaM bAlyashauryam |
mAtaryAdattayaShTyAM tvayi taba navanItAdanasya prasa~Nge
netrAbje ashrupUrNe api bhayalayanaM chaiva hR^iddrAvayanti || 5\.10\.3||
mAyAveShaM gR^ihItvA tripuravihataye tatpraveshaprakAraH
kR^itvA bhedaM ripUNAM hR^idi tadasuhR^iteH klR^iptasiddho.apyupAyaH |
ga~NgAbhR^it \- shrIjaTAyuk tvadapR^ithagiti sandarshanasya prakAro.a\-
pyAtmAnaM me viloNDhayAntaramadhihudayaM jakShati drAvayitvA || 5\.10\.4||
devendrArAghanArthaM vrajagaNavihitasyodanasyApi jagdhiH
\*nAnAvarNochchagovardhanavidharaNato rakShaNaM varShabhIteH |
sR^iShTirjagdhirvisR^iShTyutkramaNamapi puroddhAra itthaM kShamAyAH
saMshleShe chitracheShTAH smaradanalamadhUchChiShTatulyaM mano me || 5\.10\.5|| 
(\* ayaM pAdaH yatibha~NgagandhanivR^ittaye
\ldq{}nAnAvarNochchatAdR^igkShitidharavidhR^iteH rakShaNa varShabhIteH | \rdq{} iti vA paThyaH ||)
tiShThadrUpaM sukhAsInamapi shayanagaM durgrahaM chApyasa~NkhyA\-
kAraM chArUpamitthaM tvamiha vidadhataH tatprakArAn vichitrAn |
sthitvA sthitvA smarat tvAM kathamashithiladhIH shaknuyAM smartumekaM
pApasyopAyavashyaM vada mama bhuvanaM bhuktavannujjvalashrIH ! || 5\.10\.6||
bhAsvatejasvarUpaM sthitimapi tamasAvasthitaM chaitya mAM tvaM
satyAsatyAtmanA.asmatdR^igaviShayatayA gUhitasya kriyANAm |
dhyAne saktasvachito.asmyahamatha shithilo nAtha ! mannIlaratnA !
sthApyapyaikaM dinaM me dR^ishi tava subhagaM vigrahaM tvaM dayethAH || 5\.10\.7||
shrImUrterabdhishayyAkaraNamapi mahAnAbhiraktAmbujopari\-
AshAvaktrasya chitte sukhataramupavishyApi sR^iShTiprakAraH |
anyAdR^ikShatvadaikeshvaramidamakhilaM shrotR^imAtraM mano me
dhatte shaithilyamashru pravahati nayane ki~NkarotveSha dAsaH || 5\.10\.8|| 
(\*ki~NkaraH kiM kariShye iti pATho mUlAnuguNatarassyAt ||)

yA~nchArItistripadyAH sthita iha mahatA.agAdhavAdhiM kShitiM khaM
vyAptaH pAdadvayenApyakhilamapi vashIkR^itya bhAtannudAkSha (kAryAtidakSha)! |
teShAmuktiprakArashrutiShu shithilitaM manmano vidrutaM tvayi
Asakta ghorarUpaprabaladuritavAn tvAM kadAhaM bhajiShye ? || 5\.10\.9||
saMyujyAdityadaityaiH jaladhimathanasadrItimatrAmR^itaM chA\-
martyAH pAtuM suradviTtyajanakR^itamahopAyachAturyayAnam |
AtmAnaM me pravishyAntaramapi sahasA drAvayitvopabhu~njan
brUhi tvatprAptyupAyaM viShadharabhujageshAnashayyAshayAna ! || 5\.10\.10||
(tAtparyaratnAvalIshlokau)
prAdurbhAvAdivR^ittaiH vR^iShagaNadamanAt pUtanAshAtanAdyaiH
mohArthaM buddhakR^ityaiH girivarabhajanasvIkR^itessthAnabhedaH |
tejodhvAntAdid bhAvAt jalanidhishayanAt bhikShaNAdyaistripadyAH
pIyUShasparshanAdyaiH shithilayati hariH svIyahR^ichchetyathoche ||
itthaM kAruNyanighnaM duritaharajanaM prema tIvraM duhAnaM
lokAnAM rakShitAraM smR^itiviShayamahambhAvanAgocharaM cha |
dInAnAM sachCharaNyaM svarasakR^itanijapreShyatAvA~nChamUche
prAptaM shaktipradaM shrIpatimiha shatake shreyasAmekahetum || 5\.10\.11||
(pratibimbalaharI)
nAgeshayyAsthamatsvAmyanupamacharaNAveva no rakShakAvi\-
tyekAM chintAM sadAyachChaTharipukurukAmAranAmnA svalabdhyai |
baddhe.antAdau sahasre dashakamidamihAdhyetumekannu shaktAH
vaikuNThe te mahAkhai satatamanubhavantyadbhutAnandalakShmIm ||
(iti pa~nchamadashake dashamaM dashakam)
|| iti pa~nchamashatakaM samAptam ||
shrI sundarAryavaradAryagurUttamAptaj~nAnodbhavAshukavive~NkaTasheShasUktau |
pUrNaM vibhAtu shatakaM bhuvi pa~nchama shrIgAdhAnubimbalaharI vilasatsahasre ||
sudhAvarNaM sudhAvAchaM sudhAmAnaM sudhAkare |
darAri \ldq{}j~nat\rdq{} karaM vAjikandaraM shrIdharaM bhaje ||
|| shrIlakShmIhayavadanaparabrahmaNe namaH ||
|| shrIsuvarNalakShmIdharanavanItanaTaparabrahmaNe namaH ||
|| shriyai namaH ||
|| shrIvakulabhUShaNamahAgurave namaH ||
|| shrImannAthamunaye namaH ||
|| shrIvAtsyavaradakR^iShNadeshikAbhyAM namaH ||
|| shrImate bhAShyakArAya namaH ||
|| shrIshaThamarShaNakurukAdhIshvarAya namaH ||
|| shrImate vAtsyavaradadeshikAya namaH ||
|| shrImate nigamAntamahAdeshikAya namaH ||
|| shrImate shrIra~NgarAmAnujayatisArvabhaumAya namaH ||
|| shrImate vedAntarAmAnujasaMyamisArvabhaumAya namaH ||
|| shrImate vAtsyavaradAryamahAgurave namaH ||
|| shrImate shrIvAtsyasundarAryamahAdeshikAya namaH ||
taM dayAnidhidhaureyaM vande sundaravA~Ngamayam |
indireshadayApAtraM sundarAryamahAgurum ||
|| shrImate shrIvAtsyave~NkaTasheShAryamahAdeshikAya namaH ||
shrImadve~NkaTasheShAryamahAdeshikAnugrahAdavichChinnA
\chapter{|| pratibimbalaharI \- ShaShThaM shatakam ||}
pratibimbalaharIvR^ittaM \- shArdUlavikrIDitaM
\section{|| atha ShaShThashatake prathamaM dashakam ||}
etaddashakapratipAdyaguNavisheShaH \- deshikadvAragamyatvaM
          || sa~NgatimaNimAlA ||
            (mAlAvR^ittam)
shaTharipuratha vibhavata upasadanaM
phalati na khalu ; tadiha nayanaviShaye |
bhramarapuramadhi kathayata ! mama dashAM
iti vadati khagakulamiva virahiNI ||
nyastapustakahastaM tat nistulaM hayamastakam |
svastikR^it svasstutaM chetovAstu vastu sadAstu naH ||
nityaM puShpamanoharodadhiparIvAhAmbutIrAgatAH !
pApAyAshcharakAH! susArasagaNAH ! tu~Nge svabhUvyApakaiH |
nIvAraissthitamR^iddhaShaTpadapure vIkShyAttachakraM kare
madbimbAdharanAthama~njalikarAH brUtAnurAgaM mama || 6\.1\.1||
premAkAra \-mR^idu \-priyAsahacharAhAraM charannArada!
\*shyAmAmnAya\-makhottha\-ghoSha\-mukhara\-shrIbhR^i~NgapuryAH patim |
shItAyAH prasamIkShya lokamakhilaM taM bhuktavantaM purA
mannAthaM padayorvinamya karato dAsyAH kR^ite brUta me || 2|| 
(\*\*shyAmAmnAya \- shyAma ! AmnAya ... iti padachChedaH)

sa~NghIbhUya cha sarvato dvijagaNAH ! kedAramadhyecharAH !
pUrNaishvarya\-samR^iddha\-ShaTpadapure shuddhe vasantaM sadA |
bhrAmyachchakramavekShya dakShiNakare bimbAdharaM svAminaM
yUyaM naichyayutAH praNamya vadata premNaiva maddurdashAm || 6\.1\.3||
haMsA! duHkhamR^ite yutAssukhacharAH ! bhavyAshcha bhogAmbudhau
magnAssantatavedaghoShamukhara \-shrIbhR^i~NgapuryAM sthitam |
shItAyAmupakartR^i \- kR^iShNamudadhishrIdehametyAshrita\-
vyAmugdhaM dravati pratIka \- shithilApyeketi vij~nApyatAm || 6\.1\.4||
haMsAH ! premaruShaM prasAdanamapi j~nAtvA priyAbhissamaM
bhu~njAnA nibiDhe sakardamasarittIroptasha~NkhAkule |
bhavyA ! bhR^i~Ngapure sushItatulasIstrak\-shekharaM matprabhuM
dR^iShTvA sA~njalayo mamA.api kuruta stotrANi dAsyAH kR^ite || 6\.1\.5||
punnAgAgranivAsisundarapikAH ! yuShmAn prashasyArthaye
nR^ityadrohitapa~NkabhR^i~Nganagare nityaM vasantaM prabhum |
devAnAM shramahArichakravilasaddhastaM vilokyottaraM
hyekaM mohanivartanochitamupAnIyAnugR^ihNIta mAm || 6\.1\.6||
gatvA brUhi shubhaikametya shuka! me ka~nchit prakAraM shrayan
spardhAvR^iddhasapuShpaniShkuTavR^ite raktAbdhitIre shritam |
shyAmAM bhR^i~Ngapure.aruNAdharakarashrIpAdanetraM vibhoH
chihnAnyAjimukhojjvalaM cha kalayan chakraM sasha~NkhaM sphuTam || 6\.1\.7||
samyagvIkShya mamaikamujjvalatano ! tvaM shArike ! bAlike !
brUhIshaM vakulaishcha vetasaghanaiH punnAgapUgairvR^ite |
shIte bhR^i~Ngapure sushItalamahApadmekShaNaM dIrghasan\-
mauliM pInachaturbhujaM ghanamahAnIlAbdadivyAkR^itim || 6\.1\.8||
hastAbhyAM praNipatya pAdayugale padmAgrasa~nchAriNo
haMsAH! prAtarudArasha~NkhamukharashrIbhR^i~NgapuryAM sthitam |
kR^iShNaM krUramavekShya saMshritajane vyAmugdhamatyadbhutaM
brUtAgre prabalAMhaso mama kR^ite dR^iShTvA viviktAshrayam || 6\.1\.9||
vyAvR^ittA.ahamatIva saurabhabhR^ito bhR^i~NgAlayaH ! prArthaye
dR^iShTvAchChodakabhAja uttarataTe pampAtaTinyAssthite |
shrImadbhR^i~Ngapure sato.asamaraNashrIrAvaNasyAlayaM
dagdhvA bhasma muda~Ngatasya vadatA.astItyekavIrasya mAm || 6\.1\.10||
(tAtparyaratnAvalIshlokaH)
chakritvAt svAmibhAvAt vipadi sakhitayA bimbadR^ishyAdharatvAt
abdhishyAmAtmakAntyA dhR^itatulasitayA nirjarAdhIshabhAvAt |
raktAbhAsyA~NghribhAvAt pR^ithumakuTatayA.a.ashcharyacharyAvisheShaiH
la~NkAdhvaMsAchcha kR^iShNaM shaThajidakathayat deshikadvAragamyam || 6\.1\.11||
(pratibimbalaharIshlokaH)
shampAjit\-kShama\-sUtra\-vAmanavaTorlokAnurUn krAntavat\-
pAdasyottamava~nchakasya kurukA\-shrImat\-shaThadviT\-kR^ite |
aM~Nghryo gItilasatsahasraga iha shrIbhR^i~NgapuryAssphuran\-
mAdhurye dashake svadhItichaturA vidyudvalagnA\-smarAH ||
(iti ShaShThashatake prathamaM dashakam)
\section{|| atha ShaShThashatake dvitIyaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- svayamabhisartR^itvaM
          || sa~NgatimaNimAlA ||
            (mAlAvR^ittam)
sa badhirati ghaTakagiri haririti sA.a\-
likulashukamukhamatha bhavati kupitA |
\ldq{}mama dhR^itirachiti ghaTana\rdq{} iti naTati
praNayakalahavachanamapi paThati sA ||
vidyunmadhyA~NganAnAM dhuri shirasi dhR^itatvaddayAnAM bibhemi
tvatsallApAdike.ahaM shaThacharita! dR^iDhArakShala~NkApratApin ! |
tvatkApaTyaM cha jAne kimiha kapaTatAviShkR^itessidvyatIto
datvA matkrIDanaM kandukamapi sakuberAkShikaM gachCha pUrNa ! || 6\.2\.1||
gachChetaH pUrNa ! te.abjopamanayanayugaM mandahAso.adharaste
chittasya vyAkulatvaM janayati sukR^itAnyAtmahAnerakArShma |
modantAM barhibarhIshvarasadR^isha itatvatkR^ipAH kvANakR^iShTAH
nItvA gAH dUratastannikaTamadhivasan veNumApUraya tvam || 6\.2\.2||
gatvA tatropavishya tvadadhikakapaTAj~nAninInAM vadedR^ik\-
pUrNa! tvadraktadivyAdharaphalanayanaM chAdya nUtnaprabhADhyam |
vaMshottu~NgAtipInasvabhujavilasitAH kA nvidaM shrIkR^ipAyAH
bhAginyo.agAdha\-dIrghAmbudhi\-mathana\-chaNa\-shrIbhujasvAminA.adya || 6\.2\.3||
tvaM bhuktvA saptalokIM vitatavaTadale tatra kAle.ashayiShThAH
jAnantyAshcharyacheShTAstava na hi vibudhAste vayaM ke na vidmaH |
shaktishrIdIrghachakShuryuvativihR^itibhUsaikataM chAbhitassan
gosa~nchAre samartha ! tvadanR^itavachasaivAbhibhUrno.adya mA.abhUt || 6\.2\.4||
mA pUrNa ! tvaM kaTUktyA hyabhibhava kapaTaM te tu bhUssvashcha saMyak
jAnAti sthANuchakradyutijanakanijasvAyudhaikaM vadAmi |
\*te.ahaM vAggadgadatvAjjitamadhuShu dhR^itatvaddayAsvAttattApAs\-
vantarno.avyaktavAgbhirna kuru parichayaM shArikAbhishshukairvA || 6\.2\.5|| 
(\*te.ahaM \- te iti idaM na ShaShThyantam | vibhaktipratirUpakamavyayam |)

kR^itvA no mugdhacheShTAH bhR^itakaravilasatputriko jetR^itAM svAM
matvA kashchinna te.arthaH parichitacharitAstvaddayAnAM kimarhAH |
sundaryassanti bahvyastrijagata uchitA asya devIpadArhAH
pUrNa! tvaM mA vishAsmatsadasi taduchitaM naiva kAryaM tavApi || 6\.2\.6||
yuktaM nAsmatkarasthapratikR^itiharaNaM sAgareNAvR^itAM kShmAM
kukShau nikShipya rakShAkR^idamala ! suguNAnanta ! te.apyena enaH |
marmoktyA narma nastvAcharasi sati tadAkarNane bhrAtaro naH
puNyaM pApaM cha nArhA gaNayitumahani kvApi \*yuddhaM gadAbhiH || 6\.2\.7|| 
(\*daNDai raNassyAt iti pATho mUlAnuguNatarassyAt |)

saMyojyAchetanaishchetanachayamatha tatkarma sA~NkaryahInaM
bhitvA.abhinnaikasa~NkhyArahitapR^ithuyashaHpUrabhAj~nAnamUrte ! |
asmAn sammelya yAmo drutamiti tu vayasyAbhirAkelimAptAH
bAdhitvA chedguNatsi tvamasahanajanAH kinna vakShyantyavadyam || 6\.2\.8||
prItyAntarhR^iddravantIstava kamalavishAlAkShisasnehavIkShA\-
jAlAntaH pAtayan shrIpadahatimR^iditaM te kulIlAgR^ihaM naH |
nAkArShIssatkR^ipAM no vihatimitagR^ihaM pakvamasmanmitAnnaM
vIkShya tvadvaktrakAntissphuraNamabhikiran sasmitaM na sthito.abhUH || 6\.2\.9||
sthAsnuproddIptamaule! nR^ipayavasasamuddhartR^ijaitrochchaparsho !
vArAn viMshatyatItAn tatanikhilajagatsR^iShTavan! pUrvakAle |
adyaitadgopavaMshaM gamayitumakhilaM mokShamudbhUtanIla\-
shrIkAjastraM tvayaivaM kadanamiha vayaM prApnumo gopakanyAH || 6\.2\.10||
(tAtparyaratnAvalIshlokaH)
pUrNatvAdgopanArIjanasulabhatayA loDanAdamburAsheH
nyagrodhAgreshayatvAdarisubhagatayA shrImahIvallabhatvAt |
nirdoShottu~NgabhAvAnniravadhikayashastvAt vashIkAridR^igtvAt
mokShasparshechChayA cha svayamabhisaratItyAha kR^iShNaM shaThAriH ||
(pratibimbalaharIshlokaH)
\*gopyA mAtrA tadA roShitamati navanItasya chauryaprasa~Nge
nAthaM nR^ityadrudantaM prati varakurukAdhIT\-shaThAriprayukte |
\*\*etAn mAlAsahasre dramiDagiri sugItyA dashAdhItya gAthAH
shlAghyA jihvAgratassAdaramapi paThatAM naiva dAridryavArtA || 6\.2\.11|| 
(\* \ldq{}gopyA krodhaM jananyopagatamati tadA gavyachauryaprasa~Nge\rdq{} itirItyA pAThe
yatibha~Ngaprasa~Ngo na syAt ||
\*\* \ldq{}etAn mAlAsahasre dramiDagiri dashAdhItya gAthAssugItyA\rdq{} itirItyA pAThe
yatibha~Ngaprasa~Ngo na syAt ||)
(iti ShaShThashatake dvitIyaM dashakaM )
|| shrImate rAmAnujAya namaH ||
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake tR^itIyaM dashakam ||}
pratibimbalaharIvR^ittaM \-sragdharA 
etaddashakapratipAdyaguNavisheShaH \- aghaTitaghaTakatvaM
          || sa~NgatimaNimAlA ||
            (mAlAvR^ittam)
iti vimukha upagatashuchi bhagavati
gagananagaramadhivasati nijakR^ite |
aghaTitaghaTanamukhavimalasuguNA\-
nubhavajanitamudatha kathayati cha tAn ||
(|| atra muktakashlokaH ekaH ||)
shrImAn kalpakakalpapIvarachaturbAhuH kR^ipArdrekShaNaH
sha~NkhaM chakramudArahastayugale bibhratkirITojjvalaH |
\*syAdUrudvayaso bhavAmbudhiriti svA~NghryAshrayaM bhAvayan
shrImadvyomapurIshvaro vijayate \*\*dattAkhilAbhIpsitaH || 
(\* yadyapi \ldq{}svAdUrudvayaso bhavAbdhiduritAt a~NghrayAshrayaM bhAvayan\rdq{} ityevamprAya eva shrIpitAmaha \-
pAdahastAkSharaklR^iptamAtR^ikAyAM ayaM pAdo dR^ishyate, tathA.api tatra dAsasya anvayAsphuraNAdupari dR^ishyamAnarItyA
mudrApaNamasti kR^itam | dR^iShTvA mahAntaH pramANam ||
\*\* etaddashakapratipAdyadivyakShetre virAjamAnashrImUrtiparo.ayaM muktakashlokaH | etadbhagavadviShaya eva kevalaM
dashakArambhe IdR^ishaH shlokashshrIpitAmahapAdairupakalpitaH | tatra cha nidAnaM teShAM kR^ite eSha, bhagavAn atra varNitarItyA \ldq{}dattAkhilAbhIpsita\rdq{} eva vireje ityetaditi bhAti | yatastadabhIpsitarItyA etat\-kShetraM
samayA kR^itanivAsAnAM kai~NkaryashrIsamR^iddhAnAM vadAnyavariShThAnAM bhAgavatadAsyaikaniShThAnAM shrIve~NkaTAryasvAminAM
(yeShAM jyeShThaputrAH shrImadahobilamaThAsthAne trichatvAriMshattame paTTe mUrdhAbhiShiktA vyalasan)kaniShThAM kumArIM snuShAtvena ghaTitavAnetat\-kShetre virAjamAnaH prabhuH | tatra cha ghaTakatA asmanmAtAmahapAdAnAM arthAt upari varNita shrIve~NkaTAryasvAminAM tathA.asmatpitAmahapAdAnAM cha suhR^idbhUtaiH vishvaprasiddhavidvattallajaiH mahAbhAratabhAva\-prakAshikAdigrantharatnAnAM mudrApaNa\-prakAshanAbhyAM vishvopakAramAcharitavadbhiH dramiDavedaniShNAtaiH shrInavanItaM kR^iShNamAchAryasvAmibhiH avAhi | \ldq{}R^iShINAM punarAdyAnAM vAchamartho.anudhAvati\rdq{} iti rItyA abhIpsitAntaramapi dattavAn pitAmahapAdebhyo.ayaM prabhuH | pUrvaM ka~nchitkAlaM shrIkR^iShNama~Ngala (tirukkaNNama~Ngai)kShetre uShitavantaH shrIpitAmahapAdAH, tatraiva charamaM svaM shrIsharIraM vyuyUShan, yatastatra chitAshAyitAnabhivIkShamANa iva tatkShetravAsino bhagavato bhaktavatsalasya rAjagopuraM bhAsate | paraM tu teShAM charamashrIsharIratyAgaH svasambandhisvAminAM gR^ihe etat \-kShetraM samayA babhUva | etadabhIpsitamekametadeva kimiti nA.adAt
prabhuriti chintayantastatputrA arthAdasmattAtapAdAH yAvadetAn chitAshAyitAn namantashcharamakai~NkaryaM kurvanti sma,
tAvaddarshanamadAt tatra etat\-kShetranivAsibhagavato rAjagopuraM chitAshAyitAnabhivIkShamANaM iva, yataH
shrIkR^iShNama~Ngala (tirukkaNNama~Ngai)kShetra iva asmiMshcha kShetre sanniveshaH | tathA cha tadapyabhIpsitaM tasmai dattavAnayaM prabhuriti tamimaM vR^ittAntaM sAshru sabhakti varNayanti sma bahuvAramasmattAtapAdAH | tathA cha sthAne evaM varNanam, yat \ldq{}dattAkhilAbhIpsita\rdq{} eva ebhya eSha bhagavAn | adhunA asya shatakasya mudraNAya rUpyakANAmayutaM datvA
shrInavanItaM kR^iShNamAchAryasvAminAM pautraiH shrImadbhiH shrIve~NkaTanAthamishraiH kR^iShNAdridharmasthApanadvArA mahAnupakAro.api kR^itaH ||)
dAridryaM chA.api sampat naraka urusukho nAkalokashcha jaitra\-
dveShassneho viShaM chAmR^itamapi cha bhavan naikadhA svaprakAraiH |
vyAptaM matsvAminaM mAM vimukhamabhimukhIkR^itya rakShantamIshaM
kai~NkaryashrIsamR^iddhasvajanaparivR^itavyomapuryAmapashyam || 6\.3\.1||
pratyakShaM lokasaukhyaM parimitamasukhaM svAsthyamasvAsthyamantaH
kopashchAnugrahashchAtapa itasukhadAnAtapashchApi bhUtvA |
durdarshesyeshvarasya svavashamabhimukhIkR^itya mAM rakShataH pUH
shlAghyA pUH svachChabha~NgAvR^itagaganapurI shrIparavyomapuryAH || 6\.3\.2||
puryo deshAshcha bhUtvA janapadanilayA j~nAnamaj~nAnamanyA\-
dR^ikShAntarvyAptatejastama urudharaNI vyomarUpashcha bhUtvA |
bhUbhR^ichChrIbhR^itsuharmyAvR^itagaganapurImAshritasyopakartuH
kIrtiM hitvA.atidIptAM nahi nikhilajanojjIvanArho.abhyupAyaH || 6\.3\.3||
puNyaM pApaM cha saMshleShaNamabhimatavishleShaNaM cheha bhUtvA
smR^ityAtmA vismR^itishchApyakhilavisadR^isho.abhAvabhAvau cha bhUtvA |
dArDhyopetochchaharmyAvR^itagaganapurImAshritasyopakartuH
kR^iShNasyaivAtibhogyAnupamakaruNayedaM tu jAnItha satyam || 6\.3\.4||
kApaTyaM chArjavaM chAsitamapi cha sitaM shlAghyasatyaM tvasatyaM
bAlyaM vArdhakyamitthaM navamapi cha \*purANaM cha bhUtvA praklR^iptaiH |
raktaissAlairdR^iDhaissaMvR^itagaganapurImAshritenopakartrA
pashyantUdyAnamuchchaistrijagadapi mahAdaivatADhyaM praklR^iptam || 6\.3\.5|| 
(\*atra yatibha~NganivAraNAya pAdo.ayameva \ldq{}bhUtvA vArdhakyabAlye navamapi cha tathA.anUtanaM cha praklR^iptaiH\rdq{}
iti vA pAThyaH |)
trailokyaM chApi bhUtvA 1 paramapadamapi prItiraprItirUpaH
lakShmIrbhUtvApyalakShmIH vimala iha bhavan kIrtirUpo.apyakIrtiH |
nityairAdR^itya sevyaM gaganapuramadhiShThAya rantopakartA
pApiShThasyApi me 2 te manasi cha nivasan sUjjvalajjyotireva || 6\.3\.6||
(1\.`trailokyaM chApi bhUtvA.atha tadapadamapi prItiraprItirUpaH\rdq{} iti pAThe paramapadashabdasya arthAntarasphUrtirvAritA bhavet ||
2\. te\rdq{} iti asya AdhArabhUtaM padaM mUle nAsti | pitAmahapAdAnAM mAtR^ikAyAM tu te iti padamasti | \ldq{}me.asmin manasi\rdq{} iti vA pATho.astu |)
bhUtvA nissImatejomayashubhatarasadvigraho heyarUpI
dR^ishyo.adR^ishyashcha tiShThannariShu kR^itavataH kaitavaM svottamA~NgaiH |
dyosadbhirvandyamAnaM gaganapuramupAgamya sarvopakartuH
dArDhyADhyashraiShThyayuk\-shrIpadayugalamR^ite nAsti kasyApyupAyaH || 6\.3\.7||
devAnAM nityarakShAkR^idapi ditibhuvAmugramR^ityushcha bhUtvA
svA~NghrichChAyAmadhassvAshritabhuvanamadhiShThAya nAsthApya chAnyAn |
AshAyA dakShiNasyAshsharaNakhanagaraM prApya rantopakartA
matprApyo matkakR^iShNo mama dR^igapi cha mayA ki~NkarI chopakArI || 6\.3\.8||
matsvAmI me sa bhUtvA mama dayitasakhI matprasUshchopakartA
mattAtassvarNatulyaH sumaNivadupakR^it mauktikAbhopakArI |
prAkAraissvarNadIptaiH vR^itagaganapuraMsaMshritassvopakartA
svA~NghrichChAyAmadAnme svasamavirahitassarvalokopakartA || 6\.3\.9||
ChAyA.aChAyA tathA.aNurmahadapi cha tathA hrasvadIrghe cha bhUtvA
bhrAmyatsthAyyAtmakAnyapi tadadhigataissparshahInashcha doShaiH |
mugdhavyAhArachu~nchubhramaranivasatau vyomapuryAM sthirasya
tyaktvA~NghrI svopakarturnahi vayamitaraikAshrayA lokayadhvam || 6\.3\.10||
(tAtparyaratnAvalIshlokaH)
sampaddAridryabhAvAt asukhasukhakR^iteH pattanagrAmabhAvAt
puNyApuNyAdibhAvAt kapaTaR^ijutayA sarvalokAdibhAvAt |
divyAdivyA~NgavattvAt suraditijagaNasnigdhashatrutvakIrtyA
ChAyA.aChAyAdibhAvAt aghaTitaghaTanaM prAha kR^iShNaM shaThAriH || 6\.3\.11||
(pratibimbalaharIshlokaH)
he! lokAH ! pashyateti trijagati cha tathA pashyati prochchavR^iddha\-
svA~NghridvandvaM khapuryAH patimabhi kurukAshrIshaThArAtinokte |
Aj~nAlakShye sahastre khapuradashakamadhyetumatyantashaktAH
satyaM hyatrAvivAdaM paramapadajuShAM nityapUjyA bhavanti ||
(iti ShaShThashatake tR^itIyaM dashakam)
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake chaturthaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- nikhilajagadAkarShakatvaM
          || sa~NgatimaNimAlA ||
            (mAlAvR^ittam)
svanayanagatavibhavalalitajasukhIH
tadalabharuShita iti sa tadapi dadau |
acharamakaviriva dasharathatanaye
rata ushati nijamudamatha yadupatau ||
rAsakrIDAsu gopIjanakarakalanaM chaikashailoddhR^itissA
durdharShAmbhohradAntaH phaNidamanamapItyevamAdIn anekAn |
vyApArAn sampralalpyoragapatishayanasyAdbhutAn svopakartuH
\*rAtryAM satyAM dine no viratimupagato.ahaM mama nyUnatA kA ? || 6\.4\.1|| 
(\*rAtryAM vA saddine no \- iti pAThe samuchchayArthe \ldq{}vA\rdq{} iti padam |
gAnaM geyena veNormadhuramapi gavAM chAraNaM mInadR^iShTeH
nIlAyAH puShpagandhaprachurakachayujasskandhasaMshleShaNaM cha |
smR^itvetthaM svopakarturbahuvidhacharitAnyadbhutAla~NkR^iterme
kAlo nItassarAgaM drutahR^idayamaho! matsamaH ko nu lokaH ? || 6\.4\.2||
mallAnAM nissamAnAM mathanamapi gavAM chAraNaM dIrghahasta\-
kShmAdhrAkArochchahastikShapaNamapi tathA.anyAni chaivaMvidhAni |
smR^itvA karmANyajasraM dyutiyutavapuShaH sampralapyopakartuH
netuM bhogena kAlaM sucharitamalabhe kA mameto vyathA syAt ? || 6\.3\.3||
bhItiM cholUkhalena vyathayitR^ijananIbandhane va~nchakastrI\-
hatyai stanyasya pAnaM chalashakaTahatau pAdayostADanaM cha |
smR^itvA divyAtmamUrteriti charitamahaM vidrutAtmopakartuH
kAlaM prApto.asmi bhoktuM mama na paramito.apekShitaM ki~nchidasti || 6\.3\.4||
AdR^ityAgatya gADhe janimamaragaNe yAchamAne.andhakAre
mAtaryAshliShya sadyaH pralapanajuShi tadaityaikagoShThapravesham |
vR^iddhiM chAdR^ishyabhAvAt bahukapaTakR^itiM kaMsahatyA idAnIM
bhAgyaM prApto.asmi sarvaM pralapitumiha me kiM nu vaikalyamasti ? || 6\.4\.5||
yuddhAyodyat\-bakAsyoddalanamapi kakudmat\-vR^iShonmardanaM chA\-
pyuchchaishshAkhAptakundakShapaNamapi parANyevamAdIni tAni |
vikrAntasphItabhUmermadupakR^itikR^itashchAdbhutAnyadbhutasyA\-
horAtraM stotumAptosmyahamiha mama kiM chetaso duHkhamasti ? || 6\.4\.6||
chetoduHkhena sAkaM svayamatimalavanmartyajAtau janitvA
svAbhIShTaM dehametya svahR^idi kR^itaruShaM svena saMhR^itya, mUrdhni |
sukShetrodyattulasyAH strajamurasi sadA bibhratassvopakartuH
svAshcharyANAM smaraddhR^idvahata iha samaH ko mamAnantabhUmau ? || 6\.4\.7||
pUrNAn kR^itvA mahAjIn viyati vipulayA vismite bANabAhA \-
sAhasrachChedanAdIni aparabahuvidhAni IdR^ishAnyadbhutAni |
bhikShUbhUyAttabhUmeH madupakR^itikarasyAdbhutasyAvagantuM
shaktaM chittaM prapanno.asmyahaha ! paramitaH ko.asti me kShobhaleshaH ? || 6\.4\.8||
kShubdheShvambhodhiShUchchaiH giriShu cha bhuvaneShveShu saptasvatItya
prApayya syandanenAkhilamapi gamanAshcharyamukhyairanekaiH |
hastau savyApasavyau aridarabharitau bibhrataM nIlakAntiM
jihvAM dakShAM vidhAtuM vivashamupayato.astyatra bhUmau samaM kim || 6\.4\.9||
hartuM bhAraM mahAntaM bhuvi kamapi mahAbhAratAjiM vidhAyA\-
shcharyANi pradarshyApyakhilanR^ipachamUsa~NkShayaM chAnuchintya |
gatvA.a.akAshe parasmin svapadamupagatasyojjvalajyotiSho.a~NghrI
prApyAhaM sheShavR^ittI rachayitumabhavaM nAyakaH ko mamAnyaH ? || 6\.4\.10||
(tAtparyaratnAvalIshlokaH)
rAsakrIDAdikR^ityaiH vividhamuralikAvAdanairmallabha~NgaiH
gopIbandhArhabhAvAt vrajajananamukhaiH kaMsadaityAdibha~NgaiH |
prAdurbhAvaiH nihIneShvasurabhujavanachChedamukhyaiH charitraiH
AkarShet sarvachittaM haririti kathayAmAsa kArerapatyam || 6\.4\.11||
(pratibimbalaharIshlokaH)
sarvasyAssaptalokyAH prabhurapi nikhilAM saptalokIM nijAsye
yo.antaH kR^itvA nigIryodgirati tadakhilIbhUya tadbhinnarUpaH |
tasyA~NghryoH keshavasya dvayamadhi kurukArAT \- shaThAripraNIte
tvetat shuddhe sahastre dashakamadhigatAshshuddhabhaktA bhavanti ||
(iti ShaShThashatake chaturthaM dashakam)
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake pa~nchamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- vijanavighaTakatvaM
          || sa~NgatimaNimAlA ||
\ldq{}anubhava iha manasi na purata\rdq{} iti
shuchamabhajata muniratha va virahiNI |
\ldq{}shucha uparatirapi katha\rdq{}miti jananI\-
vachasi ratimushati vishadamatha sakhI ||
nirdoShaistulavillima~NgalapurIM ratnAlayairunnatAM
enAM yUyamito natAM tyajata vo nA.a.ashA.atra vo mAtaraH ! |
\ldq{}saumyashshubhradarassudarshana\rdq{} iti \ldq{}svabjAyate lochane\rdq{}
ityAhotpaladR^ik srutAsramadhihR^it sandahyamAnA shanaiH || 6\.5\.1||
nItvainAM tulavillima~NgalamitadhvAnaM pravishyotsavod\-
ghuShTaM svAdusudhAgiraM vyaghaTayan svatvAt bhavatyo.aspR^iham |
stabdhAyAssamameva tiShThati; na chet sA \ldq{}devadevopakR^it\rdq{}
chetyoShThassphuraNaM sphuTAshrunayanaM sannA.anyatantrA drutA || 6\.5\.2||
nItvainAM tulavillima~NgalamupAnIlAgashItApsthalaM
shrAvyasvAdugiraM praveshya vijahuH svatvAt bhavatyaH ! spR^ihAm |
sormyabdhau shayanaM, dishAvR^itadharAmutplutya mAnaM padA,
gosa~nchAraNamapyudIrya vipulAkShNostiShThate sAshrukA || 6\.5\.3||
dR^iShTe shrItulavillima~Ngala adhiShThAne chaturvedinAM
ki~nchinnaiti vidheyatAmayati cha svAtantryamambAjanAH ! |
svAbhyastAkhilavAgbhi \ldq{}rasmadupakR^itkR^iShNo.asitAbdhidyudi'\-
tyuktyA shrIshramamuk prahR^iShTahR^idayA.a.anandAntarA.abhidrutA || 6\.5\.4||
kAntyAsyAM tulavillima~Ngalamito mugdhAM praveshya drutAM
bhUShAyuk\-dyuti\-raktapadmanayanoddhUtiM yadA darshayan |
mohaM prApya tadAdi vR^iShTisadR^ishasvAsreyamantarbhavat\-
tachchintAdR^iDhadR^ik cha tAM prati dishaM dhatte.a~njaliM mAtaraH || 6\.5\.5||
raktAbjarddhiyuk IkShyamANa\-nikhilopAntekShu\-nIvAravat
shItashrItulavillima~NgalapuraM shrItAmraparNyuttaram |
dR^iShTveyaM tvatha tAmR^ite dishamito nAnyekShaNA pratyahaM
vAchyaM vAchakamapyaho ! maNiruchernAmaiva he ! mAtaraH!|| 6\.5\.6||
ambAH ! sundarabarhiNI shishumR^igI hyasmAnatikramya no
shushrUShuH tulavillima~NgalagiraM hitvA.anyadeShA vachaH |
bhAgyaM kiM nu purA kR^itaM ? jaladhara shrIchitrashaktirnu ? tat\-
shrIchihnAnyabhidhAshcha shikShitatarAH asyA mukhasthA aho ! || 6\.5\.7||
shikShAyuk\-shruti\-yAga\-padmanilayA\-tadvAsajAdvaibhavAt
\*R^iddhashrItulavillima~NgalamudIchyaM tAmraparNyAshshubham |
AnIlAyatadR^ik yadA.a~njalikarA.anaMsIt tadAdyaya chA\-
shvAsya svAmaravindalochanagiraivAste.avasannA drutam || 6\.5\.8|| 
(\*`R^iddhashrItulavillima~NgalapuraM shrItAmraparNyuttaram | \rdq{} iti pAThe
yatibha~Ngagandho na syAt ||
nityaM vidrutahR^it sravatsu cha vilapyA.asreShu dR^iShTyoriyaM
kAruNyaM dadhatI nageShvapi \ldq{}maNishrIke !\rdq{}ti chA.akrandati |
\ldq{}AvAsaH tulavillima~NgalapurI\rdq{} tyuktvA \ldq{}.ashvavAgdAriNaH\rdq{}
baddhvA svIyakarau namatyatha yadA tat \-kShetra \-nAmA.adhyagAt || 6\.5\.9||
nIlA kiM ? kShitidevikA kimathavA ? shrIreva vA.avAtarat ?
kiM vA.a.ashcharyamiyaM sadA \ldq{}.a.ashritamahAmohe !\rdq{}ti chA.a.akrandati |
etya prAk tulavillima~Ngalamatha sthitvA cha tenA.a.asthitaM
mUrdhnA sampraNamatyadaH purashubhA.abhikhyAsu chintA shrutau || 6\.5\.10||
(tAtparyaratnAvalIshlokaH)
sha~NkhAchchakrAditashcha tridashasuratayA sindhushAyitvabhUmnA
tadvachchodArabhAvAt aruNasarasijAkShatvachihnena devaH |
devIbhissevyabhAvAt atisulabhatayA sveShvatisnigdhabhAvAt
bandhubhyaH svAn murAriH vighaTayati haThAdityavochat shaThAriH || 6\.5\.11||
(pratibimbalaharIshlokaH)
vAchA.atha kriyayA dhiyA cha sakalaiH taM devadevaM pitA
mAteti\-shritavat\-suramya\-kurukAsadrAT\-shaThadviT\-kR^ite |
pratre shrItulavillima~NgalapurIlakShyaM sahastre 1 ratAH
gAtuM sat\-draviDa\-dvipa~nchakamidaM dAsye 2 ratAH shrIpateH ||
(1\. \ldq{}kShamAH\rdq{} iti pAThastu mUlAnuguNataraH syAt |
uttarapAde.api 2ratAH iti shabdaH shrUyate | tato vyAvR^ittirapi labhyeta |)
(iti ShaShThashatake pa~nchamaM dashakam)
shrImadve~NkaTasheShAryamahAdeshikAnugrahAdavichChinnA ||
\section{|| atha ShaShThashatake ShaShThaM dashakam ||}
pratibimbalaharIvR^ittaM \- upajAtivR^ittaM 
etaddashakapratipAdyaguNavisheShaH \- svasmin saktAnAM chAturyAdiharatvaM
          || sa~NgatimaNimAlA ||
            (mAlAvR^ittam)
duhituratha niravadhikashuchi jananI
svayamapi vadati samashugatha cha dashAm |
praNayaparavashakamitR^iguNagaNasaM\-
smaraNagalitavalayadhR^itimatimukhaiH ||
vyAmugdha\-bhU\-mAtR^ika\-nAyakAya nIlAbha\-meghopama\-nItibhAje |
ramyAruNAmbhojadR^ishe madhuchyut\-puShpAlakA me valayAnyahAsIt || 6\.6\.1||
sasha~Nkha\-chApA\-.asi\-gadA.ari\-hasta\-bimbAdharA\-.abjA\-.aruNa\-vIkShaNAya |
puShpan\-madhu\-shrItulasIka\-mUrdhne ramyA jahau me tanayA.atmakAntim || 6\.6\.2||
shyAmashriye vistR^italokabhukti\-padAdharAyA.alpaka\-va~nchakAya |
mama bhramat\-chakra\-karAya dIrgha\-sAndrA\*tma\-keshI prajahau mahattvam || 6\.6\.3|| 
(\* \ldq{}lakeyaM vijahau mahattvam\rdq{} iti pAThyaM iti kechat |)

