Brysonieth
Brysonieth yw studhyans an brys yn unn yssynsi happyansow war ha diswar, omglewansow ha fara y'ga mysk. Testen akademek pur vras yw hag a dreus an emlow yntra an godhoniethow naturel ha sosyel. Brysoniethoryon a assay konvedhes an teythi sordek a ympynnyon, ha hemm a gevren an desten dhe newroskiens. Avel godhonieth sosyel, i a assay konvedhes an fara a unigyon ha bagasow.
Brysoniethoryon a wra hwithrans war warneth, attendyans, amovyans, poll, prevyansow sojetus, movyans, gweythres an ympynnyon ha personoleth. Bernyow brysoniethoryon a ystynn dhe keskowethyansow kespersonel, stoutneth brysoniethel, stoutneth an teylu hag rannow erel yn brysonieth kowethasek.
Kyn fe godhvos brysoniethel gweythys war an assayans ha dyghtyans a gudynnow yeghes brysel, usys yw ynwedh rag konvedhes hag assoylya kudynnow yn nebes rannow a wrians denel. Brysonieth a assay ri prow dhe gowethas. Lies brysoniethor yw yn neb eghen a rol therapewtek yn leow medhegvael, kussulya po skol. Brysoniethoryon erel a wra hwithrans godhoniethek ow tochya efander ledan a destennow kevrennys orth fara hag argerdhow brysel. Dre vras, an diwettha bagas a vrysoniethoryon a ober yn leow akademek (r.e., pennskolyow, skolyow medhogyon, klavjiow). Bagas aral a vrysoniethoryon yw arvethys yn leow diwysyansek hag a restrans. Re erel a wra ober ow tochya displegyans denel, kothheans, sportys, yeghes, forensyk, ha'n media.
Yma'n erthygel ma owth usya an Furv Skrifys Savonek a-barth Kernowek kres.
 |
Onan a'n kans erthygel posekka war Wikipedya yw an erthygel ma. |