Selandia

Este é un artigo sobre unha illa dinamarquesa. Para a provincia dos Países Baixos, consulte Zelandia

Selandia^{[Cómpre referencia]} (Sjælland en dinamarqués) é a illa máis grande de Dinamarca con 7.031 km². Está situada entre o estreito de Kattegat (ao norte) e o mar Báltico (ao sur), separada da rexión sueca de Escania polo estreito de Sund (ao leste) e de Fionia polo Gran Belt (ao oeste). É a illa máis grande (agás Groenlandia) e a illa máis populosa de Dinamarca cunha poboación de 2.267.659 habitantes (39% do total de Dinamarca en xaneiro de 2016).

Selandia
Instancia de illa  Parte de Dinamarca  Epónimo Foca
Localización  País Dinamarca  Bañado por mar Báltico  OpenStreetMap  Mapas  Coordenadas 55°34′N 11°53′L
Cifras e dimensións  Poboación    2.302.074  Anchura    116 km  Lonxitude    132 km  Superficie    7.031,3 km²
Fontes e ligazóns OpenStreetMap 5175856 VIAF 142960715 Freebase /m/0cvzl  Descrito pola fonte Dicionario Enciclopédico Brockhaus e Efron  Tema: Q24414450 Encyclopædia Britannica  Tema: 1911 Encyclopædia Britannica/Zealand (en) Meyers Konversations-Lexikon, 4ª edición (1885–1890)  Tema: Q115207047 The Nuttall Encyclopædia Meyer’s Universum, Zehnter Band (en)  Tema: Die Roeskilder Cathedrale in Dänemark (en)
Wikidata C:Commons

É a illa número 96 do mundo por superficie e a 35ª máis populosa. Está conectado con Fionia pola Ponte do Gran Belt, a Lolland, Falster (e Alemaña a partir de 2028) pola Ponte Storstrøm e as Pontes Farø. Selandia tamén está vinculada a Amager por cinco pontes. Selandoa está unida indirectamente, a través de illas intermedias por unha serie de pontes e túneles, ao sur de Suecia.

Copenhague, a capital de Dinamarca, atópase en parte na costa oriental de selandia e en parte na illa de Amager. Outras cidades en Selandia son Roskilde, Hillerød, Næstved e Helsingør. A illa non está unida historicamente á nación do Pacífico de Nova Zelandia, que se chama así pola provincia holandesa de Zelandia.

Orixes mitolóxicos

Gefion talla Selandia desde Suecia.

Na mitoloxía nórdica como se contou na historia de Gylfaginning, a illa foi creada pola deusa Gefjun despois de engar a Gylfi, o rei de Suecia. Sacou un pedazo de terra e transportouno a Dinamarca, que se converteu en Selandia. A superficie vacante encheuse de auga e converteuse en Mälaren. Con todo, como os mapas modernos mostran unha similitude entre Selandia e o lago sueco de Vänern, ás veces identifícase como o buraco deixado por Gefjun.

Xeografía

Selandia é a illa máis populosa de Dinamarca (a poboación en 2012 se estimaba en 2 491 090 de persoas; o 1 de xaneiro de 2025 era de 2 648 167). Ten forma irregular, posúe un relevo chan, accidentado por outeiros morrénicos e costas recortadas, está ao norte das illas de Lolland, Falster, e Møn. A pequena illa de Amager atópase xusto ao leste.

A capital de Dinamarca, Copenhague, está parcialmente situada na costa leste de Selandia e parcialmente na illa de Amager (parte do Øresund). Unha serie de pontes e o Metro de Copenhague conectan Selandia con Amager, que está conectada a Scania en Suecia pola ponte de Øresund a través da illa artificial de Peberholm. Selandia únese no oeste a Fionia, pola ponte da Gran Belt, e Fionia conéctase mediante pontes á parte continental do país, Xutlandia. Outras cidades na illa son Roskilde e Elsinor.

O 5 de xuño de 2007, a filial rexional da emisora nacional DR, informou que Kobanke no sueste preto da cidade Rønnede no concello de Faxe, cunha altura de 122´9 m., era o punto natural máis alto de Selandia. Gyldenløveshøj, ao sur da cidade Roskilde, ten unha altura de 126 m., pero iso débese a un outeiro feito polo home desde o século XVII. O punto natural máis alto ten só 121´3 m..

Selandia dá o seu nome á era Selandiana do Paleoceno.

O nome orixínase nas grandes poboacións de focas (en danés sæl) nas costas da illa.

Véxase tamén

Outros artigos

• Copenhague
• Castelo de Frederiksborg