mahattvayuk\-padmaja\-sR^iShTikartre vikrAntalokAya cha nAyakAya |
pUrNAya dUtAya sabhU\-nR^ipANAM bR^ihannitambA prajahau svabhAvam || 6\.6\.4||
yathArthavedAn sR^ijate parasmai mR^itsnAmaya\-kShmoddhR^itikR^it\-kiTIshe |
svachChAmbu\-shayyAya suropakartre mannetrahR^it\-srak prajahau subuddhim || 6\.6\.5||
kalpadru\-jit\-sad\-bahu\-bAhu\-bhAje svarNAdri\-tulyojjvala\-maulaye me |
svabjaugha\-sUnopama\-hasta\-bhUmne.adAnme dhanurbhrUlatikA sharIram || 6\.6\.6||
nijArha\-nAnA\-.a.abharaNAnvitAya phaNIsha\-shayyA\-shayitAya pANau |
pAde cha raktAya mamopakartre kR^iShNAya putrI vijahau svashobhAm || 6\.6\.7||
vIrAya pAtaM prati bhagna\-kunda\-vR^ikShAya mAyA\-shakaTa\-chChide me |
patyai pishAchI\-stana\-pAya\-hatyai sugandhi\-kaishyA.adita sundaratvam || 6\.6\.8||
mat\-sundarA~NgAnR^iju\-vAmanAya tu~NgojjvalAdrIDaruNA~NgabhAya |
kAkutstha\-pUrNottama\-janmano me bhUShApta\-sustanyaditA.abhirUpyam || 6\.6\.9||
sudIrghamaulau tulasIdharAya chitrAya mallAjida\-bAhave me |
nAthAya nAnAcharamUrti\-mAyA\-bhR^ite jahau j~nAnavatIha sarvam || 6\.6\.10||
(tAtparyaratnAvalIshlokaH)
pAramyAdyaishcha pa~nchAyudhavihR^itimukhaiH brahmaNassraShTR^ibhAvAt
devAnAM svAmibhAvAdapi subhagatayA.ala~NkR^iteH kundabha~NgAt |
prAdurbhAvaishcha sarvAntaranilayatayA.ahammamatve.atidhairyaM
chAturyAdIni nR^iNAmapaharati harishchetyabhANIt shaThAriH ||
(pratibimbalaharI shlokaH)
pUrNojjvalAraNya\-suve~NkaTesha\-pUrNojjvalat shrIkurukeT\-shaThAreH |
pUrNojjavaledandashake sahasre \*pUrNojjvalatsUrisukhAptishaktAH || 
(\* \ldq{}shaktAstu pUrNojjavalasUrisaukhyAH\rdq{}|| iti pAThAntaramapi mAtR^ikAyAmasti |)

(iti ShaShThashatake ShaShThaM dashakam)
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake saptamaM dashakam ||}
pratibimbalaharIvR^ittaM \- sragdharAvR^ittaM 
etaddashakapratipAdyaguNavisheShaH \- svasmin saktAnAM dhR^ityAdInAM nidAnatvaM
          || sa~NgatimaNimAlA ||
            (mAlAvR^ittam)
vyalapaditi chiramatha vadati hatamatiH
avagataparihR^itanijagR^ihatanayA |
madhurakavinagaramatha samupagatA
kimuta bhavati janavachanamiti sabhIH ||
bhojyAnnaM peyatoyaM nikhilamapi tathA charvyatAmbUlametat
kR^iShNo.asmannAtha evetyadhinayanayugaM chyotadashrupravAham |
bhUmadhye tatpuraM tadguNagaNamahitaM pAnthalokeShu pR^iShTvA
\*shrI \ldq{}kolUr\rdq{} grAmameva pravishati nagaraM mugdhamR^igyA ! dhruvaM me || 6\.7\.1|| 
(\*shrImatpitAmahahastalikhitamAtR^ikAyAM evameva dR^ishyate | parantu
\ldq{}shrIkolUrAkhyameva pravishati nagaraM mugdhamR^igyA ! dhruvaM me || \rdq{} iti pATha
upapanna iti bhAti || mugdhamR^igyA dhruvaM ityatra mugdhamR^igI, AH, dhruvaM iti
padachChedaH |)
grAmA deshAshcha lokAH pralapitumakhilAnyAtmavattasya nAma
srakchihnAnyeva hitvA tR^iNavadapi nijAM dustyajAM strItvapUrtim |
shrIkollUrdivyadeshaM mama kaThinahR^idaH shlAghyakedArasampat\-
pUrNaM vallI praviShTA vadata punarihA.a.ayAti he shArikAH ! kiM ? || 6\.7\.2||
lIlArthAshshArikA vA haritashukatatiH kantukaM dUtabhANDaM
puShpANAM peTikA vA nikhilamapi gaNaM shrIpatereva nAmnAm |
hR^iShyatyAkrushya kollUrnagaramupagatA putrikA me.atishIta\-
kShetraM kiM vA.adya kuryAt chaladadharaphalA varShadhArAbhadR^iShTiH || 6\.7\.3||
unmaryAdeti kiM vA kimu guNamahatI veti vakShyanti vadhvaH
jalpAkAH prAntapauryo.apyahaha ! shishumR^igI gantumeva pravR^ittA |
mandaM mandaM sabha~NgaM mR^idulamatitarAM madhyamAbibhratIyaM
sampannAyAssamR^id.hdhyA tadadhishayitabhUdivyakolUrnagaryAH || 6\.7\.4||
prAptA tatprAptichintAM matishithilatarA dhvastalIlArasetaH
gatvA madvAladevI svajalajanilayeT\-vAsakolUrnagaryAm |
puShpodyAnAni padmAkaratatimapi taddhAma cha prekShya hR^iShTA
shItIbhUtAntara~NgA hyatikathanapathaM tvadya hR^iShyatyatIva || 6\.7\.5||
hitvA me svopayogaM mama shishuhariNI dUrageto.adya gatvA.a\-
gastyA.a.ashA \-phAla\-bhUShAyita\-shubhaguNavaddivyakolUrnagaryAH |
prApya svashrIpati shrInayanamapi tathA raktabimbAdhara~nchA\-
vekShyA.ashrUdgAri\-dIrghasvadR^igatishithilA mandamandA bhavitrI || 6\.7\.6||
bAShpA.a.apUrNAkShiyugmA bhagavati cha mahAmohayuktAtmachittA
rAtryAM shlAghye dine chAshritakR^itasumahAmoha ! he ! ityudIrya |
gatvetassampadR^iddhAM tadadhishayanabhUdivyakolUr\-nagaryAM
gachChantI namranamrA kathamiva shithilA~NgI pravekShyatyatIva || 6\.7\.7||
khinne sUkShme valagne kR^itakarayugalA khinnakhinnA.atinamrA
shokArdrIbhUtachittA sR^itanayanajalA kinnu shaknoti gantuM ? |
klAntashrIkAnta\-padmApati\-nivasati\-bhU\-divya\-kolUrnagaryAM
premArdrIbhUtahR^inmattyajanaparamanAH me.abhirUpA kumArI || 6\.7\.8||
dR^iShTeShvartheShu ramyeShviyamadhikataraM teShu teShvArdrahR^inme
kR^iShNasyaiveti chAste tR^iNamiva nikhilaM chA.atra santyajya gatvA |
rathyAstheShu praghuShyatsvadhikamapavachaH prochya kolUrnagaryAM
sUkShmasvAtmArhabhUShA nahi gaNitavatI ki~nchidasmAn gataiva || 6\.7\.9||
smartuM shakShye na devAH ! pR^ithudR^igiyamito.abhyetya bAlA kura~NgI
sheShitvaM sarvalokeShvapi dadhatamuShassthAravindAyatAkSham |
nechChantI tyaktumeva kShaNamapi tadadhiShThAnakolUrnagaryAM
dhikkR^ityaivApavAdaM vitatamapi kule gantumeva pravR^ittA || 6\.7\.10||
(tAtparyaratnAvalIshlokaH)
pAramyAt bhavyabhAvAt sragabhihitimukhaiH shrIshataishvaryabhUmnA
snehitvAdAbhirUpyAt shritaparavashatAsarvalokeshatAdyaiH |
dhR^ityAderAdihetuM muramathanamatha vyAharat saMshritAnAM
vedAnAgastyabhAShAvapuSha udadharat shreyase dehinAM yaH || 6\.7\.11||
(pratibimbalaharIshlokaH)
nikShiptaM taM mahAntaM nidhimiva madhuhantAramAkrushya ma~njaryut\-
phullodyat\-sumashrI\-vanavR^ita\-kurukAdhIT shaThAri\-praNIte |
etat gAthAsahastre dashakamiha tadAvAsyakolUr\-nagaryAM
chittaM kR^itvA paThanto jvalati vibhupadaM yAnti vaikuNThaloke ||
(iti ShaShThashatake saptamaM dashakam)
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake aShTamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH\- ghaTakavashakR^itavibhUtiyugmatvaM
          || sa~NgatimaNimAlA ||
            (mAlAvR^ittam)
upavanamadhi madhurakavipurapathe
priyavirahashugupagatadharaNitalA |
khagakulamatha nijadayitaparisare
kathayati kathayata ! mama karuNamiti ||
he! sadbhavyaguNAH! gaNAssugarutAM samprArthaye pApinI
pUrvaM sR^iShTavato.akhilaM jagadidaM kR^iShNasya meghashriyaH |
matshobhAdiguNApahAryupakR^ito vij~nApya me durdashAM
lokaM taM spR^ihaNIyamapyakhilamapyaNDaM svayaM bhu~njatha || 6\.8\.1||
archyaktA~njanadIrghanetrasudR^ishAM hastasthitA me puraH
kShIreNAjyasamAplutaM madhuramapyannaM sadA bhu~njatha |
vIkShya bhrAntasudarshanojjvalakaraM bimbAdharaM svAminaM
vij~nApyeha mamAnurAgamR^ijumAgatyeha shIghraM shukAH ! || 6\.8\.2||
shliShTAH ! bhR^i~NgagaNAH ! kurukShitiyuje rAT\-pa~nchakAyonnaTat\-
rathyAtyuchcharathasthiterupakR^itaH kR^itvA chamUM bhasmasAt |
bhUShAshItatulasyupAttamadhumat\-svAsyairjavAdetya mAM
matkaishyopari kAntakAntikusumaM sphItaM ruvItAdarAt || 6\.8\.3||
he ! bhR^i~NgA ! mama yUthikAsu niratAH puShpeShu pAtuM rasaM
yAtAshchedanR^itaM vidhAya mayi mAM vishliShya pApAM gatam |
dR^iShTvA shItamadhupravAhitulasImauliM sureshaM tu naH
yogyaiShA hi vidheti shuddhamadhuvAk\-toSheNa vAchyaM hi vaH || 6\.8\.4||
vAchyaM vachmyahametadatra bhavatAM madvardhitA he ! shukAH !
sa~nchAryaitya khagaM kharAkShamiha me hartuM hR^idassAMhasaH |
raktAkShaM shitimeghakAntimadhare raktaM mahAkalpakaM
yatra kvA.api gatAssamIkShya vadata svArhA vidhaiShA tviti || 6\.8\.5||
madbhogyojjvalayaj~nasUtrasadurAH matshyAmaleT mAmakaH
kR^iShNassvochchapadasthashItatulasIM dadyAdR^ite.anyatra naH |
abhyasyantviti shikShayaiva bhavatIruktvoktamuktvA sukhaM
gachChantvatra mayograpApadharayA saMvardhitAshshArikAH !|| 6\.8\.6||
he ! lIlApratimAH ! umAsumarucheH shrIpuNDarIkopama\-
svakShasyAkhilachetanAchita ime bhUtvA.adbhutaM tiShThataH |
mat\-chakrIshiturastakeshikaThinAsyasyApi hanturmadhoH
madvArtAM vinivedya shakrutha mamA.akaM hartumuchchAMhasaH || 6\.8\.7||
nirdoShachChada ! shuddhasArasapate ! vishleShametyedR^ishI
pApiShThA.ahamanekakalpanichayaM shochAmi kR^itvA dayAm |
brUhyekatra dine.amalAsitaruchishrIkaishyasUrIshvaraM
dR^iShTvA.astAghamR^ite na bhavantamaparatraikA.atra nAvekShate || 6\.8\.8||
taM hitvaikasurakShakAntaravinAbhUtA.atipApinyahaM
pAthovIchicharAssamAhR^itanijAhArA! bR^ihannAradAH ! |
kR^iShNaM nailyasamuchchayo~nchajaladAbhaM vIkShya sUrIshvaraM
pratyuktIH pratigR^ihya chaitya sadayaM sthitvA vadantvanvaham || 6\.8\.9||
apyanye bhavadIyabhavyadayitA yUyaM sametya sthitAH
vichChedaM tu vinA vihArarasikA ! haMsyassadA.abjopari |
mAM lakShmIgR^ihavakShaso mama gatA tvetAmavasthAmimAM
pashyetyekavacha \*rahasyudIrya vadata pravyAhR^itAstadgiraH || 6\.8\.10|| 
(\* \ldq{}nibodhya rahasi pratyuttaraM brUta me\rdq{}|| iti cha pAThAntaram ||)

(tAtparyaratnAvalIshlokaH)
lokasraShTR^itvashaktyA.a.ayudhasubhagatayA jiShNusArathyayogAt
sragbhrADdeveshabhAvAt garuDarathatayA svAshrite pakShapAtAt |
kAntyA sAmrAjyayogAt avataraNadashAspaShTapAramyatashcha
svIyAyattasvabhUtidvayamatha kathayAmAsa devaM shaThAriH || 6\.8\.11||
(pratibimbalaharI shlokaH)
sampAdya svavachAMsi sAdhu madhubhidsvAmya~Nghripadmopari
prAptodgandhisumATavIDyakurukArAjatshaThadviTkR^ite |
AvirbhUtasahasrake dashakamapyadhyetumekaM tvidaM
shaktAH prasravaNasthasUkShmasikatAtulyaM dravantyambuvat ||
(iti ShaShThashatake aShTamaM dashakaM )
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake navamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- vaighaTyasyAnarhatvaM
          || sa~NgatimaNimAlA ||
            (mAlAvR^ittam)
iti khagakulamadhi nijashuchamakhilAM
kathayati vilapati vibhuravada\ldq{}daham |
samamatha kimashucha ?\rdq{} iti \ldq{}tava suShamA
na pura\rdq{} iti rudati parapadagarave ||
Apo bhUranalo.anilashcha sumahA.a.akAshashcha bhUtvA shriyA
sampUrNe api tejasI shivachaturvaktrau cha bhUtvA sthitam |
taikShNyApUrNasudarshana~ncha dhavalaM sha~Nkha~ncha dhR^itvA mahA\-
pApasyaihi puro mamaikadivase tuShTye vibhUtyordvayoH || 6\.9\.1||
AttAshcharya! mudo dvayorapi vibhUtyorvAmanIbhUya saM\-
darshyAtmIyabalaM vashIkR^itadharitryAkAsha! nAthA.adbhuta! |
vIkShya tvAmabhigamya nartitumahaM prItyA samIpaM dina\-
ekasmin samupetya sa~ncharatu bho ! bhUlokamadhye bhavAn || 6\.9\.2||
bhUmadhye vicharan shayAna upavishyA.api sthitaH kutrachit
nAnA.anekadineShu cha pratiyugaM jIvAtmarakShAkaram |
tvAmaprApya mahotisundaramahAlakShmyA saheto.apyahaM
dAso.anekabahuprakAradivaseShvArtiM gamiShyAmi kiM ? || 6\.9\.3||
shaithilyAdapi bha~Ngatashcha shakaTAmartyadviSho vakShasaH
dvedhA prApya vidAraNaM vinashituM shrImatpadapreraka ! |
svAmin! jR^imbhitadhAtR^irudrasurarATdevairvR^itassevakaiH
loke bhAtyadhikhaM dine kvachana vA sevArthamAgachCha me || 6\.9\.4||
saukhyAsIna ! pare pade phaNigirau tiShThan ! shayAnAmbudhau
bhUpR^iShThe vicharan ! adR^ishyamahimA.apyeteShu nityaM vasan ! |
sa~NkhyAtItabahirbhavANDavasate ! me.antarbahirvyApya cha
svAtmAnaM sthita ! me.apradarshya paramaM rUpaM kimantarhitaH ? || 6\.9\.5||
ekaM pAdamudasya vistR^itamadhastatsthAkhilAbdhikShamAM
Akramyaikapadena lokamakhilaM vikramya vikrAntavan ! |
tvAmAshcharya! didR^ikShureShu divaseShvAptaprayAso bahu\-
ShvevaM kimbhuvi sa~ncharAmyanalasaMsarge madhUchChiShTavat ? || 6\.9\.6||
loke sa~ncharamANakarmagatikR^it bhUtvA cha lokastathA
lokaikAtmatayA vyavasthita ! bahishchANDAdasa~NkhyatvataH |
saMvR^iddhAstu disho dasha svamatibhirvyApyasthitArUpakA\-
.asa~NkhyAj~nAnavivardhitasya mama hA ! hantAnukampAM kuru || 6\.9\.7||
mahyaM j~nAnavinAkR^itAya viduShAmAtman! dayethA mahan !
dAsasyA.apyatidUra! me surabhitajyotissphuradvigraha ! |
kR^itvA ka~nchidupAyamaj~namaparasyaikasya bAhyeShu mAM
kR^itveto.apyati bAdhase nu ? hR^idaye dAsasya me vyAkule || 6\.9\.8||
mugdhe chetasi pa~nchakartR^ikamahAbAdhaM sukhaM laukikaM
nAnA.alpaM khalu mAM pradarshya jaladhiM kiM kleshayasyaMhasAM ? |
AkramyAvanimAtmasAtkR^itavatoH vistArapAdAbjayoH
prAptyai sannihito na hA! kathamito.apyAhvAnakAlastava ? || 6\.9\.9||
hrasvatvena vinAkR^ite virahite dairghyeNa chAnAshake
kalpeShvasya bahuShvasa~NkuchadanullAse tvanante sukhe |
prApte.apyadbhuta! painaruktyarahitasyApi tvadaikAntyato
dAsasya kShaNikasya hanta ! sadR^ishaM kiM syAdvichAre kR^ite ? || 6\.9\.10||
(tAtparyaratnAvalIshlokaH)
sarvAtmatvAt jagatyAH kramaNata uta saMrakShaNAdviShTapAnAM
shatrudhvaMsAt paratvAdyabhimatadashayA pa~nchadhA.avasthitatvAt |
nirvAhAdaNDakoTyA budhadayitatayA sarvashIrShya~NghridAnAt
mokShechChotpAdakatvAt harimatha shaThajidvaktyanarhadviyogam || 6\.9\.11||
(pratibimbalaharIshlokaH)
\*shrutvA matvA vichintyA.api vashayitumashakyasya mAmohabhAjo\-
\-.ananyArhaddAsadAsapravaNashaThajitA tattvavij~nAnamatyai |
prokte.asminnadvitIye dashakamidamatiprauDhagAthAsahastre
kuryAttasyaikadAsaM jagadidamakhilaM bhuktavatsvAmipArshve || 11|| 
(\*asmin dashake pUrvaM gatA shlokA dashA.api shArdUlavikrIDitavR^itte vartante |
ayamekAdashastAvat sragdharAvR^itte iti vailakShaNyamidamasahamAnAnAM kR^ite
pitAmahapAdAnugraheNa dAsajanaH shlokamimamapi shArdUlavikrIDitavR^itte.arachayat |
tasya pAThaH\-
dhyAnenA.a.amananena vA shravaNato durj~nAna(rj~neya)lakShmIrateH
dAsaddAsyavatAM tu dAsyaratinA prokte shaThadveShiNA |
spaShTIkR^itya sahasra evamatule pa~NktisstviyaM syAdalaM
lokaM bhuktavataH prabhossamuchitAn kartuM priyAn ki~NkarAn ||
dR^iShTvemaM tAdR^ishAH tR^ipyantu ||)
(iti ShaShThashatake navamaM dashakam)
shrImadve~NkaTasheShAryamahAdeshikAnugrahAdavichChinnA
\section{|| atha ShaShThashatake dashamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH\- prapadanasulabhatvaM
          || sa~NgatimaNimAlA ||
            (mAlAvR^ittam)
api cha vilapana uru dadati na phalaM
prapadanamiha sudR^iDhamamitaphaladam |
iti nijamanasi dadhadurasikR^itamaM
vrajati vR^iShagirinilayamatha sharaNam ||
lokagrAsivishAlavaktra ! yashasA.anantena yukteshvara !
sthAyyAbhAvR^itadivyarUpa ! \*varapUrNa ! prANa ! dAsasya me |
lokAnAM tilakAyite sati vasan ! shrIve~NkaTAsmatprabho !
dAso.ahaM kulatashchirAttavapadaprAptyA upAyaM vada || 6\.10\.1|| 
(\* \ldq{}mahitashrIH ! prANa ! dAsasya me\rdq{} iti pATho yatibha~NgadavIyAn syAt |)

kR^itvA krUrabaliShThasarvaditijAn khaNDAni bhasma kShitiM
sUrIshA.atiruShA kShipat\-jvalanamuk\-shrIchakradakShA~Ngaka! |
pa~NkA.a.apUrNasaro.ambujAgnivilasat \- shrIve~NkaTAdristhite !
dAsasyA.asya tavA~NghrimAptumadhikapremNaH prakAraM vada || 6\.10\.2||
sUrIsha! svanisargasatkR^ipamanohR^inmeghavarNAdbhutA\-
kArAtmesha ! manaH pravishya mahatAmAsvAdyadivyAmR^ita ! |
sat\-svachChotsagahemamauktikamaNi shrIve~NkaTAdristhite !
svAmin ! tvachcharaNAptaye kuru kR^ipAM hA ! heti dAsasya me || 6\.10\.3||
hA! hetyuktimR^ite jagadvyathayatAM kR^itvA.asurANAmasUn
vedhyAn vahnimukheShuvarShadadhanuShkashrImahAshrIpate ! |
devA ! .amartya\-muni\-vrajAdarapada\-shrI\-ve~NkaTAdri\-sthite !
puShpApUrNa\-bhavatpadAptikaraNaM meM.ahonidheH kalpaya || 6\.10\.4||
AshliShTasthitasaptasAlatarubhit\-chApaikavIraikadA
hAshliShTasthitayordvayoshcha gatavan! madhye.agayoH kAraNa ! |
dArDhyApUrNapayodatulyagajavat\-shrIve~NkaTAdristhite !
dArDhyApUrNasushAr~NgiNastava pade dAsaH kadA vA.a.apnuyAM ? || 6\.10\.5||
ki~NkAlA ? vayamIkShituM mitadharaM pAdAmbujadvandvami
tyevA.ajasramupetya sUribhiritaiH prahvaisstavaissa~NghashaH |
kAyenA.api girA hR^idopacharita shrIve~NkaTAdristhite !
satyenaitya padAbjayostava kadA dAsasya me saMshrayaH ? || 6\.10\.6||
sUrIshAdarato.anubhAvya ! mama he ! dAsasya divyAmR^ita !
svAmin ! dAvasamAghahauShadha ! para ! shrIve~NkaTastheshvara ! |
ketau klR^iptanijAritApigaruDa ! shrIpakvabimbAdhara !
tvatpAdaM shrayituM vinA vratamapi truTyapyahaM notsahe || 6\.10\.7||
dR^iShTuM tvachcharaNaM vinA vratamapi sthAtuM kathaM votsahe ?
itthaM sUkShmamatIshvarAsitagalApUrNAbjajendrAdibhiH |
mInAkShIsahitaiH parairdrutavR^itashrIve~NkaTAdristhite !
mAM vyAmohya tathaitavAniva kR^ite dAsasya chAyAhi me || 6\.10\.8||
AgachChanniva nA.a.agata ! svaparayordUrasthavachchAgata !
raktAbjAkSha ! phalAruNAdhara ! chaturbAhA.amR^ita ! prANa ! me |
chintAratnaruchA dinIkR^itanishashrIve~NkaTAdristhite !
hantA.ahaM tava pAdamIShadapi vA dAso na hAtuM kShame || 6\.10\.9||
hAtuM neShadapi kShame tviti sarojasthashriyA\* vIkShita\-
svoro ! nistulasadguNa ! trijagatAmIshAna ! matpAlaka !|
nistulya\-tridasharShisa~Nga\-mahita\-shrI\-ve~NkaTAdristhite !
dAso.ananyagatistvadIyapadayormUle paraM susthiraH || 6\.10\.10|| 
(\*shrIpitAmahapAdAnAM mAtR^ikAyAM \ldq{}shriyA vIkShita\rdq{}\- ityeva likhitamasti |
parantu \ldq{}shriyA.adhyAsita\-\rdq{} iti pATho yuktassyAditi bhAti |)
(tAtparyaratnAvalIshlokau)
ApatsaMrakShaNAdaryupakaraNatayA meghasAmyAdibhUmnA
svAnAM vishvAsadAnAt suragaNabhajanAt divyadeshopasattyA |
prApyAprApyatvayogAt svajanavijanayoH satprapattavyabhAvAt
Uche nAthaM sharaNyaM shrutishataviditaM ve~NkaTeshaM shaThAriH ||
itthaM sadvAragamyaM svayamitamasahassthAyinAM yojanArham |
karShantaM svaishcharitraiH vighaTitavijanaM svAnvitastheyadakShaM
vaighaTyasyApyanarhaM prapadanasulabhaM prAha ShaShThe sharaNyam || 6\.10\.11||
(pratibimbalaharIshlokaH)
dAsAH! jIvata pAdamUlamachalAH prApyeti varShatkR^ipaM
shreShThaM shreShThavidhaM subhUmikurukAdhIshA shaThArAtinA |
pUrtyai proktasahasrakAdhi dashakaM shrIve~NkaTAdreridaM
prApyotkarShamupAshritAshshritavatassusthAH pare vyomani ||
(iti ShaShThashatake dashamaM dashakam)
|| iti ShaShThaM shatakaM samAptam ||
|| shrImate rAmAnujAya namaH ||
shrImadve~NkaTasheShAryamahAdeshikAnugrahAdavichChinnA
\chapter{|| pratibimbalaharI \- saptamaM shatakam ||}
pratibimbalaharIvR^ittaM \- shArdUlavikrIDitaM
\section{|| atha saptamashatake prathamaM dashakam ||}
etaddashakapratipAdyaguNavisheShaH \- shAThyAsha~NkAsahatvaM
          || sa~NgatimaNimAlA ||
            (mAlinI)
\ldq{}sharaNamupagato.ahaM shrIpuro ve~NkaTeshaM
paramapadanivAsassadya eve\rdq{}ti tuShTaH |
punarapi khavihArasthAnavAsAptabhItiH
kapaTadhiShaNayetaM taM visha~NkyA.atha rauti ||
antassa~ncharadakShapa~nchakakR^itAM pIDAmavApayya mAM
hitvA tvatpadapa~NkajAshrayamitopyAdhyAyase pIDitum |
sa~NkhyAtItamahAdbhutAtmacharitAmartyeDyalokatrayI\-
nAthAdhIshvara! nityabhogya ! pitR^ivatklR^ipteShTa ! madrakShaka ! || 7\.1\.1||
mAM svIkR^idbhiramIbhirudbalavibhUbhUtAsamaiH pa~nchabhiH
tvatsR^iShTaiH tvadanAshrayAya gatavAn naktaM divaM pIDayA |
he! gauDAmR^ita ! nIlameghanibha ! sAmbodhikShamApAlaka !
jvAlollAsisudarshanAghanidhimatsheShin ! suvedya! shrutau || 7\.1\.2||
pa~nchAkShairatibAdhakairaghayutaM mAM pIDayitvA tava
shrIpAdAshrayasiddhinaShTamiha mAM rundhan batApnoShi kiM ? |
hetUbhUya bhuvaM sR^ijan ! pR^ithumadannudgIrya vikramya cho\-
ddhartuH! tu~NgamahaH kirITachapalAyAsmai madhossUdana ! || 7\.1\.3||
kAMshchit pa~ncha hi darshayan aviditatvadva~nchanaM bhrAmayan
mAM kR^itvA tava pAdapadmabhajanAt dUre.asi yAtaH kila |
nishsheShaM chidachidgaNaM tvadudare pUrvaM praveshyochchakaiH
kasmin vATadale shayAna! shishukAghAbdhermamAghauShadha ! || 7\.1\.4||
kR^itvA mAmanivartakauShadhi tudat pa~nchAmaye tailakR^id \-
yantre pIDakapa~nchaka~ncha purataH pArshve cha badhvAnyathA |
yAsIveha bhavet ka auShadhamarikrUrAridhArI surA\-
rAtInAM balamUlavatkulamaho ChindAna! sUrIshvara ! || 7\.1\.5||
sUrIshasya tavApi ki~NkarajanAn kiM pIDayanto hAmI
pa~nchAkShA bhuvi mAM shrayanti yadi no kuryustvayApyujjhitam |
gItisthAsthitakAvya! bhaktivashagA.agachChan paresheha mat\-
chakShuShyAntarachittamadhyaga! vachovartin ! vadaikaM hitam || 7\.1\.6||
uktvaikaM balino.asthitAn anupamAn pa~nchaikarItau khalAn
tvatkAruNyamR^ite kadA kathamahaM jetuM punashshaknuyAM ? |
gIrvANeShu tadAsureShu vimukheShvabdhau tara~NgiNyahiM
saMveShTyaikagiriM madIsha ! hitavan matpeyabhogyAmR^ita ! || 7\.1\.7||
bhUtvA bhogyasudhAsamAnamasamAn pa~nchAkhilonmohane
tvatklR^iptAmakhilAM purAbhavamahAmAyAM samUlaM haran |
mAM tvachchihnasuvigrahastutinatidhyAnaiH dayethA yutaM
kartuM he! mama kR^iShNa! mAtarayi! me sUrITkulAdIshvara ! || 7\.1\.8||
AmUlAt kulahR^itkharAghadamahAgarte kShipat pa~nchaka\-
sthairyadhvaMsamabhIShTameva niyataM datvA dayethA itaH |
bhUlokAdijagatsthitAcharacharAkArAkhilArthAn purA
nAnAkAraNa! sR^iShTavan! mama parajyotishcha matkR^iShNa ! bhoH ! || 7\.1\.9||
tvAmAkrushya sadA madIyaparamajyotissvarUpeti te
pAdAbjadvayarAgato dravati mayyanyaM bharaM chApyadAH |
Aropya prabalaM bharaM dishi dishi tvAkR^iShya pa~nchApi mAM
bAdhante.amR^itahArishobhanatano ! pUrvaM mathitvAmbudhim || 7\.1\.10||
(tAtparyaratnAvalIshlokaH)
nissa~NkhyAshcharyayogAdatimadhuratayA.atho jagatkAraNatvAt
nyagrodhArhatvabhUmnA tridashapatitayA vA~NmanassannidhAnAt |
pIyUShasparshanAdyairakhilapatitayA lokasaMrakShaNAdyaiH
shAThyAsha~NkAM saheta tritanurasurahetyAha chi~nchAntikasthaH || 7\.1\.11||
(pratibimbalaharI shlokaH)
nistulyAstriguNAvahAkR^itidharA bhUtvA trayaste jagat
sR^iShTvA.a.arakShya cha hiMsataH \*kamalanAbheH toyashAyIshituH |
dAsA~NghryAshritadAsadAsashaThajitprokte sahasre dashA\-
yetA vIkShya tu gAyatAmaghatatiH nashyennishA chApyahaH || 
(\*atra yatibha~NganivAraNAya \ldq{}kamalanAbhyambodhishAyIshituH | \rdq{} iti pATho vA syAt |)

(iti saptamashatake prathamaM dashakaM )
|| shrImate ve~NkaTasheShAryamahAdeshikAya namaH |
\section{|| atha saptamashatake dvitIyaM dashakam ||}
pratibimbalaharIvR^ittaM \- sragdharA |
etaddashakapratipAdyaguNavisheShaH \- prashamitajanatAgarhaNatvaM
          || sa~NgatimaNimAlA ||
            (mAlinI)
iti vilapati sUrau tatprabandhaprapUrtyA
jagadupakR^itidR^iShTyA joShamAsIddharishcha |
punarapi khavihArasthAnavAsAptabhItiH
kapaTadhiShaNayetaM garhate mAtR^ivAchA ||
nidrAM naktaM divaM naityapi nayanajalaM si~nchatIyaM karAbhyAM
hastAbje sha~Nkhachakre iti kuchayati padmAkShiNItyeti chArtim |
vakti tvAM kiM vinA syAmiti vipuladharAM mArjayantI karAbhyAM
Aste syAM kiM chikIrShuH viharadaruNamInAmbumadra~NgashAyin ! || 7\.2\.1||
vaktIyaM kiM chikIrShasyayi mama kamalAkSheti bAShpAvilA.aste
kuryAmuchchAmbura~Ngeshaya! kimiti gatA hR^iddravaM shvAsamuShNam |
AhaihyAdyAgha! me dR^ikpathamiti kimidaM yuktamabhrAbha! cheti
prAk sR^iShTvAdan! kiraMstat jagadatha mitavan ! kinnu niShpannamasyAH ? || 7\.2\.2||
nAlpApi hrIramuShyA vadati maNinibhetIkShate kha~ncha muhyatya
dvaitIyIkashUrAmarabhidasuharetyeva vakti drutAntaH |
netrAgrAhya! tvadIkShopadhimupadisha \*kAkutstha ! kR^iShNeti vakti
prochchaprAkArabaddhadhvajaparivR^itara~NgeT ! kimasyAshchakartha ? || 7\.2\.3|| 
(\* atra yatibha~NganivAraNAya pAThaH \- \ldq{}he! kR^iShNa! kAkutstha! cheti\rdq{} |)

Aste nyastA~Nghrihastotthitiyugitagatirmuhyati prA~njalirhA !
kaShTaM premeti mUrChatyudadhisamaruche! nirghR^iNo.asIti vakti |
uktvoktvehIti muhyatyabhita ita mukhAryullasat dakShahaste
tyAhochchaishshiShTa kiM te vyavasitamudakApUrNara~NgeshayAsyAm || 7\.2\.4||
dhyAtvA muhyatyamohA namatirachayati; sva~njaliM; ra~NganAthetyA\-
hAtrAsrAvilAkShaM; vadati nikaTamehIti tUktvaiti moham; |
sAyaM hairaNyadehoddalana ! mathitasadvIchivArdheti bhogya !
prApya ! tvatpAdayugmAshrayadR^iDhasutanuM prAptamohAM vidhAyin !|| 7\.2\.5||
kR^itvA vyAmugdhakR^ityaM mama hR^idayaharAho ! mahAshcharyacheShTet\-
yAhAtAmrAdharashrImaNinibha! himatoyADhyara~Ngeshayeti |
brUte; chogrAsidaNDAmbujalasadarirATshAr~NgabhR^itsUrimUlet\-
yAha sphAyatphaNAhITshayana ! vada mahAmhomadAcharyamasyAm || 7\.2\.6||
AhAnAlambagatyai sthitiyuta ! niyamAt sR^iShTavan duHkhasaukhye
he ! kR^iShNa ! sthAnamabdhiM shrita ! jaladhiruche ! kAlachakrAvaheti |
vaktyantarmatsyashItAmR^itavR^itashubhara~NgeDiti svIyatIrthe\-
tyAhAste me.ambuvarShatshubhapR^ithudR^igiyaM sAshruratyanta.amR^idvI || 7\.2\.7||
sUrishreShTheti vakti; kShitidharadharaNAt gogaNatreti vakt\-
yArodityAnamya soShNaM shvasiti; davasamAtmA~njanAbheti vakti; |
utthAyAlokya kha~nchAstyanimiShanayanA lokayiShyAmi kiM vet\-
yAha shrImatkumAryA mama kimu karavai shrImahAmbvAptara~NgeT! || 7\.2\.8||
machChrIdevyAptavakShastviti vadati; mama prANabhUteti vaktiH\-
tvachChrImaddaMShTrayA proddhR^itavidhR^itamahIprANanAtheti vakti; |
tatkAle klR^iptasaptoddravabhaTavR^iShamathana tvadganIlApriyeti
brUte shrIra~NgamAptasvapadamiti na \*pashyAmi shokAntamasyAH || 7\.2\.9|| 
(\* chAvemi \- iti pAThe yatibha~Ngo na syAt |)

svasyA duHkhAntameShA kamapi na gaNaye trAtalokatrayeti
brUte; \ldq{}gandhAdhikAragvadhajaTa ! chaturvaktradeve \ldq{}ti chAha; |
brUte sadrUpasUrIshvara ! kR^itashubhasadra~NgavAseti choktvA
tatpAdAptyAshayAstAnvayamagamadupAgatya meghAbhapAdau || 7\.2\.10||
(tAtparyaratnAvalIshlokaH)
shrIra~Nge sannidhAnAt nikhilajagadanusraShTratAdyaishshuchitvAt
vidhvastAniShThabhAvAduragashayanataH puMsu karmAnurUpam |
sharmAsharmapradAnAt jaladatanutayopakriyAtatparatvAt
svAmI svAnAM vigarhAmupashamaryAta chetyAha dhImAn shaThAriH || 7\.2\.11||
(pratibimbalaharI shlokaH)
meghAbhA~NghrayAshrayottaMsitakR^ipamuditojjIvinA tAmraparNyAH
pUrNAyAH svachChakADhyopavanasukurukAshrIshaThArAtinokte |
meghAbhA~NghripratisraksamadashashatavatsUktimadhye dashemAH
adhyetAro.abhrabhAbhre tridashaparivR^itAssyurmahAnandasindhau ||
(iti saptamashatake dvitIyaM dashakaM )
|| shrImate ve~NkaTasheShAryamahAdeshikAya namaH |
\section{|| atha saptamashatake tR^itIyaM dashakam ||}
pratibimbalaharIvR^ittaM \- sragdharA |
etaddashakapratipAdyaguNavisheShaH \- spaShTarakShatvaM
          || sa~NgatimaNimAlA ||
            (mAlinI)
atha bhagavati tatsaMshleShamasyai pradAya
shritaripumR^igayAyai yAti sampreShya bAlA |
virahaphalaviShAdAj~nAnataH kheda Apte.a\-
nujigamiShati kAntaM vAryamANA.ambayA.a.alyA ||
dhR^itvA chakraM mamAntarhR^idi suShiravatA shubhrasha~Nkhena chAmbAH !
nekShadhve padmadR^iShTeH khaganayanavidhAM tAM kimuktvA vadiShye? |
sAnandaughasya tasyottamabhavanagR^ihaM nityavedotsavodyat\-
krIDatbAlaughaghoShAM svayamiha nagarIM sampravekShye.adya berAm || 7\.3\.1||
he! sakhyo! gandhayuktAsitakachanichayA mAtaronyAshcha pauryaH !
nAhaM rakSheyamekaM mana idamavashaM me.adya naktaM diva~ncha |
kR^iShNasyAlyADhyapuShpopavanashishirabhUyutsuberAsikasya
shrIvaikuNThasya raktAdharaphalavivashaM ratnashIlasya gatvA || 7\.3\.2||
chetaH shrIraktabimbAdharavashamaruNa shrImahAmaulyadhInaM
chakraM sha~Nkhena dR^iShTvA sakhi ! samudayadR^ikpadmayoreva sheSham |
mAse ghasre cha nityotsavayutashubha \*berApure svAsikasya
svenAsmatsvAminaH svAM hriyamapi sahajAM pUrtimapyatyajanme || 7\.3\.3|| 
(\* \ldq{}shubhasatberikAsvAsikasya\rdq{} iti va pATho yatibha~NgabhItAnAm |)

mattyaktashrInimittaM mama tamupagatAnyeva tatraiva lagnAni
uchchaishchetAMsthitaH kaM sharaNamupagatAkasya vakShyAmi kiM vA ? |
sarvatrApyUrmimAlidhvanishubhanigamodghoShaberAsikasya
krodhAt kiM mAtaro me ? mukharadarakarasyAdya mAyAsvamajjam || 7\.3\.4||
hantuH kopAdanontaHkakubhamabhiyataH pUtanAstanyapAtuH
kShepturvatsAn kapitthe phalini nihitavatyasmi kR^iShNopakartuH |
strItvaM me kiM krudhetaH kuruta gurujanAH pUrvamevaitya tenA.a\-
dhyaste berApure phalyagamavanavR^ite ma~NkShu mAM darshayadhvam || 7\.3\.5||
shIghraM sandarshayadhvaM pR^ithuriha jaladherapyatIvAnurAgaH
nIlAbhrashrIrmadIsho dhuri bhavati mamAgatya no hastagR^ihyaH |
bhUmAvAgatya tasyAshrayaNabhuvi chaturvedavidyAgapUrNe
nIvArairvIjyamAnavyajanavati shubhaistyApaberApure mAm || 7\.3\.6||
dhvastochchaissAlaratnAkaravR^itimadavAchInala~NkAsmadIshaH
prApya prAptAshraye me hR^idanuvishadihAnviShya berApure.atha |
AgachChannaiva vIkShe sakhi ! tadiha vayaM kiM sahAyA na tasyA\-
hUtaudakShAshcha nAnyaiH kimapi mama gatIH manmanomArga eva || 7\.3\.7||
bAhyaM dR^iShTvaiva sarve sakhi! mama militAH nIlasindhusvabhAve
nAsmat premAvalambyAtyapavadanakR^itaH tatprabhR^ityuttharAge |
vaktavye.atItya mR^itsnAdR^iDhabhuvamudadhIn sapta bhUyAn paraM khaM
svachChAmbhastAmraparNIvR^itatadadhigatAM prApya berAM shrayiShye || 7\.3\.8||
gatvA prApsyAmi sakhyo ! mama sagurujanA ! mAM tu mAshvAsayeta
yuShmAbhirvAchyamatrAstyapi kimiha; na me strItvapUrtirmanashcha; |
nIlashrIkasya nIlAmbudhivR^itavasudhAbhojinaH kR^iShNanetuH
prApyAvAse vR^iShADhyojvaladharaNijalakShmAptaberochchapuryAm || 7\.3\.9||
matsakhyo! me na lajjA nagarajanapadeShnyato.anveShayAmi
\*shrIratnaprochchasAgrasthiragR^ihashubhaberApurImAsthito.arIn |
hantuM prAk klR^iptabuddhishshatamapi makarIdIrghabhUShADhyakarNaH
mAyI chakrI sthito.abhradyudasadR^igadhikaM hR^inmamAdAya kAlam || 7\.3\.10|| 
(\*\ldq{}madhurAM berikAmAsthito.arIn\rdq{} | iti pAThe yatibha~NgabhIrna syAt |)

(tAtparyaratnAvalIshlokaH)
padmAkShatvena hR^itsthaH paramakhanilayaH svopakArI vigarjat\-
sha~Nkho.aniShTaprahartA.a.adaravilasanakR^idrakShako.ambhodhidR^ishyaH |
ApatsaMrakShakashshrImakaravaralasatkuNDalassvA~NgakAntyA
sveShu svaM goptR^ibhAvaM prakaTayati harishchetyashaMsat shaThAriH || 7\.3\.11||
(pratibimbalaharIshlokaH)
kalpe kalpe vibhinnaM dadhatamapi vapurnAmakarmAchyutaM kShmAM
rakShantaM vArddhikAbhaM prati shubhakurukeT shrIshaThAripraNIte |
nistulye.antAdigAthA dasha cha dashashate.amUratulyedhiberaM
prApya stotuM samarthAH ariruchirakaraM dAsyavarge.asya magnAH ||
(iti saptamashatake tR^itIyaM dashakam)
|| shrImate ve~NkaTasheShAryamahAdeshikAya namaH |
\section{|| atha saptamashatake chaturthaM dashakam ||}
pratibimbalaharIvR^ittaM \- sragdharA |
etaddashakapratipAdyaguNavisheShaH \-svarakShAkramavyAkartR^itvaM
          || sa~NgatimaNimAlA ||
            (mAlinI)
vijayini mR^igayAtastAvatA.asmin nivR^itte
makarasadR^ishakarNAbhUShaNashrIpurAttam |
priyamupasaratIyaM samparIrabdhukAmA
samaravijayagAnaM kurvatI modamAnA ||
chakre sha~Nkhe cha shAr~Nge dishidishi nutibhiH vardhamAneShu vR^iddhiM
kaumodakyA cha khaDge bhajati shirasi saMvardhamAne cha pAde |
aNDodbhedotthatoye pravahati sutarAM vardhamAne susattve
kAle nAthIyalokAkramachaNacharaNadvandvachAraprakAraH || 7\.4\.1||
yAntInAM svasvajanmakShitisadharamukhamAvR^ittya ghoSho nadInAM
manthAnAdrernigharShadhvaniruragapaterbhogasaMveShTanena |
abdhessavyApasavyabhramajanitasamAkroshaghoShashcha jAtas\-
sAroddhAraM sudhAsvIkR^itimahasamaye svAmino devatuShTyai || 7\.4\.2||
shailAssaptApyabhUvan vigatavichalanAssthAnato hanta ! ki~ncha
dvIpAssaptApyabhUvan vigatavichalanAssthAnato hanta ! ki~ncha |
pArAvArAshcha saptAnadhigatachalanAssthAnato hanta ! netuH
daMShTrAgreNANDabhitteH bhuvamatirabhasotpATya choddhArakAle || 7\.4\.3||
ahnAM nAshe bhuvo.apAmapi bhavati laye khagrahANA~ncha nAshe
pradhvaM.ase.agneshcha vAyossati dharaNibhR^itAM mUlanAshe cha jAte |
jAte nakShatranAshe layasamayamahApatsakhasyopakartuH
ghoShe sarvAdanasyApyahaha! nikhilabhUbhakShaNaM bhakShitaM tat || 7\.4\.4||
sampuShTAhAramallochchalanamathanasa~NgharShajAtadhvanirmA\-
pAlAnAM pauruShADhyapratibalapR^itanAkampajAtadhvanishcha |
yuddhasyAbhre didR^ikShAgatagaNitapurodR^ishyadevadhvanishcha
prekShye.asmatsvAmihastaprachalanasamaye bhArate chitramAsIt || 7\.4\.5||
kShINe ghasre \*cha sandhyAsamaya aruNite dikShu sarvAsu chAbhre
vyAptodyadraktatoyaM tvadharitamahitakShoNibhR^iddAraNena |
simhenAptopamAsIt khalu mama nR^ihareH svAmino.agAdhaduHkhA\-
nyutpAdyochchairhiraNyAsurakarivarasaMhArarItirvichitrA || 7\.4\.6|| 
(\* yadyepyevameva shrIpitAmahAnAM hastalikhitAyAM mAtR^ikAyaM pATho.asti tathA.api
sandhimaryAdAyai \ldq{}.adhisandhyAsamayamaruNite\rdq{} iti pAThassyAt | athavA \ldq{}cha
sandhyAsamayadaruNite\rdq{} iti pAThaH smAt |)
anyonyasyA.abhimukhyAdapatadapi samAhatya shabdAyamAno
bANaughaH shailakalpeShvahaha ! shavagaNeShvapyasa~NkhyaM luThatsu; |
raktAmbhaH pUrNatoye saridabhimukhatAM yAti chAbdhau samaste;
bhasmIbhAvena la~NkAvinashanasamaye sarvalokopakartrA || 7\.4\.7||
AyAtaH kAndishIko.abhavadabhimukhato nIlakaNThadhvajo.atha
prabhraShTo.abhUt jvalannapyabhimukhamanalo.abhyetya pashchAt punashcha |
chakre svAmI triNetrastadabhimukhamavasthityashaktaH palAyAM
pashchAt; prabhraShTabANAsuradR^iDhabhujavichChedakAle piturme || 7\.4\.8||
pR^ithvyaptejomarutkhaprabalagirimukhAstatkShaNAdeva sR^iShTAH
sUryashchandrashcha tejopyaparamapi tadaivAsa sR^iShTaM punashcha |
meghA jIvAshcha devAH punaraparapadArthAshcha sR^iShTAstadAdi\-
sraShTurlokasya sR^iShTiH punariyamakhilasvAmino.atyantachitram || 7\.4\.9||
gosa~Nghe.adhomukhIte bhavati tR^iNachare veShTamAne mR^igaughe
kIlAlaughe saghoShaM pravahati paritaH pUrite nirjharANAm |
gobR^indopetasarvavrajasukhavasatiprAptaye.adhaH prabhurme
ghorAM govarddhanAdriM samudavahadaho ! varShabhItiM nivArya || 7\.4\.10||
(tAtparyaratnAvalIshlokaH)
vikrAntyA viShTapAnAmamR^itamathanatashchoddhR^iterbhUtadhAtryAH
kalpe lokAdanAchcha kShitibharaharaNAddaityarAjaprahArAt |
la~NkAsa~NkochakatvAdasurabhujavanaChachChedanAllokasR^iShTe\-
rdhR^ityA govardhanAdressphuTajagadavanaprakriyaM shrIshamAha || 7\.4\.11||
(pratibimbalaharIshlokaH )
adryuddhartuH prabhAshshrIcharaNayugarataissAkamaikyena nityaM
dAsyaM prApya sthitasya prathitashaThajito vAkpravR^ittisvarUpe |
satsandarbheNa yukte nirupamarasavatya gAthAsahasre\-
tvAdR^ityAbhyasyatAM sat dashakamarijayaM tvetadatra prayachChet ||
(iti saptamashatake chaturthaM dashakam)
|| shrImate ve~NkaTasheShAryamahAdeshikAya namaH |
\section{|| atha saptamashatake pa~nchamaM dashakam ||}
pratibimbalaharIvR^ittaM \- shArdUlavikrIDitaM
etaddashakapratipAdyaguNavisheShaH \- sarvasnehitvam |
          || sa~NgatimaNimAlA ||
            (mAlinI)
priyavijayakathAyAmetadarthe svamevaM
kR^itavati bhuvane.asmin taM vihAyaiSha lokaH |
aTati viShayavargAnityasau vismayoktIH
apavarakahiraNyAj~nAtR^itAM chAsya vakti ||
abhyasyanti kimanyamabhyasinino rAmaM vinA svAminaM ?
sarvaM kShudrapipIlikAdi visaraddUrvAdi nirhetukam |
nandatsarva charAcharaM shubhadharAyodhyApure.aveshayat
yassR^iShTeShu chaturmukhena bhuvaneShvuchchasvabhAvaM padam || 7\.5\.1||
loke kiM janitA bhavanti parato nArAyaNAt ki~NkarAH ?
loke.atrApyavatIrya mAnuShakR^ite soDhvA dashAM dussahAm |
loke bAdhakarAkShasAnabhisaran hatvA.abhirakShyAkhilaM
lokaM svAnanura~njayan nijaguNaishshrutvApi dhAmodgatim || 7\.5\.2||
shrotAraH kimu keshavasya tu paraM shR^iNvanti kIrtiM vinA ?
shrotR^ishrotravidAhinIH pralapato nIchAstu nindA giraH |
pratnAnAdivirodhibhUta \*shishupAlasyeshvarasyAtmanaH
sAyujyaM padapa~Nkajasya dadato j~nAtvApi tattvaM vidaH || 7\.5\.3|| 
(\* \ldq{}shishusampAlasya cha svAminaH\rdq{} iti pAThe yatibha~NgavAraNaM syAt |)

kiM tasmAt svayamanyadAsyamayate j~nAtasvabhAvo janaH
nAnAvyAptacharAcharAkhilalayasthAne mahAnehasi |
sR^iShTvA shlAghyajalaM chaturmukhamatho sR^iShTvA.aNDamadhye purA
svasmin mohitasarvasR^iShTichaturAM sa~nchintya shakti~ncha tAm || 7\.5\.4||
shlAghyopAyavichintane.adbhutaguNasyA~Nghri vinA yAnti kiM ?
shrutvA.agAdhamahAjale vasumatIM magnAM vilambaM vinA |
dhvastAdhaHpatanaM svayaM dhR^itavatassvIyaikashR^i~NgAgrataH
shrImatkolavapuShmato.avataraNaM samyagvichAryA.api tAm || 7\.5\.5||
shrutvA kinnu bhavanti chintanaparAH kiM ki~NkarAH keshavAt ?
anyeShAM sthiradAtR^itA~nchitakare svAn bAdhamAne balau |
bAdhAM prApya cha sa~Nghasho diviShadAM Agatya rakShArthinAM
duHkhachChitkuchihastavAmanatayA klR^iptAdbhutAn vIkShya cha || 7\.5\.6||
draShTArashcha vivekinashcha vibudhAH kR^iShNAnyadAsAH kathaM
syurmAdhvIlihalehyapuShpasara \*mArkaNDeyadIrghAyuShe |
tenAnalpajaTAkamUrdhani shive sAkaM lapatyAgate
taM svIkR^itya tadA svamadhyakaraNaM j~nAtvApi saMsthApanam || 7\.5\.7|| 
(\*atra yatibha~NganivAraNAya pAThaH yuk\-shaivarShi\-dIdhoduShe iti a~NgIkAryassyAt |)

prAj~nAH kinnu paThanti shobhanaguNAn hitvAnyaduchchaishshriyaH ?
velAtItamahattareNa tapasA lokeShu pIDAkR^itaH |
devAnAmapi duHkhadasya kaThine kAye hiraNyasya tat
yenAshcharyamahAnR^isimhavapuShA j~nAtvApi klR^iptAdbhutam || 7\.5\.8||
AshcharyAcharitAt syuradbhutavido dAsAstatonyasya kiM ?
hantuM dAyahR^idekabhUpatishataM pAtuM suhR^itpa~nchakam |
ekaM lokasamakShametya cha bhavan AshcharyasUtashchamUM
hatvA dhAma nijaM gatasya paramaM j~nAtvApi divyAH kathAH || 7\.5\.9||
dAsAH kinnu bhaveyuradbhutaguNAdanyatra vArtAvidaH ?
tasyAchChAdakajanmasAmayajarAmR^ityu~ncha sarvaM haran |
unmUlyAkhiladuHkhahetumatha saMyojyAtmapAdadvaye
sukShemANi vichintya tena vihitAnyetyApi shuddhAM dhiyam || 7\.5\.10||
(tAtparyaratnAvalIshlokaH)
sAkete muktidAnAt sthiracharajanuShAM sarvasho rakShakatvAt
chaidye sAyujyadAnAjjagadudayakR^iteruddhR^iterbhUmidevyAH |
yA~nchArthaM vAmanatvAt shivabhajakamunermokShadAnAdyudantaiH
snehaM sarvAshrayaM svaM prakaTayati harishachetyathAj~nAyi tena || 7\.5\.11||
(pratibimbalaharI shlokaH)
samyagj~nAnamavApya susthirahR^idAM bhogyAM gatiM kurvatA
j~nAnenA~nchitakR^iShNamIDya kurukAdhIshaH shaThAreH kR^itau |
tattvaj~nAnalasatsahasra idamadhyetuM samarthAstu te
shuddhaj~nAnasamedhitA vipulatAyuktatrilokyAmapi ||
(iti saptamashatake pa~nchamaM dashakam)
|| shrImate ve~NkaTasheShAryamahAdeshikAya namaH |
\section{|| atha saptamashatake ShaShThaM dashakam ||}
pratibimbalaharIvR^ittaM \- mandAkrAntA
etaddashakapratipAdyaguNavisheShaH \- svIyAkrandApahAritvam |
          || sa~NgatimaNimAlA ||
            (mAlinI)
vishadamatirasau san rakShaNAbaddhadIkSho
haririti vimukhaM saMvIkShya loka~ncha tasmin |
hvayati naya hare ! tanmAM samIpaM taveti
prakR^itikR^itavikArAn prekShya bhItiM prapannaH ||
arthaiH pUrNaM trijagadakhilaM sR^iShTavatpadmanAbha!
pUrNArthaM hA ! trijagadakhilaM krAntavatpAdapadma! |
padmAkShAho ! \*vigatasharaNAnAM tu no rakShakAho !
padmashrIbhR^itkaratala! bhavet tvatpadAptiH kadA vA? || 7\.6\.1||
(atra \ldq{}vigatasharaNe mayyaho ! rakShakAho | \rdq{} iti pAThe yatibha~NgabhItirna syAt ||
pR^ithvyaptejaHpavanakhajanetyAdisarvo.api bhUtvA
tiShThan! svAmin! surabhinichayaM chArayannuddhR^itAdriH |
tasya trAtarmamama hR^idayahR^iddivyacheShTA.ahamApsye
tvatshrIpAdaM haravidhinutaM padmashoNaM kadA bhoH ? || 7\.6\.2||
uddhR^ityAdriM mama hadapahR^itcheShTa hantAshmavarShAt
svAbaddhAragvadhajaTa himotpuShpataulasya maule |
labdhAsmaddigvadanakavanAnarhakIrte! sametya
tvaM chet pUrNAsurasi mama te \*sannikarShaH kathaM me ? || 7\.6\.3|| 
(\*`sannikarShastu kutra ? \ldq{}iti pATho mUlAnuguNatarassyAt |)

maulau mAdhvIsuhimatulasIbhUSha! madgopamUrte!
dIpyallokatrayamapi bhavAn tatra mukhyastriNetraH |
svAmI nAtho vidhirapi bhavAn tvatsamIpe kathaM syAM?
atyugraujaHpavikaramahendrAdidevAstvameva || 7\.6\.4||
madgopAlAkShatamadanaghAnIlamANikkaratna !
tvannAbhIbhUkamalajajagat tatrayaM vyApya tiShThan |
tvatkAntyoghojvalaparapadasthAyinaM tvAmupetya
matpUrNAtmA kathamiva vilokyApi labdhA bhavantam? || 7\.6\.5||
jAne naityaprapadanavidhAM vyAptimannIlatejo\-
vR^iddhau raktadyutikusumitAdvaitamANikkatulyAm |
kaTyApItAmbarapadayugInAbhibhirhahastavakSho\-
netroShThe chAruNaruchimuchi shrIsakhaM\* me shayAnam || 7\.6\.6|| 
(\*shrIsakhamityatra shrIhR^idamiti pAThashchet mUlAnuguNAtaratA syAt ||)

shrIvakShaskaM mama girisutAbhAginaM me sadA vAk\-
devIrAjadvadanachaturAsyAntaraM me surANAm |
shreShThaM shachyAH patimavanimutkramya dagdhatrisAlaM
jitvAkShaughadraviNakaramAlokaye kiM svarIshaM ? || 7\.6\.7||
dR^iShTavyAlAshvadiva shivA dR^iShTasiMhAstadava.atho
krandivtvApteShvatalaviShayaM tyaktala~NkAshareShu |
mR^ityuM ramyaM khagamapi nayan mAlinaM chAtha shUraM
hatvA kR^itvA.a.asharapR^ithugirIn yo.avadhIt kiM sa vIkShyaH ? || 7\.6\.8||
drashyantaH kiM hR^idaya! kaThine kArya evodyatasya
prAptuH puMstvaM dhR^itiyamabale rakShaso.apAsya vaMsham |
tatsodarye.amitajalavR^itAM nyasya la~NkAM punashchA\-
gatyApAlyAshritanijapadaM sUripa~nchAnanendram || 7\.6\.9||
vaikuNThaM nassvamapi dadate durlabhaM gopavaMshe
sadyo jAtashshishuriva vishan sampravR^ittyAdbhutAni |
hatvA kaMsaM prakR^itishamanaM pANDavArthe.astasainyaH
kShAntyA shreShTho hariratha paraM jyotiruchchaiH praviShTaH || 7\.6\.10||
(tAtparyaratnAvalI shlokaH)
nAbhIpadmojjavalatvAdvidhishivabhajanIyA~NghribhAvAdgavA~ncha
trANAdyaisssarvabhUtAntaraniyamanatassaMshrite bhavyabhAvAt |
brahmAdyApadvimokShAdasuranirasanAttrAtarakShonujatvAt
svIyAkrandApahArI bhavati cha bhagavAnityavAdIchChaThAriH || 7\.6\.11||
(pratibimbalaharIshlokaH)
tAdR^ik siMhAkR^itimupagate bhinnahairaNyakAye
hR^iShTe chakrashriyi tu kurukAdhITshaThadveShiNokte |
shreShThaM shaktAn dashakamidamadhyetumekaM sahasre
divyastraiNAnyuditabhavukaM chAmarairvIjayeyuH ||
|| iti saptamashatake ShaShThaM dashakam ||
|| shrImate ve~NkaTasheShAryamahAdeshikAya namaH ||
\section{|| atha saptamashatake saptamaM dashakam ||}
pratibimbalaharIvR^ittaM \- sragdharA
etaddashakapratipAdyaguNavisheShaH \- smR^itivishadatanutvam |
          || sa~NgatimaNimAlA ||
            (mAlinI)
bhagavati nijayA~nchAvA~Nmaye.atra prasa~NgAt
vapuShi cha suShamAM tAmuktavAn tatpraviddhaH |
abhajadatha cha tasmin preyasIbhAvamAlyai
smR^itivishadatanostA a~NgashobhAH pravakti ||
mugdhastrIprANahAriNyayi! mahiyugalI kinnu mR^ityvorna jAne
kiM vA dugdhAbdhiramyekShaNamadupakR^itaH shrIkShaNe ke na jAne |
prApyAmbhojAbhinavyaprasavavadabhitaH shobhate pashyatetaH
sakhyo! he! mAtaro.ahaM kathayata karavai kinnu duHkhaikashIlA ? || 7\.7\.1||
sa~nchAlyApodya yUyaM prathayata suchiraM mAM phalaM mAtaraH kiM ?
netrArAt kalpavallI kimayi taduditaH pallavo vA na jAne |
\*shrInAsA bhuktarAshIkR^itabahunavanItasya me svAtmano.antaH
jvAlAvat tiShThatIyaM balavadupahitaprauDhadIpasya dIptA || 7\.7\.2||
pakkaM hyekaM phalaM kiM? pR^ithu mama duritAmbhonidherduShkR^itaM kiM ?
saundaryaughapravAladyutiyutashakalaH kinnu dIpro na jAne |
AnIla prauDhameghopamitanijavapusvAdubimbAdharoShThaM
sarvAsvAgatya kAShThAsvapi mama tu vibhAtyeva bhogyAsuhatyai || 7\.7\.3|| 
(\* \ldq{}shrInAsA svAtmanonta svashitabahuLasadgavyarAshemmamAntaH\rdq{} iti pAThaH
yatibha~NgadUragassyAt |)
kiM bhogyaprANahR^ityai sudR^iguparinamannIlakodaNDayugmaM ?
saundaryasthairyabhUmAdhikamadanadhanurvaikShavaM manmathasya |
AtmIbhUtasya kR^iShNeshiturapi\* janakasya bhruvAveva te ye
bAdhete prANasa~NghaM svamabhimukhatayA sthairyamAsthAya nityam || 7\.7\.4|| 
(\* \ldq{}kimu te shrIpitussadbhuvau ye\rdq{} iti pAThe yatibha~Ngo na syAt |)

nityaM sthitvaiva dIptAruNaruchijananI kApi kiM shvetavidyut ?
\*kiM vA me prANabAdhAkara R^ijumadala~NkAramuktA na jAne |
matprANAnekashailoddhR^ita upakR^ito bAdhate mandahAsaH
deshaM he! mAtaro.ahaM kamapi bata mamojjIvanArthaM na jAne || 7\.7\.5|| 
(\*(kiM pa~NktirmAmakAsuvyathayitR^iruchimat mauktikAnAM na jAne)

iti cha pAThAntaram |)
mugdhAnA~nchAsurANAmapi pishitabhujAM desha ujjIvanArthaH
ko vetyAkShipya dIvyan makarasamaparINAmayukpallavo vA |
karNau shrIkuNDalADhyau saphaNaviShamahAbhogibhogeshayasya
svaM bAdhete vinaivoparatimiyatIM hanta ! pashyeta yUyam || 7\.7\.6||
pashyantvambA! bhavatyastvidamiti na hi vo darshanasya prakAraM
jAne kiM sarvadodyatdhavalavidhurayaM premavatkAlapatram |
\*dIrghochchashrIchatuShpInasubhujamahApUruShashrIlalATaH
pApiShThAyA mamAsUn grasatumatibalAt bAdhate mAmakAsUn || 7\.7\.7|| 
(\*yatibha~NganivAraNAya \- \ldq{}dIrghochchashrIchatussatpR^ithulabhujamahApUruShashrIlalATaH\rdq{}\-
itivA pATho.astu |
svashrIbhUShaM sarojadvayamapi cha latA vidrumaM chApayugmaM
svashrIbhUShAshcha muktAH kisalayayugalI shItalo vA.ardhachandraH |
svashrIbhUShAbhivR^iddhaM kimu kimapi maho maNDalaM kR^iShNamUrteH
svashrIbhUShAtiramyAnanamapaharati prANamugrAMhaso me || 7\.7\.8||
lokavyApinyudUDhe tamasi parihatAsAramutghR^iShTavatyAH
madhyotthA nIlatantupravarachaya ime no kachA adbhutasya |
shItodyat\-shrItulasyassvaratiparimalaiH pArshvametyAtmano me
chora~NkAraprakAraM na bhavata viditaM mAtarodhikShipantyaH || 7\.7\.9||
yUyaM mAM pIDayantyaH karatalayugalaM prA~NgaNe tiShThasIti
prakramyAvArya nindAM kurutha maNimaho jyotirAkalpakasya |
kR^itsnaM trailokyametat maNimayamakuTe jyotiShA vyApnuvAne
prApaikAgryaM mano me paramiha kimaho mAtaro! vaH prayojaH || 7\.7\.10||
(tAtparyaratnAvalI shlokaH)
dR^igbhyAM padmAkR^itibhyAmamaratarulatAnAsikAto.adhareNa
bhrUchApena smitenApyatha makaralasatkuNDalAbhyAM vishiShTaH |
phAlenArdhendubhAsA.amalamukhashashinA netrashobhAdibhAjA
shrImAn devaH kirITI smR^itivishadatanurbhAti chetyabhyadhAyi || 7\.7\.11||
(pratibimbalaharIshlokaH)
durdarshAnAM vidhIshAmarapataya iti khyAtanAmnAmamIShAM
durdarshAkArakR^iShNaM prati shubhakurukAdhITshaThadveShiNokte |
shaktyA yukte sahasre dashakamidamihAdhyetumekaM samarthAH
shaktyA yuktaistu nityaiH saha sadR^isharasA naiva nashyantyajasram ||
(iti saptamashatake saptamaM dashakam ||)
|| shrImate ve~NkaTasheShAryamahAdeshikAya namaH |
\section{|| atha saptamashatake aShTamaM dashakam ||}
pratibimbalaharIvR^ittaM \- mandAkrAntA
etaddashakapratipAdyaguNavisheShaH \- AshcharyanAnAvibhavattvam |
          || sa~NgatimaNimAlA ||
            (mAlinI)
bhagavata iti bAhyAshleShamaprApya khinnaH
bhavati samaya etachcheti dhartuM na shaktaH |
kimidamiti mahAshchAryamAhAtha dR^iShTavA
tadupari vibhuvibhUtIrdarshitAstAH pravakti ||
atyAshcharyAkara madhuripo ! vAmana! tvaM dayethAH
vahnistoyaM kShitirapi marut kha~ncha mAtA pitA cha |
\*putrAshchAnye.apyakhilamapi bhUtvA tvamevaM sthito.asi
ko.ayaM nyAyaH kathayitumaho dussthitaste prakAraH || 7\.8\.1|| 
(\*atra yatibha~NganivAraNAyAyaM pAdaH |
putrAshchAnye.apyakhilamapi sambhUya cha tvaM tvameva || iti vA paThyaH ||
turIyayapAde pAThAntara~ncha
ko.ayaM nyAyaH kathayitumaho dushshakaste prakAraH ||)
sukShaudrasyatkusumatulasIkAchyuta! tvaM dayethAH
chandrassUryo vividhavilasatteja uchchaistamashcha |
vR^iShTirvarShantyadhikamayashashchApi bhUtvA yasho.api
krUro mR^ityurdahananayanastvaM vichitraM kilaitat || 7\.8\.2||
vaichitryashrIrathanayapaTo ! shrItachakrin ! dayethAH
bhUtvA.asa~NkhyaM yugakulamathaiteShu sarveShvapIhA |
tulyAssa~NkhyArahitabahavo bhrAjamAnAH padArthAH
bhUtvA.a.ashcharyasthitiyugasi bhoH ! kinnu vaiShamyametat ? || 7\.8\.3||
he! kR^iShNodyanmadhu\-kamaladR^i~N! mahyamekaM dayethAH
nityAnityaM gaNanarahitaM vastu bhUtvA tadanyat |
madhye.analpAmbunidhisaviShe sheShatalpe shayitvA
chitte yogaM sukhamabhidadhat bhAsi ke.atrAbhyupAyAH ? || 7\.8\.4||
shItAmodiprasavatulasIkAdbhuta! tvaM dayethAH
ChitvA pAshAn tvamiha tava mAM nAnyasheShaM vidhAya |
kAyo jIvo mR^itiratha janiH tvaM hi bhUtvA punashcha
nAnAshcharyANyadhikamakR^ithAH kinvidaM mohanaM te ? || 7\.8\.5||
rupAnmohaprada! sumataye vAmanaikaM dayethAH
shItoShNe cha smR^ititaditare vismayo.asmAchcha bhinnaH |
bhUtvA karmANyapi vijayitA tvaM phalaM chAnyathA tvaM
j~nAnaM bhUtvA tvamasi ka ime duHkharUpAH prakArAH ? || 7\.7\.6||
kR^iShNottu~NgadyutimakuTavan! duHkhadaikaM dayethAH
duHkhakShetrAbhijanajamadaprItayo duHkhahetuH |
kAmo bhUtvA gurulaghutayA sthemagatyAtmanA cha
sR^iShTvA duHkhAnyapi cha ka ime svArthakAmapravR^ittiH ? || 7\.8\.7||
kiM lIlAbhiHsthitimayasi bhoH ! kR^iShNa ! madrakShaNAya
kIdR^igvA kiMvidha iti mahAj~nAninAmapyavedya ! |
bhUtvA pUrvaM trijagadapi tat tachcha sR^iShTvA.atha chAntaH
vyApin! vyApin! bahirapi cha kA vR^ittayaste nisargAH ? || 7\.8\.8||
he! matkR^iShNa! sthitimayasi bhoH ! kiM prakAraiH svabhAvaiH
bhUtvA gAtre nibiDakarapAdAdisarvendriyANi |
kAmyaM rUpaM hyasi rasaravasparshagandhaM cha kR^itsnaM
jij~nAsye tvayyanavadhiguNA eva sUkShmasvabhAvAH || 7\.8\.9||
sUkShmANyasmAt nahi paramiti punaH sadvedashAstre
proktaM rUpaM tvamasi tamasopyAtmano.arUpiNo.api |
\*puShpiNyAla~NkR^itamapi tulasyAH srajA me.achyutoro\-
bibhrat shaktyA yadapi kathitaM sa prakAraH tvadIyaH || 10|| 
(\*ayaM pAdaH yatibha~NganivAraNAya \ldq{}puShpAdyAla~NkaraNatulasIdAma! me.achyutoro\-\rdq{}
iti vA paThyaH |)
(tAtparyaratnAvalIshlokaH)
bhUtaishchandrAryamAdyaissakalayugagatairvastubhishchetanAdyais\-
svairlokAnAM niyatyA smaraNataditarotpAdanAnmAnanAdyaiH |
durj~neyatvAt svabhAjAM bahushubhakaraNAdvedasaMvedyabhAvAch\-
ChrImAnAshcharyananAvibhava iti tatashshrIdharaH pratyapAdi || 7\.8\.11||
(pratibimbalaharI shlokaH)
sa syAdevaM vidha iti sunishchitya durj~naM hariM taM
j~nAtvA tat tAdR^igiti kurukAdhITshaThadviTpraNIte |
yuktaM shrAvyadraviDadashakaM tvatra gAthAsahasre
yAvachChaktyabhyasanachaturAH sarvadA svArhabhogAH ||
(iti saptamashatake aShTamaM dashakaM )
|| shrImate ve~NkaTasheShAryamahAdeshikAya namaH |
\section{|| atha saptamashatake navamaM dashakam ||}
pratibimbalaharIvR^ittaM \- pR^ithvI
etaddashakapratipAdyaguNavisheShaH \- svakIyastutau yojayitR^itvam |
          || sa~NgatimaNimAlA ||
            (mAlinI)
bhavaruchirahitaM mAM chArayestvaM vidhAya
bhava iha tu kutastvaM ki~nchidanyatpradarshya |
anubhavasi mudaM tvaM cheti pR^iShTo nadIje
sharashayanamivedaM cheti vAgviddha Aha ||
sadopari dine dine svasadR^ishaM samujjIvya mAM
vidhAya nijameva mAM svasavitAramitthaM svakam |
mayA draviDagAthayA stavamimaM virachya sthitaM
tamAdimamaho maNiM kathamahaM bruvan syAM sthitaH? || 7\.9\.1||
vidhAya mama chAtmavastvahaha ! ki~nchidadyoktibhiH
mayA mama girA kR^itau kR^itiritIrayitvA prathAm |
stuvantamamumadbhutaM nijagirA svamadhyApakaM
purastritanukAraNaM kimupavarNya labdhA sthitiM ? || 7\.9\.2||
bhavedakhilakAraNaM hyayamiti svavisrambhakR^it
puraitya rasanAM vishan mama subhogyagAthA mude |
anAdishuchinAkinAM svaviShayaM stuvantaM svayaM
maduktikaraNaM kR^itopakR^iti vismariShyAmi kiM ? || 7\.9\.3||
ahaM tvamidametya cha svaviShayaM prapa~nchaM svayaM
hyudIrya niravadyamapyanupamograpApa~ncha mAm |
avekShya tu shivaM karaM samupajIvya pitrA samaM
charantamurusadguNaM kimiti vismariShyAmi taM ? || 7\.9\.4||
samIkShya suguNAn satIH subhagashikShitAH satkR^itIH
svayogyaparikalpane hyasamashaktihIna~ncha mAm |
svameva rachayan mayA svaviShaye dhareDyAH kR^itIH
virachya madhurAH paraM kimiti vismarIShyAmi tam || 7\.9\.5||
svabhogyakR^itikR^inmahAkavibhirAtmayogyAH paraM
svalakShyakakR^itIssatIH svayamakArayitvA.adya hi |
kR^itAssvamavinAbhavatkaraNamAkalayyA.api mAM
mayA dR^iDhakR^itIH svakAH mama tanoti vaikuNThapaH || 7\.9\.6||
mama prabalapApmanAM nihataye tu vaikuNThapaH
kR^itodyamamatiM shuchiM madavinAbhavaM taM mayA |
udAramadhurAH kR^itIH svamabhinutya vaikuNThapaM
duhAnamamalaM kadA nanu vichintya tR^ipsyAmyahaM ? || 7\.9\.7||
ayogyamapi mAM sR^ijan svasadR^ishaM mayA svaM guNA\-
ptaye madhurakAvyakR^it guNanidhe prakAraM prati |
suchakraruchimatkarAsmadupakR^idguNAn bhUviya\-
jjalAkhilasakhaH kR^itasvanubhavo.api tR^ipsyAmi kim? || 7\.9\.8||
avismaraNatochitaM svasadR^ishaM vidhAyaiva mAM
mayA svaviShaye dR^iDhaM subahukAvyavaktrA kR^itam |
kR^itaM prati chikIrShitodvahanashaktalakShmITguNAn
trikAlakR^itapItivatsvanubhavo.api tR^ipsyAmi kiM ? || 7\.9\.9||
kR^itapratikR^itaM mamAsava iti sthirAlochane
tadanyadapi tatra tadvashagameva tat svaM mayA |
mR^idUktimadhurAH kR^itIH kR^itavataH pitussvaM prati
pradeyapadamekamapyahaha! nAtra tatrA.api yat || 7\.9\.10||
(tAtparyaratnAvalIshlokaH)
svAmitvAshcharyabhAvAdapi cha karuNayA dattavAgjR^imbhaNatvA\-
dujjIvApAdakatvAdaghaTitaghaTanAshaktivaikuNThayogAt |
shuddhasvAntatvachakrAyudhajaladhisutAvallabhatvAt pitR^itvAt
sve stotre viShNurapratyupakR^itiviShaye svAn yunaktItyagAyat || 7\.9\.11||
(pratibimbalaharIshlokaH)
vina.atra cha paratra chApyasharaNAstitAM shrIpatiM
vilokya shaThavairiNA sukurukAsatA tAdR^isham |
idaMvidhamudIritaM dashakamekasAhasragaM
yathAyathamapIritaM mudamidaM samutpAdayet ||
(iti saptamashatake navamaM dashakam)
|| shrImate ve~NkaTasheShAryamahAdeshikAya namaH |
\section{|| atha saptamashatake dashamaM dashakam ||}
pratibimbalaharIvR^ittaM \- sragdharA
etaddashakapratipAdyaguNavisheShaH \- svakIyastutikR^idaghaharatvam |
          || sa~NgatimaNimAlA ||
            (mAlinI)
prati bhagavati kartuM stotR^itAyAH pradAne
iha kimapi na me.astItyAptavaishadyabuddhiH |
atha cha punarasau tatkShetra AranvilAkhye
stutimukhaparicharyAH kartumudyukta Aste ||
anyonyAnandasid.hdhyai ruchirakamalayA sArdhamAnandavR^id.hdhyA
etAn saptApi lokAn svayamadhikamudA rakShataH svAmino naH |
AdaryaM dhAmabhUShopavanaparivR^itaM shrImadAranvilAkhyaM
bhaktyA sthitvA parItya praNamanadivasAH apyaho kiM bhaveyuH ? || 7\.10\.1||
shakyaM kintvetaditthaM vishayalavamR^ite kR^itsnavistIrNabhUmiM
mAtuM pAdadvayenaidhitavapurupakR^idvAmanAdaryadhAma |
uchchaiH khodyat dhvajauko vitatavaraNavatshrImadAranvilAkhyaM
saMsichya shrImahAmbhassurabhi vinamanaM sambhavet samparItya ? || 7\.10\.2||
nityaM kiM no ghaTetonnaTagaruDa ito vIkShya govindamuchchaiH
natvA siMhaM baliShThaM madhubhidamathatannityasAnnidhyadesham |
udghuShTashlAghitashrIpatisuguNachatuHpa~nchaShaDvedayAgA\-
~NgADhyArAmamAranvilanagaravaraM sevituM bhAgyamekam || 7\.10\.3||
sid.hdhyet kiM nityamantaHkaraNa iha sadA dhyAnasampattilAbhaH
jR^imbhat\-svikShUchchashAli\-kShiti\-mahati pade shrImadAranvilAkhye |
sphItodyat\-sadguNADhyottarapuramadhurAjanmabhAjastrilokyAH
pAtuH kR^iShNasyabhUShAyitanijasurucheH phullapAdAbjayorme || 7\.10\.4||
phullashrIpAdapadme mama manasi sadA sevituM sanniveshyA\-
nekAptAgre kR^ipAloH priyatamavasateH sheShatalpopakartuH |
puShpADhyodratnadhAmno.apyatitatavaraNashrImadAranvilAyAM
gItAyAM kShmADhyabhUmyAM syuriha tu nihatAnyasmadaMhAnyasheSham || 7\.10\.5||
nashyennishsheShamugrAkhiladuritatatiH prekShya bhaktAH ! bhajadhvaM
tatkAle tatra jitvA ruchirapR^ithuLadorukmiNIshleShametya |
nityaM chAjasramasmathR^idayakR^itanavaM chitradhAmopakartrA \-
dhiShTheyAM shrImadAranvila iti mahatIM tAM purIM bhUmibhUShAm || 7\.10\.6||
matvA nityAM purIM tAM sasumavanavR^itashrImadAranvilAkhyAM
shreShThashrIpuryupetAtyupakR^idupagatAsaktakR^iShNo.amareshaH |
bANasthAnaM pravishya triNayanahataye ghorayuddha~ncha kR^itvA
bANIyaM dossahasraM mathitavata upAyAdvayaM nAnyadAptAH || 7\.10\.7||
nAnyopAyo.asmi te.a~Nghreriti vitatagabhIrodakAsAramadhye
sthitvAtmIyochchapAdastavakagajamanaH khedanAdopakartuH |
tatrAgatyAsthitaM sAdaramabhiruchirodyAnamAranvilAkhyaM
kShetraM prApya pradakShIkaraNa uru mahAghAni tiShThanti nAntaH || 7\.10\.8||
krUrAMhomuktachittaM vishadamatikarAkAshalAbhe tu labdhe
vAgvR^ittyA chittavR^ittyA tadanuguNavapurvR^ittibhishchAnubhUya |
sarvairAgatya sevyaM puramupavanavatshrImadAranvilAkhyaM
prApyA.a.anantuM pradakShIkaraNamanukathaM sidhyatItyAshayo me || 7\.10\.9||
bhUdevaughairmanovAktanubhirapi sadA sevyamAnAhitAtmA\-
chittAmodAyutAranvilapadanivasattIrthasheShatvasiddhau |
machchittasyApravR^ittiM taditaraviShaye devadevassa vetti
svAntargupteShu tenApyaviditakapaTAH ke.api naivAtra santi || 7\.10\.10||
(tAtparyaratnAvalIshlokau)
vaikuNThe nityayogAchChritavivashatayA.anantakIrtyujjavalatvAch\-
CheShe shAyitvarukmiNyabhimatasurajidbANadoH khaNDanAdyaiH |
grAhagrastebharakShAbhiruchitaviShaye sannidhAnAchChuchitvAt
stotR^INAM duHkhajAtaM vighaTayati haristIrtha ityabhyadhAyi ||
shAThyAsha~NkAsahiShNuM prashamitajanatAgarhaNaM spaShTarakShaM
vyAkurvantaM svarakShAkramamakhilajanasnehitAM darshayantam |
svIyAkrandaChidotkaM smaraNasuvishadaM vismayArhadvibhUtiM
stotre yu~njantamAha stutikR^idaghaharaM saptame.aniShTachoram || 7\.10\.11||
(pratibimbalaharI shlokaH)
tIrthasyevAtmasiddhau svasharaNamitarannaikamastIti tIrthe
tIrthIbhUtAtmatA shrIguNanidhikurukArATshaThAripraNIte |
tIrthe gAthAsahasre dashakamidamadhItyojvalAn prItadevAH
tIrthA eveti nityaM sabahumati vadantyAtmadevIjanebhyaH || 11||
(iti saptamashatake dashamaM dashakam)
|| iti saptamashatakaM samAptam ||
|| shrImate ve~NkaTasheShAryamahAdeshikAya namaH ||
|| shrImate rAmAnujAya namaH ||
\chapter{|| pratibimbalaharI \- aShTamaM shatakam ||}
pratibimbalaharIvR^ittaM \- sragdharA
\section{|| atha aShTamaM shatake prathamaM dashakam ||}
etaddashakapratipAdyaguNavisheShaH \- didR^ikShoH dR^ishiviShayatA
          || sa~NgatimaNimAlA ||
            (vasantatilakA)
AranvilAmadhi hareH padaki~NkaratvaM
sadyo bhavediti manorathavAnanAptyA |
tasyAtisha~NkanakR^idasya guNeShvalApIt
ichChordadAtyatha yatheShitadarshanaM saH ||
devyau te shrIbhuvau staH taditaravibudhAH ki~NkarAste yathAj~naM
pAlyA lokAstrayaste tava tu parichitAH sveShTarUpaM cha rUpam |
pApaM mAM pIDayet; svambujadR^igadharasadvidrumAnIlaratna !
prANAdhArAmR^itormyambudhimathaka! pitardarshane te dayethAH || 8\.1\.1||
draShTuM mArgaM dayethA iti chiramahamAkrushya mohAt samudyat\-
bAShpAshAsyAkhilAsho bata! mayi tu kR^ipA kiM tavAkhyAbhilApaH ? |
tvadvIkShAM me dayethAssuphalachapalasantAna ! kAkutstha! kR^iShNa !
tvatbhAk\-pIyUSha! lIloddhR^itapR^ithushishirAmbvAvR^itakShmottamAtman! || 8\.1\.2||
tvallAbhotkR^iShTanandapriyatamasadaso! bAlavarShman! yashodA\-
bhAgyAptoddharShadAyin ! kulakalabha ! mamAlabhya ! dAsasya nAtha !
tAdR^ikShaikAkR^itissan yudhi kaThinahiraNyAkShavakShodvidhAkR^it\-
vashyodyatpANijAbdhe! mama tava dayita! pratyayo nAdya naiShi || 8\.1\.3||
tvaddAsAtyAdarArhaM tava bhavati nijaM rUpamiShyAH tvadIyaiH
cheShTAshchitrAH kriyAste tvahamaghanidhirityekabuddhau sasha~NkaH |
kR^itvAjiM taM tatakShmAparisaranibiDakrUrasenAvinAshin !
svAmin ! AptAmR^itAnAshritagarala ! mama prANa ! sampUrNa ! haMho! || 8\.1\.4||
sR^iShTvAho! prANapUrNAmitasamabhuvamR^iddhR^itya bhuktvodgirannA\-
kramyochchaprANa! sR^iShTvA.amitakamihashayonmathya baddhvA cha bhindan ! |
\*kalyANAtman! narANAmamaravadamarANAM cha devAkhilAnAM
lokAnAM ekakAtman! kathamahamupasamprApnuyAM tvAmupetya ? || 8\.1\.5|| 
(\*pAdo.ayaM yatibha~NgakAtaraiH \ldq{}kalyANAtmannarANAM suravadamara! he ! devavarge.akhilAnAM\rdq{} iti pAThyaH |)

etya prApsye kathaM tvAM ? mama punaravitaH ! saptalokAstvameva
hyatraiteShAM praklR^iptAH tvamasi suravarAstattadiShTAstvameva |
uchchairuchchaiH padArthA bahirapi yadi hA! te tvamitthaM sthitishchet
lInArUpAtmavargAstvamasi parapade.anindriyAshcha tvameva || 8\.1\.6||
bhUtaM tvaM bhAvyapi tvaM tvamasi khalu bhavachchaivamarthasthitishchet
sarveshaste prakArAstadidamanidamityatra sha~Nke sapApaH |
dugdhakShIre ghR^itaitadrasajalanidhimadhye.amR^itaitajjabhogyA\-
svAdAsvAdotthasaukhya! vrajakulatilakA.a.ashliShTanILAshubhAMsa ! || 8\.1\.7||
gopeshAshliShTavan! adbhutataracharitaiH sa~Nghasho durjarAMho\-
matpIDAkR^idguNochchairbaladitijayama ! krUratArkShyAdhirUDha! |
sphIte sheShe phaNAbhiH shayita! dashashataiH bhAti dugdhAbdhishAyin !
tvatsevopAyamIkShe na; bhavasi cha manovAkkriyAhaM tvameva || 8\.1\.8||
satyaM khalvasyahaM tvaM tviti yadi narakasthAni cha tvaM bhavessaM\-
prApte kiM shlAghanIye paramapadasukhe nArake.anyatra vA kiM ? |
j~nAne.apyutpadyamAne tvamahamiti bhR^ishaM nArakAptau bibhemi
prApyAnandaM tathochchaiH sthita! paramapade tvatpadAptau dayethAH || 8\.1\.9||
uchchairuchchairmamaiva svapadavitaraNashrImahAsvopakAre
doShAvAshliShya samyak \-pratinidhimadasUn chikrayaM svAtmanaste |
\*jyotiShman ! doshshiroyuksarasijanayanAnAM sahasrANi bibhrat!
shrIpAdAnAM cha nAmnAmapi \*\*mama bhR^ishamekAkinastUpakArin! || 8\.1\.10|| 
(\*pAdo.ayaM yatibha~NgakAtaraiH
\ldq{}jyotiShman! doshshiroyuksarasijanayanashrIsahasrANi bibhrat!\rdq{} iti vA pAThyaH |
\*\*atra yatibha~NgakAtarANAM pAThaH \ldq{}mama subhR^ishaM tvekakasyopakArin ! \ldq{}iti |)

(tAtparyaratnAvalIshlokaH)
shrUryAdyaiH patnyAdimatvAt raghuyadukulayorudbhavAtsvAshritechChA\-
dhInehAvigrahatvAt sakalachidachitAmantarAtmatvabhUmnA |
svAmitvAtsvAshritAvedhyakhilaguNatayA j~nAninAmapyaduHkha\-
sthAnechChApAdanAdyairharirakathi paraM darshanechChossudR^ishyaH || 8\.1\.11||
(pratibimbalaharIshlokaH)
sarveshaM brahmatAtaM shivajanakamasAdhAraNeshaM munInAM
devAnAM tAtamekaM prati samajagatAmadvitIyaM cha tAtam |
sAhasre.asmin sasampadvilasitakurukArAT\-shaThadveShiNeShTe
bhaktA! yogyoktimAlAdashakamidamanenApyamujjIvanaM naH ||
(iti aShTamashatake prathamaM dashakam)
\section{|| atha aShTamashatake dvitIyaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- nissa~NgAnAM sulabhatvaM
          || sa~NgatimaNimAlA ||
            (vasantatilakA)
anyatra nispR^ihatayA mahitatvamasmAt
vaktuM svakIyamatha kAntamupetya tasya |
vishleShamAptataruNIva nijAnapekShAM
bhUShAsvakAntisakhivargamadhi vyanakti ||
AsmAkA! hA! vayasyA ! dhuri shubhavalayA ! lajjitA.asmadripUNAM
yuShmAkaM vAchyamekaM vachanamiha mayA chintyate kvApi nekShe |
nashyachChAyA galatka~NkaNatatiravasannA.astapInastanashrIH
mannAthaM prApya ghorekShaNagaruDarathaM saspR^ihaM ve~NkaTesham || 8\.2\.1||
gatvApekShyaikalabdhikShamajanarahitA! me vayasyAstu vo.api
prekShe nAdyedamuktessaraNimahaha! hA! tIvrashokAhamIkShe |
cheddR^ishyAbjopamAkShaM hR^idayamuShamamartyeshamAsmAkanAthaM
hyAditsuH strItvapUrtiM nibiDitavalayAnyAturA.anekakAlam || 8\.2\.2||
kAlo gachChedvirAmaM na tu viratimahaM pApinI pashyataiShye;
lokapratyakShamAptAsmyapavadanamitaH kiM hriyA ? sallalATAH ! |
sphAyadvistArinIladyutivR^itapR^ithuvArmugbhakR^iShNAhR^itaiH shrI\-
lAvaNyaM prAptukAmA saha shubhavalayaiH dIrghakAlaM sahaitya || 8\.2\.3||
\*nR^ittAshcharyaM gR^ihodyad\-dhvajavaraNa \*\*kulandAshubhapratyagAshA\-
bhAgasthaM rUDhanR^ityadgaruDamarisamijjiShNuchakrAptidakSham |
premNA.agAM kiM pradAsye? .atyajadiha karabhUShAntara~NgAdi sarvaM
matpArshvaM sarvadA.ahaM bahuvalayabhR^itAmatyajaM strItvamagre || 8\.2\.4|| 
(\* \ldq{}mAyAnR^ittaM\rdq{} iti pAThAntaram |
\*\* atra yatibha~NgakAtaraiH \ldq{}madhurashrIkulandApratIchI\-\rdq{} iti pAThaH svIkAryaH |)

chakrashrIdakShahastAdaraNamapi tadA.atrA.a.agatirnashcha sarvaM
he! sakhyo!.anAdisiddhaM khalu sa na sulabhashcheti yuktaM tu vaktuM ; |
kalpe kalpe sa chaivaMvidha iti sudhiyAmapyameyAtmamAyaM
tejiShThaM chA.a.adyanAdiM subhagatanuruchiM chedvayaM chintayAmaH || 8\.2\.5||
pratnaM jyotirvichAre subhagamapi girAM me davIyo.amarANAM
apyAnantyena kartA vishayamiti \*vidhAyAM jahAra shriyaM me |
datte notphullashItAM tulasimapi paraM krandanaM brUta kasmai ?
\*\*nidrANochchAbjadR^igbhyAM vratativR^itasukedAravatkumbhaghoNe || 8\.2\.6|| 
(\*atra yatibha~NgakAtarAH \ldq{}vidhA.a.astAM jahAra shriyaM me\rdq{} iti paThantu |
\*\* \ldq{}vyAmugdhasvapnaguchChAmbujadR^ishi sulatAkShetravatkumbhaghoNe\rdq{} ||
iti pAThAntaraM shrIpitAmahapAdaireva svamAtR^ikAyAM prAdarshi | idaM yatibha~NgakAtarAnuguNam ||)

\*vyAmugdhassve hariH keshava iti sa hi nArAyaNo mAdhavo vai\-
kuNTho govinda ityudgiramapi jahadArachya rUpaM cha chihnam |
nailApuShpADhyakeshyaH! prakaTayati madIyA! jananyashcha sakhyaH !
kiM kuryAsaM? chirAdvekShya iti sa tu shape tanna vo nashcha bandhaH || 8\.2\.7|| 
(\*yatibha~NgakAtarANAmayaM vA pAThaH asya shlokasya\-
vyAmugdhaH keshavassve harirudadhisutAkAntavaikuNTha evaM
shrImAn nArAyaNo.apItyativilapanado me.atha govinda evam |
tyaktvA.agAdelapuShpAlakasakhijanikAH ! ChAdayan rUpachihne
kiM kuryAsaM? tamIkShai chirata iti shape tanna vo nashcha bandhaH ||)

sambandho nAsti madvardhitashukapikakAH ! shArikAH ! kekino ! he !
kAntiM naH ka~NkaNAnyapyatha hR^idapi vinA sheSha\*mevAharatsaH |
prApyo vaikuNThalokaH kalashajalanidhiH chA~njanAdriH sa chAtke
pUrvaM so.asheShasa~Ngatyajanata iha no darshayatyeva tAni || 8\.2\.8|| 
(\* \ldq{}mAdAturekam | \rdq{} iti pAThAntaram |)

kasyApi svaM samIkShAviShayamadadato dushshakaM svasya kartuM
\*sAshcharyaM nistulaM vAmanavaTushubharUpaM pradarshya prapUrya |
rodasyau vR^iddhibhAjaH tataruchishatadoshshAlideveshiturme
pUrtyA lajjAmadAM kiM mama shubhaniTilA! deyamastyatra pUrNAH ! || 8\.2\.9|| 
(\* ayaM pAdaH yatibha~NgakAtaraiH \ldq{}sAshcharyaM kharvarUpaM shubhadavaTudashaM sampradarshya prapUrya | \rdq{}
iti vA paThyaH |)
pUrNA ! me sallalATAH ! ahamiha karavai kiM ? madIyaM manaste
bandho me neti hitvA karayugalagate sha~Nkhachakre cha dhR^itvA |
dIrghavyAptAtisa~NkhyadyutidivasakR^itA kShIrabhendu~ncha vR^itvA
tulyasyAyAnmahAchArvatulashitidhareNA~NghrinavyAbjamApa || 8\.2\.10||
(tAtparyaratnAvalIshlokaH)
tArkShyodyadvAhanatvAchChubhanayanatayA nIlameghAkR^ititvAt
AshcharyochcheShTitatvAt duravadharatayA yogibhirnirjaraishcha |
sveShu vyAmugdhabhAvAtpratihativirahAddurjanAdR^ishyabhAvA\-
nniHsa~NgAnAM janAnAM sulabhamata iti prAha nAthaH shaThAriH || 8\.2\.11||
(pratibimbalaharIshlokaH)
pAdAptyAsaktito.anyodbalaviShayasamAsaktimujjhitya kR^itsnAM
kR^iShNasyAghAdihInotkramaguNajaladheH pAdayoratra chaitAH |
antAdishrIsahasre dasha shubhakavitAshshrIshaThAreH kR^itau syuH
gAtuM gAnena shaktAH galadashubhagaNAstvatra tatrApi pUrNAH ||
(iti aShTamashatake dvitIyaM dashakam)
\section{|| atha aShTamashatake tR^itIyaM dashakam ||}
pratibimbalaharIvR^ittaM \- vasantatilakA 
etaddashakapratipAdyaguNavisheShaH \- vishleShe.api svAnAM bhogyatvaM
          || sa~NgatimaNimAlA ||
            (vasantatilakA)
vishleShakAla iha tadvihR^itau tadIyaM
dR^iShTvA mR^idutvamabhirakShaNamIhitA.asya |
eko.ahamasmi paramasmi vinA sahAyaH
eko yathA.ayamiti khinnamanAH bravIti ||
atrApyamutra cha surA danujAshcha sarve
sarvatra chedR^igiti te.amatayasstuvantaH |
AshliShTapadmanilayAkShitigopakanyaH
shrIsha~NkhachakrasukaraH sharaNaM vadanti || 8\.3\.1||
muktvApi kAraNachatushshrutishAstrajAlaM
mR^ityuM jarAM jananamAmayamatyajAma |
dhvastendriyaughaviShayaM jvaladugrachakraM
dhartuH dR^iDhaM sharaNahetiminasya dAsAH || 8\.3\.2||
dAsAnna shAsti vahati svayamabjachakre
khaDgaM dhanushcha dadhadeti na pR^iShThato.anyaH |
pAdau bhujau bhR^ishakarau namanAya nekShe
dAso.ahamatra bhuvi taM vichinomi nityam || 8\.3\.3||
bhUtvaikabAlavapurannamadaMshcha bhUmiM
svalpe vahan vaTadale mama nAtha! nidrAm |
gADhAndhakArashitikalpati kAlayAnaM
pApasya me tvadasitAbhavapurdidR^ikShoH || 8\.3\.4||
ketUchchavaprapishunoktipure cha chi~nchA\-
kuDyAM cha yat sthiramupaiShi sukhaM sanidraH |
kiM bhaktaduHkhavinivAraNajashramo vA ?
vegAdvadedamavanikramaNashramo vA ? || 8\.3\.5||
bhUtvA svayaM tvanamanAmarabhaktisevA\-
hetussa sAbharaNachakradare cha bibhrat |
loke jihIrShuratighoramanantarogaM
shrInIlaratnavapuShaiti madantarAptyai || 8\.3\.6||
shrIsvashchachAravasatestu mamopayAnto
yAnto ramoka\-uraso na vadanti me.artham |
dAso.asti sundaradarAridharastvayaika\-
\*pArshve chariShNuriha kastviti kinnu kurmaH?|| 8\.3\.7|| 
(\*\ldq{}pArshve chariShNuriti kashchana kiM nu kurmaH ?\rdq{} iti vA paThyamiti bhAti ||)

tvatsundarAbharaNavatpadayoradho mAM
svena tvamiShyasi kadA sthiradAsyakR^itye ? |
sthitvaiva saptagiribhUdadhisaMvR^itakShmA\-
kArtsnyAkramadvitatapAda ramesha ! chakrin ! || 8\.3\.8||
shrIman! chaturvadanaraktajaTAvitImau
sarveshatatvamananAshakanau kimuktvA ? |
ekochchakAraNa ! purANavibho ! \*madIsha\-
shyAmeDyavigrahayuteti vadAmi bhaktyA || 8\.3\.9||
(\ldq{}mathanyA\-\rdq{} iti pAThashchet mUlAnuguNataraH syAt |)
niShkalkamujjvalatapomunayastu dR^iShTa\-
pArA namantyachalabud.hdhyakhilAmarAshcha |
kShobhodayaM mathitadugdhamahApayodheH
pUrNastave tvashakano.asmi vadA.atra kR^ityam || 8\.3\.10||
(tAtparyaratnAvalIshlokaH)
shrIbhUmInAyakatvAt arisukaratayA kalpasindhau shishutvAt
shrIsthAne sannidhAnAtsurahitakaraNAt shrInivAsatvayogAt |
vikrAntyA viShTapAnAM vidhiduradhigamAtsveShu saulabhyabhUmnA
chaikAkI svAshritAnAM viharaNasamaye shrIdharaH pratyapAdi || 8\.3\.11||
(pratibimbalaharIshlokaH)
dhvastogradurvacharugAtmakR^ipaM kirITa\-
dIrghaM nagochchagR^ihavatkurukAshaThAreH |
sandarbhagumbhitamidaM dashakaM sahasre.a
dhItya kramAt na janimeti mahApR^ithivyAm ||
(iti aShTamashatake tR^itIyaM dashakam)
\section{|| atha aShTamashatake chaturthaM dashakam ||}
pratibimbalaharIvR^ittaM \- mattebhaH 
etaddashakapratipAdyaguNavisheShaH \- shritavihitasamagrasvabhUmattvam |
          || sa~NgatimaNimAlA ||
            (vasantatilakA)
tasyeti jAtamatitApamapAchikIrShuH
raktAdribAlasariti svavibhUtijAtam |
viprAn sahasrayugasArdhasusa~NkhyakAn cha
prAdarshayat prabhuridaM pramudA praNauti ||
syandanmadAmbujharadantyadridantayugakoTiM viloDhya dalayan\-
sa~nchArakR^itsudR^iDhapAkAsuhR^idraNagamallAnnihatya paritaH |
\*ma~ncheShu yoddhR^inR^ipaniShkrAntaye vihitaharmyasthakaMsanihateH
shrIbAlagopavapuSho no.aruNAdriparagAlpApagA hyasugatiH || 8\.4\.1|| 
(\*atra yatibha~NgakAtaraiH uttarArdha evaM paThanIyaH \-
mashcheShu yoddhR^inR^ipaniShkrAntaye vihitaharmyasthakaMsanihati\-
shrIbAlagopavasibhUrno.aruNAdriparagAlpApagA hyasugatiH ||)
asmatsukhApyagatiM asmatsudhAmamaranAthaM cha nAthamapi me
vR^iddhaM trilokamapi \*sR^iShTvA.avitAramapi saMhArakaM trivapuSham |
shoNANDajotplutikapauShpAsavApagataTopAvR^itAruNagiri
grAmAlpanadyupagamAdiM vinA mama na ko.apyanyanityasahabhUH || 8\.4\.2|| 
(\*sR^iShTvAbhipAtumapahartuM kShamaM trivapuSham | iti pAThAntaraM mAtR^ikAyAmeva darshitaM)

matsvAmino.anishamamartyeshiturvitatabhUddhAriNo mama vibhoH
nAshAya pUrvadR^iDhasarvAmhasAM sapadi matkeshiturmama vibhoH |
bhUShetyagastyadishi siddheruNAdripuragAlpApagAparataTe
satsvAminashcharaNayugmaM vinA na mama gatyantarentarapi dhIH || 8\.4\.3||
anyA na mesti gatiralpetaratrijagadAptyai mahardhivapuShaH
maddhrasvavarNivapurIshodravAbdhimathakAnIlashoNabhapateH |
shumbhatphalakramukasannArikelavR^itirambhALiraktagiripu\-
ryalpApagodyadR^itasaMvAsimatkapitura~NghriM vinA.adya kimapi || 8\.4\.4||
anyat kimapyaraNamasmAtparaM na khalu sArthasthitistadapi taM
hitvA sthiraM tu hR^idashaktyAshrayaM mama tadasyAnishAdhivasatiH |
saMyakchatushshrutigayaj~nAhutIsurabhidhUmAvR^itAbhragamahAH
shlAghyA saduchchagR^ihashoNAdripattanavare.alpApagA mama gatiH || 8\.4\.5||
\*sadrakShakaM mama madAtmAyitaM cha mama sUrIshamAtR^ipitR^ibhU\-
taM svasya chAviShayanaijAnubhAvaminamalpetarAbdhishayanam |
svAjatriNetrasamakalyANahR^idyaguNa sAhasrasaumyanilaye.a
pashyaM dR^iDhochchagR^ihashoNAdripattanavare.alpApagAparisare || 8\.4\.6|| 
(\*ayaM ardhaH yatibha~NgakAtaraiH \ldq{}sadrakShakaM mama madAtmAyitaM cha mama sUrIshamAtR^ipitR^itA\-DhyaM svasya
chAviShayanaijAnubhAvaminamalpetarAbdhishayanam | \rdq{} iti pAThyaH |)
\*shrIshoNashailanagare.adhyalpashaivalini dR^iShTassa sheShyanukalaM
shrIshoNadR^ikkamalashoNAdharAruNapadAraktahastasutalaiH |
\*\*shrIshoNanAbhikamalAshoNapadmasamavakShotipItavasanaiH
shrIshoNasanmakuTahArAyudhaishcha mama chitte jvalan hi vasati || 8\.4\.7|| 
(\*atra yatibha~NgakAtarANAM
\ldq{}shrIshoNashailapuri svalpAlpashaivalini dR^iShTassa sheShyanukalam | \rdq{} iti pAThaH |
\*\*atra yatibha~NgakAtarANAM
\ldq{}shrIshoNanAbhisumajAshoNapadmasamavakShotipItavasanaiH | \rdq{} iti pAThaH |)
\*chitte mamojvalatayAdhiShThitaM svavanidevaishchatushshrutidharaiH
\*\*dikShvAhitA~njali nutaM shoNashailanagare.alpApagAtaTagatam |
tejasvidevagaNanityAshrayaM prabaladaityogramR^ityumapi na
stotuM vidhAvidahamAttAshritatrijagadutpattirakShaNahatim || 8\.4\.8|| 
(\*atra yatibha~NgakAtarANAM pAThaH chitte mamojvalitabhAsA sthitaM svavanidevaishchatushrutidharaiH |
\*\*atra cha \ldq{}vandyaM sahA~njali cha taM shoNashailanagare.alpApagAtaTagatam | \rdq{} iti)

sR^iShTisthitipralayakArI parAtparadigAsyashshivopakR^idasau
madhye.avatIrya sa kimapyarthamujjhati na nastotrametadakhilam |
dAnAtikIrtiyutavikhyAtigAtmasamasUkShmaj~natAcharaNani\-
tyArAdhanasvaguNashoNAdripattanagatAlpApagAsthitavibhuH || 8\.4\.9||
lokArhanAthamiha te te cha san sakR^ipameteShvabhIShTadaminaM
lokArhashItajalabhUshoNashailanagare.alpApagAtaTagatam |
shrIsadguNatrishatapa~NiktashrutiprachitabhUdevanaijavasateH
arhasthitiM triNayaneshaM chaturvadanamAshcharyamasmyupagataH || 8\.4\.10||
(tAtparyaratnAvalIshlokaH)
durdAntebhendrabha~NgAchChubhanilayatayA sAmyatashchetareShAM
svAyattatvena bhAnAt shritahR^idi satataM devatad\-dveShisa~Nge |
mitrAmitratvayogAjjagadudayakR^iteH devatAtmatvamukhyaiH
shrImAn vaikuNThanAthaH shritavihitasamagrasvabhUmA.anvabhAvi || 8\.4\.11||
(pratibimbalaharIshlokaH)
bhogyaM sudugdhamadhukhaNDAmR^itAdyamiva gIrNavyavasthitabhuvaM
nAthaM nabhasthavidhisR^ik\-shItanAbhidaladambhojamadbhutaminam |
uddishya divyakurukAsachChaThAryuditasAhasragaM dashakamuch\-
ChindyAt padaM sadayamAropya tadbhavamahAshcharyanATakamidam ||
(iti aShTamashatake chaturthaM dashakam)
\section{|| atha aShTamashatake pa~nchamaM dashakam ||}
pratibimbalaharIvR^ittaM \- shArdUlavikrIDataM 
etaddashakapratipAdyaguNavisheShaH \- rakShApekShApratIkShatvaM
          || sa~NgatimaNimAlA ||
            (vasantatilakA)
tanmAnasAnubhava ityapi bAhyakhAnAM
bhUyAdasAviti punastvabhilAShamugdhaH |
tAdR^ikpipAsuratha taM samayapratIkShaM
ehIti pa~NkajasaraH charamIDate va ||
mAyAnATaka! vAmanAtyaghanidherme kR^iShNa dR^ikpAdapA\-
NyachChAraktasumo mahomukulabhUtAraktadivyAdharaH |
kAntashyAmaladivyavigrahadalaiH shItastaTAko mahAn
AmbhojassurabhiryathAgamanavannehyekavAraM dR^ishoH || 8\.5\.1||
AgachChekShitumityatIva nayane vaktre cha shuShke mayi
hrINe sadviShaye.avasIdati \*dayAvAn tvaM dine.atra kvachit |
hAhA yAhyuditAsitAruNamahAnIlAbhinavyottama
kShmAbhR^ittulyamahomayAlakabharAshliShTottamA~Ngeshvara || 8\.5\.2|| 
(\*yatibha~NgabhIravo.atra \- \ldq{}dayAM kR^itvA dine tvaM kvachit\rdq{} iti paThantu |)

Isha ! shliShTakachottamA~Nga ! nibiDatvadramyasAmodasad\-
dhAmochChItatulasyurassragina! hetyunmohavadrodane |
mayyudyanmakarAbhakuNDalachaturbAhupravAlAdhara\-
shrIDhakkAbhavalagnayogyamalavArvArmuk yathA naiShyaho ! || 8\.5\.3||
svachChAmbhobdavadujvalachChavivapuH te divyabimbAdharo
madhvApekShaNapa~Nkaje api mamA.a.agatyAntarApUraNam |
\*nIlAnalpakarUpyashailasadudAraprAvR^iSheNyAbdavat
kShIrAbdhAvabhivR^iddhanidra! gadituM mannAtha! no shaknuyAm || 8\.5\.4|| 
(\*ayaM pAdo yatibha~NgakAtaraiH \ldq{}nIlAnalpakarUpyashailagatasatsvodAravarShAbdavat\rdq{}
iti paThanIyaH syAt |)
dAso vaktumashakta eva charaNau te divyatejomayau
nissImasvaguNau dvibAlamihirau chitte mama sto yathA |
chitte.anarthamahAndhakAramilane ko vA.abhyupAyo.abdhivR^i\-
tyADhyAnalpasamakShamAbhugamitAmbhombhodapUrNojvala ! || 8\.5\.5||
vArmugvarNa! ghaTInaTAghajaladherme netra ! kR^iShNAsmadI\-
shANDAnAmadhipeti pAtumiha mAmAkrushya chedAhvaye |
vyomno vA paramAdbhuvo.atha vitatakShIrAmbudhervA.anyato
vA me dAsajanasya te.a~NghryanubhavAyAvirbhavaityaikadA || 8\.5\.6||
shItAtAmrasarojajinnayanapANya~NghryabjashoNAdharaH
shyAmAsa~NkhyakaraprasArivikasatsUryopamAsmatprabho ! |
etyAvirbhava chenna te bhuvi na vikrAmatpadAmbhojayoH
mUle pUrvamahaM yathaimi dhuri mA.a.ahUya svadAsye kuru || 8\.5\.7||
tulyaM svAmivapuH shriyeti shithilasvAnto.ahamatrAnvahaM
pratyoghIbhavadambudAyakagaNAlokaM druto vAsmyaham |
bhUtvAdAvanurUpapa~nchakavashe pAtAya rAj~nAM shata\-
syAjyantassurathaikavAhaka ! na chaiShyeSha svabhAvo nu te ? || 8\.5\.8||
shIlaste kathameSha vidyudanukR^ichChakrAyudhArUDhasat\-
pakShin ! tallasaduddhR^itadhvajavaretyashvAsavadrodane |
mayyAsthA bhavituM kathannu vipuledambhUbharaM nirharan
syandanmadhvagatatyudIchyamadhurAvirbhUta! charyAdbhuta! || 8\.5\.9||
AshcharyAdavatIrNa! bhArataraNasraShTA drutetthaM tvayA\-
pIshaivaM tvatishAyibhUjalamarudvyomAnalAnyAkR^itau |
dugdhakShIraghR^itaM yathedamakhileShvaj~nAtarUpaM vasan
atyAshcharyanidhe! kva vA punarito drakShyAmi bhostvAmahaM ? || 8\.5\.10||
(tAtparyaratnAvalIshlokaH)
AshcharyehAnvitatvAt shubhamakuTatayA svAmitAbdhau shayitvAt
jImUtashyAmalatvAt shritasulabhatayA padmasUryopamA~NgAt |
sArathyAtpANDusUnoH avanibharahR^iterantarAtmatvayogAt
jIvApekShApratIkSho bhavati tadavane shrIpatishchetyabhANi || 8\.5\.11||
(pratibimbalaharIshlokaH)
drakShyAmyujvalasattulasyadhipatiM kutrAhamityevami \-
tyatrAnamragirA sushItakurukArAjachChaThadveShiNA |
ukte.atyArjavayutsahasraka imA gAthA dashAdhItinaH
pratyakShaM tviha janmanIha vipulAnandAstu naktandivam ||
(iti aShTamashatake pa~nchamaM dashakaM )
\section{|| atha aShTamashatake ShaShThaM dashakam ||}
pratibimbalaharIvR^ittaM \-upajAtiH 
etaddashakapratipAdyaguNavisheShaH \- svapadavitaraNasajjatvaM
          || sa~NgatimaNimAlA ||
            (vasantatilakA)
tasyArtishAntaya ito bhagavAn tu sajjaH
madhye paraM kaTipure bharate pureva |
AnandasAtmyakR^itabuddhirasAvatiShThat
j~nAtvetadAnandavasho bravIti ||
naktandivaM svasmR^itijAbhivR^id.hdhyai
shlAghyAM dayAM me dadato dayAbdheH |
sushItapuShpyattuLasIkanetuH
sampannabhUH pUH kaTidivyadeshaH || 8\.6\.1||
shrImatkaTisthAnamidaM mano me
matvaikamantastha ihopakArI |
tadAttagarvAmatiyAtudeha\-
nAshAya vR^iShTAshuga ekavIraH || 8\.6\.2||
eko.atha vA dvau traya ityuditvA
gUDho.atha so.anusmR^itinityabhogyaH |
lakShmyAsthitorAH kaTidivyadesha\-
mAdR^itya tiShThatyupakR^it sumAyaH || 8\.6\.3||
tejiShThasUryAptakaTisthalaM sA\-
modAgavATIM kalayannivAsam |
mAyopakR^inme hatamanmahArtiH
snehAnmanodeshamadhAtsvageham || 8\.6\.4||
\*sasAlayAmartyagaNeDyabhUvai\-
kuNThAlayastho ghaTanartakeshaH |
svaM dhAma kurvan kaTidivyadeshaM
tenAkaroddhAma mamApi chittam || 8\.6\.5|| 
(\*atra yatibha~NgakAtaraiH \ldq{}sasAlayAmartyagaNeDyabhUta\-vaikuNThageho ghaTanartakeshaH\rdq{}
iti pAThaH svIkAryaH |)
ghaTInaTesho.aghimadArtijAla\-
\*hartuH madhudviDvibhunityavAse |
puShpATavIshItakaTisthale.asmin
nute tu duHkhAnyavadhatta na syuH || 8\.6\.6|| 
(\*harturmadhughnasya dibhornivAse \- iti pAThe anvayaklesho na syAt |)

govindabhUmyambaramAtpadAbjaM
namatsu bhaumeShvamaraissametya |
svayaM shritaM shrIkaTibhUpuraM tat
duHkhaprashAntyai hR^idaye kurudhvam || 8\.6\.7||
puraH khabhUmyabdhimukhA madIyA\-
shcharyasya varyAH sthitaye.abhito.api |
tathApi hR^inme kaTidivyadesha\-
puraM cha dAyAptanijapradeshau || 8\.6\.8||
shlAghyasvadAyAkhiladivyadesheShu
AdR^ityarAgAnnivasan prakR^iShTAt |
tejiShThasUryAptakaTisthale.antaH
gopaprabhuH so.adbhuta eti vAsam || 8\.6\.9||
AshcharyanArAyaNavAmanAkhya\-
haressthitissAdaramasmadantaH |
sthitessukIrtishrutibhR^ichchatushshru\-
tyuchchAmarAgADhyakaTisthale.antaH || 8\.6\.10||
(tAtparyaratnAvalIshlokaH)
bhAtatvAt shrItulasyA shritahR^idishayanAt shrIddhavakShaskabhAvAt
AshcharyopakriyatvAtsuragaNabhajanAdvairividhvaMsakatvAt |
shrIgovindatvasheShAbhimataviShayato.abhIShTasachchittakatvAt
sarvAkArAdbhutatvAtsvapadavitaraNe sajja ityAha kR^iShNaH || 8\.6\.11||
(pratibimbalaharIshlokaH)
uktau shubhArAmakaTisthalashrI\-
patiM susAleTkurukAshaThAreH |
harShAt sahasre sapayomR^ite.amUH
dashochchavaikuNThamudaM nayeyuH ||
(iti aShTamashatake ShaShThaM dashakam)
\section{|| atha aShTamashatake saptamaM dashakam ||}
pratibimbalaharIvR^ittaM \- mandAkrAntA 
etaddashakapratipAdyaguNavisheShaH \- svajanahR^idi ratatvaM
          || sa~NgatimaNimAlA ||
            (vasantatilakA)
chittaM svakIyamitamAdarataH prayatnAt
svasmAchcha tIvrataramasya vibhuM prapashyan |
baddhAdaraM paramameSha jagAda bhakta\-
chittasthitAvatha mahAntamavApya modam ||
AshcharyAnmAM svashubhapadayoH mUlataH sthApayedi\-
tyabhyarthyaikAkR^iti bahudinAnyevamAkrandato me |
sasnehitvaM svayamanuvishan vAmano.antarmano me
sthairyAddR^iShTvA.a.ashayamimamihotkarShavAn sa nyadhatta || 8\.7\.1||
dR^iShTvA kartuM chapalahR^idayAkarShakAn me.avineyAn
pa~nchA.atulyAn kShayayutahatAn susthiraM svAsthitena |
pIDApInasvacharaNagaje svAminodyatkR^ipeNa
svenaivetanmayi cha vihitAM shrIkR^ipAM naiva jAne || 8\.7\.2||
jAne netaH paramapi kR^ipAM tAmahaM so.asmadantaH
sarvAj~nAnakShayakR^idupaviShTo.astyato.anyaH pumarthaH |
ko vA.astIti sphurati manane nArtha eva trilokI
bhrAntirvedaM bhramayati sa mAM mohanaissAdhanairvA || 8\.7\.3||
mA mAM sa bhrAmayatu vividhairmohanairva~nchayitvA
gopaH svAmI mama harivR^iSho nityasUrIshvarANAm |
shuddhajyotirmayanijavapuH svIyachitte nyadhAnme
loke shlAghyAM sakalaviditAM shrIkR^ipAM svAM vidhAya || 8\.7\.4||
kR^itvA loke sakalaviditaM shrIkR^ipAM svAM janaughaiH
shlAghyAM kIrtiM bhuvi mama nijAM darshayitvA sthiro.abhUt |
dIpto nIlAtulamaNigirishrIH \*manaHpa~Nkaje me
shlAghyA kIrtirbhuvi tadaparA kA pumarthashcha ko me ? || 8\.7\.5|| 
(\* \ldq{}madIyAntara~Nge\rdq{} iti pAThashchet mUlAnuguNataratA ||)

arthaM kashchinmama taditaraM chet pumartheShu pUrNaM
dadyAddAtA jagati madR^ite sa svayaM kasya vA svam |
mAhAnIlakShitidharabhavAbjopamashrItavakSho\-
hastAkShya~NghrisvaruNimadharasvoShThanAbhyabjashAlI || 8\.7\.6||
nAbhyAraktAdhararuchilasatkuNDalasvachChadantaiH
sAkaM chAnyAvayavamabhitaH tejaso.agre varItum |
sAkaM shoNAdharamR^iduhasenAsthitasyAsmadantaH
hitvArthaM taM tvahamiha parAM tatkR^ipAM no vijAne || 8\.7\.7||
nAnyAM jAnAmyahamiha dayAM IshitA chopakR^inme
hR^iShTaH kurvannirupadhikR^ipAM tasya pAtrIbhavatsu |
alpasyAntarhR^idayamapi me svasya kukShau trilokIM
dhR^itvA nyAyaM nijamajahadevAsthito.abhUtsthiratvam || 8\.7\.8||
kukShau dhR^itvA sthitavidhimukhAn tadvadasmAMshcha sarvAn
kukShau dhR^itvA sthitaduravabodhatrilokIM svikAyAm |
kukShau dhR^itvA sthitamavikR^itiM svAminaM shrAntihInaM
kukShau dhR^itvA sthirataramihAsthApayaM sAdhubud.hdhyA || 8\.7\.9||
chitte me.antaH sthirataramihAsthApayaM sAdhubud.hdhyA
vishliShyAhaM kShaNamapi sadA sarvadA naiva jahyAm |
yogyasphAlannibiDatatara~NgaughashIte payodheH
madhye sphAyatphaNasamuchitAnantashayyaM paraM naH || 8\.7\.10||
(tAtparyaratnAvalIshlokaH)
bhavyatvAdrakShakatvAt trijagadadhikakAruNyato gopabhAvAt
nIlAshmAdriprabhatvAtsvajanakR^itanijAtmapradAnaprabhutvAt |
mandasmityA sthitatvAddhR^idi sukR^itiShu chAtarkitAnugrahatvAt
svAnAM chittAnapAyAtsvajanahR^idi rato mAdhavashchetyavochAt || 8\.7\.11||
(pratibimbalaharIshlokaH)
tejiShThAhipravarashayanaM chottamaM shrIpriyaM naH
tatpAdApteH sushubhakurukAbhUshaThArAti\* bhaktyai |
yukterukte dasha dashashate janmanishsheShashAntyai
etA gAthAH \*\*svaruNanayanAbhyAM nijAbhyAM daheyuH || 
(\*pitAmahapAdAnAM mAtR^ikAyAM evameva likhitaM dR^ishyate | atra artho nAsmAkaM sphurati |
tatashcha  \ldq{}...nAmnA | prokta proktA\rdq{} iti paThanIyaM iti eka UhaH |
\*\*atra yatibha~NgabhIrUNAM \ldq{}svaruNanijadR^igpAtamAkalpayeyuH\rdq{} iti vA pAThassyAt |)

|| iti aShTamashatake saptamaM dashakam ||
\section{|| atha aShTamashatake aShTamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- svadAsyaspaShTayitR^itvaM
          || sa~NgatimaNimAlA ||
            (vasantatilakA)
sammodavAniti punarnijanaichyabuddhiH
dUraM vrajediti vibhAvatha \ldq{}bhUShaNaM tvam |
devIva kaustubhamive\rdq{}ti cha tatsvarUpaM
sandarshayatyayamidaM vivR^iNoti pashyan ||
raktAkSho dIrghachakShuH svaruNarugadharaH pakvabhUtaH tadantaH
shubhrashrIdantacha~nchadruchivaramakarashrIchalatkuNDalashrIH |
prAvR^idbhUmeghavarNaH shubhamakuTachatuH shrIbhujo namrashA~NgaH
svabjaM chakraM gadAsI dadhadiha ramate dAsachitte.advitIyyaH || 8\.8\.1||
dAsasyAntaH sthito me vapuShi cha bahirapyaNDato.antashcha vartI
shakyo vaktuM na chedR^igvidha iti sutarAM yaH parasmAt parashcha |
\*navyAmodaughamAdhvIbhavasukhaniravadyochchasArAvinAshi\-
svAnandotkarShabhUmoparitanasudhiyAM j~nAnavatve.advitIyyaH || 8\.8\.2|| 
(\*\ldq{}saurabhye nUtane.antarmadhuni cha niravadyochchasArAvinAshi\rdq{} iti pAThAntaram |
j~nAnashreShThAdvitIyaM nirupadhidayayA tasya tatprAptaye.antaH
j~nAne me.asthApayaM sAdhvidamapi kR^ipayA tasya tattAdR^ishaiva |
j~nAnaM prANashsharIraM niravadhi sakalaM chAparaM vyarthameve\-
tIkShAprAptyai pravartyAntamapi punarahaM chAbhavat sa svayaM cha || 8\.8\.3||
bhUtvAhaMshabdavAchyaH sthitamapi karaNaM chetanAchetanAnAM
viShNvAkhyo brahmarudrAkR^itirapi vitatIbhUtamekaM cha hetum |
mAdhvIkShIrekShukhaNDAmR^itavadatitarAM bhogyabhUtaM cha dehe
prANe j~nAne cha me.antaH sthitamavagatavAnasmi ka~nchit pumAMsam || 8\.8\.4||
ekaM sthairyAt sthitaM me tamavagatavatAM tadgataM sUkShmakaM vai\-
lakShaNyaM durj~nametat taditi kimapi \*keShAM cha vij~nAya pashchAt |
\*\*durdarsho dUragatyA paramapi parato doShahInaM cha sUkShmaM
nissa~NgaM sAdhvasAdhvityapi duravagamaM shlAghyamakShANyatItam || 8\.8\.5|| 
(\*atra yatibha~NgabhIravo \ldq{}vA kasya vij~nAya pashchAt\rdq{} iti paThantu |
\*\*durdarsha iti pAThena bhavitavyaM iti bhAti |)

ekIbhUtaM bR^ihaddustaramanavadhi tatprAkR^itaM vastu saMyak
j~nAtvA j~nAtvA pratIdaM matishuchiriha balyakShavargaM cha jitvA |
saukhyaM duHkhaM vijityAntararasavimukhashchettadA tatkShaNe syAt
mokShaH sarvAntarAyAt sa hi nijabhagavatprAptirUpashcha mokShaH || 8\.8\.6||
matvA mokShashcha mokShAbhyuditaparasukhaM tat sa eveti samyak
sarvasmin tyaktasa~NgAH api yadi ruchimadvAsanAtyAgashaktAH |
mokShasso.ayaM hi mokShoditasukhamapi chedaM tvanishchitya ko vA
mokSho? mokShAptisaukhyaM kimiti cha sutarAM kleshinaH khinnakhinnAH || 8\.8\.7||
sannassannovasannastviti gR^ihagajaneShvanyabAhyeShu sa~NghI \-
bhUyAkrushyAtra pAtiShvapi mR^itisamaye svasya sonmAdatulyaH |
mohAdhikye.anurAge.apyatipatati mama svAminA pUruSheNa
prApyaupamyaM sthite.asmin saha yadi ghaTate chittamutkR^iShTalAbhaH || 8\.8\.8||
aikyaM gachChet sulAbhaH naTadurugaruDaprAmshuke tvasmadatyA\-
shcharyo.asau tattadeva prabhavati sakalaM durlabho labhyate chet |
mokShaM vai kalpayitvA nijamatavidhayA bhAvikAle.adya bhUte
dhAvanto yogino.api prachuramiha tu santyeva no santi naiva || 8\.8\.9||
\*san vaisyAnnaiva sansyAnna cha bhavati tu no so.ayamityAdi pakSheSh\-
vasmatsvAmI sthito.ayaM nirupama iha me prApya chittaM sthiro.atra |
shuklaM pakShaM va kR^iShNaM kShayamudayamimau jaghnimaivaM tatashchA\-
dityaM saMvardhamAnaM tamasamiva matiM chAmatiM jaghnimaiva || 8\.8\.10|| 
(\* dashake asmin pratibimbalaharIshlokA gatagAthAparyantaM sragdharAnibaddhAH | paraM tu asau
uparitanashcha shArdUlavikrIDite nibaddhau | tadidaM parishIlya pitAmahapAdAH svayameva anayoH
sragdharArUpaM mAtR^ikApustakAvasAne likhitamiti sUchitavantaH | paraM tu tatra ekAdashyA eva
gAthAyAH pratibimbaH sragdharAtmako dR^ishyate | tatashcha ayaM shlokasteShAmanugrahAt tAneva dhyAyatA
dAsena sragdharArUpe dattaH | vairUpyaM mAstviti sa sragdharAshloka eva upari mudrApitaH | teShAM shArdUlavikrIDitashlokaH tu atra dattaH \-
sannAsti sa hIti saMshcha sutarAM nAstIti pakShe sthito
hyasmatsvAmyatulassametya hR^idi me madhye sthitassthairyataH |
vardhiShNvindukalAM kShayiShNumiva tAM vR^iddhiM kShayaM cha kShayaM
sUryaM santamasaM yathAhamanayaM j~nAnaM tathAj~nAnavat ||)
(tAtparyaratnAvalI shlokaH)
prAsAdhanyena bhAnAddhR^idi cha vibhutayA.alammahimnA paratvAt
mAdhuryAddehadehyAdiShu cha gatatayA svasvarUpaprakAshAt |
antyasmR^ityApyabhAvAtsvaparamapuruShaikyabhramadhvaMsakatvAt
j~nAnAj~nAnapradatvAtprakaTayati hariH puMsi dAsyaM svamUche || 8\.8\.11||
(pratibimbalaharIshlokaH)
\*j~nAnAj~nAne vinAshya svavinayanashubhasvarNabhUShA~NghrimUle
kAruNyAt sthApayanmatprabhuvidhishivarUpyabjajAnAyakena |
shrIsAhasre shaThAreH dashabhiritadayenAbhirAlokitasya
svIkuryAnnIlaratnaprabhuriha dayayA pAdamUle sthiraM\*\* tat || 
(\*atra eva shrIpitAmahapAdAnAM shArdUlavikrIDitashlokaH\-
j~nAnAj~nAnavinAshakR^itsvavinayatsusvarNabhUShA~NghrayadhaH
kAruNyAtsthirayanmadIDajashivAkArAmbujApreyasA |
sAhasre tvanukampitasya dashabhiH chAbhiH shaThadveShiNaH
kuryAnnIlamaNiH prabhuH karuNayA naH pAdamUle sthirAn ||
\*\* \ldq{}naH\rdq{} iti pAThashchet mUlAnuguNataratA syAt |
(iti aShTamashatake aShTamaM dashakam)
\section{|| atha aShTamashatake navamaM dashakam ||}
pratibimbalaharIvR^ittaM \- shArdUlavikrIDitaM 
etaddashakapratipAdyaguNavisheShaH \- svadAsyaspaShTayitR^itvaM
          || sa~NgatimaNimAlA ||
            (vasantatilakA)
AtmasvarUpamavabud.hdhya cha sheShabhAva\-
pUrtyA bhajan varatanoratha bhAvameShaH |
shrIvyAghrapUHprabhukR^ipAmavagAhya bhAtI\-
yAlIgirA vadati ki~NkaratAsuniShThAm ||
mAhAnIladharAgradivyasarasIraktAbjavanyA sama\-
shrIvakShodharadR^ikkarA~NghrikaTinAbhyAraktabhasyeshituH |
shrIsheshaH sujaletakharvaviShayashrIvyAghrapuryadbhuta\-
syA.alabhyasya vinA.abhidhAmiyamavAk hAmbAH ! kariShye.asya kiM ? || 8\.9\.1||
divyaM merushirasyudItanibiDavyAptaprabhArkashriyA
ki~nchAsa~Nkhyakabhagrahairiva \*kirITenA.api hArairapi |
anyaishvApi vibhUShaNaiH vilasato nAthasya punnAgasad\-
vATIM vyAghrapurIM vinauti sutarAmambAH ! kariShye.asya kim || 8\.9\.2|| 
(\*atra yatibha~NgakAtaraiH \ldq{}tathA mauleyahArairapi\rdq{} iti pAThaH svIkAryaH |)

stautIyaM kalahAyitAmburudadhirvahnyAparItojvala\-
jvAlAbhissaha yAn yathaidhitaruchIn shlAghyAn yuyutsUn vahan |
hetIn chakramukhAnvishan yudhi surArAtInnihantuH sphurad\-
ratnochchairgR^ihavattarakShunagarAbhAmeva naktandivam || 8\.9\.3||
svashrIkR^innagavATikekShupR^ithusannIvArayuktAnaDuh\-
shrIkedArasushItakharvaviShayashrIvyAghrapuryAM sataH |
dIvyatsadguNitastrilokamudare nikShipya vikShepino.a\-
martyesho.adbhutanAmakIrtanamR^ite.adyAmuktabhUShA hyavAk || 8\.9\.4||
AmuktAbharaNashriyA cha vasane kAntyA navollAsane
chintAyAM sthiramasti\*te duravabodho.asyAH svabhAvo.asya hi |
sphItonnidrasarojasArasahimashrIvyAghrapuryAM sataH
mukhyasya trijagatpateH pitu\*\*ramajjat shrIkR^ipAyAmiyam || 8\.9\.5|| 
(\*atra yatibha~NgakAtarANAM \ldq{}tannanu cha durj~nAnassvabhAvo.asya hi\rdq{}| iti pAThaH syAt |
\*\*atra yatibha~NgakAtarANAM \ldq{}pituriyaM magnA kR^ipAyAM dhruvam | \rdq{} iti pAThaH syAt |)

magnAyAH sudayodadhau suchiramR^iddhAmbhobdhivarNopakR^it\-
kR^iShNasyAptatadIyadivyakaruNA\*yA lakShma chAsti sphuTam |
tena shrIkR^ipayA shritAdhyuShitasushrIvyAghrapuryAM kR^ipA\-
saMvR^iddhakramukojvalatphalasamo mR^idvyAstu rakto.adharaH || 8\.9\.6|| 
(\*atra yatibha~NgakAtarANAM \ldq{}chihnaM tathA.asti sphuTam | \rdq{} iti pAThaH syAt |)

shliShTodArasuvarNadivyaphaNivallyApInasuskandhavat
pUgAnalpadalaprasUnaphalavadrambhAshrayAmoditaiH |
saMshliShyaddalanArikelavanagairvAtairhimavyAghrapu\-
ryuchchaishchArisamR^iddhakR^iShNacharaNau samprApa mugdhA tviyam || 8\.9\.7||
mAtR^INAM kimupavarNya vachmi ? kimiyaM mugdhA mahAsampadAM
svarbhAShAshrutivAhinAmadhisavaM sAjyAgnidhUmodgamaiH |
yAtaiH khe sudR^iDhe vR^itAmarapure shIte tarakShoH pure
hitvAtikramamanyadAha phaNirATtalpasya nAmAni no || 8\.9\.8||
viShvagvardhitagAnavedachaturArAve.abdhighoShAdhike
pUrNagrAhasarovikAsyachalasaddIpopamAmbhoruhe |
satkedAravR^ite tarakShunagare kR^iShNasya shItodaka\-
shrIvarNasya divAnishaM paramiyaM no vakti kIrtiM vinA || 8\.9\.9||
ko.anyo heturidaM sushItatuLasIsaurabhyapUrtau vinA
shailochchairmaNisAlageharuchiravrAtAbhipUrNe same |
dakShAshAtilakasya kharvaviShaye shrIvyAghrasa.nj~ne pure
vAstavyAdbhutasUpakR^ichChubhadayApAtrIbabhUva tviyam || 8\.9\.10||
(tAtparyaratnAvalIshlokaH)
vailakShaNyAtsvamUrteH makuTamukhamahAbhUShaNairbhUShitatvAt
svArhAnekAyudhatvAtpralayasakhitayojjIvane karShakatvAt |
bhavyatvAdyaishcha sampanniravadhikatayA.a.ashcharyacheShTatvayogAt
niShThAM dAsye svakIye prakaTayati harishchetyathAj~nAyi tena || 8\.9\.11||
(pratibimbalaharIshlokaH )
kai~Nkarye paripUrtimattrijagatIyogyAdhinetuH pade
yogyasyeshitR^ibhaktabhaktapadabhAgbhAjashshaThadveShiNaH |
\*yogyoktau dramiDasragujvalasahasre.asmin dashAmU api
prApyAdhItijuShaH shriteShTabhagavatkai~NkaryayogyA dhruvam || 
(\*atra yatibha~NgakAtarANAM \ldq{}yogyoktau dramiDe sahasrasumavanmAlye dashAmU api\rdq{} iti pAThaH |)

|| iti aShTamashatake navamaM dashakam ||
\section{|| atha aShTamashatake dashamaM dashakam ||}
pratibimbalaharIvR^ittaM \- sragdharA 
etaddashakapratipAdyaguNavisheShaH \- dAsyasya avadheH spaShTayitR^itvaM
          || sa~NgatimaNimAlA ||
            (vasantatilakA)
sheShatvavarNanakathAmadhi tasya kAShThA
tadbhaktasevanamidaM paramaM subhogyam |
ityAdikaM vakulabhUShaNa eSha vakti
shatrughnamArgapathiko.atha bhavan prahR^iShTaH ||
bhaktavyAmohabhAjaM smR^itavati mayi taM dAsyakR^idvatpralobhya
svasthogrAghaughamokShochita iti cha mayA chintite tu prakAre |
krUrochchAghasya me tatpadavinatapadasyaiva dAsyaM vinApte
trailokye vismayArhe.apyahaha ka iha tattyAgahetuprakAraH ? || 8\.10\.1||
trailokye vistR^ite sve.apyapagatatamasi shreShThakaivalyasaukhye
varShAbhrashrItanoH sraksumakaTakayute svAminaH pAdamUle |
niShThAnAM dAsyakAShThopari nirupadhikaM shrIpade.atra praNamya
prAptaM saukhyaM phalaM me \*svaghatatimR^iditasyAnurUpaM bhavet kiM ? || 8\.10\.2|| 
(\*atra mAtR^ikA \ldq{}me ityasyAnantaraM ...ditasye\rdq{}tyasya pUrvaM asphuTA |
ayamasmadUhataH kalR^iptaH pAThaH |)
yuktaM kiM me? tadIyeShviha bhuvi vicharatsvatra matsvAmiShUchchaiH
labdhvAlpatve mahatvaM sadR^ishanaratayA tadvisR^ijya praveShTum |
pUrtyA etattrilokyA vapuradhivasataH shrImahAvAmanasya
svAraktAmbhojadR^iShTermama mahitasumAmodipAdAbjamUle || 8\.10\.3||
kA hAnirme.asti loke charata iha tatAM kShmAM purochchAM nigIryA\-
pyudgIryAraktaruchyAdharamaNikamalAraktadR^iShTermameshaH |
uchchairjR^imbhadguNAsyaM \*bhR^itanikhilakhasadramyarUpADhyachittaM
chettatpUjAsumA~nchatkaramapi charituM satpathe.ato dayeta || 8\.10\.4|| 
(\*atrA.api mAtR^ikA \ldq{}bhR^itanikhila ityasyAnantaraM rUpADhyachittaM\rdq{} ityasya pUrvaM asphuTA |
ayamasmadUhataH klR^iptaH pAThaH)
labdhvA kai~NkaryamArgasthitijanakakR^ipAM ma~njupuShpA~NghrimUle
sAvartajyotiroghadyutisariduditAnandalAbhe.adbhutasya |
heye dehe janitvA tadurushubhaguNAn samyagabhyasya jAtaM
sUktyAkAreNa kAvyAmR^itamanubhavituM sarvametat samaM kiM ? || 8\.10\.5||
mokShAvAptirbhavet kiM tvanubhavanasamA sraShTR^itA vA trilokyAH
nissAmyAtmotthadhAmAruNamukhagajasaMhArakasvAmino me |
raktAlambyarhakeshAnalasamanayanaprAMshudaityAkhilAsUn
pItvApIDaM charadverniyamayituratulyAtatAchChedyakIrteH || 8\.10\.6||
prAdurbhUya svayaM susthiramatulamahAkIrtisid.hdhyai bhavan san
dhyAtR^i brahmAdibIjaM paramupajanane karturasyAstrilokyAH |
devasyaikasya hitvA svasadR^ishakisalA~NghryoH praveshaM tadIya\-
shlAghyashleShapramodaH paramiha mahataH sid.hdhyatu pratyahaM naH || 8\.10\.7||
sR^iShTvA shItAmbuvArdhiM nijacharaNabhujAshIrShamAstIrya nAnA
nistulyaM vistR^itochchai ruchirasuranagAnekasUryAtapADhyaH |
AnIlo raktashaileDiva shayitavato dAsasa~Ngena sa~NgaH
tatsaundaryasthachittapramuditamanasA sidhyatu pratyahaM naH || 8\.10\.8||
bhaktavrAtAdhitiShThatprabaladuritahR^ityAptachAturyamUrteH
yuddhodyachchakrasha~NkheShughisahitagadAsyAdyasa~NkhyAtaheteH |
pa~ncheShoH sundarasyApyadhihR^idayabhuvaH tAta\*kasyAnaghAnAM
dAsAnAM dAsadAsashrayaNachaturataikAkino jAyatAM me || 8\.10\.9|| 
(\*atrApi mAtR^ikA \ldq{}tAta ....ityasyAnantaraM\rdq{} asphuTA |
ayamasmadUhataH klR^iptaH pAThaH | tAtakasya ityatra svArthe kapratyayaH |
tAtamUrteshshuchInAM ityAdirItyA vA padAnAM niveshaH kAryaH |)
kalpe kalpe.anukalpaM prathitimadatasIpuShpajiddehakAnteH
hR^idyashrIchakrapANeshchaturamaratarushrIbhujasyeshiturme |
tyaktAsaMshleShadAsAshritapadayugalIdAsadAsA mameshAH
teShAmevAstu dAsasvakulamanumataM sheShataikAkino me || 8\.10\.10||
(tAtparyaratnAvalIshlokau)
vyAmugdhatvAtsvakIyeShvamalaghanaruchA vAmanatvena chApa\-
dbandhutvAshcharyabhAvAdahitanirasanAllokasR^iShTyAdishakteH |
abdhau shAyitvayogAchChritaduritahR^iteshchAtasIpuShpakAntyA
tvAkR^iShTessvIyadAsyAvadhi vishadayatItyAha nAthaH svadAsyam ||
itthaM sUrirdidR^ikShordR^ishi viShayamavainnispR^ihaireva labhyaM
svAnAM vishleShabhogyaM shritavihitasamagratvabhUtiM shaThAriH |
svApekShAsavyapekShaM svavitaraNaparaM hR^idgataM spaShTayantaM
dAsyaM svaM tasya niShThAM tadavadhimapi chApyaShTame sveShTavashyam || 8\.10\.11||
(pratibimbalaharIshlokaH)
shlAghyasvIkArapUrNe trijagati nikhile svena pUrNasvarUpaM
phullAmbhojAtanetraM shubhahimakurukArAT shaThArAtinoktam |
etadgAthAsahasre dashakamidamihAdhyetumevaM samarthAH
jIveyuH satpadasthAH vilasitagR^ihiNIputrayuktA gR^ihe sve ||
(iti aShTamashatake dashamaM dashakam)
|| iti aShTamashatakaM samAptam ||
|| shrImate ve~NkaTasheShAryamahAdeshikAya namaH |
|| shrImate vAtsyashrIve~NkaTasheShAryamahAdeshikAya namaH ||
aNNayagurujanmadine pUrNaM kR^itvA prakAshayan khagakhe |
pratibimbalaharyAssanmudrApaNamasmi dhanyajanmA.aham ||
|| shrImate rAmAnujAya namaH ||
\chapter{|| pratibimbalaharI \- navamashatakam ||}
|| atha navamashatake prathamaM dashakam ||
pratibimbalaharIvR^ittaM \- shArdUlavikrIDitaM
etaddashakapratipAdyaguNavisheShaH \- sarveShAmApadyekabandhutvaM
          || sa~NgatimaNimAlA ||
            (mAlinI)
bhagavata iti dAsyAt tasya bhaktA~NghridAsyaM
varamiti kathayan tattasya mUlaM prasAdaH |
bhagavata iha goptA kashchidanyo na tasmA\-
dupadishati shaThAriH kR^iShNa eveti tattvam ||
\*yuShmachchittagR^ihItadArasutasambandhisvavaMshyetare\-
ShvarthAlokanibandhanAdaramR^ite sneho na rakShA.anyathA |
aShTAshAshcha tathA.adha UrdhvamakhilaM sambhuktavatsvAminaH
nojjIvemahi dAsyametya yadi na hyanyo.asti saMrakShakaH || 9\.1\.1|| 
(\*yuShmAbhissugR^ihItadArasutasambandhisvavaMshyAH pare
dR^iShTArthAptinibandhanAdarayutAH snigdhA na ke.apyanyathA | \rdq{} iti cha pAThAntaram |)
sAhAyyAshrayadA bhavanta iva te te bAndhavAshchA.apare
nediShThA yadi sampadasti sususvAdA jalUkA yathA |
saptApyekashareNa nIlajaladaM me viddhavantaM nagAn
nAstyarthaH plava ityupetya yadi nAsaktirnijojjIvane || 9\.1\.2||
haste.artheShu charatsu ma~Ngalamiti stutvA hR^itArthAH prayAnti\-
aj~nAnAvahaduHkhadainyasamaye kiMvAdino.apyatra no |
klR^iptAj~nAnadakR^ityadaityahananoda~NmAdhurasvAminaH
kAruNyAshrayadAsyajIvanamR^ite nAstyeva rakShAspadam || 9\.1\.3||
luptArthe samaye surakShakatayA.a.ayattIkR^itA bAndhavAH
dabhrA eva tadottamarNatulitA yAntyetadevAnyathA |
tatprastutya kimauttarAshamadhurAjAtasya bhavyA guNAH
rakShArthA iti jIvane prayatanaM kAryaM na tAdR^ik param || 9\.1\.4||
svenaiva svamatIva kAryachaturammanyAssamAdhuryavAk\-
strINAmIpsitabhogapUritahR^ido gachChantyato.anyat kramAt |
bhUkampAvahakR^ityadaityahananoda~NmAdhurasvAmino
hitvA pathyabhigantR^idAsyakaraNAnno saukhyamujjIvanAt || 9\.1\.5||
naivAho ! sukhamanyadetadavichintyartaM kati prAktanAH
utpannAshcha vinAshitAshcha bahavo jAtasya sampadbhuvi |
pratnAyAM jvalitottarAshamadhurApuryAM tu divyAn guNAn
uktvojjIvanamantareNa na paraM hyuktastvayaM sa~NgrahaH || 9\.1\.6||
mA.a.ayAso.atvalameva chintanamidaM spaShTaM bata kShmAtale
nAstyanyannikhilAtmanAM suvitate.avAdiShma sa~NkShepataH |
naivAvadyamihottarAshamadhurAjAtasya goshrIyujo
gopAlasya hi no guNo.anaghaguNAn sa~NkIrtya nityaM sthitiH || 9\.1\.7||
sAnandasthitireSha eva hi guNo hantotkaTasyA~NghrisaM\-
stutyA kAlavinodanechChumanasAM spaShTAnavadyAtmanAm |
bhogopAyatayottarAshamadhurAjAtasya divyA guNA
AshAsyAshrayatAshrayA iti dhiyo naiko.apyupAyo.adhikaH || 9\.1\.8||
tasmAdabhyadhikaM na ki~nchiditi tachchitte.abhilAShya shravas\-
saMskAre shravasorbhideva vigalatprAkChinnabhogo.apyataH |
\*jAtaM shrItagR^ihottarAshamadhurAyAmuchchapaTTadhvajaiH
kR^iShNaM mAlyavibhUShitAMsakamR^ite nAstyeva rakShAkaraH || 9\.1\.9|| 
(\*atra yatibha~NgabhIrUNAM kR^ite \ldq{}jAtaM shrItagR^ihottarAshamadhurApuryuchchapaTTadhvajaiH\rdq{}
iti pAThaH ||)
shrIkR^iShNaM hi vinaiva nAsti sharaNaM tatsiddhaye chintayan
bhUbhAroddhR^itimauttarAshamadhurAmetyAvatIrNo.abhavat |
yuShmatsvaM yadi tat samarpya padayostasmai dR^iDhaM jIvata
yuShmatsvaM nikhilaM tato.anyadiha na hyatrAstu chintA.api mA || 9\.1\.10||
(dramiDopaniShattAtparyaratnAvalI shlokaH)
ApadbandhutvakIrtyA dR^iDhamatijananAddaityanAshAya bhUmau
jAtatvAduttarasyAM puri madhurapadAla~NkR^itAyAM dayAbdheH |
bandhoH kR^iShNasya pAdAshrayaNamiha vinA no sahAyaH pumartho
rakShAsAmarthyahAnerbhavina iti hitaM kArisUnurbabhAShe || 9\.1\.11||
(pratibimbalaharIshlokaH)
naivAnyattadapekShayAsti kimapIhetyadhyavasyaiva tat
kR^iShNaM sragdharadoShkametya kurukArAjat\-shaThArIritam |
nirdoShaM dashakaM sahasragamidaM saddrAviDInAM girAM
shaktA adhyayane mahopakR^itinaH prAgeva matsvAminaH ||
(iti navamashatake prathamaM dashakam)
\section{|| atha navamashatake dvitIyaM dashakam ||}
pratibimbalaharIvR^ittaM \- sragdharA
etaddashakapratipAdyaguNavisheShaH \- chirakR^itakaruNatvam |
          || sa~NgatimaNimAlA ||
            (mAlinI)
yadi nirupadhiko.ayaM bandhurasyaiva sarvAH
uchitamiti tu kartuM tAssaparyAssa pashyan |
chirakR^itashayanaM taM tintriNIgrAmamadhye
bhavati kimiti chArtastvekarUpaM shayAloH ||
svachChormyAstAmraparNyAH himataTavR^itimattintriNIgrAmashAyin !
prAkkAle tvatkR^ipAM shrIsarasijanilayA shrIkR^ipAM chAbhyupetya |
\*tvadgehaM mArjayitvA savidhi cha kulapAramparIdAsyabhAjAM
dAsAnAM naH kR^ipAkR^idvivR^itasuvadanaH pashya te.akShyambujAbhyAm || 9\.2\.1|| 
(\*atra yatibha~NgabhIrUNAM kR^ite \ldq{}tvadgehaM bhArjayitvA savidhi cha kulataH
ki~NkaratvaM shritAnAM\rdq{} iti pAThaH ||)
hemotketUchchasAlopavanashishirabhUtintriNIgrAmashAyin !
kulyo bhUtvAbhilaShyApyatishuchi bhavato dAsyametyAntara~Ngam |
tvadramyA~NghrI na hitvA kramasaraNijuShAM naH kR^ipAkR^itkaTAkShAt
kShmAmAddaNDena tulyaM kuru padakamalaM bhUShaNaM hyuttamA~Nge || 9\.2\.2||
katyahnAM(bahvahnAM)svApakAle vyathitanijatanuH svApakAlaH kiyAn syAt ?
bhR^ityAcharyAntara~NgAn chiranijajanatAmArgagAn no.anukampya |
utthAyonmIlya dIrghAmbujanayanayugastvaM tvadabjashriyA cha
trailokye sevamAne sthitimaya kR^ipayA tintriNigrAmashAyin ! || 9\.2\.3||
chi~nchAkuTyAM shayAno varaguNavanitAsIna ! vaikuNThasustha ! 
svachChaM machchittamadhyaM tvajahadapi nijaM mA.anvagR^ihNAH kR^ipAM me |
kR^itvA shItairguNaiste trijagati vivashe.asmAsu nR^ityatsu harShAt
svachChodAbhrapravAlasphuradadharaphalAruNyamAyAhi dR^iShTum || 9\.3\.4||
draShTuM tvAM vidrumAbhAdharaphalaruchirAruNyamaitvA madantaH
jyotsnAyunmauktikodyaddhavalabhahasakR^ittiShTha sushrIdR^igabjam |
prAvAlaistAmraparNyAssudaravR^itataTe chai~nchakuTyAM shayAna !
grAhagrAhotthadantivyasanahara ! saro nItavan ! kruddhatArkShyam || 9\.2\.5||
Aruhya krUratArkShyaM kanakagirivarasthAyikAlAbhratulyaH
kruddho dhR^itvA.atha sha~NkhAryasisagadadhanUnasmadArternihantaH ! |
svAmin! kruddhAriShu shrImakuTadhara ! lasatsasyakedArachi~nchA\-
kuTyAssa~NkruddhamAliprabhR^itinihataye tvagraNIstatra kopAt || 9\.2\.6||
dhUtvAsmAkArtimasmAn iha tu nijatayA.a.adAya tadvatsurANAM
bhUtvA hR^iShTAruNAbjodakashishiramahIshI(shrI)tachi~nchAkuTIsha ! |
dR^iShTavA tvaddAsakolAhalamatimuditAnanditeShvantarAvi\-
sneheShvasmAsu pashyatsvidamamatijanairekadA.a.asvAsmadagre || 9\.2\.7||
chandraspR^iggehachi~nchAkuTipuravasate! deva! vaikuNThavAsin !
pratyakShaM nassamaste charaNayugalake prItimetyAtra loke |
yAvadbhakti svakokterahamahamikayA shaktitaH klR^iptapUje.a\-
pyAsvaivandeshasukShmAtala iha cha dhR^itasvAsikashchaikavAram || 9\.2\.8||
\*sasyAntaH pa~Nkacha~nchat\-shapharashishusukedArachi~nchAkuTIsha! 
kAlassannugrakarmAyudhadhara! ditibhUvaMshavichChedakArin ! |
dAseShvasmAsu shItekShaNayugamuditaM gAtramamlAnapuShpA\-
kAraM pAtuM suchitre jagati sakR^idihA.apyAsva labdhAvakAshaH || 9\.2\.9|| 
(\*atra yatibha~NgabhIrUNAM kR^ite \ldq{}sasyAntaH pa~Nkacha~nchat\-shaphara\-shishugaNa\-
kShetra\-chi~nchAkuTIsha !\rdq{} iti pAThaH ||)
uchchaNDAchArahetIshvara! gara ! surasampattaye daityaduHkhA\-
\*pAdi\-krUraprachArAmR^ita! mama shubhakedArachi~nchAkuTIsha! |
nistulyAkAralakShmyA tadupamadharayA chApi saMvAhyamAnaM
mR^idva~NghriM mArjitaM kurviha gatimatha vAhvAnamAgasvino me || 9\.2\.10|| 
(\*atrApi teShAM kR^ite \ldq{}pAdi\-krUra\-prachArAmR^ita! mama\-shubhayukkShetrachi~nchAkuTIsha\rdq{}
iti pAThaH ||)
(dramiDopaniShattAtparyaratnAvalI shlokaH)
lakShmIsambandhabhUmnA mitadharaNitayA padmanetratvayogAt
sthityAdyaissvaishcharitraiH svahR^idapaharaNAt shrIgajendrAvanAchcha |
tArkShyAMsau chAdhirudyArigaNanirasanAddevaduShprApatAdyaiH
duShkarmonmUlanAdyaissuchirakR^itadayo mAdhavashchetyavochat || 9\.2\.11||
(pratibimbalaharI shlokaH)
kurvAhvAmAgatiM vetyatiravamathitAbdhiM shritasyAdarAttaM
samyak\-shrItAmraparNyadbhutajalavaLudI\-deshabhR^it\-shrIshaThAreH |
jihvAvyApAragAthAdashashatajadashAkhyaitadabhyAsashaktAH
sAtatyAt krAntalokatrayacharaNayugaM chintayantyeva chitte ||
(iti navamashatake dvitIyaM dashakam)
|| shrImate ve~NkaTasheShAryamahAdeshikAya namaH ||
\section{|| atha navamashatake tR^itIyaM dashakam ||}
pratibimbalaharIvR^ittaM \- vasantatilakA
etaddashakapratipAdyaguNavisheShaH \- shIlasindhutvam |
          || sa~NgatimaNimAlA ||
            (mAlinI)
suchirakR^itadayastvaM matpriyAyA.a.asva tiShTha
pravada kimapi chehItyarthinaM taM shaThArim |
prati sakalamidaM te paitR^ikaM lapsyate tat
kramata iti taduktyA vakti tuShTo.asya shIlam ||
bhUtvaikameva bahu rakShitasaptalokA\-
bhikhyAsahasrayugatulyamahatvashAlI |
meghAyitAsitashubhAshrayadivyadeho
nArAyaNo bhavati no dayitassa eva || 9\.3\.1||
sR^iShTvA sa eva vitataM jagaduddadhAra
bhuktvA sa eva tadamAt punarudgiraMshcha |
Aste sa eva sa cha so.api sa chApi sarvaM
anyatsa eva vayametadabhUma vij~nAH || 9\.3\.2||
durbodhavedaparamArthavidAptashAstraM
durj~neyamenamavabodhayatIha tasmAt |
saMsArarogaharabheShajamatra sarvaM
prAj~nAH praNamya harimeva vidAmbabhUvuH || 9\.3\.3||
AsmAkabhogasukhabheShajamityudAraM
utkR^iShTasUrigaNasaMstutamasmadIsham |
devaM shitiM sulabhakR^iShNamihordhvalokaM
devaM dadAnamayi ! mAnasa ! mA jahIhi || 9\.3\.4||
samprArthya chitta ! balavaddurito.apyahaM tvA\-
metad\-dR^iDhaM tadavadaM khalu mA jahIhi |
ArAmavR^ittashubhashItatulasyudAtta\-
mAlasya nissamatanoshshrayaNaM hi kAryam || 9\.3\.5||
shliShyA subhUShakamalAsubhujAlataiva
yasyAsurograsamaraM kriyamANameva |
yasyAmR^itaM cha jaladhau mathanIyamAsIt
tasyaikarUpyabhajanAt shithilaM mano me || 9\.3\.6||
bhUtvaikadehajanaratvaharitvayukto
dehantamekamabhivR^iddhanakhairbibhettuH |
sthAnaM mahAkhagatamIkShitumekarUpAt
vaikuNThamichChati nishAdinayormano me || 9\.3\.7||
kartuM vinA dvividhakarma vinAshya sattAM
ujjIvanaM pradadatastvapunarbhavAya |
sthAnaM sa ve~NkaTanago.asti mahApR^ithivyAM
kai~Nkaryamatra rachayanti surAshcharantaH || 9\.3\.8||
natvA supuShpajaladIpasudhUpahastAH
edhAmahe tviti giraH prachurAstavAtaH |
nityAnavadyasuguNoragatalpashAyin !
jAne na te padapariShvajanaprakAram || 9\.3\.9||
sannAlapa~Nkajabhavastava nAbhivartI
bhrAjanmahAparashubhR^ittava dehabhAgI |
dAsatvametya cha surAstava sevakAste
kAle.akhile kimiti shIlamahaM stavAni ? || 9\.3\.10||
(dramiDopaniShattAtparyaratnAvalI shlokaH)
naikashrInAmavatvAjjagadudayasaMsthApanAdyaiH haritvAt
dAnAnmokShasya heyapratibhaTaghaTakashreNisampattimatvAt |
prahlAdAhlAdakatvAdvR^iShagirikaTake sannidhAnAdikR^ityaiH
sharvAdessvA~NgadAnAdakathi yadupatiH shIlaratnAkaro.asau || 9\.3\.11||
(pratibimbalaharIshlokaH)
nissImashIlacharaNopari bhUShaNADhya \-
saundaryabhUmakurukAshaThakopavAchAm |
mAlAsahasraga idaM dashake yathA vA
vaikuNTharohaNamupAntajuShAM svabhAvaH ||
(iti navamadashake tR^itIyaM dashakam)
|| shrImate ve~NkaTasheShAryamahAdeshikAya namaH ||
\section{|| atha navamashatake chaturthaM dashakam ||}
pratibimbalaharIvR^ittaM \- upajAtiH
etaddashakapratipAdyaguNavisheShaH \- patitvAt sambandhAdrakShitR^ittvam |
          || sa~NgatimaNimAlA ||
            (mAlinI)
bhagavata iti shIlaM bhAvayan shrIpatestaM
jhaTiti purata enaM draShTumichChannalAbhAt |
nijakhagaNagatR^iShNAM varNayan khinnavAcho\-
pagatavati cha tasmin vakti tR^iptiM nijAM tAm ||
nIlA~njanavyAptadR^igambujastha\-hemAbhayA bhAsvaduraHshryadhIsha !|
atyuShNakIlArisarekhasha~Nkha\-hastechChati tvAM mama dR^iShTumakShi || 9\.4\.1||
tvAM netra! draShTuM hR^idayaM mamechChat nissa~NkhyachintaM lapati sthiraM sat |
surarShidurdashatamaM sadaiva na prApya rantetyahamAhvayAmi || 9\.4\.2||
dAsAdhamasyAhvayato mano me shvevAlpapuchCho vadati svadainyam |
varShAttadArakShitavan! dhR^itAdriH gA mohamemyeti dayeti dUram || 9\.4\.3||
yuktaM nvidaM hIti tavaitya dAsyaM tvattastu labhyaH ka iveti nityam |
surAsurairdurgraha ! siMharUpa ! svAmin ! mano muhyati me.aviveki || 9\.4\.4||
nR^isiMharUpeshamamartyanAthaM brahmANamAdau kila sR^iShTavantam |
talpe sutejobhujage shayAnaM shyAmaM pade draShTumapekShi chetaH || 9\.4\.5||
draShTuM mamApekShya manorathAntaH vyadhAM sthiraM tvAmakhilAmarANAm |
vR^iddha ! sphurajjyotiruruprabhordhvaM ekAttamut tvAM manute mano me || 9\.4\.6||
nR^isiMharUpAtibalAsurorastaTaM dvidhAkR^innakharA~NkushADhya ! |
mudA sadaivAnubhave mamAntarbhAge.amala ! svAdR^itanityavAsa ! || 9\.4\.7||
padArthabuddhayA api ShaTsamayyAH santaM nirodhaM tu samAtmabhUtam |
susUkShmamAdiM sakalAmarANAM taM kAraNaM kR^iShNamahaM samaikShe || 9\.4\.8||
AtR^ipti vIkShyAkShiyugasya hR^iShTaH ChitvA purAkarma savAsana~ncha |
avochamaNDeshasureshadAso bhaktAmR^itAsvAdakasUktimAlAH || 9\.4\.9||
dAso.ayamityAhitasatkR^ipaM me mahAntamApUrNayashassupakSham |
dhvaje dharaM viM sumitakShamA~NghriM prApyAsmadujjIvanasadvidhAho ! || 9\.4\.10||
(dramiDopaniShattAtparyaratnAvalI shlokaH)
lakShmIvakShaskabhAvAtsvajanasulabhatAparvatoddhAraNAdyaiH
durj~neyatvAt surAderakhilapatitayA nAkinAM vR^iddhabhAvAt |
sveShAM hR^idvAsitAyAH svajanavashatayA tatra chAsaktibhUmnA
svasvAmitvAdibandhAjjagadavati harishchetyabhANIchChaThAriH || 9\.4\.11||
(pratibimbalaharIshlokaH)
sadAmadAnekapahantR^iklR^iptau pa~NkADhyabhUsatkurukAshaThAreH |
ukte sahasre shatasho dashemAH nityAtibhogyAtmapatiM pradadyuH ||
|| iti navamashatake chaturthaM dashakam ||
\section{|| atha navamashatake pa~nchamaM dashakam ||}
pratibimbalaharIvR^ittaM \- sragdharA
etaddashakapratipAdyaguNavisheShaH \- svaguNagarimasaMsmArakatvam |
          || sa~NgatimaNimAlA ||
            (mAlinI)
sakalagatamamuM sa~nchintayan pUrvapa~Nktau
sapadi nijamude tadbAhyasaMshleShakA~NkShaH |
tadalabhajashucheddho nAyakIbhAvamAptaH
upavanagashukAdIn tatsmR^itiH prekShya rauti ||
bhogyaprANAH ! pumAMso ! mama savidhagatA yUyamapyAhvayAnAH
kAmaM matprANahatyai na kuruta rasavatkUjitaM strIpikAH ! bhoH ! |
madbhogyaprANakR^iShNaM na hi madupakR^itaM yUyamAkrushyathAtrA\-
gatyai hR^itvA mamAsUn vitaritumanasAM prArthanIyastviyAn kiM ? || 9\.5\.1||
naivApekShyAtha ki~nchidbata! mayi sarasAssArasastrIjanA ! bhoH !
yUyaM yuShmat pumAMso.apyatirasashithilAH krUjathodgadgadADhyam |
govindo vismayArho na bhavati R^ijudhIreva sarveShvasatyaH
chetthaM cheto bhaveyurmama punarasavo.asaMshayaM tatkarasthAH || 9\.5\.2||
hastasthA eva tasyAkhilamadasuchayA va~nchakakrau~nchavadhvaH !
yUyaM yAM kA~nchiduktvA charatha parisare.anyonyaklR^iptAnuSha~NgAH |
prANA me pApavatyAH api sukR^itamuchaH kinnu tiShTheyuratra ?
shrutvA.apyanyonyamudgadgadasarasasamAhvAnachitrAravAn vaH || 9\.5\.3||
shrutvA.a.ahvAnadhvaniM vo.adbhutacharita ihA.a.ayAti nAsmAkakR^iShNaH
yUyaM yuShmatpumAMso.apyupari na kurutArAvamuchchairmayUryaH ! |
vyApArairvAkkriyAntaHkaraNamapi cha naH proShya tatraiva yAtAH
sthitvA kAyo.asavashchAntara uchitapurAvAsanAto bhramanti || 9\.5\.4||
madhye sthitvA bhramantyo mama dayitatarAH ! shArikA ! hArikAyaH
yuShmatsa~Nge.avakAsho na hi kimapi tataH kArShTa mA.avyaktashabdam |
hartaitatsaptalokyAssahajamasadR^ishaM chaindrajAlaM pradarshya
shrIviShTorAssa no.asUn vyavasita iha nassAdhu sAdhveva bhoktum || 9\.5\.5||
matvA shreyo mayA vardhita ! shuka! sutarAM mu~ncha bAladhvaniM tvaM
bhogyAvyaktaM kR^ithA mA madakhiladayitaprANakAkutsthadevaH |
tvachChoNAsyopamAsyassubhaganayanavAn suShThuhastA~NghriyuktaH
tvadbhogyashyAmavarNaH praNayaparatayA.a.ashliShya vishliShTavAnmAm || 9\.5\.6||
shliShyanvishliShya dR^ishyAmbujanayanayugo raktabimbAdharashrI\-
rAsmAkAtrAsanIlajvalitamaNirivAla~NkR^itAshcharyakR^iShNaH |
namrIbhUtendrachApAssphuraduruchapalAcha~nchalA ! meghamAlAH !
yuShmadrUpaprakAshaM na kuruta kR^ipayA tattu matprANamR^ityuH || 9\.5\.7||
yuShmAnmatprANamR^ityustaditi mama kR^itAbhyarthanAyAshcha yUyaM
sa~njalpyAvyaktavAchA hatapikashishavaH ! kR^iShNanAmAni chaiva |
kShIrAnnaM hyastanAnnairdadhi cha pR^ithukavat bhojayitvA.akSharANAM
shikShAyAssatsvabhAvAH! prati mama tu satIM yUyamR^iddhiM hyadatta || 9\.5\.8||
he ! bhR^i~NgAH ! satsvabhAvaissahitamadhukaraiH kArShTa mA gItishabdaM
yuShmachChabdA vraNAntarvivarakR^itamahAhetivedhena tulyAH |
shItAgAdhAmbupUre sarasi sarasijenotthitenopameyA\-
karNAntAkShassa kR^iShNo madasumapaharan dUrato.agAdupetaH || 9\.5\.9||
dehatyAgotkachittA vayamapi paramAkAsharAjaikabhAvAH
kaidArAH ! nAradaughAH ! kimiha hi bhavatAM pa~NktibanndhAditaHsyAt ?|
ramyAla~NkArayu~Nmadvapurapi gamanAbhyAsachu~nchu krameNa
sadyat saukhyaM pravR^iddhaM jagati samuditaM sarvato vardhatAM cha || 9\.5\.10||
(dramiDopaniShattAtparyaratnAvalIshlokaH)
prANatvAdadbhutatvAdapi cha suviditatvena bhavyatvayogAt
lakShmIvakShastvabhAvAdraghukulajananAnnIlaratnAbhamUrtyA |
kR^iShNatvAdabjadR^iktvAtparamapatitayA cheshvaraM saMshritAnAM
Uche dhImAn shaThAriH svaguNagarimasaMsmArakaM sarvadarshI || 9\.5\.11||
(pratibimbalaharIshlokaH)
saukhyaM prApyAnubhoktuM sukhajanakatayA sArvabhaumAn guNAn svAn
stotuM kAlAnanantAnapi kR^itakaruNaM svasya sAshcharyacheShTam |
uddishyaitatsahasre suruchirakurukAdhITshaThArAtivAchAM
ekenaiShAM navAnAM trijagadapi samAkarNane vidrutaM syAt ||
(iti navamashatake pa~nchamaM dashakam)
\section{|| atha navamashatake ShaShThaM dashakam ||}
|| shrImate ve~NkaTasheShAryamahAdeshikAya namaH ||
pratibimbalaharIvR^ittaM \- mandAkrAntA
etaddashakapratipAdyaguNavisheShaH \- vismartuM chApyashakyatvam |
          || sa~NgatimaNimAlA ||
            (mAlinI)
iti virahajaduHkhaH pUrvasaMshleShavR^ittaM
saha(87)dashakagiroktaM chintayan prApya sattAm |
shvashurasadanabhuktAn jAnakIvA~njaneye
vadati shaTharipustAn vAyutIrApta\-bhogAn ||
vIthyAM vIthyAM kuvalasurabhau shrImaruttIrapuryAM
AdR^ityAsmAn smR^itiShu vasato hyadbhutasyAdbhutAnAm |
cheto hanta ! dravati sutarAmAtmano durbharatvAt
utkaNThApi pravahati batochchApalaH kiM karomi ? || 9\.6\.1||
satkAsAropavanasumaruttIrapuryAM pitarme
smR^ityAM smR^ityAM dravati shithilaM duHkhahR^itsadguNAnAm |
uktAvuktau hadapi mama sandahyate gItikAle\-
svAtmAhaM tvatparicharavidhAM chintituM naiva shaktaH || 9\.6\.2||
saushIlyAdyairmama cha hR^idayaM va~nchayanmAM pravishya
ChitvA bhUtvA madasuradato me.antarAtmAnamiShTam |
shrImadramyopavanasumaruttIrapuryAM piturme
nA.ahaM j~nAtuM kapaTamasitAmbhodavarNasya shaktaH || 9\.6\.3||
svasmin tiShThatsvakhilabhuvaneShvAttamaryAdametan\-
madhye sthAtussvayamapi tathA svopakarturna shakShye |
divyAmodopavanasumaruttIrapuryAM piturme
satkShudrAtmAnubhavachaturashrIkR^ipAM j~nAtumeva || 9\.6\.4||
machchitte shrIyutanijakR^ipAkArivat sampravishya
shlAghyAtmAnaM saha cha vapuShA bhuktavatsvAmino me |
R^iddhashrIkopavanasumaruttIrapuryAH piturme
vR^iddhashyAmadyutikavapuSho hanta ! kR^iShNasya mAyAH || 9\.6\.5||
matkR^iShNIyaM kapaTacharitaM bhAsate me R^ijutvAt
shlAghyo bhuktastvadhikachapalenAyamAtmA tvR^ijISham |
bhUtvA j~nAnaM kimapi sahajaM prApya naktandivaM mat\-
kR^iShNetyuktistadanilataTashrIpurImeva nauti || 9\.6\.6||
stauti shrItAnilataTapuraM tatsthakR^iShNeti vakti
smR^itvotkaNThArugupachayamuddrAvya shaithilyameti |
dAsyenA~NgIkR^itiparavatevAsmadAtmopabhoktrA\-
shcharyeNonAnubhava iha me shlAghya AtmA gR^ihItaH || 9\.6\.7||
etvAtmAnaM svayamananubhUtAtmavat bhuktavAnme
nityaM chaityAkhilamapi sa mAM bhuktavAn svaprasid.hdhyai |
kAlAmbhobhR^ijjaladabhamaruttIrasadramyabandhoH
dAsyaM prAptaM nanu visadR^ishaM shlAghitenAtmanA me || 9\.6\.8||
shrImaddIrghachChadasarasijAkShasya bimbAdharasyA\-
shcharyAnIlojvalajaladabhashrImaruttIradhAmnaH |
aujvalyashrIyutatatachaturbAhudaivAmbudhestad\-
dAsyenAptaM phalamadhigataH kasya vAtmA.a.atmanA me ? || 9\.6\.9||
dR^iShTyA dR^iShTe tvayi ! tu kabalI tvA~NgR^ihItvA karomI\-
tyutkAnmattaH prathamamapahAyaiva mAmutsukassan |
kArtsnyenaiva svayamiha sa mAM pItavAn meghatulya\-
shrImAn shrImArutaTapurIbAndhavashshIghrakArI || 9\.6\.10||
(dramiDopaniShattAtparyaratnAvalI shlokaH)
AshcharyehAnvitatvAdakhilapatitayA chAntarAtmatvabhUmnA.a
shakye shaktatvabhUmnA jaladatanutayA bhavyatAkarShakatvAt |
audAryAdervishiShTAdapi cha bhavabhR^itAM rakShaNe tIvrasa~NgA\-
dvismartuM naiva shakyo haririti shaThajitkaMsajetAramAha ||
(pratibimbalaharIshlokaH)
kaMsaM hatvA jagadupakR^itaM taM tu san shIghrakArI
ketubhrAjadvaraNakurukArAT \-shaThadveShisUktau |
etatpa~NktyA dashashatagayA ramyayA janmanAshAt
nashyedasmatbhavamR^igamahAtR^iShNikA satyameva ||
(iti navamashatake ShaShThaM dashakam)
\section{|| atha navamashatake saptamaM dashakam ||}
pratibimbalaharIvR^ittaM \- shArdUlavikrIDitam |
etaddashakapratipAdyaguNavisheShaH \- ghaTakamukhasuvisrambhaNIyatvam |
          || sa~NgatimaNimAlA ||
            (mAlinI)
anilataTapure.athAprAptigarbhaM guNAnAM
smaraNajanitatoShaM shIlayan prAptyabhAve |
charati manasi dhatte dUtyapa~NktiM chaturthIM
virahajanitakhedapreyasI san shaThAriH ||
AsmAkopavane.adhikulyamuditAhArAshamatrAsthitAH !
svAdvAraktapadAssunAradavarAH ! shrImULidhAmasthiteH |
maddUtA ! makarandama~njutulasImaulerghaTInR^ittavan\-
manneturmama ke niveshayata vaH pAdAnbhavadbandhubhiH || 9\.7\.1||
vishleShaM bhavadIyabandhubhirasamprApyaiva yUyaM cha vaH
sArasyaH ! patibhiryutAssusukhitAH shrImULidhAmaukasA |
tena svena viyojitA svajanataH \*samprAptagarhA.asmi kiM
tatra svairvasato bhavAma na hi kiM yogyA vayaM pR^ichChata || 9\.7\.2|| 
(\* \ldq{}prAptApavAdA\rdq{} iti pAThAntaram |)

kiM yogyA na bhavAma ? pR^ichChata taTAkAmbhassu bhakShyAn vichin\-
vAnAssArasajAtayo ! bakagaNAH ! shItAlumULyaukasaH |
raktAmbhojasumopamekShaNakarA~NghreH raktabimbAdhara\-
syaitatpadmapalAshanIlashubhasaddehashriyaH svAminaH || 9\.7\.3||
divyashrIvapuSho mayA prahitasaddUtye kaThorAghayA
nAthasyojvalamULidhAmanagaradvAre.alamambhodharAH! |
tasyA dehi subhavyadehamiti chet brUta svakAyashriyaM
niShkAsyA~njanabhaH padaM cha bhavatAM nirvAsayet kiM prabhuH ? || 9\.7\.4||
svachChe khe tvaritaM pradhAvya hutabhukchchakropamashrItaTid\-
bhAsvadvAridharAH ! jvalatsumahasaH shrImULidhAmaukasaH |
brUta svachChanabhaH paraM padamiti kUrAghamachchittagas\-
yodyat puShpamadhupravAhachikurasyAsmAkadUtyaM vachaH || 9\.7\.5||
dautyoktIrvadatAtiramyasuvacholAbhAH ! aLInAM gaNAH !
kAle sAragha! pItikaupavanakashrImULidhAmaukasaH |
vakShomadhyaniveshitottamavadhUkasyAsmaduktyAkR^itIH
dautyoktIrmama chet bravIta valayairuchchairdukUlashriyam || 9\.7\.6||
sajyotirvalayAni paTTavasanaM hR^itvA mamogrAMhaso
doshshaleShaM jahato visAriyashasaH shrImULidhAmaukasaH |
padmAkShojvalabimbabhAbhR^idadharaM dR^iShTvaikadaikaM vachaH
shuddhaM krau~nchagaNAstatopavanagAH ! brUtAdvitIyaM mama || 9\.7\.7||
ekaM brUta mamAtatopavanagAH ! bhakShyaM vichityAntarud\-
bhUtAnandamitAdarA ! bhramarakA ! bhR^i~NgAshcha yUyaM same |
prAkAraiH gurubhirdR^iDhaiH parivR^itashrImULidhAmasthita\-
syAtmakShetrabhavAtasIsumatanormaulau tulasyodyataH || 9\.7\.8||
dR^ishyAM shrItulasIM svamUrdhni dadhatashchakraM manoj~naM kare
toyoddUDhasubAlasArasa ! hareH shrImULidhAmaukasaH |
vakShoja shritabhUShaNa virahabhau, netrAbjayugmaM jalaiH
pUrNaM svaM svayamAharanvirahaNaM brUtAnukampA nviyaM ? || 9\.7\.9||
brUteyaM karuNA nahIti vipuleShvambhassu bhakShyaM vichi\-
tyochchaissauravyamitAdarA ! mR^idugatAH ! he ! rAjahaMsAH! kramAt |
kArshyaM prApya vapurbhR^ishaM shithilatAM sanmekhalApyApya me
nAshAt pUrvamihAntarAtmana idaM shrImUlidhAmaukasaH || 9\.7\.10||
(dramiDopaniShattAtparyaratnAvalIshlokaH)
ramyAtvAchChrItulasyA shritajanasahitatvena padmAkShatAyAH
svAmitvAtsatpara~njyotiritikathanataH shrIdharatvAtikIrtyA |
puShpashyAmatvabhUmnA rathacharaNamukhasvAyudhatvAdyudantaiH
shaurerdhImAn shaThAriH ghaTakamukhasuvisrambhaNIyatvamAha || 9\.7\.11||
(pratibimbalaharIshlokaH)
uddishyojvalatejasaM rutatayA shrImULidhAmAsthitaM
vishleShAsaha \-chArvanakSharasuvAkkIreritAlApavat |
tyaktaprachyutibhAvadivyakurukA\-bhAsvachChaThArIrite
sAhasre.achyutike tvidaM dashakamabhyAsena rogaM haret ||
(iti navamashatake saptamaM dashakam)
\section{|| atha navamashatake aShTamaM dashakam ||}
pratibimbalaharIvR^ittaM \- upajAtiH
etaddashakapratipAdyaguNavisheShaH \- sumatyA lakShmyA shliShTatvam |
          || sa~NgatimaNimAlA ||
            (mAlinI)
shaTharipuriti dUtAn preyasIbhAvamApya
prativachanalabhArthI preShayitvA.anavApya |
prativachanamathAhaM tasya vAsaM vrajeyaM
svayamiti kR^itabuddhirvakti naukabhiyAtrAm ||
tasya sthirasthAnamanorathAnAM chitte.akhilAghaughanivartakAyAH |
krUrAMhaso me.asti kimAptyupAyaH sumAgavatshItalanaunagaryAH || 9\.8\.1||
kushAgrashaktyAyatanetranIlAlatAvalagnAmbujavAsinIshaH |
nivAsamArAmavR^itA~ncha naukAM dAsasya chAbhyetumahaH kadA nu ? || 9\.8\.2||
sadAbhigantavyadinaM kadeti kriyAntarAdattahR^idasmyudashruH |
nirdoShanArAyaNavAsanaukAsabhApraveshaikadinaM na jAne || 9\.8\.3||
dinaM na jAne mama yattvahaM chAnivR^ittadAsyAcharaNe pravR^ittaH |
uttu~NgapuShpATavinaupurIsha ! khaDgAyatAkShyAH priya ! nIlikAyAH || 9\.8\.4||
shriyaH priyasyAvanidevyadhIshaH nirvAhakasyAkhilalokabhAjAm |
vaikuNTharAjaH priyavAsanaukAM dR^iShTvA madakShNoH pramudaH kadA nu ? || 9\.8\.5||
bhR^i~NgADhyapuShpAgavR^itAM tu naukAM vashe vidhAya sthita ! madvrajesha ! |
tavaiva bhakto.asmyanagho.apyananyaH dR^iShTvA.atra dR^iShTyAH pramudaH kadA nu ? || 9\.8\.6||
mahAbalerIshata AttabhUme ! shrIvallabhAstAmaradaityavaira ! |
naukAstha ! nArAyaNa ! pUrNa ! me hA ! heti tvadAptavadhiyA dayethAH || 9\.8\.7||
mAM vA dayethA dayayArpaya svaM padArthayan sve shubhapAdamUle |
vinAmatiM tAvakachintanArhasudhIda ! devottama ! naupurIsha ! || 9\.8\.8||
surarShidurdarshatanossadaikasyAdeH trayANAmavitustrilokyAH |
devasya hAdaryapadaM tu naukAM bhAgyAditaH prApsyati hanta ko vA ? || 9\.8\.9||
hantAptikAlastu kadetyajasraM kShubdho hvaye shrIdayiteti chitte |
sumetashAkhAgaNamadhyanaukAM mamaitya tiShThan ! vararatnakAnte ! || 9\.8\.10||
(dramiDopaniShattAtparyaratnAvalI shlokaH)
vallImadhyatvayogAdapi cha suviditashrIvachovAchyabhAvAt
bhUmyAdyaishvaryayogAdavataraNadashAsAhacharyAtsvabhartuH |
sandhAtR^itvAtsubodhapradaduritaharatvAtsamAsannabhAvAt
lakShmyAH shrIshaM shaThAriH prathayati cha sumajjAnibhAvena nAtham || 9\.8\.11||
(pratibimbalaharIshlokaH)
nAnAmaNishrIgR^ihanaupurasthe susAlashumbhatkurukAshaThAreH |
sagItikadrAviDagIsahasre dadyurdashAmUH kShitishAstimuktI ||
(iti navamashatake aShTamaM dashakam)
\section{|| atha navamashatake navamaM dashakam ||}
pratibimbalaharIvR^ittaM \- mandAkrAntAyuganibaddhaM
etaddashakapratipAdyaguNavisheShaH \- svasid.hdhyunmukhatvam |
          || sa~NgatimaNimAlA ||
            (mAlinI)
shaTharipuriti naukAmArgamadhye.avasanno
vrajakulavR^iShabhasyAsa~Ngato gopikAnAm |
kulamakhilamadhAdyAM ekarAtryAM vyathAM tAM
viraha iha tu sandhyAkAla evA.a.apya rauti ||
mallIgandhI malayapavano bAdhate hanta ! hA! mAM
sAndhyaM gAnaM kimapi ruchiraM bAdhate hA ! sharIram |
sandhyApyastonmukhadinakarA mohayatyeva hA ! hA!
sandhyAraktAssubhagajaladA hanta ! Chindanti deham |
saumyotphullAmbujasamadR^ishA svAminA.asmadvR^iSheNa
gopAlAnAM nR^iharitilakenAsmadAshcharyabhUmnA |
gADhAshliShTaM stanayugamimau bAhupAshau cha bibhrat\-
yekAkinyapyabhavamaha! hA! gamyadeshaM na jAne || 9\.9\.1||
ekAkinyo vayamiha bata prApyadeshaM na vidmo
ghuShyadghaNTA malayamarutaH patravaMshashcha hA ! hA! |
sandhyA.ahardviT subhagasarasashchA~NgarAgashcha hA ! hA!
bAdhante hA! pikagaNaravAH yUthikAshItavAtAH ||
sR^iShTvAnalpAM bhuvamapi dharan bhakShayannudgiranstAM\-
krAman rakShannakhilamapi gopAlamAyAvihArI |
yuddhakShmAyAmasurashamano hanta ! nAyAti nAthaH
sthitvA.asUnAM mama hi taditaro rakShaNe ko.abhyupAyaH ? || 9\.9\.2||
sthitvA.asUnAM mama hi tadito rakShaNe hA ! sR^itiH ko\-
rojadvandve me bhajati mR^idutAM bhajyamAne.alpamadhye |
kR^itvA duHkhAvahaparamasambhogama~Nge.avagAhya
tyaktvA kShiptvA tR^iNavadiha no va~nchakaH shliShTakR^iShNaH ||
bAlaH siMho.asadR^isha iha nA.a.ayAti sAshcharyacheShTo
netre padme adharamaNirArakta AnIlashItAH |
shliShTAH keshAH dviyugabhujapAshAshcha yAtAssthiratvaM
pApiShThAyA mama manasi hA ! hanta ! tanvanti bAdhAm || 9\.9\.3||
pApiShThAyA mama manasi hA ! hanta ! tanvanti bAdhAM
shItodIchyo marudapi batAtyuShNarUpashcha vAtaH |
shItashchandrassakalajanatAdarya uShNashcha chandraH
mR^idvI shayyA kusumarachitApyagnimadhyeva hanta ! ||
svarNashrIbhR^itChadakagaruDArUDhadaivAlinAdya
strItvaM puShpaM ruchiramidamAmarditaM hA ! madIyam |
hantaitA me vyathayitR^ividhA Atmano durbharA me
nAsmachcheto.apyahaha! samaye.asmin sahAyo babhUva || 9\.9\.4||
asmachchetopyahaha! samaye.atrA.asahAyaM babhUvA\-
yAtA sandhyApyatha bata! puro gopraveshAnukUlA |
gopasyAsmatkamiturahahA.abhyantara~NgaM cha vajraM
bhogyo veNudhvanirapi hinastyadya mAM hanta ! hanta ! ||
sAhAyyaikapravaNamanaso mAmikAH prANasakhyo
hA! tasyAshAparavashatayA pUrvamasmanmR^itAssyuH |
vyAptAsUnAM mama hi bata saMrakShaNe ko.abhyupAyaH
tasyAtyantaM bata! na sulabhaH shrIdayAprAptikAlaH || 9\.9\.5||
tasyAtyantaM bata! na sulabhaH shrIdayAprAptikAlaH
naivAsmAkaM bhavati hi kR^ipA tat kR^ipAtaH kR^ipA.anyA |
nAtmA tiShThet tadasamakR^ipAprAptiparyantameShA
sAyaM sandhyA shamitadivasA.apyeti chittaM cha nekShe |
divyassevyassaha sahashivabrahmaNodAralakShmyA
vadhvAtmAnaM mama shubhataro vigraho hA! hinasti |
prApyo deshaH ka ? iha taditaH ki~NkariShyAmi vAho !
kasyAgre vA kathamiva hi ! he ! mAtaraH kiM nu vakShye ? || 9\.9\.6||
kasyAgre vA kathamiva hi ! he ! mAtaraH! kiM nu vakShye ?
vyAptAtmArho hyayamatipR^ithuH shItalodIchyavAyuH |
kAlAbdashrIsubhagatanu\-matkR^iShNamAyAgR^ihItaM
\*tachchedasmaddhR^idayamasahAyaM tadAyattamAsIt ||
sampadyuktAgarusurabhisaddhUpavINAsutantrI\-
kvANairArdraiH shishirasubhagaira~NgarAgaissametaH |
yuddhotsAhaM dadhadabhinavAn mallikAsUnagandhAn
AdAyochchairbata ! bata ! kiraMshchauttaro vAti vAyuH || 9\.9\.7|| 
(\*atra yatibha~NgabhIrUNAM kR^ite \ldq{}tachchedasmaddhR^idayasakhaM tat tadAyattamAsIt\rdq{}
iti pAThaH |
uchchairjR^imbhan taruNapavano vAti gandhaM navaM saM\-
gR^ihNan hantA.apyatikR^ishatarA hanta ! sandhyA.api jAtA |
kR^itvA.a.ashleShaM tamatha virahaM kurvataH krUrametat
kR^iShNasyAho ! vividhakuhanAcheShTitaM kR^iShNato.api ||
kiM chaitasmAdupari madhumadgandhavanmallikAsaM\-
shliShTasragbhyaH shishiraruchirAt chandanAt pa~nchamebhyaH |
iShTAshleShaM madhurakR^ipayA khyAtagopIbhya eva
sthAtuM shakShye tvahamuditayA veNugItyA tayA no || 9\.9\.8||
nojjIviShyAmyahamuditayA veNugItyA tayaivai\-
tasyoparyapyaruNaruchimadbhUShaNAbhyAM nijAbhyAm |
\*madhye madhye kimapi nayanAbhyAM cha dUtIbhavadbhyAM
uktvA gItyA sarasavachasA chApyabhipretya ki~nchit ||
kR^itvA muhyanmukhamapi paraM savyathaM dhvastamugdha\-
strIvishleShavyasanamapi tadgItagItiprakArAn |
no jAnImaH kimapi vayamAshcharyamAshcharyamAH ! hA !
kiM chA.a.ayAtA.apyasuharanishA.a.ayAti nAshcharyacheShTaH || 9\.9\.9|| 
(\*atra yatibha~NgabhIrUNAM kR^ite \ldq{}madhye madhye kimapi cha dR^ishA dUtabhAvaM bhajantyA\rdq{}
iti pAThaH |)
AyAtaiShA svasamayanishA.a.ayAti nA.a.ashchAryacheShTaH
sochchairghaNTAdhvanibalibalIvardasaMshleShavatyaH |
shlAghyA gAvastaruNavayaso hanta ! hR^iShyanti hR^idyAH
krUrA veNudhvanaya iha hA.avyaktavarNAshcha karNe ||
kAntyA pUrNA hyupachitatamA yUthikA jAtimallIH
gAha~NgAhaM madhuramadhupA hanta ! nR^ityanti bhR^i~NgAH |
tu~Ngairbha~Ngairjalanidhirapi vyomni hR^iShyatyahoktvA
kiM jIviShyAmyahaha ! kR^ipaNA taM vinaitaddashAyAm || 9\.9\.10||
(dramiDopaniShattAtparyaratnAvalIshlokaH)
padmAkShatvaprasid.hdhyA jagadavanatayA bhavyatAdyaishcha sAra\-
grAhitvAdveNunAdaiH hR^iShitajanatayA svA~NgadAnAdajAdeH |
shyAmatvAdgavyachoratvata uta sarasasmeracheShTatvabhUmnA
naH kUTastho.atra sid.hdhyunmukhasamayatayA khyApayAmAsa kR^iShNam || 9\.9\.11||
(pratibimbalaharIshlokaH)
taM vishliShya kShaNamapi dhR^itAvakShamANAmasUnAM
sadbhUShANAM vrajagasudR^ishAM sAyamAkrandanena |
hitvA taM tadvirahamasahenaiva jAtavyathena
shrImArashrIsahitakurukArAT \-shaThArAtinA kShmAm |
bhuktvodgIrya prathitayashasaM bhAntamuddishya nAthaM
prokte gAdhAdashashatamite prApya chaitA dashA.api |
kShmAyAmuchchaissthitimapi gatA jIvatochchArya bhaktAH !
vyAmugdhaM taM svasharaNadhiyA.a.anamya samyak tathoktam ||
(iti navamashatake navamaM dashakam)
\section{|| atha navamashatake dashamaM dashakam ||}
pratibimbalaharIvR^ittaM \- mandAkrAntA
etaddashakapratipAdyaguNavisheShaH \- ahaH pratIkShatvaM
          || sa~NgatimaNimAlA ||
            (mAlinI)
vrajayuvatigiraivaM prAptyalAbhAnmunIndre
vilapati \ldq{}kathamevaM khidyate dehapAte |
bhavati tava yadiShTaM kR^iShNapuryAM sthitaM mAM
bhaja sukha\rdq{}miti vAchA shAntimAn shAsti nastat ||
shrIshaM natvA duritahataye prApya vardhadhvamuchchaiH
sAyaM prAtassarasijadalaissopachAraM samarpya |
abdherbha~NgairnihatavaraNashrIlasatkR^iShNapuryAM
madhyetoyaM vaTadalashayaM tatpadAmbhojayugmam || 9\.10\.1||
mAdhvIsyandiprasavakaramabhyarchya yUyaM shrayadhvaM
karkaTyAptakShitivaravR^itAgAdhakhAtAntikasthAm |
shukrasparshyudvaraNavR^itikAM shrIpurIM kR^iShNanAmnIM
natvA dAsAH ! pratidinamaho prekShya sattAM labhadhvam || 9\.10\.2||
bhaktA ! yuShmadduritahataye yUyamaikyaM prapannAH
phullAmlAnaprasavakaramabhyarchya yUyaM shrayadhvam |
gAyadbhR^i~NgopavanavR^itimatkR^iShNapuryAptavAsaM
brahmANDAnAmadhipatimamuM nityasUrIshitAram || 9\.10\.3||
eNIshrIkR^innayanavilasadbhavyanIlAnurUpo
madhvamlAnaiH kusumanichayairyUyametyAshrayadhvam |
\*AkAshotsAraNadavaraNavyAptimatkR^iShNapuryAM
svenAsaktassa bhavati jagannAyako rakShako vaH || 9\.10\.4|| 
(\*atra yatibha~NgabhIrUNAM kR^ite \ldq{}AkAshotsAryatulavaraNavyAptimatkR^iShNapuryAM\rdq{}
iti pAThaH ||)
sarveShAM sannakhilasharaNaM svA~NghriyugmAshritAnAM
dehAnte satyupakR^itichaNassveShu vaikuNThadAtA |
\*rakShAdakShodvaraNavR^itilakShmIlasatkR^iShNapuryAM
dhAtrInAtho bhavati hi nijasnehiShu snehashAlI || 9\.10\.5|| 
(\*atra yatibha~NgabhIrUNAM kR^ite \ldq{}rakShAdakShodvaraNavR^itimat\-shrIlasatkR^iShNapuryAM\rdq{}
iti pAThaH ||)
svIyaM pAdaM sharaNamayatAM snehibhUto.akhilAnAM
shoNasvarNaprabhatanuhiraNyAkhyavakShovidArI |
shlAghyasvarNArachitavaraNavyAptimatkR^iShNapuryAM
sakto.ajasraM svayamakapaTasnehiShu snehasatyaH || 9\.10\.6||
AdR^itya svaM sharaNamayatAM satyabhUto.akhilAnAM
mithyAbhUto bahiradhigataprahvabhAvAkhilAnAm |
kedArodyadvihR^itishapharashrIlasatkR^iShNapuryAH
svAmyAshleShI manasi dadhatAM ki~NkarassannikR^iShTaH || 9\.10\.7||
sarveShAM svaM bhavati charaNau saMshritAnAM vidheyo
rakShatyAdhiprabhR^iti cha vinA saMsR^itiM saMvinAshya |
raktaissvarNai rachitavaraNavyAptimatkR^iShNapuryAM
nityaM nityaM namata parame sthAyinaH pAdameva || 9\.10\.8||
pAde vyAdhiH prashamamayate pratyahaM sevyamAne
nAvadyaM mAM shrayati tadito nyUnatA kA mamAsti ? |
jihvAjAgrannigamavibudhAdaryasatkR^iShNapuryAM
duHkhaM naivAstyakhilajagatAM kAraNaM saMshritAnAm || 9\.10\.9||
nAsti klesho mama punarito nyUnatA nAsti loke
padmasthashrIniyatavasatIbhUtavakShassthalasya |
prAkArAgryaiH parivR^itabhuvi prAstaraiH kR^iShNapuryAM
proktAyAM chet anishamasukhAnyantikaM nAshrayanti || 9\.10\.10||
(dramiDopaniShattAtparyaratnAvalI shlokaH)
sarvashreShThyAtsvakIyairapi jagadavanAdaNDaShaNDAdhipatyAt
nIlAyA vallabhatvAdamR^itavitaraNAdbhaktasusnigdhabhAvAt |
dAsAnAM satyabhAvAdatisujanatayA.atho jagatkAraNatvAt
shrImAn velApratIkSho bhavabhayaharaNe chetyabhANIchChaThAriH ||
itthaM sarvaikabandhuM chirakR^itakaruNaM shIlasindhuM patitvAt
sambandhAdrakShitAraM svaguNagarimasaMsmArakaM prAha kR^iShNam |
vismartuM chApyashakyaM ghaTakamukhasuvisrambhaNIyaM sumatyA
lakShmyA shliShTaM svasid.hdhyunmukhasamayamanehaH pratIkShaM sumitram || 9\.10\.11||
(pratibimbalaharI shlokaH)
dUrakleshaM duritavihatiM kA~NkShamANAssamUlaM
prottu~NgraukonivahakurukArAT\-shaThAripraNIte |
\*gAthArUpadramiDamayasAhasrage pa~nchake dve
ete gItvA praNamata pade tasya sa~njAtanR^ittam || 
(\*atra yatibha~NgabhIrUNAM kR^ite \ldq{}gAthArUpadraviDamayasatsahasre tvimau dvau\rdq{} iti tR^itIyapAde
\ldq{}pA~Nktau gItvA\rdq{} iti turIyapAde cha pAThaH ||)
(iti navamashatake dashamaM dashakam)
|| iti navamashatakaM samAptam ||
|| shrImate ve~NkaTasheShAryamahAdeshikAya namaH ||
|| shrImate rAmAnujAya namaH ||
\chapter{|| pratibimbalaharI \- dashamashatakam ||}
pratibimbalaharIvR^ittaM \- shArdUlavikrIDitaM
\section{|| atha dashamashatake prathamaM dashakam ||}
etaddashakapratipAdyaguNavisheShaH \- svAnAM sadgatitvaM
          || sa~NgatimaNimAlA ||
            (vasantatilakA)
dehAvasAnasamaye dhruva eva mokShaH
shrIkR^iShNapUrvasatineti samIrito.asau |
mArgo.atha dIrgha iti tatra sahAya Apto
bhUyA mameti bhajate.atkagamohanesham ||
sannAlAbjataTAkabhUShitadhare shrImohanAkhye pure
ratyA sAdhvanishaM sthitaM suraripuchChidbhishchaturbhirbhujaiH |
yuktaM vakrasukuntalaM sarasijasvakShaM subimbAdharaM
nAnyopAyayutA vayaM paragatau shrIkAlameghaM vinA || 10\.1\.1||
nAnyaikAstyapi sarvajanmasugatirno ramyashItojvalat\-
bhUShAsraktulasIbhR^ito dashashatAbhikhyAvatasvAminaH |
kalyANADhyachatushshrutij~navasatau shrImohanAkhye pure
kalyANA~Nghriyugasya tasya padayoshChAyAtaTAkaM vinA || 10\.1\.2||
tvAM hitvA vayamanyadekasharaNAbhAvA iti kroshanaM
bhaktyA.a.asthAya chaturmukheshasahitAmartyeShu nidhyAyiShu |
jitvedaM trijagat prapAlya charataH shrImohanAkhyAM purIM
asmatkleshanirAkR^iteH paramitassAdhvAshrayAmo vayam || 10\.1\.3||
asmAn duHkhanivR^ittaye mukhamupetyetIti kR^itvA stutiM
aujvalyADhyasuvigrahaM muniShu chAnviShyatsu deveShu cha |
nidrAtussuvishAlabhogishayane shrImohanAkhye pure
stoShyAmashcharaNau suduHkhahataye dAsAssamAgachChata || 10\.1\.4||
mAtrekAsakhakAraNena jagatAmaNDe satAmaShTadikSh\-
vapyudyanmadhurekShu\*gAruNamahAnIvAravR^id.hdhyai cha naH |
bhAsvajyautiShavarShmaNAd.hdhyuShita Akalpe pure mohane
nR^ityAmo rachitapradakShiNamaho dAsAssamAgachChata || 10\.1\.5|| 
(\*\ldq{}yuktavR^ihadAraktAbhashAlishriyai | \rdq{} iti pAThAntaram |)

\*gopAlo ghaTanartakastrijagatAM pIDAkR^itAmantakaH
daityAnAM; stuvatAM cha no diviShadAM bhogyo munInAmapi |
shItakShmAjalaR^iddhiyuktasubhagaiH kedArakaissaMvR^ite
svApto.asyAmbujapAdato na sharaNaM no.anyat pure mohane || 10\.1\.6|| 
(\*shrIpitAmahapAdAnAM shloko.atra na samagratayA labhyate |
ataH asmAbhiH ayaM kalpitaH ||)
bhUtvA.anantamahAprakR^ityanupamopAdAnamambho.abhita\-
ssR^iShTvA tatpathikAdipadmajapurobIja~ncha sarvAn surAn |
lokAn saMsR^ijataH parItya nilayaM no mohanAkhyaM puraM
dhvastAnyopadhikaM pradakShiNakR^itAM duHkhaM vinashyeddrutam || 10\.1\.7||
nashyeyurduritAni ma~NkShu namatA.a.ashrityaitya dAsAssahA\-
tyuchchAkrIDalasatsaro~nchitaruchishrImohanAkhye pure |
dIvyannAmasahasrakaM balipalAshAntaH praveshApade
sUtaM pa~Nktirathena sanmarakatai ratnaistaTAkottamam || 10\.1\.8||
svachChAmbhassarasIpadAbjanayanasvAraktabimbAdharA\-
nalpAkalpichaturbhujAnishasuradviT\-ChettR^ishauryAmbudheH |
\*devasyAptanivAsamujjvalavanaM shrImohanAkhyaM puraM
pratyAsannamupAgatAssma paramaM chAsmAkarakShAssthalam || 10\.1\.9|| 
(\*\ldq{}devasyopavanojjvalAptavasati shrImohanAkhyaM puram || \rdq{} iti pAThAntaram |)

\*asmatprAptamanuttamaM svasharaNaM hItyAditeyottamaiH
prApyopadravakR^idbaliShThaditibhUbhItyA prapanneShvitaH |
sveShTaM rUpamupetya rakShaNakR^itaH shrImohanAkhyApura\-
shrInAmaiva vichintayeta vinutochchAryAsmadIyA janAH ! || 10\.1\.10|| 
(\*\ldq{}asmatprAptamanArataM svasharaNaM shreShThaM surairuttamaiH || \rdq{} iti pAThAntaram |)

(dramiDopaniShattAtparyaratnAvalI shlokaH)
daityAnAM nAshakatvAdvidhR^itatulasikAmaulibhAvAjjayitvAt
sarpAdhIshe shayatvAt niravidhakapara~njyotirullAsyabhAvAt |
lokAnAM sraShTR^ibhAvAddasharathasutatAshrAntihAritvamukhyaiH
AkAraiH sadgatiH syAjjaladatanuruchishcheti tenAbhyadhAyi || 10\.1\.10||
(pratibimbalaharIshlokaH)
AsmAkA ! vinuteti kumbhashirasaM nR^ityantamuddishya vAk\-
kai~Nkarye kurukAshaThArirachite labdhe sahasre tvidam |
shrImatsundaradivyadeshamahita shrImohanAmnyai pure
dattaM shrIdashakaM vinotumanasAM duHkhaM vinaShTaM bhavet ||
(iti dashamashatake prathamaM dashakaM )
\section{|| atha dashamashatake dvitIyaM dashakam ||}
pratibimbalaharIvR^ittaM \- shArdUlavikrIDitaM
etaddashakapratipAdyaguNavisheShaH \- adhvakleshApahartR^itvam ||
          || sa~NgatimaNimAlA ||
            (vasantatilakA)
kleshAnapohya pathi naijabhuvassvabhaktAn
devo nayediti vadan shaThavairisUriH |
shrImAnanantanagaraM prati klR^iptayAtraH
shrImohanAkhyapurato bhavati prahR^iShTaH ||
\*nashyennaH pratikUlamatra nikhilaM shrIkeshavetyuktitaH
nityaM bhIShaNakarmakR^idyamabhaTAH apyatkayAnAkShamAH |
bhogIshe saviShe yatheShTashayanasyAlApagIbhR^i~Ngasat\-
shrIkedAravR^itaM hyanantapuramutshrIkaM vishemA.adhunA || 10\.2\.1|| 
(\*\ldq{}pratyUhAH pralayaM prayAnti nikhilAH shrIkeshavetyuktitaH || \rdq{}
iti pAThAntaram |)
shailashrIkagR^ihAntike nibiDite punnAgakundaiH sphurat\-
gandhADhyopavane tvanantanagare nAmAdbhutasyaikakam |
uktaM tvekasahasrameva dadhatAM chitte taduchchaiH padaM
gatvA chedvishathAdya saptasujaniShvAyAnti duHkhAni no || 10\.2\.2||
tArkShyaM chArayati dhvajaM cha kurute yassarvalokAdanod\-
gArI chettaditAmanantanagarIM yUyaM praviShTA dR^iDham |
nashyeyurnikhilAni rogaduritAnyasmAbhiruktaM sphuTaM
yUyaM tvekasahasrato vadata tannAmaikakaM nishchitam || 10\.2\.3||
nishsha~NkaM vadatA.a.avR^itAM jaladhinA vistIrNavArA puraM
kedArA~nchitabhUsphuratparimalAkrIDAmanantAbhidhAm |
kurvANaiH kR^itapuNyapUjapu~njakaraNAshcharyaprakArA aho!
kR^itvA snehamadhiShThitAya vidhinA puShpArpaNairarchanAm || 10\.2\.4||
kR^itvA puNyamathAmbunA sushuchinA sAkaM sumaiH svAminaM
sampUjya smaratAsya nAma cha tatashchemaM Chinatyudbhavam |
sphItodyAnasamR^id.hdhyanantanagarIsvAmyabjapAdAshrayAH
nityA eva bhavanti chAtha sudR^iDhaM spaShTaM vadAmo vayam || 10\.2\.5||
mUle chAmaratAmupetya charatAmApte pure.anantasaM\-
j~ne seneshvarapUjane.atra dadhate kai~NkaryamantassurAH |
AsmAkAH ! shruNutoditaM vayamapi prApyA.a.ashrayemAntike
govindaM tu kumAratAtabalavadduHkhasya vidhvaMsakam || 10\.2\.6||
govindasya hR^itAMhaso.akhilajagatprANyAditeyAn parAn
sarvAn sR^iShTavataH phaNIndrashayane svapturmama svAminaH |
\*toyApAtamukhochchalatshapharakedArA~nchitAnantapur\-
yAvAse bahireva mArjanadhurAlAbhe kharAgoddhR^itiH || 10\.2\.7|| 
(\*atra yatibha~NgabhIrUNAM kR^ite \ldq{}toyApAtamukhochchalatshapharasat\-kShetrA~nchitAnantapur\-\rdq{}
iti pAThaH |)
krUrAMhassukhanAshyamastu janituH kAmasya yUno.anishaM
svAtmotsargadhiyA gR^ihItamujjvalamanantAkhyaM puraM chakShate |
sheShe sphItaphaNe sadA.a.aptashayanasyA.a~NghrI samAsevituM
\*bho! vo.asmajjanamadhyagA ! vayamavochAma sphuTaM gachChata || 10\.2\.8|| 
(\*atra yatibha~NgabhIrUNAM kR^ite \ldq{}bho vo.asmajjanamadhyagA vayamihAbrUma sphuTaM gachChata\rdq{}
iti pAThaH |)
asmAbhirbhavatAM sphuTaM prakathitaH kAlo.apyupeto.antike
saMyakkShemayutaM puraM cha nibiDodyAnaM hyanantAbhidhaM
dhUpaM satsurabhINi doSharahitaM puShpANi sampAdya cha
stotre vAmanapAdayoriti kR^ite nashyantyaghAni svayam || 10\.2\.9||
nashyeyussvayameva sAnvayamaghAnyukte sadA mAdhave\-
tyarhasvaraNAvR^itAvanantanagare shrIpadmanAbhAya vai |
divyAlepanadIpadhUpakamalasmeraprasUnAni saM\-
chinvAnAsstutipeshalA niravadhisphAyadyashashshAlinaH || 10\.2\.10||
(dramiDopaniShattAtparyaratnAvalIshlokaH)
Uche shrIkeshavatvAdbhutacharitakhagAdhIshaketutvayogAt
AsannatvAtpatitvAdamarapariShadAmAdibhUtatvabhUmnA |
vyApAraiH sR^iShTimukhyairapi cha bhujagashAyitvamukhyaishcharitraiH
adhvakleshApahartA bhavati cha bhagavAnityananyaH shaThAriH || 10\.2\.11||
(pratibimbalaharIshlokaH)
kalyANaiH svaguNairanantanagare nissImakIrtiM jaga\-
ddhetuM guchChasumAgaShaNDakurukAmAroktisAhasrage |
pa~nchAsa~njitapa~nchake.atra kushalA nityaM tu lokaM gatAH
shliShyeyuH valayADhyadivyavanitAvaMshopamAMsadvayam ||
(iti dashamashatake dvitIyaM dashakam)
\section{|| atha dashamashatake tR^itIyaM dashakam ||}
pratibimbalaharIvR^ittaM \- utkR^itivisheShaH \- praharShiNI\-yugarUpaH
etaddashakapratipAdyaguNavisheShaH \- asthAnasha~NkArharAgatA
          || sa~NgatimaNimAlA ||
            (vasantatilakA)
gatvA tadIyamatha sheShapuraM svasheSha\-
vR^ittiM chikIrShuranavApya manorathaM tam |
Asha~Nkate.asya vipadaM nijapArshvage.api
gochAraNAya gatavAniti gopikeva ||
vaMshashrIrbhujayugalI bataiti kArshyaM
kArshyaM me virahamapIyatA.avichintyA\-
pyutkUjantyupavanakokilA batAmI
saMshliShyannaTati bataiSha barhisa~NghaH |
rAjyadgogaNavanachAraNe tvadAttaM
tvekAhaM dashashatakalpamasti hantA.a\-
mbhojashrIsadR^ishadR^ishA vibAdhase hA!
kAruNyaM tava na hi kR^iShNa ! nirdayastvam || 10\.3\.1||
kAruNyaM tava na hi kR^iShNa ! nirdayastvaM
vistIrNastanaparirambhaNeShvamAnA\-
nandaughaH khamatipatan matiM vimohya
vyAptassvasvapiti samaM nivR^ittya chAtra |
antasthAsvanuvivarAntaretya chAtmA.a\-
sahyo.asAvupari cha rambhaNAbhilASho
vishleShaM janayati hottarottaraM te
neto.ahaM tava gamane gavAnugatyai || 10\.3\.2||
syAdanto mama tava gogaNAnuyAne
hA.a.atmoShNashvasitamupetya dahyate me
sAhAyye bhavati na ko.apyahaM sthitA te
nekShe sa~ncharaNamihA~njanAbhamUrteH |
ekAhaM tava virahe na yAti nAnyo\-
nyopamyekShaNashapharIyugAstrashAntiH
hetthaM no vrajakulagopikA janitvA
dAsInAM tvayi janitaikataiva nAshyA || 10\.3\.3||
dAsInAM smarasi na chaikatAsthiterno
govinda! priyavirahivyathA smR^itA no
hitvA no manasi vichintya goShThagA gAs\-
tAsAM tvaM vanabhuvi chAraNAya yAsi |
pakvochchAmR^itamadhurapravAha IdR^ik\-
pApAyA mama manaso.antarastha AtmA
magnaste.aruNaphalabimbabhoShThashAThyA\-
nuchchoktismaraNadashAsu dahyate hA ! || 10\.3\.4||
nIchoktismR^itiShu vidahyate madAtmA
gopa~NktIH sukhayitumahni yAta ! kR^iShNa !
ho! vAti pravikachamallikAsamIre
hA.a.ayAtA samadagajopamA.api sandhyA |
gandhADhyaM maNivadurasthayUthikAbhiH
kR^itvA saMstanamadharAmR^itaM vitIryot\-
kR^iShTAla~NkR^itiruchi hanta ! dAsyabhAjAM
asmAkaM shirasi nidhehi hastapadmam || 10\.3\.5||
dAsInAM shirasi nidhehi no.abdhiramya\-
shrIdR^iShTe ! tava shubhapAdapadmabhAja\-
stanmadhye tvadabhimatAshcha santyanekAH
tattiShThatviha na sahAmahe vadhUtvAt |
tIkShNochchairvipuladR^ishorjalaM na tiShThat\-
yevaM no hR^idayamapIti hetunA te
gopa~NkteHgatiratichAraNAya bhIdo\-
ddAho.agnau jaturiva vidruto madAtmA || 10\.3\.6||
AtmA me dravadanalAptajAtuShAbho\-
ddAhI vishlathasitaka~NkaNaughakA~nchi;
prachyotadvimaladR^igabjamuktamudya\-
dvaivarNyAshritakuchamastabAhushobham |
nIlashrImaNivaravarNa! te.aruNAbja
shrImR^idvambuja\-charaNa\-klamaM tvametaH
goprItyAdarakR^iditaH prachAraNe syAt
kiM vA.atra pratibaliShu tvayA.asureShu ? || 10\.3\.7||
tatra syAt kimabhimukheShu hAsureShvi\-
tyAtmA san mama shuchameti mAsma gA gAH
snehAshe api parirambhaNaM trayaM mat\-
chittasthaM vyathayati matkarAnna gachCheH |
AkarShannijanayanAmbujAdharashrI\-
doH pItojvalavasanAni sampradarshyod\-
bha~Ngodyad\-dvayaNukavalagnabAlagopa\-
strIbhistvatpriyasuguNAspadaishchara tvam || 10\.3\.8||
sa~nchArya tvadabhimatAbhiruttamAbhiH
tvachchittavyasananivartane.akhile.api
hyAnandaM vayamadhikaM bhajema noDha\-
strItvAH smo na surabhichAraNAya gachCheH |
svAminno bhR^ishamasurA nijeShTarUpAH
tatrasthA bahu vicharanti kaMsadiShTAH
tatprAptau tava saha taishcha tatra nAnA\-
narthAsyurmama vachanaM hahAH ! shruNu tvam || 10\.3\.9||
jAyeran shruNu vachanaM mamAtyanarthAH
daityeshA bata! balino hi kaMsadiShTAH
sthitvAntastapiShu charanti tApaseShu
prAchuryAt tava visahAyatA.api rAmam |
nAdR^ityApyasahacharo bhavAnitItthaM
hA! bAhyAntaramapi dahyate madAtmA
hR^idyaste paramapadAt gavAM prachAro
bimbashrIsvadhara ! madIyagopadeva !|| 10\.3\.10||
(dramiDopaniShattAtparyaratnAvalI shlokaH)
ambhojAkShatvakIrtyA yadukulajatayA chAtmanashshyAmalatvAt
govindatvAt priyodyadvachanaparatayA chakrarAjAyudhatvAt |
shrInIlAshmaprabhatvAdatisubhagatayA gopanirvAhakatvAt
asthAnasnehasha~NkAspadarasa uditaH shrIpatiH kArijena || 10\.3\.11||
(pratibimbalaharIshlokaH)
bimbashrIsvadharamadIyagopadeva\-
svAmya~Nghryorupari tu chAru tAmraparNIM\-
sha~NkhA~nchattaTakurukarddhimachChaThAreH
ramyashrIsamuditavAk\-sahasramadhye |
tAruNye vrajasudR^ishAM vimarshabaddhA\-
tachChaleShavyasanapadaikayaiva tatra
pratyUhe priyasurabhiprachAraNasyai\-
tatproktaM dashakamapIha tasya yogaH ||
(iti dashamadashake tR^itIyaM dashakam)
\section{|| atha dashamashatake chaturthaM dashakam ||}
pratibimbalaharIvR^ittaM \- vasantatilakA
etaddashakapratipAdyaguNavisheShaH \- bhaktibhAjAM suprApatvaM
          || sa~NgatimaNimAlA ||
            (vasantatilakA)
tadbhaktiyogavibhavaM parivaktukAmaH
Arabhya madhya iha taM bahudhAnubhUya |
tadgopikeva tamamuM svavashe.atha nItvA
suprApatAM vadati tasya tu bhaktibhAjAm ||
kAlAmbudopamatanoH kamalAbhadR^iShTeH
toyAbhravAyvanalabhUtanuchakrapANeH |
prakhyAtasUribhirapakramanavyabhUmno
dAmodarasya charaNAshrayaNastapodhvA || 10\.4\.1||
apyUrdhvabhAgdiviShadAmadhiko.atra dR^iShTuM
tad.hdhyAnashUnyamanasAM sushako na nityam |
lakShmIsamAsthitatatanUraruNekShaNo.atra
mAM svIkarotyapaharan dvividhaM cha karma || 10\.4\.2||
svIkR^itya chakravati naH kimivAsti kena
nedaM punargati vayaM gatajanmakhedAH |
ramyAsimInasamatojvalanetranIlA\-
preyaHpade samabhivIkShya shirasyakArSham || 10\.4\.3||
mUrdhni vyadhAM sumasamau charaNau vaTAlpa\-
patrAdhishAyyanimiSheShu samAnateShu |
AsthAya ve~NkaTagiriM svayamasmadantash\-
chetasthirasya chalanAkShamatAdR^iDho.asmi || 10\.4\.4||
svAmI sudarshanakaraH kuhanAmahAna\-
shlAghyaH parairR^itasamo.apyanR^ite paTurnaH |
nityAbhilAShaNapadaM sa hi nAgatalpaH
nishchitya chAsmi hR^idayAchchalanAkShamatvam || 10\.4\.5||
j~nAnena chetasi niveshayatAM sadaiva
nAthasya nAgashayanasya kR^ipAkarasya |
vistIrNakhasthavidhuyuktajaTAdhareshaM
bhAge niveshitavatashcharaNau nato.asmi || 10\.4\.6||
nityaM mano! nama parAtparataH paraM svaM
rogaH kiyAnapi na pAti bhavaM vinAshya |
svAmI madhudviDatinIlamaNisthabho me
bhUShAsamAruNasuvarNa\*parAkramArI || 10\.4\.7|| 
(\* \ldq{}sushUrachakraH || \rdq{} iti pAThAntaram |)

sUrIDagAdhahR^idayAmaradUravartI
kalpasthirapraLayasR^ik kR^itagocharasya |
vistArisundarabhujoddhR^itabhUbhR^ito.a~NghryoH
machchitta ! vismR^itimR^ite bhava ma~NgalaM te || 10\.4\.8||
pUrvaM pareNa phaNitaiH bhaNitiprakAraiH
bhaktyA prapadya kR^itadAsyamathAdhvagatyai |
adrAkShamambujasamau charaNau tadaiva
muktvA gatAni vilayaM dvividhAnyaghAni || 10\.4\.9||
kR^itvA tadekaviShayaM vidhinAtmachittaM
nityaM jalairnavasumairapi dhUpadIpaiH |
pratyAshametya sumanasstutaye svabhAva \-
bhAjaH pade svasubhaje khalu mAdhavasya || 10\.4\.10||
(dramiDopaniShattAtparyaratnAvalI shlokaH)
shrImaddAmodaratvAdamarapariShadAmapyagamyatvabhUmnA
chakrAdhIshAyudhatvAt vaTadalashayanAt nAgarAje shayatvAt |
vakShaHsparshonmukhatvAt paramapuruShatAmAdhatvAdiyogAt
duShprApo.ayaM bhajadbhiH sugama iti dR^iDhaM mAdhavaM so.abhyadhatta || 10\.4\.11||
(pratibimbalaharIshlokaH)
mallAjikR^idbhujapatiM vaLutIvalAkhya\-
deshyoditAntamukhanissamavAksahasre |
prApyekShayaitya parataH parataH paraM taM
prApyAvimAstu paThatAM dasha kR^iShNapAdau ||
(iti dashamashatake chaturthaM dashakam)
\section{|| atha dashamashatake pa~nchamaM dashakam ||}
pratibimbalaharIvR^ittaM \- anuShTup
etaddashakapratipAdyaguNavisheShaH \- bahuvidhabhajanaprakriyatvaM
          || sa~NgatimaNimAlA ||
            (vasantatilakA)
tadbhaktiyogamahimAnamathopadishya
sa~NkShepato vadati tasya vidhAstu sarvAH |
Ashu svakIyapadanetR^isusambhrameNa
padyairmitAkSharamayaistvaritashshaThAriH ||
kR^iShNasya charaNadvandvasamAshrayaNachetasaH! |
nArAyaNeti shrInAma tasya dhyAyata nishchitam || 10\.5\.1||
nArAyaNo mama svAmI bhUdevIvallabhaH purA |
vAraNasya nihantaiva jagataH kAraNaM param || 10\.5\.2||
svayameva sa lokAtmA sR^iShTvoddhR^itya svayaM jagat |
nigIrya svayamudgIrya svayamIShTe cha rakShitum || 10\.5\.3||
rirakShiShorjale.ambhodheH kAntimat \-phaNitalpinaH |
samarpya pAdayoH puShpANyanveShayata chAnvaham || 10\.5\.4||
pratyahaM shrayatAmlAni puShpANyAsAdya bhaktitaH |
tasya gAyata nAmAni suprApo mokSha eva vaH || 10\.5\.5||
AdR^itya ve~NkaTe tiShThatyatasIsumasachChaviH |
viShADhyapUtanAstanyapAyyAsyassa hi mAdhavaH || 10\.5\.6||
mAdhavetIti shaktAshchet uchchArayitumAdarAt |
na doShANIShadAyAnti na heyAnyAshrayanti cha || 10\.5\.7||
jalapUrNAbhravarNasya ye nAmAni paThanti ye |
ye ke.api te.amarA eva pApAnyAyAnti nAntikam || 10\.5\.8||
amarANAM suduShprApaM svIyAnAM sulabhaM param |
duritAni vinashyeyussthiraM praNamatAM dhruvam || 10\.5\.9||
bhiyA karmodbalAj~nAnamevaM sa~NghAH palAyitAH |
abhyarchya saMsaraHpuShpairdIrghaM dhyAyata bAndhavam || 10\.5\.10||
(dramiDopaniShattAtparyaratnAvalI shlokaH)
nAmnAM sa~NkIrtanena svaparibR^iDhatayA bhAvanAto.anuvelaM
saMsmR^ityA puShpadAnAdhyayanasuvachanaiH stotranR^ityAdikR^ityaiH |
dharmairvarNAshramoktaiH bahuvidhabhajanaprakriyo dIrghabandhuH
shrImAnnArAyaNashchetyakathayadakhiladrAmiDabrahmadarshI ||
(pratibimbalaharI shlokaH)
sarveshvarakR^ipApIDIkR^itishIlashaThadviShaH |
dashakaM sUktisAhasre bhaktAnAM karuNAgamaH ||
(iti dashamashatake pa~nchamaM dashakam)
\section{|| atha dashamashatake ShaShThaM dashakam ||}
pratibimbalaharIvR^ittaM \- shArdUlavikrIDitaM
etaddashakapratipAdyaguNavisheShaH \- svadAne tIvrodyogotvaM
          || sa~NgatimaNimAlA ||
            (vasantatilakA)
bhaktiprakAramupadishya hareH shaThAriH
svasmin ratiM cha vipulAM pravichintya viddhaH |
saushIlyamukhyasuguNAnabhisamprakIrtya
chittena sAkamanubhUtimathA.a.atanoti ||
dAsAnAM svakR^ipopalambhamanasAM dAsasya me chakrabhR^it
paryAptaH svakR^ipAprado bhavati so.apyAj~nAprakAreNa naH |
no vA~nChAmyahamudbhavaM pR^ithujaganmadhye tvito.aj~nAnade
bhrAntiM tvaM tyaja bhavyachitta ! vinamervATTArunetuH pade || 10\.6\.1||
vATTArIshapade vinamya mahati Chetssyan jagatyudbhavaM
hR^idbhavyApyashR^iNorvirodhijayinaM matsvAminaM keshavam |
gItvA.anekasugItibhishchirakR^itaM nirmUlya karmA.akhilaM
hitvA prAkR^itavat pravR^ittimapi taM nArAyaNaM smaH shritAH || 10\.6\.2||
sa~NkIrtyopagatA vayantu bahudhA nAmAni nArAyaNaM
bhUloke.adhikasampadR^iddhivilasadvATTArunAtho.adhunA |
ditsuH santvarate padaM mama paraM svAj~nAprakArAditaH
karmANItividhAni chitta ! mama bho ! na syuH yathA chintitam || 10\.6\.3||
sthitvA maddhR^idayAntare vitatasachChAstraM tvidaM drAviDaM
prAvochat balihR^iddhiraNyahR^idayAchChedI sa vATTArprabhuH |
rAjasvAttabhayeShu pANDavakR^ite tvAttAyudho bhArate
he ! sachchita ! paraM padaM vitarituM svAmI dayetA.api naH || 10\.6\.4||
AroDhuM paramaM padaM shubhasR^iterdAtustu vATTArprabhoH
gItoktervidhayAhamAptumalabhe cheto! hasernArakam |
madhvR^idhyattulasIsumA~nchitapadasyAruhya ramyaM svayaM
tArkShyaM sa~ncharataH padAbjayugalaM syAduttamA~Nge mama || 10\.6\.5||
sA pAdAbjayugI vibhAti shirasi svAmI mamAmbhojadR^ik
machchittaM na jahAti nityavasatiM tvasmanmahApUruShaH |
shailottu~NgasudhAmni sheShashayane vATTArupuryAM sataH
prAptA mattajighAMsudantiradavichChettussashi~nje pade || 10\.6\.6||
prAptAshshi~njitavatpade mama mano govinda AtmAlayaM
svIchakre satara~NgavAridhivR^itAvAchInabhUbhUShaNe |
shailaughopamaratnasaudhavilasadvATTArupuryAM sataH
pAdAbjopari saurabhADhyatulasI maddehagA modate || 10\.6\.7||
shrImadvigrahasatsugandhitulasIgandhADhyamauleryathA
sveShTaM saMyugadakShachakravilasatpANerjalashrIbhR^itaH |
nityaM nIlagirishriyaM cha sutanau vATTArpurastheshituH
kAM kR^itvopakR^itiM kR^itiM bata ! mayA machchetasi sphoraNam || 10\.6\.8||
bhAsvadvakShasi nityayauvanajuShA devyA shriyA bhAsvataH
lakShmyAM mohajuShassuramyavasatau vATTArupuryAM vasan |
sa~nchAryottamapakShiNaM nihatavAn yuddhotkarakShaHkulaM
vishleShaM na hi yAti chetasi sadA hitvApyupekShAM mama || 10\.6\.9||
kurvashleShamR^ite svadAsyamiti mAmatyantadAsaM vyadhAt
janmApohya tadA hiraNyavapurudbhedI nR^isiMhIbhavan |
dAsatve mahatAM shrite tvasulabhArthAvAptirItiM prabhU
rekhAdIptimadAsyanAgashayane vATTArpure.adarshayat || 10\.6\.10||
(dramiDopaniShattAtparyaratnAvalI shlokaH)
chakritvAt keshavatvAdibhirapi cha tathA shrIshanArAyaNatvAt
snehitvAtpANDavAnAmabhimatatulasIpUjanIyatvabhAvAt |
ambhojAkShatvagovindata uta suyashaH shrIpatitvAdibhAvaiH
shrImAn tIvrodyamo.ayaM svapadavitaraNe cheti tenAbhyabhAShi || 10\.6\.11||
(pratibimbalaharI shlokaH)
svIye shi~njatavatpade pradarshya narake krUre praveshApahe
vATTArsvAmini ma~njularddhikurukAshrImatshaThadviTkR^ite |
\*gAthAtmadraviDasrajAmiha sahasre naiva tR^ipyanti tat
divye karNasukharjusUktidashakaM shrutvA sthitAssUrayaH || 
(\*atra yatibha~NgabhIrUNAM kR^ite \ldq{}gAthAtmadraviDasrajAmiha na vai
tR^iptAssahasre tvidaM\rdq{} iti pAThaH ||)
(iti dashamashatake ShaShThaM dashakam)
\section{|| atha dashamashatake saptamaM dashakam ||}
pratibimbalaharIvR^ittaM \- sragdharA
etaddashakapratipAdyaguNavisheShaH \- svajanatanukR^itAtyAdaratvaM
          || sa~NgatimaNimAlA ||
            (vasantatilakA)
kAle tvayA vR^ita upehi tu mAmitIrya
taddehasaktahR^idayassasharIrameva |
netuM svalokamabhikA~NkShati yuktameta\-
nnaivetyaraNyagirisundaramasti rundhan ||
kai~NkaryaM rakShitasvAH tanuta R^ijugiraH ! paNDitAH ! shrIvanAdrIT
chorassvAshcharyabhUto bhR^ishamatikapaTo mAyikavyAtmanaitya |
machchittAtmAntaraikyaM savidhasadaparij~nAtarItyaiva bhuktvA
tanmachchittAtmarUpaH svayamabhavadaho ! sarvadeheShu pUrNaH || 10\.7\.1||
bhUtvA sarvaM svayaM tannikhilamapi jagadvayApya jIvashcha bhUtvA
bhUtvA.ahaMshabdavAchyaH svayamatha cha navan svaM svayaM vai tato me |
madhveva kShIramevaikShavamamR^itamapi shrIvanAdreshcha nAtho
bhUtvaiva sthAyitAM so.agamadakhilamadAtmIyasarvasvabhoktA || 10\.7\.2||
bhukttvAtmAnaM priyaM me nikhilamapi vapuH prAkR^itaM me pravishyA\-
pyAtmIyaM mAM cha sarvaM svayamabhimatakR^itsvadbhutasvAminA.a.aptam |
dakShAsheDyaM vanAdriM dishamabhivinaman sA~njalissaMshrito.ahaM
hIto gachCheyamUrdhvaM kimanupadhi kR^ipA kIdR^ishI svAmino hA ! || 10\.7\.3||
bhUtvAtmAnashcha lokAssvayamajahadidaM madvapussamprachArya
gatvA pAdena deshaM sukhakaramasamaprekShitishshodhakassan |
bhUmadhye dakShiNAshAtilakamiva lasatshrIvanAdriM giriM no
nAshAyA.anAshritAnAM tyajati na hi kR^ipA svAminaH kIdR^ishIva ? || 10\.7\.4||
nAshAyAnAshritAnAM shritashubhajanatAshreyase chA.api chintA \-
tItAni dhyAyinAM svaM pratisukhajaladhiprAptaye sanmunInAm |
gItyA pUrNAssugAthAtmakamadhurakR^itIH sannahaM svena gItvA
matsvAmI tanna tanneti cha vadati mudA shrIvanAdrIsha eva || 10\.7\.5||
kalpe kalpe vichitraM trijagadapi nijasvalpakukShau niveshya
prAdhAnyenA.abhirakShan nijashubhavasatishrIvanAdrIshanAthaH |
shrIvyAmugdho.atimugdho madavanasavane brahmarudrAdyadR^iShTaH
svAmI teShUchchabhaktyA svapadanatanutiShveva klR^iptAnukampaH || 10\.7\.6||
he ! matsvAmin! dayAM dehyayadhikamiti nijasvAminA tryambakena
j~nAnochchabrahmaNA cha svanivahavibhunA devarAjA.amaraishcha |
aj~nAnAkhyAndhakArApahamunibhirapi stUyamAneshvarAdriH
svAj~nAnadhvAntahAdrirbhavati maNimayashshrIvanADhyAdrireva || 10\.7\.7||
shrIshAvAsaM vanAdriM kalashajalanidhiM mAmakaM chottamA~NgaM
vaikuNThaM shrIshahR^idyaM shishirataTabhuvaM ve~NkaTaM machCharIram |
durvij~nAnaprakR^ityAvR^itamapi cha mamAtmAnamevaM mano\-vAk\-
kAyaM chaikaikamekakShaNamapi na jahAtyekakalpAdihetuH || 10\.7\.8||
kAlAdereka evAdima iti viditastveka utpAdya lokAn
sa~NkalpAdeva kalpaM prati dadhadakhilAn saMharan krIDato me |
prAptasyAmbhodhishailIM ruchirashishiritaM svAminaH shrIvanAdriM
mA tyAkShIrma~NgalaM te hR^idaya !; vapurasudhvaMsanaM saMvadasva || 10\.7\.9||
mAyAyAste mahatyA hR^idi kalaya hatiM shrIvanAdyAshritAsmat\-
svAmin! bhUtvAhameva tvamimamavitavan ! pa~nchavR^iddhendriyArthAH |
pa~nchAkShaM pa~nchakarmendriyasahitamahApa~nchabhUtAni chAtra
hyetatjIvAptamUlaprakR^itimahadaha~NkArachetAMsi chaiva || 10\.7\.10||
(dramiDopaniShattAtparyaratnAvalI shlokaH)
atyAshcharyasvabhAvAt hR^idayagatatayA svastutau prerakatvAt
svAmitvAt sarvabhUtAntaranugatatayA svastutau kartR^ibhAvAt |
ApadbandhutvayogAt bahuvidhasavidhasthAnavattvena devaH
shrImAnatyAdaraH syAtsvajanaparikareShvityatho sa~njagAda || 10\.7\.11||
(pratibimbalaharI shlokaH)
sR^iShTasyAShTAbhirasya prakR^itipariNaterduShTapa~nchendriyANAM
nAshAyApi pravishya svayamahamiti cha svena santaM svayaM cha |
bhR^i~NgAha~NkArapUrNopavanasukurukAshrIshaThAressahasre
shlAghyAha~NkAravAchAM dashakamidamiha shrIvanAdyarthameva ||
(iti dashamashatake saptamaM dashakam)
\section{|| atha dashamashatake aShTamaM dashakam ||}
pratibimbalaharIvR^ittaM \- vasantatilakA
etaddashakapratipAdyaguNavisheShaH \- svechChAtuShTatvaM
          || sa~NgatimaNimAlA ||
            (vasantatilakA)
dehe.api heya iti me yadi mohavAn tvaM
muktiM prayachChasi kutastu vilambito me |
mUket sa pR^iShTa iti tatra nidAnamasya
svechCheti sundarahariM bhajate.abhidhAstham ||
shrImadvanAdririti gAmavadaM tadaiva
shrIsho mamaitya hR^idi pUrNatayA praviShTaH |
shlAghyochcharatnamaNimatkanakApasavye
shrIshAsthitaM padamupetya purI shryabhikhyA || 10\.8\.1||
AkhyAsthito.atra samupetya mahopakArI
mA gAmiti svahR^idi pUrNatayA praviShTaH |
bhuktyAbhravArdhigirilokasusaptakAnAM
tR^iptetarodaramahaM suhitaM tvagR^ihNAm || 10\.8\.2||
prApaM bhavAstimajahA~ncha rujaM cha mA.agAM
mAyAM nyavartayamagArasukhe sthirAM tAm |
ketUchchagopuragR^ihashryabhidhApuresha\-
pAdAshrayasya sukaratvavidhA mamAho ! || 10\.8\.3||
kaiShA sukhAshrayavidheti dR^ishossukhinyoH
bhUtvA.atihR^iShTahR^idayo mudito bhavAmi |
dhAvachChukopavanavat\-shryabhidhApureshaH
shuddhaM bhavat paramamunnatakhaM pradadyAt || 10\.8\.4||
ramyAlipUrNavanavat\-shryabhidhApurIshaH
vaikuNThameva mama mayyuditokti ditsuH |
antaH pravishya mama mAMsakusUlamadya
vaiyyAkulIpradamaghaughamahan svayaM me || 10\.8\.5||
shrInAmapuryadhipatissa vanAdrisa.nj~na\-
shailendra eva nivasan upakAryupetya |
adyAvaseyamiti mA.avishadAptapUrtiH
\*spR^ihyatvametya muditosmyamR^itaM nipIya || 10\.8\.6|| 
(\* \ldq{}pItAmR^ito.asmi muditasspR^ihaNIya eva || \rdq{} iti pAThAntaram |)

nandad\-dvirephavanavat\-shryabhidhApureshaH
vIkShyAbhinanditumayanna dR^ishorapaiti |
bhuktvA tamAttamuda Unamitosti kimme ?
prApaM namogiramathottamadAsyahR^iShTaH || 10\.8\.7||
sthitvA.apayAti na dR^ishoradhikAbhisandhiH
sUkShme hR^idadhvani rasaH svarasaptakasya |
sachchUrNayu~NmaNigR^ihashryabhidhApureshaH
manmAnase.adya dR^iDhamAvishadAttavR^iddhiH || 10\.8\.8||
kR^itvA.adya mAmapi sadarthamadhAt mayi svaM
mAM bAhyagaM khalu tadA.adhita kiM chikIrShuH |
shailopamojvalagR^ihashryabhidhApurIshaH
ekottare.abhi nivishAmi nivedane.aham || 10\.8\.9||
Apto.anti modakR^itaki~NkaratastavA~NghrI
prApto.arthanIyamidameva paraM madIsha ! |
shAstraj~navedaviditashryabhidhApureshaH
nissa~Na~NgadAsyakadhiyAM na kilAsti duHkham || 10\.8\.10||
(dramiDopaniShattAtparyaratnAvalI shlokaH)
lakShmIkAntatvayogAt vipadi sakhitayA divyadeshasthitatvAt
mokShodyogAttadarthaM kR^itashapathatayA sarvatassannidhAnAt |
dR^iShTyantassannivAsAdativitaraNatassvasvabhAvaprakAshAt
svAmitvAttuShyatItthaM svayamanupadhitaH shrIpatishchetyagAyi || 10\.8\.11||
(pratibimbalaharIshlokaH)
kedArapUrtivipulashryabhidhApuropa\-
ryAryaughavAsakurukAshaThahoktipUrNe |
j~nAtAdhunoktadashakairdramiDe sahasre
bhaktairmahojvalakhamavyamapAstaduHkhaiH ||
(iti dashamashatake aShTamaM dashakam)
\section{|| atha dashamashatake navamaM dashakam ||}
pratibimbalaharIvR^ittaM \- mandAkrAntA
etaddashakapratipAdyaguNavisheShaH \- sukhArchirmukhasaraNimukhatvaM
          || sa~NgatimaNimAlA ||
            (vasantatilakA)
evaM munissvaparabhaktidashAnubhUtiH
muktasya bhogaviShaye paramAM pipAsAm |
utpAdayannayati vahnimukhAdhvamukhye
mAM kumbhaghoNa iti bhAvanayeti gopam ||
vyAptAbhrAla~NkR^itijaladharAstUryaghoShAnaghuShyan
abdhirvIchIkaranikaramuddhR^itya nimno nanarta |
saptadvIpI vyadharadupadAsampadaM matsubandhoH
dAsAn modAt sthiraguNanidhervIkShya nArAyaNasya || 10\.9\.1||
dAsAn modAt shuchijaladharA vIkShya nArAyaNasya
svArNan pUrNAn \*nabhasi cha ghaTAn pUrayAmAsuruchchaiH |
sthitvA.ambhola~NkR^itajaladhayo ghoShayannadridIrghAn
nemurlokA nabhasi paritaH toraNAn sannibad.hdhya || 10\.9\.2|| 
(\*\ldq{}viyati kalashAn pUrayAmAsuruchchaiH || \rdq{} iti pAThAntaram |)

nemurlokA nabhasi mumuchurdhUpasatpuShpavR^iShTiM
dAsAnAM dhuryupari cha purA pAdavikrAntabhUmeH |
pArshvadvandve.apyanaghamunayo.apyatra vardhadhvamityA\-
gatyA.agre sa~njagurayamihAdhveti vaikuNThabhAjAm || 10\.9\.3||
mAdhvIpUrNaprasavatulasImauLimanmAdhavasya
svIyAnAM dhuryupagatasurA vishramaukAMsi tenuH |
tejovantasphuTamanimiShA darshayantaH svahastAn
atyakrAman mukharamurajA vIchimatsindhughoSham || 10\.9\.4||
ete svIyA iti pathi gatA mAdhavasyeti deveSh\-
vapyAyAtAH pravishata mama sthAnamityarthiShUchchaiH |
gItAH sUchchaiH kushalagaruDaiH kinnarAshchApyagAyan
vedashlAghyAnanabudhagaNA yAgamantassamarpya || 10\.9\.5||
antarmukte savanajaphale saurabhodgandhidhUpaiH
sarvatrAsan divimukharitAH kAhalAshsha~NkhamishrAH |
kAntyA kAntekShaNayuvatayaH ma~NgalAni pramodAt
peThuH svargAdyavata bhuvanaM chakridAsA itIttham || 10\.9\.6||
devIShvevaM savasu maruto ma~NgalAshAsanautkA\-
svanvetAssaMstutimarachayan shAyinaH keshavasya |
nimne.abdhau dyutmaNimakuTavatkumbhaghoNeshiturme
gopAlasyAsvakulabhavanaM dAsabhAvaM gatAnAm || 10\.9\.7||
govindasyAnvayasaraNito dAsabhUtA itIme
pratyudgachChatyanaghamakuTe svasvadeshe.amaraughe |
uchchaiH dIvyad\-dhvajavaraNavat gopuraM chAbhiyAtAH
vaikuNThaM shrIsubhagavapuSho mAdhavasya praveShTum || 10\.9\.8||
vaikuNThe.asminnamaranivahA gopurasthAH praviShTe
vaikuNThIyAH pravishata padaM svAmino ! no.asmadIyam |
vaikuNThasthA dadhati munayassUrayo vismayaM \ldq{}shrI \-
vaikuNThAptiH prakR^itijanuShAM bhAgya\rdq{}mevetyapUrvam || 10\.9\.9||
asmadbhAgyAt paramamavishanteti sadvedavedyAH
svIye sthAne kramamajahataH kShAlayAmAsura~Nghrim |
shrImachchUrNaM nidhimapi ghaTaM tIrthapUrNaM pradIpaM
pUrNendvAsyAssurayuvatayo.abhyetya dadhuH karAgre || 10\.9\.10||
(dramiDopaniShattAtparyaratnAvalI shlokaH)
svAmitvAt shrIshanArAyaNa iti yashasA vikramAdviShTapAnAM
shrImatvAchchakravatvAt jalanidhishayanAchchApi govindabhAvAt |
vaikuNThasvAmibhAvAdapi cha nijajanAnarchirAdyAkhyagatyA
svaM lokaM prApayechChrIpatiriti kathayAM shrIshaThArirbabhUva || 10\.9\.11||
(pratibimbalaharIshlokaH)
tasmin pratyudgatavati maNishrImahAmaNDape saM\-
vAsaprAptau niravadhimahAnandadAsaissahaiva |
sphAyatguchChopavanakurukAsachChaThadviTsahastre
ChandorUpe tviha tu dashakAbhyAsinassyurmunIndrAH ||
(iti dashamashatake navamaM dashakam)
\section{|| atha dashamashatake dashamaM dashakam ||}
pratibimbalaharIvR^ittaM \- shArdUlavikrIDitaM
etaddashakapratipAdyaguNavisheShaH \- mokShadatvaM muktabhogyatva~ncha
          || sa~NgatimaNimAlA ||
            (vasantatilakA)
agnyAdimArga iti sapraNayaM svayAtrAM
kR^itvA pade.atha parame vasatiM samAdhau |
dR^iShTvA.atha vichyutimavApya tato.atikhinnaH
taM mokShadaM nuvati muktajanAbhibhogyam ||
sR^iShTyarthaM manane sthitAsthitachaturvaktra ! triNetropakR^it !
madbimbAdharanIlanUtanamaNe! padmAkSha ! madva~nchaka ! |
pUrNaprANa ! mamaikakasya shiraso.apyuchchairupetya sthitaM
sammanye.ahamito na gantumapi mA kArShIssvamAyAM mayi || 10\.10\.1||
mA mA va~nchaya mAlayeva bhavato vakShasthayA pUrNayA
saurabhyAvaharamyakuntalabhR^itA lakShmyA tvayA.ahaM shape |
tvaM tvA snehamR^ite ghR^iNAM mama tavApyaikyena chAtmApR^ithak\-
bhAvAda~NgyakaroH kilaitya bata! mAmAhUya cha svIkuru || 10\.10\.2||
AdR^ityAshritapadmabhUshivasurendrAdyAkhilAnAM purA
bIjaM nAbhisarojakanda paramasthAnAM cha tattAdR^isham |
ekAlambanayaShTimAtmaviShaye jAne na cha tvAM vino\-
peto me kShatanIlaratna ! bata! mAmAhUya cha svIkuru || 10\.10\.3||
UrdhvasthojjvalashItalaprakR^ititanmadhyasthavaryaH tvame\-
vAho! khojvalatejasi tvamiha san brahmA harastvaM saha |
utkR^iShTairamarairanAdisakalasraShTA munistvaM sa me
bhAre vodvR^itayA vichintya kimu mAM saMsArachAre.akShipaH || 10\.10\.4||
tvatto mAM tvamapohya chintayasi chet gantuM bahistarhyahaM
kaM vA.ashritya kimatra hanta kimahaM vAchyaM madIyaM cha kim |
shAntyai tapyadayassupItajalavat shlAghyAtmanA.a.atR^ipti mAM\-
pAtuM me pibato.apyatR^iptijanakApUrvAmR^itIbhUta! me || 10\.10\.5||
svakShmAbhAdatasIdyute.abjanayana ! shrIraktabibAdhara !
tvadyogyAtmavapurguNAbjanilayastrIpremavan! sneha ! me |
bhR^itvA.atR^iptikarAmR^itaM mama mama prANAn svamapyAntaraM
bhuktvA tR^iptiyuto.anvabhUssthiramito.apyachChedato bhu~NkShva mAm || 10\.10\.6||
saundaryojvalapa~NkajoditavadhUsnehAdhikasneha ! me
pArshvasthendukalAdvayotthitamahAnIlAchalashrIjuShA |
svAminnekalasadvarAhavapuShA daMShTrA gR^ihItakShama !
tvAM labdhvA.api kathaM tyajAni mathitAnIlArNavetaH paraM ? || 10\.10\.7||
tvAM labdhvA kimiti tyajeyamasamaM prANaM mahAntaM mama
shliShTAtma dvividhaM cha karma phalabhuk chAtmA phalaM tachcha san |
kR^itsnaitattrijaganmahAgahanarUpyetat praviShTashcha san
kR^itsnaM vyApya cha lInavan! jagadupAdAnapradhAnaika ! me || 10\.10\.8||
kR^itsnaitattrijagatprabhR^ityakhilavastvekAdyupAdAnamA\-
dyekaM tvA.asadR^ishaM kadA savidhatastvAmeva bhokShyAmyaham |
tatrA.atrAsama ! kR^itsna ! sarvaga ! mahAmUlaprakR^ityAkR^ite !
mUlAtulya! samastagA.a.atata vishan udyannanantApyaho ! || 10\.10\.9||
sarvArthasthatatAdhaUrdhvagamahAnantaprakR^ityAkR^ite!
tadvyApyA.api tato mahochchavikasatsadj~nAnamuktAkR^ite ! |
tadvyApyA.api tato mahojjvalitamatyAnandadivyAkR^ite !
tadvayApyA.api tato.atishAyimadabhIShTAvAptaye mA.avR^iNoH || 10\.10\.10||
(dramiDopaniShattAtparyaratnAvalI shlokAH)
brahmeshAntaHpraveshAt jalanidhisutayA sanniroddhavyabhAvAt
divyashrIvigrahatvAt akhilatanutayA.atR^iptapIyUShabhAvAt |
padmAbandhutvabhUmyuddharaNakaraNataH puNyapApeshitR^itvAt
mukterdAtA.anubhAvyo haririti shaThajiddarshayan muktimApa ||
evaM svAnAM gatiM vyadhvajaduritaharAsthAnasha~NkArharAgaM
suprApaM bhaktibhAjAM bahuvidhabhajanaprakriyaM shrIshaThAriH |
tIvrodyogaM svadAne svajanatanukR^itAtyAdaraM prAha chAnte
svechChAtuShTaM sukhArchirmukhasaraNimukhaM mokShadaM muktabhogyam || 10\.10\.11||
\section{|| nigamanam ||}
itthaM sevyaM subhogyaM shubhasubhagatanuM sarvabhogyaprakR^iShThaM
shreyastaddhetubhUtaM prapadanasulabhaM svAshritAniShTajiShNum |
bhaktachChandAnuraktaM nirupadhisuhR^idaM satpadavyAM sahAyaM
shrIshaM prAha svasiddheH svayamiha karaNaM svaprabandhe shaThAriH || 1||
Adye svIyaprabandhe shaThajidabhidadhe saMsR^iterdussahatvaM
dvaitIyIke svarUpAdyakhilamatha hareranvabhUt spaShTadR^iShTam |
tArtIyake svakIyAM bhagavadanubhave sphorayAmAsa tIvrAM
AshAM turye yatheShTaM bhagavadanubhAvAdApa muktiM shaThAriH || 2||
shrImAn sImAtila~NghisthiratarakaruNaH sarvavit sarvashaktiH
svAmI sarvasya jantoH svacharaNayugaLasvIkR^itAsmAkabhAraH |
kiM naH kR^ityaM svahetoH kimiha na sulabhaM kA vipattirbhavitrI
kasyAnyasyAdhamarNA vayamiti viduShAmAha tu~Ngatvamante || 3||
shAstre dehAtiriktAtmani tadadhipatau tatprasAdAdyupAye
tasmAnniHshreyasAptau tadapacharaNato.anantatApAbhighAte |
tadbhaktAnAM prabhAve tadupasadanataH svAntakAluShyashAntau
sAraM vedyaM svavede sakalamakathayat sAnukampaH shaThAriH || 4||
itthaM satsampradAyakramasamadhigatAsheShavarNArheveda\-
shraddhAshuddhAshayAnAmaghaTayadanaghaM kautukaM ve~NkaTeshaH |
saMyaktve tasya sAkShAt shaTharipurathavA sarvasAkShI sa sAkShI
sAvadyatve.api soDhuM prabhavati bhajatAmaprakampyAnukampaH || 5||
shokaH shlokatvamabhyAgata itivadataH shuddhabodhArNavodya\-
nnAnAkallolanAthAnubhavarasaparIvAhataH shrAvyavedAt |
vedAntAchAryakashrIbahumatabahuvidve~NkaTeshoddhR^iteyaM
ramyA tAtparyaratnAvaliranaghaguNA ra~njanI ra~NgabhartuH || 6||
(pratibimbalaharI shlokaH)
AkrushyAjaharAkR^itiM harimiha prahvAnamautkaNThyasaM\-
shAntyai muktasamutkatAstakurukArAjachChaThArIritam |
antAdyuktamidaM sahasramiti sampUrNaM mahotkaNThayA
tvantAdyutkadashoditA adhigatA jAtA ihaivottamAH ||
(iti dashamashatake dashamaM dashakam)
|| iti dashamashatakaM samAptam ||
|| iti shrIpratibimbalaharI sampUrNA ||
|| shrImate ve~NkaTasheShAryamahAdeshikAya namaH ||
|| shrImate rAmAnujAya namaH
|| shrImate ve~NkaTasheShAryamahAdeshikAya namaH ||

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}